 | ການຮ່ວມມືລະຫວ່າງຫວຽດນາມ ແລະສະຫະພັນລັດເຊຍ ຈະນັບມື້ນັບເຂົ້າເລິກເຊິ່ງກວ່າອີກ |
| ການພົບປະແລກປ່ຽນປະຊາຊົນ “ຮັກສາ” ມິດຕະພາບ ຫວຽດນາມ - ລັດເຊຍ |
 |
| ທ່ານເອກອັກຄະລັດຖະທູດ ເບລາຣຸດ ປະຈຳ ຫວຽດນາມ Uladzimir Baravikou |
ທ່ານ ກ່າວວ່າ:
ຫວ່າງມໍ່ໆມານີ້, ຫຼາຍໂຄງການລວມໃນບັນດາຂົງເຂດວັດທະນະທຳ, ວິທະຍາສາດ, ການສຶກສາ ໄດ້ຮັບການຜັນຂະຫຍາຍ ເພື່ອຊຸກຍູ້ການພົວພັນປະຊາຊົນລະຫວ່າງ 2 ປະເທດຄື: ວັນວັດທະນະທຳ ແລະ ວັນການສຶກສາ ເບລາຣຸດ ຢູ່ ຫວຽດນາມ; ໂຄງການຮ່ວມມືລະຫວ່າງກະຊວງພາຍໃນ ເບລາຣຸດ ແລະ ກະຊວງຕຳຫຼວດ ຫວຽດນາມ ເພື່ອແລກປ່ຽນບັນດາກຸ່ມລູກຫຼານຂອງພະນັກງານ, ທະຫານເສຍທີ່ເສຍສະຫຼະຊີວິດ ຫຼື ຖືກບາດເຈັບໃນຂະນະປະຕິບັດວຽກຫຼວງ. ສັນຍາຍົກເວັ້ນວີຊາສຳລັບຜູ້ມີໜັງສືຜ່ານແດນທຳມະດາລະຫວ່າງຫວຽດນາມ ແລະ ເບລາຣຸດ...
 |
| ມະຫາວິທະຍາໄລພາສາຕ່າງປະເທດ, ມະຫາວິທະຍາໄລແຫ່ງຊາດ ຮ່າໂນ້ຍ ແລະ ພາກວິຊາພາສາທິດຕາເວັນອອກ, ມະຫາວິທະຍາໄລພາສາສາດແຫ່ງຊາດ Minsk ໄດ້ລົງນາມໃນບົດບັນທຶກຊ່ວຍຈຳການຮ່ວມມື ເນື່ອງໃນໂອກາດວັນການສຶກສາ ເບລາຣຸດ ຢູ່ຫວຽດນາມ. |
ປີ 2024 ກໍ່ໃຫ້ຄຳໝັ້ນສັນຍາຈະສືບຕໍ່ມີການເຄື່ອນໄຫວຮ່ວມມື, ຕິດພັນຫຼາຍດ້ານລະຫວ່າງສະມາຄົມມິດຕະພາບ, ບັນດາອົງການຊາວໜຸ່ມຂອງ 2 ປະເທດ. ຫວ່າງມໍ່ໆນີ້, ວັນທີ 8 ພຶດສະພາ 2024, ຢູ່ນະຄອນ ດ້ຽນບຽນຝູ ໄດ້ດຳເນີນພິທີມອບ-ຮັບໄຫບັນຈຸດິນ, ເອກະສານຮູບພາບລະຫວ່າງ ລະບົບອະນຸສອນສະຖານ “ປ້ອມປືນ Brest - ວິລະຊົນ” ແລະ ຫໍພິພິທະພັນປະຫວັດສາດໄຊຊະນະດ້ຽນບຽນຝູ. ດິນທີ່ສັກສິດຂອງປ້ອມປືນ Brest ເຂັ້ມຂຸຸ້ນໄປດ້ວຍເລືອດ ແລະ ກະດູກຂອງບັນດານັກຮົບວິລະຊົນທີ່ເສຍສະຫຼະຊີວິດເພື່ອຊາດ, ປະຈຸບັນ ໄດ້ມີຢູ່ໃນດິນແດນ ຫວຽດນາມ. ພິທີມອບ ໄດ້ດຳເນີນເນື່ອງໃນໂອກາດ ເບລາຣຸດ ສະເຫຼີມສະຫຼອງ 80 ປີແຫ່ງວັນຍາດໄດ້ໄຊຊະນະຕໍ່ກອງທັບ ຝຣັ່ງ ຢູ່ ດ້ຽນບຽນຝູ, ໄດ້ສະແດງໃຫ້ເຫັນຄວາມຮັກຫອມສັນຕິພາບຂອງປະຊາຊົນສອງປະເທດ, ນ້ຳໃຈພິລະອາດຫານ, ກ້າແກ່ນ, ລັດທິວິລະຊົນໃນບັນດາການຕໍ່ຕ້ານທີ່ຊອບທຳເພື່ອເອກະລາດ. ຂ້າພະເຈົ້າເຊື່ອໝັ້ນວ່າ ໂຄງການນີ້ຈະປະກອບສ່ວນສຳຄັນເຂົ້າໃນການປົກປັກຮັກສາຄວາມຈິງກ່ຽວກັບໄຊຊະນະອັນສະຫງ່າລາສີຂອງປະຊາຊົນ ເບລາຣຸດ ແລະ ປະຊາຊົນ ຫວຽດນາມ, ພ້ອມທັງປະກອບສ່ວນເພີ່ມທະວີການພົວພັນມິດຕະພາບ, ຄວາມໄວ້ເນື້ອເຊື່ອໃຈ ແລະ ຄວາມເຂົ້າໃຈເຊິ່ງກັນ ແລະ ກັນລະຫວ່າງສອງປະເທດ.
 |
| ທ່ານເອກອັກຄະລັດຖະທູດ ເບລາຣຸດ ປະຈຳ ຫວຽດນາມ Uladzimir Baravikou ໄດ້ມອບໄຫທີ່ບັນຈຸດິນຢູ່ປ້ອມປືນ Brest ໃຫ້ແຂວງ ດ້ຽນບຽນ. |
- ຕາມທ່ານເອກອັກຄະລັດຖະທູດແລ້ວ, ການພົວພັນລະຫວ່າງປະຊາຊົນສອງປະເທດພວມຜັນຂະຫຍາຍໃນບັນດາຂົງເຂດ ແລະ ບໍລິເວນຕົ້ນຕໍໃດແດ່?
+ ເບລາຣຸດ ກຳນົດວ່າ ບຸລິມະສິດໃນການຮ່ວມມືສອງຝ່າຍກັບ ຫວຽດນາມ ແມ່ນພັດທະນາການພົວພັນດ້ານການຄ້າ. ປີ 2023, ວົງເງິນການຄ້າລະຫວ່າງ ເບລາຣຸດ ແລະ ຫວຽດນາມ ບັນລຸປະມານ 250 ລ້ານ USD, ສູງທີ່ສຸດແຕ່ກ່ອນມາຮອດປະຈຸບັນ. ບັນດາຜະລິດຕະພັນເຊັ່ນ ລົດຂຸດຄົ້ນບໍ່ແຮ່ປະເພດຫນັກ BelAZ, ລົດບັນທຸກ MAZ, ຈັກແກ່ຂອງ ເບລາຣູດ ໄດ້ມີຊື່ສຽງໃນ ຫວຽດນາມ ຫຼາຍທົດສະວັດ. ກົງກັນຂ້າມ, ວົງເງິນສົ່ງອອກຜະລິດຕະພັນກະສິກຳຂອງ ຫວຽດນາມ ໄປຍັງ ເບລາຣຸດ (ເຂົ້າ, ປະເພດເມັດພືດບຳລຸງບັນດາຊະນິດ, ກາເຟ, ໝາກໄມ້, ສິນທະເລ) ເຕີບໂຕຢ່າງຕັ້ງໜາ້. ຫວ່າງມໍ່ໆມານີ້, ແຜງວົງຈອນ ແລະ ອຸປະກອນເອເລັກໂຕນິກທີ່ມີເຄື່ອງໝາຍການຄ້າ “Made in Vietnam” ໄດ້ກາຍເປັນທີ່ຮູ້ຈັກຢ່າງກວ້າງຂວາງ.
 |
| ພິທີລົງນາມໃນບົດບັນທຶກຊ່ວຍຈຳການຮ່ວມມື (MOU) ລະຫວ່າງສູນ Marketing ແລະ ຄົ້ນຄ້ວາລາຄາແຫ່ງຊາດ ເບລາຣຸດ ກັບກົມສົ່ງເສີມການຄ້າ, ສູນສົ່ງເສີມການຄ້າ ແລະການລົງທຶນ ນະຄອນໂຮ່ຈິມິນ (ITPC) ແລະ ສະໂມສອນວິສາຫະກິດ ຫວຽດນາມ. |
ສັນຍາການຄ້າເສລີລະຫວ່າງສະຫະພັນເສດຖະກິດ ອາຊີ-ເອີລົບ ແລະ ຫວຽດນາມ ປະກອບສ່ວນສ້າງກຳລັງຜັກດັນຊຸກຍູ້ການພັດທະນາການຮ່ວມມືດ້ານການຄ້າລະຫວ່າງ ຫວຽດນາມ ແລະ ເບລາຣຸດ. ການລົບລ້າງສິ່ງກີດຂວາງດ້ານການຄ້າ ໄດ້ເຮັດໃຫ້ຜູ້ບໍລິໂພກ ຫວຽດນາມ ເປີດກວ້າງໂອກາດການເຂົ້າເຖິງບັນດາຜະລິດຕະພັນຄຸນນະພາບສູງທີ່ຜະລິດໂດຍ ເບລາຣຸດ ເຊັ່ນ ຂະໜົມຫວານ, ເຫຼົ້າ ແລະ ນົມ.
- ບັນດາຂົງເຂດໃດທີ່ສອງປະເທດສາມາດຊຸກຍູ້ການຮ່ວມມືໃໝ່ໃນໄລຍະຈະມາເຖິງ, ຂໍຮຽນທ່ານເອກອັກຄະລັດຖະທູດ?
+ ຫວຽດນາມ ແລະ ເບລາຣຸດ ຍັງມີຄວາມສາມາດບົ່ມຊ້ອນຫຼາຍຢ່າງໃນການຮ່ວມມື. ພວກຂ້າພະເຈົ້າ ພວມສຳເລັດຂະບວນການ, ຂັ້ນຕອນການສົ່ງອອກຊີ້ນແຊ່ແຂງໄປ ຫວຽດນາມ. ຫວຽດນາມ ໃຫ້ຮູ້ວ່າ ຍັງມີຄວາມຕ້ອງການນຳເຂົ້າສູງກ່ຽວກັບ ຝຸ່ນ (ປຸຍ) ແລະ ວັກຊີນຂອງ ເບລາຣຸດ. ສະຖານທູດ ເບລາຣຸດ ພ້ອມແລ້ວທີ່ຈະຮ່ວມມືກັບບັນດາອົງການວິຊາສະເພາະຂອງ ຫວຽດນາມ ຢ່າງຕັ້ງໜາ້ໃນການຮັບປະກັນຄວາມປອດໄພດ້ານອາຫານ. ສອງປະເທດ ກໍ່ສາມາດຮ່ວມມືໃນການຖ່າຍທອດເຕັກໂນໂລຢີ. ພວກຂ້າພະເຈົ້າ ພວມພັດທະນາອຸດສາຫະກຳນິວເຄຼຍ, ໂຮງງານໄຟຟ້ານິວເຄຼຍແຫ່ງທຳອິດ ໄດ້ຮັບການກໍ່ສ້າງ ແລະ ດຳເນີນງານຢ່າງສຳເລັດຜົນ. ໂຄງການອາວະກາດ ພວມໄດ້ຮັບການຜັນຂະຫຍາຍ, ດາວທຽມຈຳນວນໜຶ່ງໄດ້ຖືກສົ່ງຂຶ້ນສູ່ອະວະກາດ. ໃນເດືອນມີນາ ປີນີ້, ນັກບິນອາວະກາດແມ່ຍິງ Belarus ຄົນທໍາອິດ - ທ່ານນາງ Marina Vasilevskaya ກໍ່ໄດ້ບິນໄປສະຖານີອະວະກາດສາກົນ.
ພວກຂ້າພະເຈົ້າພ້ອມແລ້ວທີ່ຈະຮ່ວມເດີນທາງກັບບັນດາອົງການທີ່ມີໜ້າທີ່, ວິສາຫະກິດ ຫວຽດນາມ ເພື່ອລົບລ້າງ“ບັນດາຂອດຕິດຂັດ” ເພື່ອເປີດກວ້າງການຮ່ວມມື 2 ຝ່າຍ.
- ຂໍຂອບໃຈທ່ານທູດ!
 | ເປີດຕົວປຶ້ມ “ຄະນະກຳມະການ ຫວຽດນາມ ສາມັກຄີ ແລະ ການຮ່ວມມື ອາຊີ - ອາຟຣິກາ - ອາເມລີກາລາຕິນ: ບັນດາເສັ້ນທາງ, ບັນດາເພື່ອນມິດ” ຍສໝ - ປຶ້ມດັ່ງກ່າວ ໄດ້ພິມອອກເປັນສອງພາສາ ຫວຽດນາມ - ອັງກິດ, ມີຄວາມໜາກວ່າ 300 ໜ້າ. ຜ່ານປຶ້ມດັ່ງກ່າວ, ບັນດາເພື່ອນມິດ, ບັນດາການເດີນທາງ ແລະ ການປະກອບສ່ວນຂອງຄະນະກຳມະການ ຫວຽດນາມ ສາມັກຄີ ແລະ ການຮ່ວມມື ອາຊີ - ອາຟຣິກາ - ອາເມລິກາລາຕິນ ສຳລັບເປົ້າໝາຍສັນຕິພາບ, ... |
 | ສະຫະພັນບັນດາອົງການມິດຕະພາບ ຫວຽດນາມ, ແຂວງ ລາວກາຍ ແລກປ່ຽນບັນດາເນື້ອໃນການຮ່ວມມືດ້ານການທູດປະຊາຊົນ ຍສໝ - ວັນທີ 12 ມິຖຸນາ 2024, ຢູ່ຮ່າໂນ້ຍ, ທ່ານປະທານສະຫະພັນບັນດາອົງການມິດຕະພາບ ຫວຽດນາມ ຟານແອງເຊີນ ໄດ້ຕ້ອນຮັບ ແລະ ເຮັດວຽກກັບຄະນະປະຕິບັດງານແຂວງ ລາວກາຍ ໂດຍທ່ານປະທານຄະນະກຳມະການປະຊາຊົນແຂວງ ລາວກາຍ ຈິ້ງຊວນເຈື່ອງ ເປັນຫົວໜ້າຄະນະ. ເຂົ້າຮ່ວມພ້ອມກັນກັບຄະນະ ມີການນຳສະຫະພັນບັນດາອົງການມິດຕະພາບແຂວງ ລາວກາຍ ແລະ ຜູ້ຕາງໜ້າບັນດາພະແນກ, ຂະແໜງການຂອງແຂວງ. |
ມີງດຶກ
