| ຊຸກຍູ້ການຮ່ວມມືດ້ານການຄ້າ ລະຫວ່າງ ຫວຽດນາມ - ອິນເດຍ | |
| ເພີ່ມທະວີການສົ່ງອອກສິນຄ້າລະຫວ່າງ ຫວຽດນາມ - ບາເຣນ |
 |
| ບັນດາຜູ້ແທນເຂົ້າຮ່ວມການໂອ້ລົມສົນທະນາ (ພາບ: ເຊີນຫງວຽນ) |
ນັກຮຽນ ຫວຽດນາມ ຢູ່ອາເມລິກາ ຂົວເຊື່ອມຕໍ່ສຳຄັນລະຫວ່າງປະຊາຊົນ ຫວຽດນາມ - ອາເມລິກາ
ນັ້ນແມ່ນຂໍ້ສັງເກດຂອງຜູ້ແທນຫຼາຍທ່ານທີ່ການໂອ້ລົມສົນທະນາ: ການພົວພັນ ຫວຽດນາມ - ອາເມລິກາ: 10 ປີແຫ່ງຄູ່ຮ່ວມມືຢ່າງຮອບດ້ານ ແລະ ແງ່ຫວັງ ເຊິ່ງໄດ້ດຳເນີນໃນວັນທີ 25 ກຸມພາ 2023 ຢູ່ຮ່າໂນ້ຍ ໂດຍສະໂມສອນ ຮ່າໂນ້ຍ ຂອງອະດີດນັກຮຽນຫວຽດນາມ ຢູ່ ອາເມລິກາ (VUSAC Hanoi) ແລະ ສະຖານທູດ ອາເມລິກາ ປະຈຳ ຫວຽດນາມ ຈັດຂຶ້ນ.
ທ່ານນາງ Kate Bartlett ທີ່ປຶກສາຝ່າຍວັດທະນະທຳ ສະຖານທູດອາເມລິກາ ຢັ້ງຢືນວ່າ ນັກຮຽນຫວຽດນາມ ຢູ່ ອາເມລິກາ ສວມບົດບາດສຳຄັນເຂົ້າໃນການພັດທະນາການພົວພັນສອງຝ່າຍຜ່ານການເພີ່ມທະວີການພົວພັນປະຊາຊົນລະຫວ່າງສອງປະເທດ.
ທ່ານນາງ Kate Bartlett ກໍ່ໃຫ້ຮູ້ວ່າ ສະຖານທູດອາເມລິກາ ຈະສືບຕໍ່ໜູນຊ່ວຍໃຫ້ແກ່ບັນດາໂຄງການເພື່ອແນໃສ່ປັບປຸງເຄືອຂ່າຍອະດີດນັກສຶກສາຫວຽດນາມ ຢູ່ອາເມລິກາ, ພ້ອມທັງຊຸກຍູ້ບັນດາໂຄງການຮ່ວມມືທາງດ້ານວັດນະທະນຳ ແລະ ການສຶກສາ.
ໂດຍແບ່ງປັນທີ່ການໂອ້ລົມສົນທະນາ, ທ່ານເອກອັກຄະລັດຖະທູດ ຟ້າມກວາງວິງ, ປະທານສະມາຄົມຫວຽດນາມ - ອາເມລິກາ, ອະດີດເອກອັກຄະລັດຖະທູດຫວຽດນາມ ປະຈຳອາເມລິກາ ໄດ້ສັງເຂດໂດຍລວມບັນດາຜົນງານໃນການພົວພັນສອງຝ່າຍບົນບັນດາຂົງເຂດຄື: ເສດຖະກິດ - ການຄ້າ, ການປ້ອງກັນຊາດ - ປ້ອງກັນຄວາມສະຫງົບ, ການແລກປ່ຽນ, ຮ່ວມມືແກ້ໄຂບັນດາບັນຫາທີ່ເປັນຜົນຕາມມາຈາກສົງຄາມ ແລະ ພິເສດແມ່ນການພົບປະແລກປ່ຽນປະຊາຊົນ.
ທ່ານເອກອັກຄະລັດຖະທູດໃຫ້ຮູ້ວ່າ ນັບແຕ່ເວລາ 2 ປະເທດໄດ້ຫັນການພົວພັນເປັນປົກກະຕິ, ນັກຮົບເກົ່າ ອາເມລິກາ ທີ່ເຄີຍເຂົ້າຮ່ວມສົງຄາມຢູ່ ຫວຽດນາມ ແລະ ພໍ່ແມ່ພີ່ນ້ອງຂອງເຂົາເຈົ້າ, ກໍ່ຄືນັກຮຽນໄດ້ກາຍເປັນຂົວເຊື່ອມຕໍ່ມິດຕະພາບ ປະກອບສ່ວນເຂົ້າໃນການຮຳບາດແຜສົງຄາມ. ນັ້ນແມ່ນເລື່ອງລາວທີ່ເປັນໜ້າຕື້ນຕັນໃຈ ເມື່ອບັນດາບົດບັນທຶກປະຈຳວັນນຂອງຊາວໜຸ່ມຕະລຸມບອນ ຫວຽດນາມ ໄດ້ສົ່ງຈາກອາເມລິກາ ມາຍັງຫວຽດນາມ.
ພາຍຫຼັງ 10 ປີນັບແຕ່ເວລາ ຫວຽດນາມ - ອາເມລິກາ ຍົກລະດັບຄູ່ຮ່ວມມືຮອບດ້ານ (2013 -2023), ທ່ານເອກອັກຄະລັດຖະທູດ ຟ້າມກວາງວິງ ໄດ້ຢັ້ງຢືນວ່າ ສອງປະເທດພວມຢືນຢູ່ຕໍ່ໜ້າສິ່ງທ້າທາຍ ແລະ ກາລະໂອກາດ. ສະມາຄົມ ຫວຽດນາມ - ອາເມລິກາ ຈະສືບຕໍ່ຮ່ວມເດີນທາງ, ໜູນຊ່ວຍສະຖານທູດ, ບັນດາອົງການຈັດຕັ້ງ ແລະ ສ່ວນບຸກຄົນຂອງສອງປະເທດ, ໃນນັ້ນມີ VUSAC, ເພື່ອແນໃສ່ເພີ່ມທະວີການພົວພັນມິດຕະພາບ, ການຮ່ວມມືສອງຝ່າຍໃຫ້ຫຼາຍກ່ວາອີກ.
ແລະກໍ່ໃນການໂອ້ລົມສົນທະນາ, ບັນດາຜູ້ແທນກໍ່ໄດ້ປຶກສາຫາລືຫຼາຍແງ່ມູນທີ່ແຕກຕ່າງກັນໃນການພົວພັນສອງປະເທດກໍ່ຄືບັນດາວິທີການຊຸກຍູ້ການພົວພັນ ແລະ ຮ່ຳຣຽນລະຫວ່າງອະດີດນັກຮຽນຫວຽດນາມ ຢູ່ ອາເມລິກາ ກັບເພື່ອນໜຸ່ມ ຫວຽດນາມ.
ບຸນຄົງ
