ທີ່ການຕ້ອນຮັບ, ທ່ານລັດຖະມົນຕີ ເລືອງຕ່າມກວາງ ເນັ້ນໜັກວ່າ ການຮ່ວມມືລະຫວ່າງກະຊວງຕຳຫຼວດ 2 ປະເທດ ຫວຽດນາມ - ລາວ ໃນຊຸມປີມໍ່ໆມານີ້ ຍາມໃດກໍ່ໄດ້ຮັບການຮັກສາ, ປັບປຸງ, ພັດທະນາທັງລວງກ້ວາງ ແລະ ລວງເລິກ, ພິເສດແມ່ນໃນວຽກງານສົມທົບກັນ ເພື່ອແລກປ່ຽນສະພາບການທີ່ກ່ຽວຂ້ອງເຖິງຄວາມປອດໄພແຫ່ງຊາດ ແລະ ການຮັກສາຄວາມເປັນລະບຽບຮຽບຮ້ອຍຄວາມປອດໄພທາງສັງຄົງຂອງແຕ່ລະປະເທດ. ບັນດາກຳລັງເຈົ້າທີ່ຂອງ 2 ຝ່າຍ ໄດ້ສົມທົບກັນຢ່າງແໜ້ນແຟ້ນ, ຮັບປະກັນຄວາມປອດໄພເດັດຂາດຕໍ່ບັນດາເຫດການການເມືອງ, ບັນດາການຢ້ຽມຢາມຂອງການນຳຂັ້ນສູງຂອງ 2 ປະເທດ; ສ້າງເງື່ອນໄຂສະດວກໃຫ້ແກ່ການເຄື່ອນໄຫວຂອງປະຊາຊົນຫວຽດນາມ - ລາວ.
 |
| Toàn cảnh buổi tiếp. ພາບທີ່ການພົບປະ |
ໃນຊຸມປີມໍ່ໆມານີ້, ກະຊວງຕຳຫຼວດ ຫວຽດນາມ ໄດ້ໜູນຊ່ວຍກະຊວງຕຳຫຼວດລາວ ກໍ່ສ້າງສຳນັກງານຕຳຫຼວດ 244 ແຫ່ງຢູ່ບັນດາໝູ່ບ້ານຂອງລາວ ທີ່ມີຊາຍແດນຕິດກັບ ຫວຽດນາມ ແລະ ບັນດາໝູ່ບ້ານທີ່ເປັນບໍລິເວນຈຸດສຸມ, ຄວາມປອດໄພຍັງສັບສົນ; ໜູນຊ່ວຍກໍ່ສ້າງກິດຈະການສະຖາບັນການເມືອງຕຳຫຼວດລາວ; ໄດ້ຮັບ, ບຳລຸງສ້າງ, ບຳລຸງພະນັກງານຫຼາຍຄົນຂອງກະຊວງຕຳຫຼວດລາວ ໄປຍັງ ຫວຽດນາມ ເພື່ອສຶກສາ, ຄົ້ນຄວ້າ.
ປະຈຸບັນ, ກະຊວງຕຳຫຼວດຫວຽດນາມ ພວມຜັນຂະຫຍາຍການໜູນຊ່ວຍກະຊວງຕຳຫຼວດລາວ ກໍ່ສ້າງລະບົບຂໍ້ມູນພົນລະເມືອງ ແລະ ບັດປະຈຳຕົວ, ສ້າງສູນບຳບັດຜູ້ຕິດຢາເສບຕິດຢູ່ນະຄອນຫຼວງວຽງຈັນ, ລາວ.
 |
| ທ່ານລັດຖະມົນຕີ ເລືອງຕ່າມກວາງ ກ່າວຄຳປາໄສທີ່ການພົບປະ. |
ຢືນຢັນວ່າ ກະຊວງຕຳຫຼວດ ຫວຽດນາມ ຍາມໃດກໍ່ຖືເປັນສຳຄັນ ແລະ ໃຫ້ບຸລິມະສິດສູງສຸດໃນການປັບປຸງ ແລະ ເພີ່ມທະວີການພົວພັນຮ່ວມມືຮອບດ້ານລະຫວ່າງສອງປະເທດ ຫວຽດນາມ - ລາວ ເວົ້າລວມ, ລະຫວ່າງກະຊວງຕຳຫຼວດສອງປະເທດ ຫວຽດນາມ - ລາວ ເວົ້າສະເພາະ, ທ່ານລັດຖະມົນຕີ ເລືອງຕ່າມກວາງ ໃຫ້ຮູ້ວ່າ ກະຊວງຕຳຫຼວດ ຫວຽດນາມ ຈະສືບຕໍ່ໜູນຊ່ວຍກະຊວງຕຳຫຼວດລາວ ແລະ ບັນດາກະຊວງ, ຂະແໜງການທີ່ກ່ຽວຂ້ອງ ເພື່ອປະຕິບັດສຳເລັດໜ້າທີ່ຂອງລາວ ໃນຖານະເປັນປະທານ ອາຊຽນ 2024.
ທ່ານລັດຖະມົນຕີ ເລືອງຕ່າມກວາງ ໄດ້ສະແດງຄວາມເຊື່ອໝັ້ນວ່າ ໃນໄລຍະດຳລົງຕຳແໜ່ງ, ທ່ານເອກອັກຄະລັດຖະທູດ ຈະປະກອບສ່ວນສຳຄັນເຂົ້າໃນການຊຸກຍູ້ການພົວພັນມິດຕະພາບ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງສອງປະເທດ ຫວຽດນາມ - ລາວ.
 |
| ທ່ານເອກອັກຄະລັດຖະທູດ ນາງ ຄຳເພົາ ເອີນທະວັນ ກ່າວຄຳປາໄສທີ່ການພົບປະ. |
ໂດຍສະແດງຄວາມຂອບອົກຂອບໃຈຢ່າງຈິງໃຈ ເຖິງທ່ານລັດຖະມົນຕີ ເລືອງຕ່າມກວາງ ທີ່ໄດ້ສະຫຼະເວລາໃຫ້ການຕ້ອນຮັບ, ທ່ານເອກອັກຄະລັດຖະທູດ ນາງ ຄຳເພົາ ເອີນທະວັນ ຢືນຢັນວ່າ ໃນຖານະຕຳແໜ່ງຂອງຕົນ ຈະເພີ່ມທະວີການພົວພັນຮ່ວມມືລະຫວ່າງ ຫວຽດນາມ ແລະ ລາວ ເວົ້າລວມ ແລະ ລະຫວ່າງກຳລັງຕຳຫຼວດສອງປະເທດ ເວົ້າສະເພາະ, ປະກອບສ່ວນເຂົ້າໃນການເຮັດໃຫ້ການພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ, ການຮ່ວມມືຮອບດ້ານລະຫວ່າງສອງພັກ, ສອງລັດ, ປະຊາຊົນສອງຊາດ ເວົ້າລວມ, ລະຫວ່າງກະຊວງຕຳຫຼວດ ສອງປະເທດ ຫວຽດນາມ-ລາວ ເວົ້າສະເພາະ ເລິກເຊິ່ງກ່ວາອີກ.
 |
| ບັນດາຜູ້ແທນໄດ້ຖ່າຍຮູບທີ່ລະນຶກ. |
 | ສະຫະພັນບັນດາອົງການມິດຕະພາບ ຫວຽດນາມ, ແຂວງ ລາວກາຍ ແລກປ່ຽນບັນດາເນື້ອໃນການຮ່ວມມືດ້ານການທູດປະຊາຊົນ ຍສໝ - ວັນທີ 12 ມິຖຸນາ 2024, ຢູ່ຮ່າໂນ້ຍ, ທ່ານປະທານສະຫະພັນບັນດາອົງການມິດຕະພາບ ຫວຽດນາມ ຟານແອງເຊີນ ໄດ້ຕ້ອນຮັບ ແລະ ເຮັດວຽກກັບຄະນະປະຕິບັດງານແຂວງ ລາວກາຍ ໂດຍທ່ານປະທານຄະນະກຳມະການປະຊາຊົນແຂວງ ລາວກາຍ ຈິ້ງຊວນເຈື່ອງ ເປັນຫົວໜ້າຄະນະ. ເຂົ້າຮ່ວມພ້ອມກັນກັບຄະນະ ມີການນຳສະຫະພັນບັນດາອົງການມິດຕະພາບແຂວງ ລາວກາຍ ແລະ ຜູ້ຕາງໜ້າບັນດາພະແນກ, ຂະແໜງການຂອງແຂວງ. |
 | ຮັດແໜ້ນສາຍພົວພັນ ແລະ ການຮ່ວມມື ລາວ - ມົງໂກລີ ຍສໝ - ໂດຍຕອບຮັບຄຳເຊີນຂອງທ່ານ Khurelsukh Ukhna, ປະທານາທິບໍດີ ມົງໂກລີ, ທ່ານ ທອງລຸນ ສີສຸລິດ, ປະທານປະເທດລາວ ແລະ ຄະນະຜູ້ແທນ ໄດ້ມີການຢ້ຽມຢາມທາງລັດຖະກິດຢູ່ ມົງໂກລີ ນັບແຕ່ວັນທີ 11 – 12 ມິຖຸນານີ້ ເພື່ອຮັດແໜ້ນ ແລະ ພັດທະນາສາຍພົວພັນມິດຕະພາບທີ່ເປັນມູນເຊື້ອ ແລະ ການຮ່ວມມືອັນດີງາມລະຫວ່າງສອງປະເທດ. |
ມິງດຶກ
