| ກອງປະຊຸມຄັ້ງທີ 8 ຂອງກຸ່ມປະຕິບັດງານອາຊຽນ ກ່ຽວກັບທາດເຄມີ ແລະ ສິ່ງເສດເຫຼືອ ຈະດຳເນີນແຕ່ວັນທີ 5-7 ກໍລະກົດ | |
| ກອງປະຊຸມຄັ້ງທີ 28 ຄະນະປະຕິບັດງານພິເສດລັດຖະບານ ຫວຽດນາມ ແລະ ຄະນະປະຕິບັດງານພິເສດລັດຖະບານ ລາວ |
ທ່ານປະທານສະພາແຫ່ງຊາດ ຫວຽດນາມ ເຫວືອງດິງເຫ້ວ ໃຫ້ຮູ້ວ່າ ກອງປະຊຸມປະຈຳເດືອນກຸມພານີ້ ຈະພິຈາລະນາ, ໃຫ້ຄຳເຫັນ ແລະ ກຳນົດກ່ຽວກັບ 5 ເນື້ອໃນ. ຕາມນັ້ນແລ້ວ, ຄະນະປະຈຳສະພາແຫ່ງຊາດ ຈະປະກອບຄຳເຫັນກ່ຽວກັບການອະພິປາຍ, ຮັບເອົາ, ດັດປັບຮ່າງກົດໝາຍວ່າດ້ວຍການສຳເນົາເອກະສານ (ສະບັບປັບປຸງ) . ນີ້ແມ່ນໜຶ່ງໃນ 9 ຮ່າງກົດໝາຍ ທີ່ໄດ້ຮັບການປະກອບຄຳເຫັນຈາກສະພາແຫ່ງຊາດໃນກອງປະຊຸມຄັ້ງທີ 6 ແລະ ຄາດວ່າ ຈະໄດ້ຮັບການພິຈາລະນາຮັບຮອງໃນກອງປະຊຸມຄັ້ງທີ 7 (ພຶດສະພາ 2024). ທ່ານປະທານສະພາແຫ່ງຊາດ ຊີ້ແຈ້ງວ່າ, ພາຍຫຼັງກອງປະຊຸມຄັ້ງທີ 6, ອົງການທີ່ເປັນປະທານຮຽບຮຽງ ແລະ ອົງການເປັນປະທານກວດກາສືບສວນ ໄດ້ສົມທົບກັນຢ່າງແໜ້ນແຟ້ນ, ດັດປັບຮ່າງກົດໝາຍວ່າດ້ວຍການສຳເນົາເອກະສານ (ສະບັບປັບປຸງ) ຢ່າງລະອຽດລະອໍ.
"ໃນກອງປະຊຸມມື້ນີ້ ໄດ້ສະເໜີໃຫ້ຄະນະປະຈຳ, ບັນດາສະຫາຍທີ່ສຸມໃສ່ໃຫ້ຄຳເຫັນກ່ຽວກັບບາງບັນຫາທີ່ສໍາຄັນທີ່ສຸດຂອງກົດຫມາຍ. ພິເສດ ແມ່ນບັນດາການກຳນົດກ່ຽວກັບການປະຕິບັດການແບ່ງຊັ້ນຂັ້ນ, ການແບ່ງສິດອຳນາດທີ່ເຂັ້ມງວດໃນການເຄື່ອນໄຫວວຽກງານສຳເນົາເອກະສານ ແຕ່ຍັງຮັບປະກັນລັກສະນະສຸມໃສ່ເປັນເອກະພາບ ແລະ ບັນຫາແບ່ງປັນການເຊື່ອມຕໍ່ຂໍ້ມູນທີ່ກ່ຽວຂ້ອງກັບຂົງເຂດນີ້”, ທ່ານປະທານສະພາແຫ່ງຊາດ ໃຫ້ຮູ້.
 |
| ທ່ານປະທານສະພາແຫ່ງຊາດ ຫວຽດນາມ ເຫວືອງດິງເຫ້ວ ກ່າວຄຳປາໄສທີ່ກອງປະຊຸມ |
ຕາມທ່ານປະທານສະພາແຫ່ງຊາດແລ້ວ, ມີຫຼາຍຂະແໜງ, ຫຼາຍຂັ້ນ, ມີບັນດາຂົງເຂດສະເພາະຄື: ການທູດ, ຕຳຫຼວດ, ກອງທັບ… ມີການແບ່ງຊັ້ນຂັ້ນ, ການແບ່ງອຳນາດຢ່າງເຂັ້ມງວດ ແຕ່ຍັງຕ້ອງຮັບປະກັນລັກສະນະຄຸ້ມຄອງ ແລະ ເປັນເອກະພາບ. ນອກຈາກນັ້ນ, ບັນຫາຂອງການສະໜອງຂໍ້ມູນ, ເຊື່ອມຕໍ່, ແບ່ງປັນຂໍ້ມູນແນວໃດໃນຂົງເຂດສຳເນົາເອກະສານ ແມ່ນບັນຫາທີ່ສໍາຄັນທີ່ສຸດ. ພິເສດ, ຕາມທ່ານປະທານສະພາແຫ່ງຊາດແລ້ວ ແມ່ນຕ້ອງຍູ້ແຮງ, ເສີມຂະຫຍາຍບັນດາຄຸນຄ່າຂອງເອກະສານສຳເນົາ. ການສຳເນົາບໍ່ພຽງແຕ່ເພື່ອສຳເນົາ, ສຳເນົາແມ່ນມີເປົ້າໝາຍ, ມີມູນຄ່າເພີ່ມໃນເວລາທີ່ສຳເນົາເອກະສານ.
ເນື້ອໃນທີ 2 ແມ່ນຄະນະປະຈຳສະພາແຫ່ງຊາດ ຈະປະກອບຄຳເຫັນເທື່ອທຳອິດສຳລັບຮ່າງກົດໝາຍວ່າດ້ວຍການປັບປຸງ, ເພີ່ມເຕີມບາງມາດຕາຂອງກົດໝາຍວ່າດ້ວຍການອາລັກຂາ. ນີ້ແມ່ນຮ່າງກົດໝາຍ ທີ່ໄດ້ຮັບຮອງໃນປີ 2017 ໂດຍສະພາແຫ່ງຊາດແຕ່ຕ້ອງການການປັບປຸງ, ເພີ່ມເຕີມຢ່າງຮີບດ່ວນ ເພື່ອຫັນເປັນກົດບັນຍັດມະຕິກອງປະຊຸມໃຫຍ່ທົ່ວປະເທດຄັ້ງທີ 13 ຂອງພັກ. ຕາມທ່ານປະທານສະພາແຫ່ງຊາດແລ້ວ, ດ້ວຍວຽກງານກະກຽມມາຮອດປະຈຸບັນ, ຄະນະກຳມະການປະຈຳສະພາແຫ່ງຊາດ ກໍຍັງໄດ້ພິຈາລະນາ, ປະກອບຄຳເຫັນກ່ຽວກັບຄວາມອາດສາມາດຍື່ນຕໍ່ສະພາແຫ່ງຊາດພິຈາລະນາຮັບຮອງເອົາໃນກອງປະຊຸມ.
ຄະນະປະຈຳສະພາແຫ່ງຊາດ ຈະພິຈາລະນາຂໍ້ສະເໜີຂອງອົງການໄອຍະການປະຊາຊົນສູງສຸດ ກ່ຽວກັບການມອບເພີ່ມເຕີມຈຳນວນພະນັກງານໄອຍະກອນຂອງອົງການໄອຍະການປະຊາຊົນ. ຄະນະປະຈຳສະພາແຫ່ງຊາດ ພິຈາລະນາລາຍງານວຽກງານຂໍຄວາມເປັນທຳຂອງປະຊາຊົນ ຂອງສະພາແຫ່ງຊາດ ເດືອນ ມັງກອນ 2024 (ໃນນັ້ນ ມີວຽກງານຂໍຄວາມເປັນທຳຂອງປະຊາຊົນໃນເດືອນ ທັນວາ 2023). ກອງປະຊຸມ ກໍ່ຈະປະກອບຄຳເຫັນສະຫລຸບກອງປະຊຸມວິສາມັນຄັ້ງທີ 5, ສະພາແຫ່ງຊາດຊຸດທີ XV; ໃນນັ້ນ ຈະຕີລາຄາຄວາມໝາຍ, ຄວາມສຳຄັນຂອງກອງປະຊຸມ ເມື່ອໄດ້ມີການຮັບຮອງເອົາລັດຖະນະໂຍບາຍທີ່ສຳຄັນ, ພິເສດ ແມ່ນກົດໝາຍວ່າດ້ວຍທີ່ດິນ (ສະບັບປັບປຸງ), ກົດໝາຍວ່າດ້ວຍບັນດາອົງການສິນເຊື່ອ (ສະບັບປັບປຸງ).
ໂດຍເນັ້ນໜັກເຖິງເວລາສັ້ນ, ຫຼາຍປະລິມານວຽກງານ, ທ່ານປະທານສະພາແຫ່ງຊາດ ໃຫຮູ້ວ່າ ຄາດວ່າກອງປະຊຸມຄັ້ງທີ 7 ຂອງສະພາແຫ່ງຊາດມານີ້ ຈະພິຈາລະນາ, ໄດ້ຮັບຮອງເອົາຮ່າງກົດໝາຍ 9 ຮ່າງ, ບາງຮ່າງມະຕິ ແລະ ປະກອບຄຳເຫັນຄັ້ງທຳອິດ ພ້ອມກັບປະມານຮ່າງກົດໝາຍອື່ນ 12 ຮ່າງ
"ຈຳນວນຮ່າງກົດໝາຍ ທີ່ໄດ້ຮັບຮອງເອົາ, ປະກອບຄຳເຫັນທີ່ກອງປະຊຸມຄັ້ງນີ້ ຈະແມ່ນໃຫຍ່ທີ່ສຸດນັບແຕ່ຕົ້ນສະໄໝມາຮອດປະຈຸບັນ", ທ່ານປະທານສະພາແຫ່ງຊາດ ກ່າວ ແລະ ໃຫ້ຮູ້ວ່າ ທ່ານນາຍົກລັດຖະມົນຕີ ໄດ້ລົງນາມໃນເອກະສານມອບໝາຍຄວາມຮັບຜິດຊອບໃຫ້ບັນດາອົງການ, ອົງການຈັດຕັ້ງ, ບຸກຄົນທີ່ກ່ຽວຂ້ອງກ່ຽວກັບເນື້ອໃນທັງຫມົດທີ່ກ່ຽວຂ້ອງກັບກອງປະຊຸມຄັ້ງທີ 7.
ມິງດຶກ
