| ບໍາລຸງຄວາມຮູ້, ວິຊາສະເພາະ ແລະ ທັກສະວິຊາຊີບໃຫ້ແກ່ຖັນແຖວຜູ້ເຮັດວຽກການທູດປະຊາຊົນ ນະຄອນຫຼວງ | |
| ບຳລຸງສ້າງສຳມະນາກອນທະຫານລາວ ແລະກຳປູເຈຍ ປະກອບສ່ວນສ້າງຊາຍແດນແຫ່ງສັນຕິພາບ, ມິດຕະພາບ, ການຮ່ວມມື ແລະພັດທະນາ |
ຊຸດອົບຮົມໄດ້ດຳເນີນໄປເປັນເວລາ 7 ວັນ (ແຕ່ວັນທີ 1-7 ກໍລະກົດ 2024), ສອນໂດຍອາຈານ 2 ທ່ານ ຈາກມະຫາວິທະຍາໄລສ້າງຄູ ຮ່າໂນ້ຍ ແລະ ໄດ້ດຶງດູດການເຂົ້າຮຽນເກືອບ 40 ຄົນ ເຊິ່ງປະຈຸບັນແມ່ນຄູສອນພາສາຫວຽດນາມ ຢູ່ບັນດາໂຮງຮຽນແຕ່ລະຂັ້ນທີ່ຂື້ນກັບລະບົບການສຶກສາຂອງໄຕ້ຫວັນ.
ກ່າວຄຳເຫັນໃນພິທີເປີດຊຸດຮຽນ, ທ່ານ ຫວູຕຽນຢຸງ, ຫົວໜ້າຫ້ອງການເສດຖະກິດ ແລະ ວັດທະນະທຳຫວຽດນາມ ປະຈຳ ໄທເປ ໃຫ້ຮູ້ວ່າ: ໃນຊຸມປີຜ່ານມານີ້, ລັດຖະບານ ແລະ ບັນດາຂະແໜງການທີ່ກ່ຽວຂ້ອງຂອງຫວຽດນາມ ໄດ້ມີຫຼາຍການເຄື່ອນໄຫວຊຸກຍູ້ພາສາຫວຽດ ໃນປະຊາຄົມຊາວຫວຽດນາມ ຢູ່ຕ່າງປະເທດ ແນໃສ່ເພີ່ມທະວີຄວາມຮັບຮູ້ດ້ານພາສາ ແລະ ວັດທະນະທຳຂອງຊາດໃຫ້ແກ່ຊາວຫວຽດນາມຢູ່ຕ່າງປະເທດໃນທົ່ວໂລກ ແລະ ບັນດາເພື່ອນມິດສາກົນໃຫ້ເລິກເຂິ່ງກວ່າອີກ; ເຜີຍແຜ່ຢ່າງແຮງ ໃນຄວາມຮັກພາສາຫວຽດນາມ ເຊິ່ງໄດ້ປະກອບສ່ວນປົກປັກຮັກສາ ແລະ ເຊີດຊູເອກະລັກວັດທະນະທຳ, ຮີດຄອງປະເພນີຂອງຊາດ ແລະ ເຊື່ອມໂຍງເຂົ້າກັບປະຊາຄົມຊາວຫວຽດນາມ.
 |
| ສະມາຊິກເຂົ້າຮ່ວມຊຸດຝຶກອົບຮົມ. |
ທ່ານຫວັງວ່າ ຊຸດຝຶກອົບຮົມການສອນພາສາຫວຽດນາມ ແລະ ປຶ້ມພາສາຫວຽດນາມ ເກືອບ 500 ຫົວທີ່ໄດ້ມອບຈາກຫວຽດນາມ ໃນຄັ້ງນີ້ ຈະປະກອບສ່ວນຊຸກຍູ້ການເຄື່ອນໄຫວສິດສອນພາສາຫວຽດນາມ ໃນປະຊາຄົມຊາວຫວຽດນາມ ຢູ່ໄຕ້ຫວັນ ຕື່ມອີກ; ເຜີຍແຜ່ບັນດາຈຸດຄວາມງາມ ແລະ ເພີ່ມທະວີຄວາມຊອກຮູ້ເຂົ້າໃຈຂອງປະຊາຄົມຊາວຫວຽດນາມ ແລະ ເພື່ອນມິດໄຕ້ຫວັນກ່ຽວກັບພາສາ ແລະ ວັດທະນະທຳ ຫວຽດນາມ; ພ້ອມກັນນັ້ນ, ກໍ່ສືບຕໍ່ຊຸກຍູ້ການແລກປ່ຽນວັດທະນະທຳ ລະຫວ່າງປະຊາຊົນຫວຽດນາມ ແລະ ໄຕ້ຫວັນ.
 |
| ສະມາຊິກເຂົ້າຮ່ວມຊຸດຝຶກອົບຮົມ. |
ເຂົ້າຮ່ວມພິທີເປີດ ແລະ ຮັບປຶ້ມທີ່ມອບໃຫ້, ທ່ານ ເຈືອງທ້ຽນຈິ້ງ, ເຈົ້າຄອງນະຄອນຕ້າວຢວນ ຢືນຢັນວ່າ ນະຄອນ ຍາມໃດກໍ່ຫວັງຢາກສ້າງສະພາບແວດລ້ອມວັດທະນະທຳ ແລະ ການອ່ານທີ່ເປັນມິດໃຫ້ແກ່ປະຊາຄົມຊາວ ຫວຽດນາມ, ພິເສດແມ່ນລຸ້ນໜຸ່ມຢູ່ທີ່ນີ້.
 |
| ທ່ານ ຫວູຕຽນຢຸງ ແລະ ທ່ານ ເຈືອງທ້ຽນຈິ້ງ, ເຈົ້າຄອງນະຄອນຕ້າວຢວນ ເປີດຕົວຕູ້ປຶ້ມຫວຽດນາມ. |
ທ່ານຫວັງວ່າລຸ້ນໜຸ່ມໃນບັນດາຄອບຄົວນາໆວັດທະນະທຳຈະເຂົ້າໃຈ ແລະ ອະນຸລັກຮັກສາມູນເຊື້ອ ແລະ ວັດທະນະທໍາ, ພາສາຫວຽດນາມ, ກາຍເປັນຂົວຕໍ່ຊຸກຍູ້ການຮ່ວມມືລະຫວ່າງ ຫວຽດນາມ ແລະ ໄຕ້ຫວັນ.
ຊຸດອົບຮົມໄດ້ດຶງດູດການເຂົ້າຮ່ວມຂອງຄູອາຈານທີ່ສອນພາສາຫວຽດນາມ ເກືອບ 40 ຄົນຢູ່ໄຕ້ຫວັນ
ໃນບັນຍາກາດອັນຟົດຟື້ນຂອງຊຸດອົບຮົມ, ຕອນບ່າຍວັນທີ 3 ກໍລະກົດ ໄດ້ມີການປຶກສາຫາລືກ່ຽວກັບ “ສະພາບການສິດສອນ ແລະ ຮຽນພາສາຫວຽດນາມ ໃນປະຈຸບັນຂອງເດັກນ້ອຍຫວຽດນາມ ຢູ່ໄຕ້ຫວັນ”.
 | ນັກຮຽນ ຫວຽດນາມ ຢູ່ອາເມລິກາ ຂົວເຊື່ອມຕໍ່ສຳຄັນລະຫວ່າງປະຊາຊົນ ຫວຽດນາມ - ອາເມລິກາ |
| ວັດຫວຽດນາມຢູ່ຕ່າງປະເທດ: ບ່ອນອີງທາງດ້ານຈິດໃຈຂອງຊາວຫວຽດນາມອາໄສຢູ່ຕ່າງປະເທດ |
ຊ ສະຫວັດ
