ເຂົ້າຮ່ວມກອງປະຊຸມມີບັນດາກຳມະການຄະນະປະທານ, ຜູ້ຕາງໜ້າຄະນະຈັດຕັ້ງສູນກາງ, ຄະນະກຳມະການພາຍໃນສູນກາງ ແລະ ກະຊວງພາຍໃນ.
![]() |
ທ່ານປະທານສະຫະພັນບັນດາອົງການມິດຕະພາບ ຫວຽດນາມ ຟານແອ່ງເຊີນ ກ່າວຄຳປາໄສທີ່ກອງປະຊຸມ. |
ກ່າວຄຳປາໄສທີ່ກອງປະຊຸມ, ທ່ານປະທານສະຫະພັນບັນດາອົງການມິດຕະພາບ ຫວຽດນາມ ຟານແອ່ງເຊີນ ໃຫ້ຮູ້ວ່າ ກອງປະຊຸມໄດ້ສຸມໃສ່ປຶກສາຫາລື 4 ເນື້ອໃນສຳຄັນຄື: ການໃຫ້ຢຸດດຳລົງຕຳແໜ່ງ, ເລືອກຕັ້ງກຳມະການຄະນະປະທານເພີ່ມເຕີມ; ລາຍງານຜົນການເຄື່ອນໄຫວວຽກງານ 6 ເດືອນຕົ້ນປີ, ສຸມໃສ່ວຽກງານ 6 ເດືອນທ້າຍ ປີ 2024; ລາຍງານການກະກຽມໃຫ້ແກ່ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ VII; ລາຍງານກ່ຽວກັບຂັ້ນຕອນບູລະນະການນຳຂອງສະຫະພັນບັນດາອົງການມິດຕະພາບ ຫວຽດນາມ.
ບັນດາກຳມະການຄະນະປະທານໄດ້ຕີລາຄາວ່າ: ໃນ 6 ເດືອນຕົ້ນປີ, ສະຫະພັນບັນດາອົງການມິດຕະພາບ ຫວຽດນາມ ໄດ້ປະຕິບັດຕິດແທດກັບຈຸດສຸມຂອງປີ, ເປັນເຈົ້າການໃນການຜັນຂະຫຍາຍຫຼາຍການເຄື່ອນໄຫວທີ່ສຳຄັນ, ມີການປ່ຽນແປງໃໝ່ ແລະ ມີຫົວຄິດປະດິດສ້າງຫຼາຍຢ່າງ, ພ້ອມກັນນັ້ນ ກໍ່ໄດ້ໃຫ້ຄຳເຫັນ ແລະ ຂໍ້ສະເໜີຫຼາຍຢ່າງ ເພື່ອກະກຽມໃຫ້ແກ່ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ VII, ປະກອບສ່ວນຍົກສູງປະສິດທິຜົນການພົວພັນທາງການທູດປະຊາຊົນໃນໄລຍະຈະມາເຖິງ, ເຊັ່ນ: ເນັ້ນໜັກເຖິງບົດບາດຫຼັກແຫຼ່ງຂອງສະຫະພັນໃນວຽກງານການທູດປະຊາຊົນໃນຫົວຂໍ້ຂອງກອງປະຊຸມໃຫຍ່ຄັ້ງທີ VII; ສົມທົບກັບບັນດາກະຊວງ, ຄະນະ, ຂະແໜງການທີ່ກ່ຽວຂ້ອງ ເພື່ອເສີມສ້າງແຫຼ່ງກຳລັງໃຫ້ແກ່ການເຄື່ອນໄຫວຂອງສະຫະພັນ; ສ້າງຕັ້ງກຸ່ມມິດຕະພາບທ້ອງຖິ່ນໂດຍການນຳພາ, ບໍລິຫານໂດຍກົງຂອງສະຫະພັນທ້ອງຖິ່ນ; ເພິ່ມທະວີຮັດແໜ້ນການເຊື່ອມຕໍ່ລະຫວ່າງສະມາຄົມສູນກາງກັບສະມາຄົມທ້ອງຖິ່ນ...
![]() |
ບັນດາຜູ້ແທນເຂົ້າຮ່ວມກອງປະຊຸມຄະນະປະທານຄັ້ງທີ X, ຊຸດທີ VI, ໄລຍະ 2019-2024. |
ທີ່ກອງປະຊຸມ, 100% ຂອງກຳມະການຄະນະປະທານໄດ້ລົງຄະແນນສຽງຮັບຮອງເອົາບົດລາຍງານການໃຫ້ຢຸດດຳລົງຕຳແໜ່ງ ແລະ ການເລືອກຕັ້ງກຳມະການຄະນະປະທານເພີ່ມເຕີມ; ລາຍງານຜົນການເຄື່ອນໄຫວວຽກງານ 6 ເດືອນຕົ້ນປີ, ສຸມໃສ່ວຽກງານ 6 ເດືອນທ້າຍ ປີ 2024; ລາຍງານການກະກຽມໃຫ້ແກ່ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ VII; ລາຍງານກ່ຽວກັບຂັ້ນຕອນບູລະນະການນຳຂອງສະຫະພັນບັນດາອົງການມິດຕະພາບ ຫວຽດນາມ.
![]() | ພົນເອກ ຫວໍ ງວຽນ ຢາບ ຜ່ານການຍອມຮັບຂອງນາຍພົນຝ່າຍຕາເວັນຕົກ ຍສໝ - ດ້ວຍການປະກອບສ່ວນ ແລະ ໄຊຊະນະໃນປະຫວັດສາດແຫ່ງການຕໍ່ສູ້ປົດປ່ອຍຊົນເຜົ່າ, ເອກະພາບປະເທດຊາດ, ທ່ານພົນເອກ, ຜູ້ບັນຊາການ ຫວໍ ງວຽນ ຢາບ ບໍ່ພຽງແຕ່ໄດ້ຮັບຄວາມຮັກແພງ ແລະ ຄວາມຊົມເຊີຍ ຈາກປະຊາຊົນໃນທົ່ວປະເທດ ແລະ ເພື່ອນມິດສາກົນເທົ່ານັ້ນ ແຕ່ຍັງໄດ້ເປັນທີ່ຍອມຮັບຈາກຫຼາຍນາຍພົນຝ່າຍກົງກັນຂ້າມ. ນັ້ນແມ່ນສິ່ງທີ່ຫາຍາກ. |
![]() | ກອງປະຊຸມຄັ້ງທີ 8 ຂອງກຸ່ມປະຕິບັດງານອາຊຽນ ກ່ຽວກັບທາດເຄມີ ແລະ ສິ່ງເສດເຫຼືອ ຈະດຳເນີນແຕ່ວັນທີ 5-7 ກໍລະກົດ ຍສໝ - ຕາມຂໍ້ມູນຂອງກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ຫວຽດນາມ ແລ້ວ, ໃນຂອບເຂດການເຄື່ອນໄຫວຮ່ວມມືກັບອາຊຽນ ກ່ຽວກັບສິ່ງແວດລ້ອມໃນປີ 2023, ກອງປະຊຸມຄັ້ງທີ 8 ຂອງກຸ່ມປະຕິບັດງານອາຊຽນ ກ່ຽວກັບທາດເຄມີ ແລະ ສິ່ງເສດເຫຼືອ (AWGCW-8) ທີ່ຫວຽດນາມເປັນເຈົ້າພາບ ຈະຈັດຂຶ້ນໃນວັນທີ ວັນທີ 5-7 ກໍລະກົດ 2023 ທີ່ຮ່າໂນ້ຍ. |
ມິງດຶກ