 | ທ່ານ ເຈີ່ນເຟຶອກເຊີນ ໄດ້ຮັບຫຼຽນໄຊອິດສະຫຼະ ຊັ້ນ III ຂອງລາວ |
| ທ່ານລັດຖະມົນຕີກະຊວງການຕ່າງປະເທດ ຫວຽດນາມ ບຸຍແທ໋ງເຊີນ ເຂົ້າຮ່ວມ IPMF ຄັ້ງທີ 3, AEMM ຄັ້ງທີ 24, ຢ້ຽມຢາມ ແລະ ເຮັດວຽກທີ່ ແບຣນຊິກ |
ກອງປະຊຸມໄດ້ປຶກສາຫາລື ແລະ ປະກອບຄຳເຫັນກ່ຽວກັບບັນດາໜ້າທີ່ຈຸດສຸມຂອງສະມາຄົມໃນໄລຍະຈະມາເຖິງ. ຕາມນັ້ນແລ້ວ, ສູນກາງສະມາຄົມມິດຕະພາບ ລາວ - ຫວຽດນາມ ຈະສືບຕໍ່ສົມທົບກັບສູນກາງສະມາຄົມມິດຕະພາບ ຫວຽດນາມ - ລາວ ໃນການປະຕິບັດວຽກງານການທູດປະຊາຊົນ ໄປຄຽງຄູ່ກັບການເຄື່ອນໄຫວທາງການທູດຜ່ານບັນດາຊ່ອງທາງຂອງພັກ ແລະ ລັດ. ພ້ອມກັນນັ້ນ, ກໍ່ສົມທົບກັນຢ່າງແໜ້ນແຟ້ນກັບສູນກາງສະມາຄົມມິດຕະພາບ ຫວຽດນາມ - ລາວ ເພື່ອຈັດຕັ້ງບັນດາການເຄື່ອນໄຫວສະເຫຼີມສະຫຼອງບັນດາວັນບຸນທີ່ສຳຄັນຂອງສອງປະເທດ, ເຊັ່ນ: ສະເຫຼີມສະຫຼອງ 65 ປີແຫ່ງວັນສ້າງຕັ້ງການພົວພັນທາງການທູດລະຫວ່າງ ລາວ - ຫວຽດນາມ ແລະ 50 ປີແຫ່ງວັນລົງນາມໃນສົນທິສັນຍາມິດຕະພາບ ແລະ ການຮ່ວມມື ລາວ - ຫວຽດນາມ.
 |
| ຄະນະຜູ້ແທນສະມາຄົມມິດຕະພາບ ຫວຽດນາມ - ລາວ ໄດ້ຖ່າຍຮູບທີ່ລະນຶກກັບບັນດາຜູ້ແທນທີ່ເຂົ້າຮ່ວມກອງປະຊຸມ. |
ສູນກາງສະມາຄົມມິດຕະພາບ ລາວ - ຫວຽດນາມ ກໍ່ຈະສືບຕໍ່ໂຄສະນາເຜີຍແຜ່, ສຶກສາໃຫ້ປະຊາຊົນ, ໂດຍສະເພາະແມ່ນລຸ້ນໜຸ່ມໃຫ້ເຂົ້າໃຈຢ່າງຈະແຈ້ງ ແລະ ເລິກເຊິ່ງກ່ຽວກັບສາຍພົວພັນແບບພິເສດທີ່ຫາຍາກໃນປະຫວັດສາດການພົວພັນສາກົນລະຫວ່າງປະຊາຊົນສອງປະເທດ ລາວ - ຫວຽດນາມ. ໂດຍຜ່ານນັ້ນ, ລຸ້ນໜຸ່ມກໍ່ຈະສືບຕໍ່ມູນເຊື້ອທີ່ເປັນປະຫວັດສາດ, ອະນຸລັກຮັກສາ, ເສີມສ້າງ ແລະ ພັດທະນາສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງສອງພັກ, ສອງລັດ ແລະ ປະຊາຊົນສອງປະເທດໃຫ້ນັບມື້ນັບເຂົ້າສູ່ລວງເລິກ, ມີປະສິດທິຜົນ ແລະ ນຳມາເຊິ່ງຜົນປະໂຫຍດຕົວຈິງກວ່າໃຫ້ແກ່ປະຊາຊົນສອງປະເທດ.
ກ່າວຄຳປາໄສທີ່ກອງປະຊຸມ, ທ່ານ ຫງວຽນດັກວິງ ໄດ້ຊົມເຊີຍການພັດທະນາຢ່າງບໍ່ຢຸດຢັ້ງຂອງສະມາຄົມມິດຕະພາບ ລາວ - ຫວຽດນາມ ແລະ ບັນດາໝາກຜົນທີ່ສະມາຄົມມິດຕະພາບ ລາວ - ຫວຽດນາມ ບັນລຸໄດ້ໃນໄລຍະຜ່ານມາ. ພ້ອມກັນນັ້ນ, ກໍ່ສະແດງຄວາມຂອບໃຈຕໍ່ການສະໜັບສະໜູນ ແລະ ສົມທົບກັນຢ່າງແໜ້ນແຟ້ນຂອງສະມາຄົມມິດຕະພາບ ລາວ - ຫວຽດນາມ ສຳລັບບັນດາການເຄື່ອນໄຫວຂອງສະມາຄົມມິດຕະພາບ ຫວຽດນາມ - ລາວ.
ທ່ານໃຫ້ຮູ້ວ່າ: ສາຍພົວພັນສາມັກຄີແບບພິເສດລະຫວ່າງສອງປະເທດ ແລະ ປະຊາຊົນສອງປະເທດ ຫວຽດນາມ - ລາວ ໄດ້ຮັບການສ້າງຕັ້ງຂຶ້ນໂດຍປະທານ ໂຮ່ຈີມິນ, ປະທານ ໄກສອນ ພົມວິຫານ, ປະທານ ສຸພານຸວົງ ແລະ ໄດ້ຮັບການເສີມສ້າງຈາກບັນດາການນຳຂອງພັກ, ລັດ ແລະ ປະຊາຊົນສອງປະເທດ; ໄດ້ຜ່ານຜ່າສິ່ງທ້າທາຍອັນໜັກໜ່ວງຫຼາຍຢ່າງ, ພັດທະນາຮອບດ້ານຢ່າງບໍ່ຢຸດຢັ້ງ ແລະ ເລິກເຊິ່ງກວ້າງຂວາງ, ກາຍເປັນຊັບສິນລວມອັນລ້ຳຄ່າຂອງປະຊາຊົນສອງປະເທດ. ໃນໄລຍະແຫ່ງການພັດທະນາໃໝ່, ການພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ຫວຽດນາມ - ລາວ ນັບມື້ນັບມີຄວາມໝາຍ ແລະ ສຳຄັນກວ່າອີກ.
ຕໍ່ກັບຄວາມໄວ້ເນື້ອເຊື່ອໃຈ ແລະ ຄວາມມຸ່ງຫວັງຂອງສອງພັກ ແລະ ລັດ, ທ່ານ ຫງວຽນດັກວິງ ປາດຖະໜາວ່າ 2 ສະມາຄົມຈະສືບຕໍ່ສົມທົບກັນຢ່າງແໜ້ນແຟ້ນ, ຊຸກຍູ້ ແລະ ເພີ່ມທະວີຄວາມເຂົ້າອົກເຂົ້າໃຈລະຫວ່າງປະຊາຊົນສອງປະເທດ ຫວຽດນາມ - ລາວ, ປັບປຸງ ແລະ ພັດທະນາສາຍພົວພັນມິດຕະພາບອັນຍິ່ງໃຫຍ່; ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງສອງປະເທດ, ເພື່ອການພັດທະນາທີ່ຈະເລີນຮຸ່ງເຮືອງຂອງສອງປະເທດ, ປະກອບສ່ວນຢ່າງຕັ້ງໜ້າເຂົ້າໃນຄວາມສັນຕິພາບ, ສະຖຽນລະພາບ, ການຮ່ວມມື ແລະ ການພັດທະນາຢູ່ພາກພື້ນ ແລະ ໃນໂລກ.
ເນື່ອງໃນໂອກາດນີ້, ສູນກາງສະມາຄົມມິດຕະພາບ ຫວຽດນາມ - ລາວ ແລະ ລາວ - ຫວຽດນາມ ໄດ້ສົມທົບກັນຈັດຕັ້ງການພົບປະກັບບັນດາວິສາຫະກິດຂອງ 2 ປະເທດ ເພື່ອແລກປ່ຽນກ່ຽວກັບບັນດາຄວາມຫຍຸ້ງຍາກ ແລະ ສິ່ງກີດຂວາງທີ່ວິສາຫະກິດຂອງສອງປະເທດປະສົບກັບໃນຂະບວນການຮ່ວມມືລົງທຶນຢູ່ແຕ່ລະປະເທດ. ຈາກນັ້ນ, ກໍ່ຈະເປັນພື້ນຖານເພື່ອໃຫ້ສອງສະມາຄົມເປັນເສນາທິການການນຳຂັ້ນສູງຂອງສອງປະເທດຊອກຫາວິທີແກ້ໄຂບັນຫາ, ສ້າງເງື່ອນໄຂເພື່ອຊ່ວຍໃຫ້ວິສາຫະກິດຂອງສອງປະເທດເພີ່ມທະວີການຮ່ວມມືດ້ານການລົງທຶນເຂົ້າໃນແຕ່ລະປະເທດ, ປະກອບສ່ວນພັດທະນາເສດຖະກິດ - ສັງຄົມຢູ່ແຕ່ລະປະເທດ.
 |
| ທ່ານປະທານສູນກາງສະມາຄົມມິດຕະພາບ ຫວຽດນາມ - ລາວ ຫງວຽນດັກວິງ ໄດ້ມອບຫຼຽນໄຊມິດຕະພາບແຫ່ງລັດ ຫວຽດນາມ ໃຫ້ບັນດາສະມາຊິກຂອງສູນກາງສະມາຄົມມິດຕະພາບ ລາວ - ຫວຽດນາມ. |
ໃນວັນດຽວກັນ, ໂດຍໄດ້ຮັບການມອບສິດຈາກການນຳພັກ ແລະ ລັດ ຫວຽດນາມ, ທ່ານປະທານສູນກາງສະມາຄົມມິດຕະພາບ ຫວຽດນາມ - ລາວ ຫງວຽນດັກວິງ ໄດ້ປະດັບຫຼຽນໄຊມິດຕະພາບແຫ່ງລັດ ຫວຽດນາມ ໃຫ້ 11 ສະຫາຍທີ່ເປັນສະມາຊິກຂອງສູນກາງສະມາຄົມມິດຕະພາບ ລາວ - ຫວຽດນາມ. ນີ້ແມ່ນການຍ້ອງຍໍຊົມເຊີຍເພື່ອແນໃສ່ຮັບຮູ້ການປະກອບສ່ວນຢ່າງຕັ້ງໜ້າຂອງບັນດາບຸກຄົນໃນວຽກງານການທູດປະຊາຊົນລະຫວ່າງ ຫວຽດນາມ - ລາວ, ປະກອບສ່ວນຊຸກຍູ້ການພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ຫວຽດນາມ - ລາວ ໃນໄລຍະທີ່ຜ່ານມາ.
 | ບັນດາການເຄື່ອນໄຫວໃນລາຍການພົບປະແລກປ່ຽນມິດຕະພາບປ້ອງກັນຊາດເຂດຊາຍແດນ ຫວຽດນາມ - ລາວ - ກຳປູເຈຍ ຄັ້ງທີ 1 ຍສໝ - ວັນທີ 5 ທັນວາ, ໂດຍໄດ້ຮັບການມອບສິດຈາກກະຊວງປ້ອງກັນປະເທດ, ຄະນະປະຕິບັດງານກອງບັນຊາການທະຫານຊາຍແດນ, ກະຊວງປ້ອງກັນປະເທດ ຫວຽດນາມ ນຳໂດຍທ່ານພົນຈັດຕະວາ ຮວ່າງຮື໊ວຈ໊ຽນ, ຮອງຜູ້ບັນຊາການ, ຫົວໜ້າເສນາທິການທະຫານຊາຍແດນ ໄດ້ເຂົ້າຮ່ວມພິທີມອບ-ຮັບຄ້າຍທະຫານຊາຍແດນໃຫ້ກອງຮ້ອຍທະຫານຊາຍແດນ 541, ກອງບັນຊາການທະຫານແຂວງ ອັດຕະປື (ລາວ)... |
 | ກອງປະຊຸມປຶກສາຫາລືລະດັບລັດຖະມົນຕີການຕ່າງປະເທດ ຫວຽດນາມ - ລາວ ຄັ້ງທີ 10 ຍສໝ - ປະຕິບັດສັນຍາຮ່ວມມືລະຫວ່າງສອງກະຊວງການຕ່າງປະເທດ, ໂດຍໄດ້ຮັບຄຳເຊີນຂອງທ່ານລັດຖະມົນຕີການຕ່າງປະເທດ ບຸ່ຍແທງເຊີນ, ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດລາວ ສະເຫຼີມໄຊ ກົມມະສິດ ໄດ້ມາຢ້ຽມຢາມ ຫວຽດນາມ ແລະ ເປັນປະທານຮ່ວມກອງປະຊຸມປຶກສາຫາລືການທູດ ຫວຽດນາມ - ລາວ ຄັ້ງທີ 10 ແຕ່ວັນທີ 21 - ວັນທີ 23 ພະຈິກ 2023. |
ມິງດຶກ
