- ການພົບປະແລກປ່ຽນປະຊາຊົນຄວນສຸມໃສ່ເຂົ້າໃນບັນດາເນື້ອໃນໃດ ເພື່ອປະກອບສ່ວນ “ຮັກສາ” ມິດຕະພາບ ຫວຽດນາມ - ລັດເຊຍ, ຂໍຮຽນທ່ານເອກອັກຄະລັດຖະທູດ?
ຄວາມຮັກແພງແບບພິເສດລະຫວ່າງປະຊາຊົນຫວຽດນາມ ແລະ ປະຊາຊົນ ອະດີດສະຫະພາບໂຊວຽດ, ກໍຄື ລັດເຊຍ ໃນປະຈຸບັນ ໄດ້ກາຍເປັນສັນຍາລັກແຫ່ງຄວາມສາມັກຄີ ແລະ ມິດຕະພາບສາກົນ.
 |
| ທ່ານເອກອັກຄະລັດຖະທູດ ຫວຽດນາມ ປະຈຳ ລັດເຊຍ ດັ້ງມິງຄ່ອຍ |
ໃນຫຼາຍລຸ້ນຄົນ, ພວກເຮົາ ບໍ່ພຽງແຕ່ໄດ້ແບ່ງປັນບັນດາສິ່ງທ້າທາຍ ແລະ ຄວາມຫຍຸ້ງຍາກໃຫ້ແກ່ກັນເທົ່ານັ້ນ, ແຕ່ຍັງເປັນຊ່ວງເວລາແຫ່ງຄວາມສະຫງ່າລາສີ ແລະ ຄວາມຜາສຸກ, ດ້ວຍຄວາມຮັກແພງອັນເລິກເຊິ່ງລະຫວ່າງປະຊາຊົນສອງປະເທດ. ປະຊາຊົນ ຫວຽດນາມ ຍາມໃດກໍ່ຈົດຈຳ ແລະ ຮູ້ບຸນຄຸນຕໍ່ການຊ່ວຍເຫຼືອອັນລ້ຳຄ່າ, ສຸດອົກສຸດໃຈຂອງປະຊາຊົນ ສະຫະພາບໂຊວຽດ ແລະ ສະຫະພັນ ລັດເຊຍ ໃນຕະຫຼອດທັງໄລຍະສົງຄາມຕໍ່ຕ້ານ ແລະ ການສ້າງສາປະເທດຊາດໃນໄລຍະຕໍ່ມາ.
ເພື່ອ “ຮັກສາ” ມິດຕະພາບ ຫວຽດນາມ - ລັດເຊຍ, ການຊຸກຍູ້ການແລກປ່ຽນປະຊາຊົນແມ່ນຈຳເປັນທີ່ສຸດ. ບັນດາການເຄື່ອນໄຫວແລກປ່ຽນປະຊາຊົນ ບໍ່ພຽງແຕ່ຊ່ວຍຮັກສາ ແລະ ພັດທະນາການພົວພັນມິດຕະພາບເທົ່ານັ້ນ, ຫາກຍັງສ້າງກາລະໂອກາດໃໝ່ ເພື່ອໃຫ້ປະຊາຊົນສອງປະເທດມີຄວາມເຂົ້າໃຈ ແລະ ຕິດພັນກັນກ່ວາອີກດ້ວຍ.
ກ່ອນອື່ນໝົດ, ແມ່ນຕ້ອງຍູ້ແຮງບັນດາໂຄງການແລກປ່ຽນ ແລະ ພົບປະແລກປ່ຽນວັດທະນະທຳ. ບັນດາການເຄື່ອນໄຫວແລກປ່ຽນລະຫວ່າງບັນດາລຸ້ນຄົນ, ພິເສດແມ່ນລຸ້ນໜຸ່ມຂອງສອງປະເທດ, ຕ້ອງໄດ້ຮັບການຈັດຕັ້ງເປັນປະຈຳ ແລະ ມີຂອບຂະຫນາດກ່ວາ, ສ້າງພື້ນທີ່ເພື່ອໃຫ້ບັນດາລຸ້ນຄົນຂອງສອງປະເທດໄດ້ພົບປະ, ແລກປ່ຽນ, ຮຽນຮູ້ເຊິ່ງກັນ ແລະ ກັນ, ຍົກສູງຄວາມຮັບຮູ້ກ່ຽວກັບຄວາມສຳຄັນຂອງການພົວພັນມິດຕະພາບ ຫວຽດນາມ - ລັດເຊຍ, ປະກອບສ່ວນປັບປຸງ ແລະ ເຮັດໃຫ້ການພົວພັນມິດຕະພາບລະຫວ່າງສອງປະເທດ, ປະຊາຊົນສອງປະເທດເລິກເຊິ່ງກ່ວາອີກ. ກ່ຽວກັບການຮ່ວມມືດ້ານການສຶກສາ-ບຳລຸງສ້າງ, ໃນໄລຍະຜ່ານມາ, ສະຫະພາບ ໂຊວຽດ ໄດ້ຊ່ວຍ ຫວຽດນາມ ບຳລຸງສ້າງພະນັກງານ ແລະ ນັກຊ່ຽວຊານທີ່ດີເດັ່ນເກືອບ 40.000 ຄົນ ໃນຫຼາຍຂະແໜງການສະເພາະຕ່າງໆ.ປະຈຸບັນ, ລັດເຊຍ ສືບຕໍ່ໜູນຊ່ວຍ ຫວຽດນາມ ໃນການບຳລຸງສ້າງແຫຼ່ງຊັບພະຍາກອນມະນຸດ. ນັບແຕ່ປີ 2019 ເປັນຕົ້ນມາ, ລັດເຊຍ ໄດ້ເພີ່ມຈຳນວນທຶນການສຶກສາໃຫ້ ຫວຽດນາມ ເປັນປະມານ 1.000 ທຶນ/ປີ. ປະຈຸບັນ, ມີນັກສຶກສາ ຫວຽດນາມ ໄປຮຽນຢູ່ ລັດເຊຍ ປະມານ 5.000 ກວ່າຄົນ.
ນອກນີ້, ການຈັດຕັ້ງການເຄື່ອນໄຫວແລກປ່ຽນປະຊາຊົນໂດຍຜ່ານບັນດາການສຳມະນາ, ເວທີປາໄສ, ໂຄງການຮ່ວມມືທາງສັງຄົມກໍ່ເປັນສິ່ງຈຳເປັນ. ບັນດາການເຄື່ອນໄຫວດັ່ງກ່າວ ຈະສ້າງພື້ນທີ່ເພື່ອໃຫ້ປະຊາຊົນສອງປະເທດໄດ້ພົບປະ, ແລກປ່ຽນຄວາມຄິດຄວາມເຫັນ ແລະ ຮ່ວມມືໃນຂົງເຂດຕ່າງໆ, ຈາກນັ້ນ ກໍ່ເຮັດໃຫ້ສາຍພົວພັນມິດຕະພາບທີ່ເປັນມູນເຊື້ອລະຫວ່າງ ຫວຽດນາມ - ລັດເຊຍ ເລິກເຊິ່ງກ່ວາອີກ. ນອກຈາກນັ້ນ, ຂ້າພະເຈົ້າຄິດວ່າ ເຕັກໂນໂລຢີ ແລະ ເຄືອຂ່າຍສັງຄົມຍັງສາມາດນຳໃຊ້ໄດ້ເພື່ອຊຸກຍູ້ການແລກປ່ຽນປະຊາຊົນ. ການພັດທະນາບັນດາພື້ນຖານໂປຼແກຼມອອນໄລ ເພື່ອໃຫ້ປະຊາຊົນສອງປະເທດສາມາດເຊື່ອມຕໍ່, ແບ່ງປັນ ແລະ ຮຽນຮູ້ເຊິ່ງກັນ ແລະ ກັນ ຈະເປີດໂອກາດໃຫມ່ໃນການແລກປ່ຽນ ແລະ ການຮ່ວມມື.
 |
| ເຫດການພົບປະແລກປ່ຽນວັດທະນະທຳ ຫວຽດນາມ - ລັດເຊຍ ໂດຍສະຫະພັນບັນດາອົງການມິດຕະພາບນະຄອນ ດານັງ ຈັດຕັ້ງໃນເດືອນພະຈິກ 2023. (ພາບ: DAFO) |
ພວກເຮົາຕ້ອງສືບຕໍ່ຫຼໍ່ລ້ຽງ ແລະ ພັດທະນາສາຍພົວພັນມິດຕະພາບເເບບພິເສດນີ້ ດ້ວຍຄວາມກະຕືລືລົ້ນ ແລະ ຄວາມພະຍາຍາມທັງໝົດ. ດ້ວຍຄວາມເອົາໃຈໃສ່, ພ້ອມໃຈຂອງທຸກຂັ້ນ, ຂະແໜງການຂອງ 2 ປະເທດ, ຂ້າພະເຈົ້າເຊື່ອໝັ້ນວ່າ ນ້ຳໃຈມິດຕະພາບລະຫວ່າງປະຊາຊົນ ຫວຽດນາມ - ລັດເຊຍ ຈະນັບມື້ນັບແໜ້ນແຟ້ນ ແລະ ພັດທະນາຢ່າງເຂັ້ມແຂງ, ກາຍເປັນພື້ນຖານອັນໜັກແໜ້ນໃຫ້ການພັດທະນາການພົວພັນມິດຕະພາບທີ່ເປັນມູນເຊື້ອ ແລະ ການຮ່ວມມືຫຼາຍດ້ານລະຫວ່າງ ຫວຽດນາມ - ລັດເຊຍ ຂຶ້ນສູ່ລະດັບໃໝ່.
- ຕາມທ່ານເອກອັກຄະລັດຖະທູດແລ້ວ, ຕ້ອງເຮັດແນວໃດເພື່ອເສີມຂະຫຍາຍ ແລະ ຊຸກຍູ້ການຮ່ວມມືໃນບັນດາຂົງເຂດຄື: ການສຶກສາ - ບຳລຸງສ້າງ ແລະ ວິທະຍາສາດ - ເຕັກໂນໂລຢີ?
ເພື່ອພັດທະນາການຮ່ວມມືດ້ານວິທະຍາສາດ - ເຕັກໂນໂລຢີ, 2 ຝ່າຍຕ້ອງເອົາໃຈໃສ່ຜັນຂະຫຍາຍບັນດາລາຍການ, ໂຄງການຮ່ວມມືຄົ້ນຄວ້າລວມໃນບັນດາຂົງເຂດທີ່ ລັດເຊຍ ມີທ່າແຮງ, ຫວຽດນາມ ມີຄວາມຕ້ອງການໃນບັນດາຂົງເຂດຄື: ຊີວະວິທະຍາສາດ, ເຕັກໂນໂລຢີພະລັງງານ, ເຕັກໂນໂລຢີອາວະກາດ, ການນໍາໃຊ້ຊັບພະຍາກອນສິ່ງແວດລ້ອມຢ່າງສົມເຫດສົມຜົນ; ການຄົ້ນຄວ້າພື້ນຖານ, Fintech, ປັນຍາປະດິດ, ຊີວະເວດ… 2 ປະເທດຕ້ອງມີນະໂຍບາຍ ແລະ ໃຊ້ແຫຼ່ງທຶນທີ່ເໝາະສົມ ເພື່ອລົງທຶນເຂົ້າໃນບັນດາລາຍການ, ໂຄງການຮ່ວມມືຄົ້ນຄວ້າລວມ, ພ້ອມກັນນັ້ນ ກໍ່ເພີ່ມທະວີການແລກປ່ຽນຄະນະຜູ້ແທນ, ແລກປ່ຽນພະນັກງານວິທະຍາສາດ, ເຊື່ອມຕໍ່ເຄືອຂ່າຍການຮ່ວມມືລະຫວ່າງຮາກຖານຄົ້ນຄວ້າ, ບຳລຸງສ້າງ...
ໃນຂົງເຂດການສຶກສາ-ບຳລຸງສ້າງ, ເພື່ອເສີມຂະຫຍາຍປະສິດທິຜົນການຮ່ວມມືໃນຂົງເຂດນີ້ກ່ວາອີກ, 2 ປະເທດກໍ່ພວມເຮັດສຳເລັດພື້ນຖານນິຕິກຳຢ່າງຮີບດ່ວນ, ເພື່ອໃຫ້ໄດ້ລົງນາມໃນສັນຍາສະບັບໃໝ່ກ່ຽວກັບການຮ່ວມມືດ້ານການສຶກສາ ໂດຍໄວ ເພື່ອທົດແທນສັນຍາທີ່ໄດ້ລົງນາມເມື່ອປີ 2005, ສັນຍາກ່ຽວກັບການສ້າງຕັ້ງ ແລະ ການເຄື່ອນໄຫວຂອງສູນ Pushkin; ຕໍ່ກຳນົດສັນຍາການບຳລຸງສ້າງພົນລະເມືອງ ຫວຽດນາມ ຢູ່ ລັດເຊຍ ຮອດປີ 2030...ສຳລັບການບຳລຸງສ້າງແຫຼ່ງຊັບພະຍາກອນມະນຸດຢູ່ສະຫະພັນ ລັດເຊຍ ຕາມສັນຍາ, ພວກເຮົາຕ້ອງໃຫ້ບຸລິມະສິດສົ່ງນັກສຶກສາໄປບຳລຸງສ້າງບັນດາກຸ່ມຂະແໜງການເຕັກນິກ, ວິທະຍາສາດນຳໃຊ້, ເຕັກໂນໂລຢີການເງິນ; ປະສານສົມທົບລະຫວ່າງກະຊວງທີ່ກ່ຽວຂ້ອງ ເພື່ອເພີ່ມຈຳນວນທຶນການສຶກສາໃຫ້ບັນດາຂະແໜງການແພດ ແລະ ບັນດາຂະແໜງການບຳລຸງສ້າງໃນຂົງເຂດວັດທະນະທຳ, ສິລະປະ.
ໃນແຕ່ລະປີ, ລັດເຊຍ ໄດ້ມອບທຶນສຶກສາ 1.000 ທຶນໃຫ້ພົນລະເມືອງ ຫວຽດນາມ ໄປຮ່ຳຮຽນຢູ່ ລັດເຊຍ. ເພື່ອດຶງດູດພົນລະເມືອງ ຫວຽດນາມ ມາຮ່ຳຮຽນຢູ່ ລັດເຊຍ, ຕ້ອງຊຸກຍູ້ວຽກງານໂຄສະນາກ່ຽວກັບພື້ນຖານການສຶກສາ ແລະ ບັນດາມະຫາວິທະຍາໄລ ລັດເຊຍ ຢູ່ບັນດາທ້ອງຖິ່ນຂອງ ຫວຽດນາມ, ເປີດກ້ວາງເປົ້າໝາຍຮັບສະໝັກນັກຮຽນ ເພື່ອເພີ່ມໂອກາດໃນການໄດ້ຮັບທຶນການສຶກສາໃຫ້ນັກສຶກສາ ຫວຽດນາມ ໃນທົ່ວປະເທດ.
ກ່ຽວກັບຝ່າຍ ລັດເຊຍ, ຄວນມີນະໂຍບາຍສ້າງເງື່ອນໄຂ ເພື່ອໃຫ້ນັກສຶກສາ ຫວຽດນາມ ພາຍຫຼັງຮຽນຈົບ ມີເວລາຊອກຫາໂອກາດເຮັດວຽກຢູ່ ລັດເຊຍ ເພື່ອຊົດເຊີຍສະພາບການຂາດແຄນຊັບພະຍາກອນມະນຸດທີ່ມີຄຸນນະພາບສູງ ກໍຄືຂາດແຄນແຮງງານທີ່ພວມເພີ່ມຂຶ້ນ. ຂ້າພະເຈົ້າຫວັງວ່າ, ດ້ວຍພື້ນຖານການພົວພັນອັນດີງາມລະຫວ່າງ 2 ປະເທດ, ການຢ້ຽມຢາມ ຫວຽດນາມ ຢ່າງເປັນທາງການຂອງທ່ານປະທານາທິບໍດີລັດເຊຍ V. Putin ໃນໄລຍະຈະມາເຖິງ ຈະນຳມາເຊິ່ງກຳລັງຜັກດັນໃໝ່ເພື່ອສອງໃຫ້ປະເທດນັບມື້ນັບຮ່ວມມືກັນຢ່າງແໜ້ນແຟ້ນ, ມີປະສິດທິຜົນ, ມຸ່ງໄປສູ່ອະນາຄົດທີ່ດີກວ່າ.
- ຂໍຂອບໃຈທ່ານເອກອັກຄະລັດຖະທູດ!
 | ການນຳລາວ ຕີລາຄາສູງປະສິດທິຜົນຂອງການຮ່ວມມືລະຫວ່າງໜັງສືພິມ ປະຊາຊົນ ຫວຽດນາມ ແລະ ໜັງສືພິມ ປະຊາຊົນ ລາວ ຍສໝ - ໃນຂອບເຂດການຢ້ຽມຢາມ ແລະ ເຮັດວຽກຢູ່ປະເທດ ລາວ, ວັນທີ 7 ມິຖຸນາ, ຄະນະຜູ້ແທນໜັງສືພິມ ປະຊາຊົນ ຫວຽດນາມ ນຳໂດຍສະຫາຍ ເລກັວກມິນ, ກຳມະການສູນກາງພັກ, ບັນນາທິການໃຫຍ່ໜັງສືພິມ ປະຊາຊົນ ຫວຽດນາມ, ຮອງຫົວໜ້າຄະນະໂຄສະນາສຶກສາສູນກາງ, ປະທານສະມາຄົມນັກຂ່າວ ຫວຽດນາມ ໄດ້ເຂົ້າຢ້ຽມຂ່ຳນັບສະຫາຍ ບຸນທອງ ຈິດມະນີ, ຜູ້ປະຈຳຄະນະເລຂາທິການ, ... |
 | ຫວຽດນາມ ສະໜັບສະໜູນບັນດາປະເທດ ອາຟຣິກາ ເພີ່ມທະວີບົດບາດໃນການແກ້ໄຂບັນດາສິ່ງທ້າທາຍດ້ານຄວາມໝັ້ນຄົງ ແລະ ການພັດທະນາທົ່ວໂລກ ຍສໝ - ອາທິດແລ້ວນີ້, ສະພາຄວາມໝັ້ນຄົງສະຫະປະຊາຊາດ (ສປຊ) ໄດ້ຈັດຕັ້ງວາລະປະຊຸມເປີດກ່ຽວກັບຫົວຂໍ້ “ເພີ່ມທະວີບົດບາດຂອງ ອາຟຣິກາ ໃນການແກ້ໄຂບັນດາສິ່ງທ້າທາຍດ້ານຄວາມໝັ້ນຄົງ ແລະ ການພັດທະນາທົ່ວໂລກ” ພາຍໃຕ້ການເປັນປະທານຂອງ ໂມຊຳບິກ, ປະເທດປະທານສະພາຄວາມໝັ້ນຄົງ ໃນເດືອນພຶດສະພາ 2024. |
ມິງດຶກ
