 | ຄະນະການຕິດຕໍ່ມິດຕະພາບທີ່ເປັນມູນເຊື້ອຫວຽດນາມ - ລາວ: ສືບຕໍ່ເສີມຂະຫຍາຍບົດບາດຂອງການທູດປະຊາຊົນ, ເພີ່ມທະວີຄວາມສາມັກຄີຂອງສອງປະເທດ |
| ປະຊາຊົນ - ນັກການທູດຂອງນ້ຳໃຈມິດຕະພາບ |
ທ່ານ ຫງຽນນາມຮາຍ, ຮອງປະທານ HAUFO ໄດ້ມີຄຳເຫັນທີ່ກອງປະຊຸມວ່າ: ໃນຮອບຫຼາຍກວ່າ 35 ປີ ນັບແຕ່ຂະບວນການວິວັດແຫ່ງການປ່ຽນແປງໃໝ່ຂອງປະເທດຊາດ, ຍຸດທະສາດທີ່ສະຫຼາດສ່ອງໃສ, ຖືກຕ້ອງໃນວຽກງານການຕ່າງປະເທດໄດ້ປະກອບສ່ວນສຳຄັນເຂົ້າໃນການຮັກສາສະພາບແວດລ້ອມແຫ່ງສັນຕິພາບ, ສະຖຽນລະພາບ, ມີຄວາມສະດວກໃນຂະບວນການວິວັດແຫ່ງການປ່ຽນແປງໃໝ່, ປົກປັກຮັກສາເອກະລາດ, ອໍານາດອະທິປະໄຕ, ເປັນເອກະພາບ ແລະ ຜືນແຜ່ນດິນອັນຄົບຖ້ວນຢ່າງແໜ້ນແກ່ນ. ພ້ອມກັນນັ້ນ, ກໍ່ປະກອບສ່ວນປັບປຸງ ຍົກສູງທີ່ຕັ້ງບົດບາດ ແລະ ຄວາມໄວ້ເນື້ອເຊື່ອໃຈຂອງຫວຽດນາມ ໃນເວທີສາກົນ.
ຕາມຮອງປະທານ HAUFO ແລ້ວ, ການທູດປະຊາຊົນແມ່ນໜຶ່ງໃນບັນດາຫົວຄິດປະດິດສ້າງທີ່ເປັນເອກະລັກສະເພາະຂອງການປະຕິວັດຫວຽດນາມ. ການເຊື່ອມຊືມແນວຄິດທາງດ້ານການທູດຂອງປະທານໂຮ່ຈິມິນ ຢ່າງເລິກເຊິ່ງ ແລະ ທັດສະນະຂອງພັກ ກ່ຽວການທູດປະຊາຊົນ ແມ່ນປັດໄຈທີ່ມີຄວາມໝາຍຕັດສິນ, ເຊິ່ງເປັນບົດຮຽນສຳຄັນທີ່ສຸດທີ່ຖອດຖອນໄດ້ຈາກການປະຕິບັດຕົວຈິງຂອງການປະຕິວັດ ຫວຽດນາມ ແລະ ການເຄື່ອນໄຫວວຽງານການທູດປະຊາຊົນ ໃນຕຫຼອດໄລຍະປະຫວັດສາດຂອງທົ່ວປະເທດ.
 |
| ບັນດາຜູ້ແທນເຂົ້າຮ່ວມກອງປະຊຸມ. (ພາບ: ດິງຮົ່ວ) |
ທ່ານ ຮາຍ ສະແດງຄວາມເຊື່ອໝັ້ນຕໍ່ບັນດາເນື້ອໃນຂອງກອງປະຊຸມຈະປະກອບສ່ວນບຳລຸງຄວາມຮູ້, ຄວາມອາດສາມາດ, ວິຊາສະເພາະ, ທັກສະວິຊາຊີບ ໃຫ້ແກ່ຖັນແຖວຜູ້ເຮັດວຽກການທູດປະຊາຊົນ ນະຄອນຫຼວງ. ຜ່ານນັ້ນ ກໍ່ຊ່ວຍໃຫ້ HAUFO, ບັນດາສະມາຄົມມິດຕະພາບ, ອົງການຈັດຕັ້ງສະມາຊິກ, ບັນດາພະນັກງານຊາວໜຸ່ມປະຕິບັດໜ້າທີ່ວຽກງານການທູດປະຊາຊົນ ທີ່ໄດ້ຮັບມອບໝາຍຈາກ ຄະນະກຳມະການພັກ, ຄະນະກໍາມະການປະຊາຊົນນະຄອນ ຢ່າງມີປະສິດທິຜົນ. ພ້ອມກັນນັ້ນ ກໍ່ມີການປະກອບສ່ວນເຂົ້າໃນການພັດທະນານະຄອນ ຮ່າໂນ້ຍ ຢ່າງແທດຈິງ, ພ້ອມກັບປະເທດຊາດເຊື່ອມໂຍງເຂົ້າກັບສາກົນ, ດ້ວຍທ່ວງທ່າ ແລະ ກໍາລັງແຮງໃໝ່, ພາລະບົດບາດ, ທີ່ຕັ້ງ, ຄວາມໄວ້ເນື້ອເຊື່ອໃຈສາກົນຂອງຫວຽດນາມ ນັບມື້ນັບໄດ້ຮັບການຍົກສູງຂຶ້ນ.
 |
ທ່ານ ດົ່ງຮຸຍເກືອງ, ຫົວໜ້າຄະນະຈັດຕັ້ງ-ພະນັກງານ, ຫົວໜ້າສະຖາບັນການຄົ້ນຄວ້າສາກົນ ແລະ ການທູດປະຊາຊົນ, ສະຫະພັນບັນດາອົງການຈັດຕັ້ງມິດຕະພາບຫວຽດນາມ ໄດ້ແລກປ່ຽນຂໍ້ມູນກ່ຽວກັບເນື້ອໃນຕ່າງໆທີ່ກອງປະຊຸມດັ່ງນີ້: ແນວທາງການຕ່າງປະເທດຂອງພັກ; ຂະບວນການສ້າງຕັ້ງ ແລະ ພັດທະນາການທູດປະຊາຊົນ; ສະພາບການຂອງໂລກ, ພາກພື້ນ ແລະ ຄວາມຮຽກຮ້ອງຕ້ອງການດ້ານການຕ່າງປະເທດ ແລະ ການທູດປະຊາຊົນໃນສະພາບການໃໝ່.
ທ່ານ ເກືອງ ໄດ້ເນັ້ນໜັກວ່າ: ຄວາມຮັບຜິດຊອບຫຼັກຂອງວຽກງານການຕ່າງປະເທດແມ່ນກໍ່ສ້າງ ແລະ ຮັກສາສະພາບແວດລ້ອມແຫ່ງສັນຕິພາບ ແລະ ສະຖຽນລະພາບ; ລະດົມແຫຼ່ງກຳລັງພາຍນອກເພື່ອພັດທະນາປະເທດຊາດ; ຍົກສູງທີ່ຕັ້ງ ແລະ ຄວາມໄວ້ເນື້ອເຊື່ອໃຈຂອງປະເທດຊາດ.
ຕາມ ທ່ານ ເກືອງ ກ່າວແລ້ວ, ໃນສະພາບການປະຈຸບັນ, ວຽກງານການທູດປະຊາຊົນຕ້ອງສືບຕໍ່ເສີມຂະຫຍາຍຄຳຂວັນ “ເປັນເຈົ້າການ, ມີໄຫວພິບ, ມີຫົວຄິດປະດິດສ້າງ, ແລະ ມີປະສິດທິຜົນ”; ປ່ຽນແປງໃໝ່ຈິນຕະນາການ, ວິທີການເຂົ້າເຖິງເນື້ອໃນ, ວິທີການເຄື່ອນໄຫວຢ່າງບໍ່ຢຸດຢັ້ງ. ຍົກສູງຄຸນນະພາບວຽກງານການຄົ້ນຄວ້າ, ເປັນເສນາທິການ, ຄາດຄະເນສະພາບການຂອງໂລກ, ພາກພື້ນ ແລະ ບັນດາຂະບວນການເຄື່ອນໄຫວຂອງປະຊາຊົນ, ກະແສສັງຄົມ. ພັດທະນາເຄືອຂ່າຍຄູ່ຮ່ວມມືຢ່າງກ້ວາງຂວາງໃນທົ່ວໂລກ ຕາມທິດທາງການຫັນເປັນຫຼາຍຝ່າຍ, ຫຼາຍຮູບຫຼາຍແບບ, ເຂົ້າຮ່ວມທຸກກົນໄກຫຼາຍຝ່າຍທີ່ສຳຄັນ ແລະ ບັນດາອົງການຈັດຕັ້ງ/ເຄືອຂ່າຍສັນຕິພາບ ແລະ ການພັດທະນາອື່ນໆ.
ຄຽງຂ້າງກັນນັ້ນ, ຕ້ອງປັບປຸງລະບົບແຕ່ສູນກາງລົງຮອດທ້ອງຖິ່ນ, ຍົກສູງຄຸນນະພາບຊັບພະຍາກອນມະນຸດເຮັດວຽກງານການທູດປະຊາຊົນ; ດຶງດູດການເຂົ້າຮ່ວມຂອງປະຊາຊົນ, ຜູ້ຊົງຄຸນວຸດທິ, ປັນຍາຊົນ, ໄວຫນຸ່ມ ແລະ ນັກທຸລະກິດເຂົ້າຮ່ວມຂະບວນການນີ້. ພ້ອມກັນນັ້ນ, ກໍ່ເປັນເຈົ້າການປະສານສົມທົບຢ່າງແໜ້ນແຟ້ນ ກັບບັນດາອົງການການຕ່າງປະເທດໃນການແລກປ່ຽນຂໍ້ມູນຂ່າວສານ, ເປັນເສນາທິການ, ກໍ່ສ້າງນະໂຍບາຍການຕ່າງປະເທດ ແລະ ຜັນຂະຫຍາຍການເຄື່ອນໄຫວວຽກງານການຕ່າງປະເທດສະເພາະ.
ບັນດາຜູ້ແທນທີ່ເຂົ້າຮ່ວມກອງປະຊຸມໄດ້ຖ່າຍຮູບເປັນທີ່ລະນຶກ. (ພາບ: ດິງຮົ່ວ)
ນ້ອງ ຄວັດກວາງນາມ ນັກສຶກສາປີທີ 2, ພາກວິຊາທິດສະດີການເມືອງ-ສຶກສາພົນລະເມືອງ, ມະຫາວິທະຍາໄລສ້າງຄູ ຮ່າໂນ້ຍ ໄດ້ແລກປ່ຽນກັບນັກຂ່າວໜັງສືພິມ ເທີ່ຍດ້າຍ ວ່າ: ການເຂົ້າຮ່ວມກອງປະຊຸມ ໃນຄັ້ງນີ້ຂ້າພະເຈົ້າໄດ້ຮັບຟັງຄວາມຮູ້ຫຼາຍຢ່າງກ່ຽວກັບວຽກງານການຕ່າງປະເທດ ແລະ ການທູດປະຊາຊົນ. ຜ່ານນັ້ນ, ກໍ່ຊ່ວຍໃຫ້ຂ້າພະເຈົ້າກໍາແໜ້ນວິທີການເຂົ້າເຖິງ, ເຂົ້າໃຈເຫດການ, ບັນຫາຕ່າງໆທີ່ຢູ່ພາຍໃນ ແລະ ຕ່າງປະເທດ. ຂ້າພະເຈົ້າຍັງມີສະຕິເຖິງຄວາມຮັບຜິດຊອບຂອງຕົນໃນວຽກງານໂຄສະນາພາບພົດຂອງປະເທດຊາດ ແລະ ຊາວຫວຽດນາມ ທີ່ຮັກແພງແຂກຄົນ ໄປສູ່ເພື່ອນມິດສາກົນ ແລະ ສ້າງຄວາມຮັກແພງຂອງເພື່ອນມິດສາກົນທີ່ມີຕໍ່ຫວຽດນາມ.
 | ຊາວໜຸ່ມ ແມ່ນກຳລັງນຳໜ້າ ໃນການເຄື່ອນໄຫວວຽກງານການທູດປະຊາຊົນ ຍສໝ - ນີ້ແມ່ນອາລົມຈິດຂອງບັນດາຜູ້ແທນທີ່ເຂົ້າຮ່ວມເວທີປາໄສອະວະກາດວັດທະນະທຳໂຮ່ຈິມິນ - ດ້ວຍຫົວຂໍ້ “ປະຊາຊົນເຮັດວຽກງານງານການທູດ, ສິ່ງນ້ອຍໆມີຄວາມໝາຍໃຫຍ່” ໃນວັນທີ 11 ພຶດສະພາ ຢູ່ນະຄອນ ໂຮ່ຈີມິນ. ເວທີປາໄສໄດ້ຈັດຕັ້ງໂດຍສະຫະພັນບັນດາອົງການມິດຕະພາບນະຄອນໂຮ່ຈິມິນ ສົມທົບກັບຄະນະຊາວໜຸ່ມນະຄອນໂຮ່ຈິມິນ ໃນຂອບເຂດກອງປະຊຸມໃຫຍ່ຊາວໜຸ່ມນະຄອນໂຮ່ຈິມິນ ເຮັດຕາມຄຳເວົ້າຂອງລຸງໂຮ່ ຄັ້ງທີ 8 ໃນປີ 2024. |
 | ສະຫະພັນບັນດາອົງການມິດຕະພາບ ຫວຽດນາມ ຈະໜູນຊ່ວຍທ້າຍບິ່ງ ໃນວຽກງານການທູດປະຊາຊົນ ຍສໝ - ທີ່ການເຮັດວຽກ, ທ່ານ ລ້າຍວັນຮວ່ານ, ຮອງປະທານຄະນະກຳມະການປະຊາຊົນແຂວງທ໊າຍບິ່ງ ໄດ້ສັງເຂບລວມກ່ຽວກັບສະພາບການເສດຖະກິດສັງຄົມ, ວຽກງານການທູດປະຊາຊົນຂອງແຂວງ ທ໊າຍບິ່ງ. ໃນໄລຍະຜ່ານມາ, ການນຳຄະນະພັກແຂວງ, ຄະນະກຳມະການປະຊາຊົນແຂວງໄດ້ມີຄວາມເອົາໃຈໃສ່ຕິດຕາມກວດກາວຽກງານການທູດປະຊາຊົນແຂວງ ທ໊າຍບິ່ງ ຢ່າງໃກ້ຊິດ, ຊີ້ນຳນຳພາຢ່າງທັນການ, ສ້າງເງື່ອນໄຂການເຄື່ອນໄຫວຢ່າງມີປະສິດທິຜົນ. |
ຄຳຮຸ່ງ
