ທ່ານໃຫ້ຮູ້ວ່າ: ມູນເຊື້ອມິດຕະພາບ ແລະການຮ່ວມມືແມ່ນປັດໄຈສຳຄັນທີ່ເຮັດໃຫ້ສາຍພົວພັນລະຫວ່າງສອງປະເທດສະໜິດແໜ້ນ. ຊາວຫວຽດນາມຍາມໃດກໍ່ມີມູນເຊື້ອ ກິນນໍ້າຄິດຮອດຄຸນນາ ກິນປາຄິດຮອດຄຸນນໍ້າ. ໂຊວຽດ ແມ່ນໜຶ່ງໃນບັນດາປະເທດທຳອິດທີ່ສ້າງຕັ້ງການພົວພັນທາງການທູດກັບສາທາລະນະລັດ ປະຊາທິປະໄຕ ຫວຽດນາມ ໃນເດືອນມັງກອນ 1950 ແລະ ເປັນປະເທດທີ່ໄດ້ຊ່ວຍເຫຼືອ ແລະສະໜັບສະໜູນພວກເຮົາຫຼາຍຢ່າງ.
 |
| ນັກຂ່າວ ຫງວຽນດັງຟາດ, ເລຂາທິການສະມາຄົມມິດຕະພາບ ຫວຽດນາມ - ສະຫະພັນລັດເຊຍ. ພາບ: ຫງວຽນດັງຟາດ |
ສັນຍາລັກຂອງການໜູນຊ່ວຍນັ້ນບໍ່ພຽງແຕ່ແມ່ນໃຫຍ່ຫຼວງໄລຍະສົງຄາມຕ້ານອາເມລິກາເທົ່ານັ້ນ, ຫາກຍັງໃນໄລຍະສ້າງສາປະເທດອີກດ້ວຍ ຄື: ເຂື່ອນໄຟຟ້າຮວ່າບິ່ງ, ຂົວແທງລອງ, ຫໍວັດທະນະທຳມິດຕະພາບຫວຽດນາມ - ໂຊວຽດ. ໃນດ້ານການເມືອງການຕ່າງປະເທດ, ສອງຝ່າຍກໍ່ໄດ້ສົມທົບກັນຢ່າງແໜ້ນແຟ້ນ.
ໂຊວຽດ ມີບົດບາດສຳຄັນທີ່ສຸດໃນການໜູນຊ່ວຍຫວຽດນາມ ບໍາລຸງສ້າງນັກຊ່ຽວຊານ. ດ້ວຍທຸກຮູບແບບແມ່ນຄາດວ່າ 60.000 ຄົນ. ຜ່ານຫຼາຍລຸ້ນຄົນ, ພະນັກງານທີ່ສຶກສາຢູ່ໂຊວຽດ ເມື່ອກັບເມືອກໍ່ໄດ້ປະກອບສ່ວນອັນໃຫຍ່ຫຼວງ ໃນຫຼາຍຂົງເຂດ, ນັບແຕ່ເສດຖະກິດ, ການທະຫານຈົນເຖິງການເມືອງ. ຄວາມຮັກແພງທີ່ສະໜິດຕິດພັນກັບລັດເຊຍ ຕ້ອງເວົ້າໄດ້ວ່າສວຍງາມທີ່ສຸດ.
ລັດເຊຍ ແມ່ນປະເທດສືບທອດ ໂຊວຽດ ເກົ່າ, ແຕ່ຍັງຄົງຮັກສາຄວາມຮັກແພງ ແລະ ການພົວພັນອັນດີງາມນັ້ນກັບຫວຽດນາມ. ກ່ຽວກັບການພົວພັນສາກົນ, ລວງເລິກຂອງການພົວພັນຕ້ອງໄດ້ເບິ່ງໃນຕະຫຼອດໄລຍະການພົວພັນ. ການພົວພັນລະຫວ່າງ ຫວຽດນາມ - ລັດເຊຍ ຕ້ອງໄດ້ຮັບການຮັບຮູ້ຕາມລວງເລິກ.
 |
| ທ່ານ ຫງວຽນດັງຟາດ ໄດ້ໄປຢ້ຽມຢາມຄອບຄົວຄູອາຈານ ລັດເຊຍ ແລະ ມອບກຸບໃຫ້ແກ່ຄູອາຈານ. ພາບ: ຫງວຽນດັງຟາດ |
ທ່ານ ຫງວຽນດັງຟາດ ແບ່ງປັນວ່າ: ປະຊາຄົມຊາວ ຫວຽດນາມ ຢູ່ ລັດເຊຍ ໄດ້ຮັບການສ້າງຕັ້ງຂຶ້ນໃນສະໄໝໂຊວຽດ, ມາຮອດປະຈຸບັນມີປະມານ 80.000 – 90.000 ຄົນ, ໃນນັ້ນໄລ່ທັງນັກສຶກສາ. ປະຊາຊົນມີການເຄື່ອນໄຫວທຸລະກິດ, ການຄ້າ ແລະ ການຜະລິດຫຼາຍຢ່າງ, ມີຄວາມໝັ້ນຄົງພໍສົມຄວນ.
ເຂົາເຈົ້າເຂົ້າຮ່ວມໃນການຜະລິດ, ຈຳໜ່າຍ ແລະການຄ້າຂາຍສິນຄ້າ, ເຄື່ອງຕໍ່າແຜ່ນຕັດຫຍິບ, ອາຫານ, ແລະສິນຄ້າອື່ນໆຫຼາຍຢ່າງ. ວິສາຫະກິດຫວຽດນາມ ຢູ່ ລັດເຊຍ ມີຄວາມເຂັ້ມແຂງພໍສົມຄວນ. ພວກເຂົາເຈົ້າໄດ້ສ້າງຕັ້ງຕ່ອງໂສ້ການຜະລິດ ແລະການສະຫນອງຜະລິດຕະພັນສໍາເລັດຮູບ, ນັບແຕ່ສະບຽງອາຫານ, ເຄື່ອງດື່ມຈົນຮອດກາເຟ.
ບັນດາວິສາຫະກິດຫວຽດນາມ ມີຊື່ສຽງທາງດ້ານຕໍ່າແຜ່ນຕັດຫຍິບ, ດ້ວຍບັນດາໂຮງງານໃຫຍ່ທີ່ໄດ້ຮັບສັ່ງເຄື່ອງຫຼາຍຢ່າງ, ຕົວຢ່າງຄືຕັດຫຍິບຊຸດທະຫານໃຫ້ກອງທັບລັດເຊຍ.
ອາຊີບການປູກຜັກຂອງຊາວຫວຽດນາມ ກໍ່ມີຄວາມເຂັ້ມແຂງ, ໂດຍມີຟາມໃຫຍ່, ຂາຍຜະລິດຕະພັນກະເສດໃຫ້ບັນດາຮ້ານສັບພະສິນຄ້າຂອງລັດເຊຍ. ຢູ່ເຂດນອກຊານນະຄອນຫຼວງມົດສະກູ, ມີໂຮງງານຂອງຊາວຫວຽດນາມຫຼາຍແຫ່ງທີ່ຜະລິດໝີ່ເຄິ່ງສຳເລັດຮູບ ແລະ ເຄື່ອງດື່ມ ເຊິ່ງບໍ່ພຽງແຕ່ຂາຍຢູ່ຕະຫຼາດລັດເຊຍເທົ່ານັ້ນ, ຫາກຍັງສົ່ງອອກໄປຍັງປະເທດອ້ອມຂ້າງອີກດ້ວຍ.
ປະຊາຄົມວິສາຫະກິດຫວຽດນາມ ຢູ່ລັດເຊຍ ໜູນຊ່ວຍບັນດາການເຄື່ອນໄຫວຂອງສະຖານທູດພວກເຮົາເປັນຢ່າງດີ. ພໍ່ແມ່ປະຊາຊົນເອົາໃຈໃສ່ເຖິງຊີວິດຂອງນັກຮົບເກົ່າລັດເຊຍ, ຜູ້ທີ່ຊ່ວຍພວກເຮົາໃນສົງຄາມ. ນັກທຸລະກິດທີ່ປະສົບຜົນສໍາເລັດໃນລັດເຊຍຍັງນໍາເອົາປະສົບການ ແລະການເງິນກັບເມືອລົງທຶນ ແລະດໍາເນີນທຸລະກິດໃນປະເທດ, ສ້າງຕັ້ງກຸ່ມບໍລິສັດທີ່ເຂັ້ມແຂງຫຼາຍສົມຄວນ.
ຈຸດພົ້ນເດັ່ນທີ່ສຸດແມ່ນປະຊາຄົມຊາວຫວຽດນາມ ຢູ່ລັດເຊຍ ໄດ້ຮັບການສ້າງຕັ້ງ. ໃນປະຊາຄົມກໍ່ມີສະມາຄົມ ຄື: ສະມາຄົມວິສາຫະກິດ ຫຼືສະມາຄົມວັນນະຄະດີສິລະປະ... ທັງຫມົດໄດ້ສົມທົບກັນຢ່າງເຂົ້າກັນເປັນຢ່າງດີກັບສະຖານທູດຂອງພວກເຮົາໃນການດູແລ, ຮັກສາຄວາມສາມັກຄີ, ສະໜິດຕິດພັນ, ການຊ່ວຍເຫຼືອລະຫວ່າງຊາວຫວຽດນາມ ດ້ວຍກັນ. ທ່ານຫວັງວ່າໃນອະນາຄົດ, ລັດເຊຍ ຈະຮັບຮູ້ປະຊາຄົມຊາວຫວຽດນາມເປັນຊົນເຜົ່າສ່ວນໜ້ອຍຄືຢູ່ ສ.ເຊັກ.
ການພົວພັນລະຫວ່າງຫວຽດນາມ - ລັດເຊຍ ມີພື້ນຖານນັ້ນ ແມ່ນຄວາມຮັກແພງທີ່ຊາວລັດເຊຍ ສະຫງວນໃຫ້ຫວຽດນາມ. ທ່ານເຄີຍມີເວລາຮໍ່າຮຽນ ແລະເຮັດວຽກເປັນນັກຂ່າວໃນລັດເຊຍ ເປັນເວລາດົນນານ, ບໍລິເວນເຮັດວຽກແມ່ນ ກວ້າງຂວາງ ລວມທັງ ລັດເຊຍ ແລະໂຊວຽດ ໃນເມື່ອກ່ອນ, ສະນັ້ນ ລາວໄດ້ໄປຫຼາຍບ່ອນ.
ນັ້ນແມ່ນໄລຍະເວລາທີ່ຍາວນານ, ຄວາມສະດວກຫຼາຍຢ່າງ, ດ້ວຍຄວາມປະທັບໃຈໃນຕະຫຼອດໄລຍະເວລານັ້ນແມ່ນຄວາມຮັກແພງ ແລະອຸປະຖຳຄ້ຳຊູອັນໃຫຍ່ຫຼວງຂອງຊາວລັດເຊຍ ສະຫງວນໃຫ້ຫວຽດນາມ.
ທ່ານແບ່ງປັນວ່າ: ຂ້າພະເຈົ້າຍັງຈື່ໄດ້ວ່າ ປີ 1973, ເມື່ອສັນຍາປາຣີ ໄດ້ຮັບການລົງນາມ, ອາເມລິກາ ໄດ້ຍອມຖອນທະຫານອອກຈາກຫວຽດນາມ, ປະຊາຊົນໂຊວຽດ ດີໃຈຫຼາຍ. ໃນໄລຍະສົງຄາມ, ໄດ້ຮັບຟັງຂ່າວຈາກວິທະຍຸກະຈາຍສຽງກ່ຽວກັບຄວາມເສຍຫາຍ, ຄວາມສູນເສຍ, ຄວາມຫຍຸ້ງຍາກທີ່ຫວຽດນາມ ປະສົບ, ທຸກຄົນຢູ່ລັດເຊຍ ຮູ້ສຶກເສຍໃຈ ແລະກົງກັນຂ້າມ, ກັບທຸກໆຂ່າວໄຊຊະນະ, ທຸກຄົນມີຄວາມດີໃຈຫຼາຍ.
ບູນມີ
