ກອງປະຊຸມຄັ້ງທີ 8 ຂອງກຸ່ມປະຕິບັດງານອາຊຽນ ກ່ຽວກັບທາດເຄມີ ແລະ ສິ່ງເສດເຫຼືອ ຈະດຳເນີນແຕ່ວັນທີ 5-7 ກໍລະກົດ

00:00 | 04/08/2023

ຍສໝ - ຕາມຂໍ້ມູນຂອງກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ຫວຽດນາມ ແລ້ວ, ໃນຂອບເຂດການເຄື່ອນໄຫວຮ່ວມມືກັບອາຊຽນ ກ່ຽວກັບສິ່ງແວດລ້ອມໃນປີ 2023, ກອງປະຊຸມຄັ້ງທີ 8 ຂອງກຸ່ມປະຕິບັດງານອາຊຽນ ກ່ຽວກັບທາດເຄມີ ແລະ ສິ່ງເສດເຫຼືອ (AWGCW-8) ທີ່ຫວຽດນາມເປັນເຈົ້າພາບ ຈະຈັດຂຶ້ນໃນວັນທີ ວັນທີ 5-7 ກໍລະກົດ 2023 ທີ່ຮ່າໂນ້ຍ.

	ນະຄອນໂຮ່ຈີມິນ ຊຸກຍູ້ການຮ່ວມມື ກັບຄູ່ຮ່ວມມືອິນເດຍ ໃນການບຳບັດຂີ້ເຫຍື້ອ ແລະ ສິ່ງເສດເຫຼືອຕົວເມືອງ
	ພິທີ ມອບ-ຮັບ ສິ່ງເສດເຫຼືອຂອງທະຫານອາເມຣິກາ ທີ່ຫາຍສາບສູນໃນປາງສົງຄາມຢູ່ລາວ

ກອງປະຊຸມ AWGCW-8 ຈັດໂດຍກະຊວງຊັບພະຍາກອນ ແລະ ສິ່ງແວດລ້ອມ ຫວຽດນາມ (ຜູ້ປະສານຂອງອົງການບັນດາເຈົ້າໜ້າຂັ້ນສູງອາຊຽນ ກ່ຽວກັບສິ່ງແວດລ້ອມຫວຽດນາມ - ASOEN ຫວຽດນາມ) ແລະ ຄະນະເລຂາທິການອາຊຽນ.

ກອງປະຊຸມຄັ້ງທີ 8 ຂອງກຸ່ມປະຕິບັດງານອາຊຽນ ກ່ຽວກັບທາດເຄມີ ແລະ ສິ່ງເສດເຫຼືອ ຈະດຳເນີນແຕ່ວັນທີ 5-7 ກໍລະກົດ

ໃນຖານະເປັນຫົວໜ່ວຍປະສານຂອງ ASOEN ຫວຽດນາມ, ກະຊວງຊັບພະຍາກອນ ແລະ ສິ່ງແວດລ້ອມ ຫວຽດນາມ ຈະເປັນປະທານຈັດຕັ້ງການພົບປະແລກປ່ຽນ ແລະ ປຶກສາຫາລື 4 ເນື້ອໃນ ຄື: ການເພີ່ມທະວີກຳລັງຄວາມສາມາດ ແລະ ແລກປ່ຽນຂໍ້ມູນຂ່າວສານກ່ຽວກັບເຕັກໂນໂລຢີ ແລະ ການປະຕິບັດຕົວຈິງໃຫ້ເປັນຢ່າງດີທີ່ສຸດ; ຜັນຂະຫຍາຍບັນດາເນື້ອໃນຂອງຖະແຫຼງການຮ່ວມອາຊຽນ ກ່ຽວກັບທາດເຄມີ ແລະ ສິ່ງເສດເຫຼືອ ທີ່ກອງປະຊຸມຂອງບັນດາປະເທດສະມາຊິກສົນທິສັນຍາ Basel, Rotterdam ແລະ Stockholm ເຂົ້າຮ່ວມ; ຟື້ນຟູບັນດາເຂດທີ່ເປັນມົນລະພິດຍ້ອນສານເຄມີ ແລະ ສິ່ງເສດເຫຼືອທີ່ເປັນອັນຕະລາຍ; ອັບເດດບັນດາໜາກຜົນທີ່ກ່ຽວຂ້ອງເຖິງສົນທິສັນຍາ Stockholm ກ່ຽວກັບມົນລະພິດທາດອົງຄະທາດທີ່ລະລາຍຍາກ (POPs) ໃນກອງປະຊຸມຂອງບັນດາປະເທດສະມາຊິກສົນທິສັນຍາ Basel, Rotterdam ແລະ Stockholm ປີ 2022, 2023.

ຄຳຮຸ່ງ