ກ່າວຄຳປາໄສທີ່ພິທີ, ທ່ານ ເຫຼັກໄຫຼ ສີວິໄລ, ເລຂາພັກແຂວງ, ເຈົ້າແຂວງໆເຊກອງ (ລາວ) ໄດ້ຢືນຢັນວ່າ ຄວາມຮັກແພງ, ຄວາມສົນໃຈໃນການຮ່ວມມື, ໜູນຊ່ວຍ, ຊ່ວຍເຫຼືອຂອງນະຄອນ ດານັງ ສຳລັບບັນດາແຂວງພາກໃຕ້, ພາກກາງຂອງລາວ, ໃນນັ້ນມີແຂວງ ເຊກອງ ໃນຊຸມປີມໍ່ໆມານີ້ ເເມ່ນລ້ຳຄ່າທີ່ສຸດ, ປະກອບສ່ວນສຳຄັນເຂົ້າໃນການພັດທະນາ, ປ່ຽນແປງໃໝ່ຂອງບັນດາທ້ອງຖິ່ນ.
 |
| ທ່ານ ເຫຼັກໄຫຼ ສີວິໄລ, ເລຂາພັກແຂວງ, ເຈົ້າແຂວງໆ ເຊກອງ (ຂວາ) ໄດ້ປະດັບຫຼຽນໄຊອິດສະຫຼະ ຊັ້ນ III ໃຫ້ ທ່ານ ເຈີ່ນເຟຶອກເຊີນ, ຮອງປະທານຜູ້ປະຈຳສະພາປະຊາຊົນນະຄອນ ດານັງ (ຊ້າຍ). (ພາບ: danang.gov.vn) |
ຕາມທ່ານ ເຫຼັກໄຫຼ ສີວິໄລ ແລ້ວ, ນະຄອນ ດານັງ ໄດ້ມີການໜູນຊ່ວຍ, ປະກອບສ່ວນຫຼາຍຢ່າງໃຫ້ແຂວງເຊກອງ ໃນການພັດທະນາເສດຖະກິດ - ສັງຄົມ, ພິເສດແມ່ນໃນບັນດາຂົງເຂດຄື: ການທ່ອງທ່ຽວ, ການຄ້າ, ກໍ່ສ້າງພື້ນຖານໂຄງລ່າງ, ບຳລຸງສ້າງຊັບພະຍາກອນມະນຸດ... ແຂວງເຊກອງ ມີຄວາມເຄົາລົບນັບຖືຢ່າງສູງຕໍ່ບັນດາການໜູນຊ່ວຍອັນລ້ຳຄ່ານີ້, ຍາມໃດກໍມານະພະຍາຍາມເສີມຂະຫຍາຍ, ພັດທະນາ, ສືບຕໍ່ລົງການຮ່ວມມືລະຫວ່າງ 2 ທ້ອງຖິ່ນຢ່າງເລິກເຊິ່ງກ່ວາອີກ.
ໂດຍສະແດງຄວາມປິຕິຊົມຊື່ນ ແລະ ເປັນກຽດທີ່ໄດ້ຮັບຫຼຽນໄຊອິດສະຫຼະ ຊັ້ນ III ຂອງລັດແຫ່ງສາທາລະນະລັດ ປະຊາທິປະໄຕ ປະຊາຊົນລາວ ມອບໃຫ້, ທ່ານ ເຈີ່ນເຟຶອກເຊີນ, ຮອງປະທານຜູ້ປະຈຳສະພາປະຊາຊົນນະຄອນ ດານັງ ເນັ້ນໜັກວ່າ ການພົວພັນມິດຕະພາບ ແລະ ການຮ່ວມມືລະຫວ່າງ ຫວຽດນາມ ແລະ ລາວ ມີສາຍພົວພັນທີ່ເປັນມູນເຊື້ອແບບພິເສດ, ແມ່ນສາຍພົວພັນທີ່ສັດຊື່ບໍລິສຸດ, ໃສແຈ້ງ, ເຄົາລົບນັບຖື ແລະ ສະໜັບສະໜູນເຊິ່ງກັນ ແລະ ກັນຜ່ານຫຼາຍໄລຍະ.
ຕາມທ່ານ ເຊີນ ແລ້ວ, ພັກ, ລັດ ແລະ ປະຊາຊົນ ຫວຽດນາມ ເວົ້າລວມ, ຄະນະພັກ, ອຳນາດການປົກຄອງ ແລະ ປະຊາຊົນນະຄອນ ດານັງ ເວົ້າສະເພາະ ຍາມໃດກໍ່ຖືເປັນສຳຄັນ ແລະ ເພີ່ມພູນຄູນສ້າງນ້ຳໃຈສາຍພົວພັນມິດຕະພາບທີ່ເປັນມູນເຊື້ອແບບພິເສດ, ຍິ່ງໃຫຍ່ລະຫວ່າງ ຫວຽດນາມ - ລາວ, ສາຍພົວພັນມິດຕະພາບ, ການຮ່ວມມືຢ່າງມີປະສິດທິຜົນລະຫວ່າງນະຄອນ ດານັງ ກັບບັນດາແຂວງພາກໃຕ້, ພາກກາງຂອງລາວ, ໃນນັ້ນມີແຂວງ ເຊກອງ. ພິເສດ, ນະຄອນ ດານັງ ຍາມໃດກໍ່ເຄົາລົບ, ຕີລາຄາສູງຄວາມເອົາໃຈໃສ່ການສົມທົບກັນຂອງຄະນະພັກ, ອຳນາດການປົກຄອງແຂວງເຊກອງ ໃນການຜັນຂະຫຍາຍບັນດາໂຄງການໜູນຊ່ວຍ, ແລກປ່ຽນ, ຮ່ວມມືລະຫວ່າງ 2 ທ້ອງຖິ່ນໃນໄລຍະມໍ່ໆມານີ້.
“ການທີ່ໄດ້ຮັບຫຼຽນໄຊອິດສະຫຼະ ຊັ້ນ III ຂອງລັດແຫ່ງສາທາລະນະລັດ ປະຊາທິປະໄຕ ປະຊາຊົນລາວ ແມ່ນຄວາມພາກພູມໃຈ, ກຳລັງໃຈອັນໃຫຍ່ຫຼວງຢ່າງແທ້ຈິງສຳລັບຂ້າພະເຈົ້າ. ໃນຖານະຂອງຕົນ, ຂ້າພະເຈົ້າໃຫ້ຄຳໝັ້ນສັນຍາຈະສືບຕໍ່ມານະພະຍາຍາມຮ່ວມມືກັບເພື່ອນລາວ ເພື່ອປົກປັກຮັກສາຄວາມສາມັກຄີທີ່ສະໜິດແໜ້ນ, ພິເສດ ແລະ ສືບຕໍ່ຊຸກຍູ້ການພົວພັນຮ່ວມມືລະຫວ່າງສອງປະເທດ ຫວຽດນາມ - ລາວ, ພ້ອມທັງລະຫວ່າງນະຄອນ ດານັງ ແລະ ບັນດາທ້ອງຖິ່ນຂອງລາວ ໃຫ້ນັບມື້ນັບພັດທະນາຢ່າງຮອບດ້ານ, ຍືນຍົງ”, ທ່ານ ເຈີ່ນເຟຶອກເຊີນ, ຮອງປະທານຜູ້ປະຈຳສະພາປະຊາຊົນນະຄອນ ດານັງ ແບ່ງປັນ.
 | ບຸນເຕັດພື້ນເມືອງບຸນປີໃໝ່ ແລະ Chol Chnam Thmay ໄດ້ຮັບການຈັດຕັ້ງຢູ່ຫຼາຍແຂວງ, ນະຄອນຢູ່ ຫວຽດນາມ ຍສໝ - ເດືອນເມສາ, ເນື່ອງໃນໂອກາດບຸນເຕັດພື້ນເມືອງ (ລາວ) ແລະ Chol Chnam Thmay (ກຳປູເຈຍ), ມີຫຼາຍຫຼາຍການພົບປະແລກປ່ຽນ, ພົບປະກັບນັກສຶກສາ ລາວ ແລະ ກຳປູເຈຍ ໄດເດຳເນີນຢູ່ບັນດາແຂວງ ໄທງວຽນ, ດົ່ງນາຍ, ແທງຮວ໋າ. ການເຄື່ອນໄຫວປະກອບສ່ວນເຂົ້າໃນການເພີ່ມທະວີການພົບປະແລກປ່ຽນ, ການຕິດພັນ, ຄວາມສາມັກຄີ ແລະ ມິດຕະພາບລະຫວ່າງ 3 ... |
 | ດາໜັງ ໄດ້ຮັບເງິນກ່ວາ 2,7 ຕື້ດົ່ງ ເພື່ອໜູນຊ່ວຍບັນດາວິສາຫະກິດຂະໜາດກາງ ແລະ ນ້ອຍ ໂດຍອົງການ Catalyste+ ອຸປະຖຳ ຍສໝ - ຄະນະກຳມະການປະຊາຊົນນະຄອນ ດາໜັງ ຫາກໍ່ໄດ້ອອກມະຕິເລກທີ 615/QD-UBND ລົງວັນທີ 28 ມີນາ 2024 ເພື່ອຮັບກ່ວາ 2,7 ຕື້ດົ່ງຈາກລາຍການໜູນຊ່ວຍກໍ່ສ້າງກຳລັງຄວາມສາມາດໃຫ້ແກ່ວິສາຫະກິດຂະໜາດກາງ ແລະ ນ້ອຍ ໄລຍະ 2024-2026 ໂດຍອົງການຈັດຕັ້ງ Catalyste+ ອຸປະຖຳ. |
ມິງດຶກ
