| ທະຫານ ຫວຽດນາມ ມອບຫ້ອງຮຽນ ແລະ ຫ້ອງອາຫານໃຫ້ເດັກນ້ອຍຊາວ ອາຟຣີກາ | |
| ງານມະຫະກຳກິລານັກຮຽນ ອາຊີຕາເວັນອອກສຽງໃຕ້ ຄັ້ງທີ 13 ໄດ້ດຳເນີນຢູ່ນະຄອນ ດານັງ |
 |
| ວັນທີ 26 ມິຖຸນາ, ຄະນະອາຈານສອນ ແລະ ນັກສຶກສາອາສາສະໝັກຂອງມະຫາວິທະຍາໄລແຫ່ງຊາດ Gyeongsang ໄດ້ຈັດຕັ້ງໂຄງການແລກປ່ຽນວັດທະນະທຳ ແລະ ການເຄື່ອນໄຫວລົງຕົວຈິງຢູ່ໂຮງຮຽນປະຖົມ ດາແທງ. (ພາບ: ໜັງສືພິມກົດໝາຍຫວຽດນາມ) |
 |
| ໃນລະຫວ່າງ 7 ວັນ (ແຕ່ວັນທີ 26 ມິຖຸນາ ຫາ ວັນທີ 2 ກໍລະກົດ), ນັກສຶກສາ ແລະ ອາຈານສອນ 40 ຄົນ ຈາກມະຫາວິທະຍາໄລແຫ່ງຊາດ Gyeongsang ໄດ້ມີບັນດາການເຄື່ອນໄຫວແລກປ່ຽນວັດທະນະທຳ, ຈັດຕັ້ງການເຄື່ອນໄຫວຫຼາຍຢ່າງເຊັ່ນ: ເປີດຊຸດຮຽນພາສາເກົາຫຼີ, ຕີມວຍ Taekwondo, K-Pop Dance, ການສຶກສາທັກສະຊີວິດສໍາລັບນັກຮຽນ. (ພາບ: ໜັງສືພິມກົດໝາຍຫວຽດນາມ) |
 |
| ນອກນີ້, ສະມາຊິກໃນຄະນະ ຍັງໄດ້ເຂົ້າຮ່ວມການສ້ອມແປງຫ້ອງນ້ຳ, ຕົບແຕ່ງບັນດາຝາຫ້ອງຂອງລະບຽງບັນດາຫ້ອງຮຽນຂອງໂຮງຮຽນປະຖົມ ດາແທງ. (ພາບ: TTXVN) |
 |
| ເນື່ອງໃນໂອກາດນີ້, ຄະນະອາຈານສອນ ແລະ ນັກສຶກສາຈາກມະຫາວິທະຍາໄລແຫ່ງຊາດ Gyeongsang ໄດ້ມອບຄອມພິວເຕີ 14 ໜ່ວຍ ໃຫ້ໂຮງຮຽນປະຖົມ ດາແທງ. |
 |
| ນີ້ແມ່ນຄັ້ງທຳອິດຂອງບັນດານັກສຶກສາມະຫາວິທະຍາໄລແຫ່ງຊາດ Gyeongsang ໄດ້ພົບປະແລກປ່ຽນວັດທະນະທຳ ແລະ ສຳຜັດການເຄື່ອນໄຫວອາສາສະໝັກຫຼາຍຢ່າງກັບບັນດານັກຮຽນຢູ່ນະຄອນ ດາຫຼາດ ໃນລະດູຮ້ອນ. |
 |
| ໂຄງການແມ່ນໂອກາດເພື່ອໃຫ້ນັກຮຽນຂອງໂຮງຮຽນປະຖົມ ດາແທງ ໄດ້ພົບປະ ແລະ ແລກປ່ຽນກັບບັນດານັກສຶກສາ ສ.ເກົາຫຼີ, ໂດຍຜ່ານບັນດາການເຄື່ອນໄຫວສຳຜັດທີ່ຫຼາກຫຼາຍໃນບັນດາໂຄງການແລກປ່ຽນວັດທະນະທຳ, ຮ່ຳຮຽນ, ຈາກນັ້ນ ກໍ່ປະກອບສ່ວນພັດທະນາການພົວພັນມິດຕະພາບອັນດີງາມລະຫວ່າງ ຫວຽດນາມ - ສ.ເກົາຫຼີ. |
 |
| ໃນຫຼາຍປີທີ່ຜ່ານມາ, ການພົວພັນລະຫວ່າງແຂວງ ເລິມດົງ ກັບບັນດາແຂວງ, ນະຄອນ ສ.ເກົາຫຼີ ນັບມື້ນັບສະໜິດສະໜົມ. ພິເສດແມ່ນໃນປີ 2023, ຈຳນວນນັກທ່ອງທ່ຽວຕ່າງປະເທດທີ່ມານະຄອນ ດາຫຼາດ ກໍ່ເພີ່ມຂຶ້ນຢ່າງແຮງ, ໃນນັ້ນ ນັກທ່ອງທ່ຽວ ສ.ເກົາຫຼີ ກວມ 80%. |
ມິງດຶກ
