| ມອບເຂົ້າສານ ແລະ ເຄື່ອງໃຊ້ທີ່ຈຳເປັນໃຫ້ແກ່ປະຊາຊົນລາວຢູ່ບ້ານຕ່າງໆ ຂອງ ແຂວງ ສາລະວັນ ແລະ ແຂວງ ເຊກອງ | |
| ປະທານປະເທດ ຢ້ຽມຢາມ ແລະ ເຮັດວຽກຢູ່ສູນເຂດຮ້ອນ ຫວຽດນາມ - ລັດເຊຍ |
 |
| ທ່ານເລຂາທິການໃຫຍ່ ຫງວຽນຟູ໋ຈ້ອງ ຢ້ຽມຢາມ ແລະ ອວຍພອນບຸນເຕັດ ຢູ່ ແຂວງ ບັກນິງ. ພາບ: TTXVN |
ຕາງໜ້າການນໍາພັກ, ລັດ, ທ່ານເລຂາທິການໃຫຍ່ ຫງວຽນຟູ໋ຈ້ອງ ໄດ້ສະແດງຄວາມຊົມເຊີຍ, ອວຍພອນ ແລະ ຍ້ອງຍໍຄວາມມານະພະຍາຍາມ ແລະ ບັນດາໝາກຜົນອັນໃຫຍ່ຫຼວງທີ່ຄະນະພັກ, ອໍານາດການປົກຄອງ ແລະ ປະຊາຊົນແຂວງ ບັກນິງ ບັນລຸໄດ້ໃນ25 ປີຜ່ານມາ.
ດ້ວຍຮີດຄອງປະເພນີອັນສະຫງ່າງາມຂອງດິນແດນທີ່ມີອາລະຍະທຳ, ອຸດົມສົມບູນໄປດ້ວຍມູນເຊື້ອການປະຕິວັດ ແລະ ວິລະຊົນ; ດ້ວຍບັນດາຜົນງານອັນໃຫຍ່ຫຼວງທີ່ບັນລຸໄດ້, ພ້ອມກັບເຈດຈຳນົງບຸກບຶນ ພັດທະນາ ແລະ ຄວາມຕັດສິນໃຈໃໝ່, ບັນຍາກາດ ແລະ ຈິດໃຈໃໝ່, ທ່ານເລຂາທິການໃຫຍ່ ຫງວຽນຟູ໋ຈ້ອງ ເຊື່ອໝັ້ນວ່າ ຄະນະພັກ, ອໍານາດການປົກຄອງ ແລະ ປະຊາຊົນແຂວງ ບັກນິງ ຈະສາມັກຄີ, ຮ່ວມຈິດຮ່ວມໃຈ, ສືບຕໍ່ຍູ້ແຮງພາລະກິດແຫ່ງການປ່ຽນແປງໃໝ່ຢ່າງຮອບດ້ານ, ປະຕິບັດຢ່າງມີໄຊ ແລະ ລື່ນກາຍຄາດໝາຍ, ໜ້າທີ່ວຽກງານທີ່ກອງປະຊຸມໃຫຍ່ອົງຄະນະພັກແຂວງຄັ້ງທີ XX ວາງອອກ, ກໍ່ສ້າງແຂວງ ບັກນິງ ໃຫ້ນັບມື້ນັບພັດທະນາແບບຍືນຍົງ, ຕາມທິດອາລະຍະທຳ, ຊົນຊາດ ແລະ ທັນສະໄໝ.
ເນື່ອງໃນໂອກາດບຸນເຕັດປະຈໍາຊາດປີ 2022 ທີ່ຈະມາເຖິງ, ທ່ານເລຂາທິການໃຫຍ່ ຫງວຽນຟູ໋ຈ້ອງ ໄດ້ອວຍພອນໃຫ້ຄະນະພັກ, ອໍານາດການປົກຄອງ ແລະ ປະຊາຊົນແຂວງ ບັກນິງ ນັບມື້ນັບມີຄວາມກ້າວໜ້າ ແລະ ປະສົບຜົນສຳເລັດຫລາຍຢ່າງໃໝ່, ຍິ່ງໃຫຍ່ກວ່າເກົ່າ; ບ້ານເກີດເມືອງນອນແຂວງບັກນິງ ນັບມື້ນັບຂະຫຍາຍຕົວ, ຮັງມີ ແລະ ສວຍງາມກວ່າເກົ່າອີກ.
ໄຊພອນ
