ວັນທີ 14 ມິຖຸນາ, ຢູ່ຮ່າໂນ້ຍ, ກະຊວງປ້ອງກັນປະເທດ ໄດ້ຈັດຕັ້ງການສຳມະນາວິທະຍາສາດລະດັບຊາດຄັ້ງທຳອິດກ່ຽວກັບ“ຄວາມສາມັກຄີສາມປະເທດ ຫວຽດນາມ - ລາວ - ກຳປູເຈຍ” ໂດຍທ່ານ ພົນເອກ ປອ. ຟານວັນຢາງ, ກຳມະການກົມການເມືອງ, ຮອງເລຂາຄະນະພັກທະຫານສູນກາງ, ລັດຖະມົນຕີກະຊວງປ້ອງກັນປະເທດ ຫວຽດນາມ ເປັນຫົວໜ້າຮັບຜິດຊອບຫົວຂໍ້.
ທ່ານພົນໂທ ຫງວຽນເຕີ່ນເກືອງ, ກໍາມະການສູນກາງພັກ, ກໍາມະການປະຈຳຄະນະພັກທະຫານສູນກາງ, ຫົວໜ້າເສນາທິການໃຫຍ່ກອງທັບ ປະຊາຊົນຫວຽດນາມ, ທ່ານພົນໂທ ຫງວຽນຈ້ອງເຫງ້ຍ, ກໍາມະການສູນກາງພັກ, ເລຂາຄະນະພັກການທະຫານສູນກາງ, ຫົວໜ້າກົມໃຫຍ່ເສນາທິການກອງທັບປະຊາຊົນຫວຽດນາມ, ຮອງລັດຖະມົນຕີກະຊວງປ້ອງກັນປະເທດ ຫວຽດນາມ ເປັນປະທານການສຳມະນາ.
 |
| ທ່ານພົນໂທ ຫງວຽນເຕີ່ນເກືອງ ກ່າວຄຳປາໄສທີ່ການສຳມະນາ. (ທີ່ມາ; ໜັງສືພິມກອງທັບປະຊາຊົນ) |
ຄະນະຈັດຕັ້ງສຳມະນາ ໄດ້ຮັບບົດປະກອບຄຳເຫັນ 30 ບົດຂອງບັນດານາຍທະຫານ, ນັກຊ່ຽວຊານ, ນັກວິທະຍາສາດພາຍໃນປະເທດ. ບັນດາບົດປະກອບຄຳເຫັນ ລ້ວນແຕ່ໄດ້ກະກຽມຢ່າງລະອຽດລະອໍ, ມີຄຸນນະພາບສູງ, ຍົກອອກຫຼາຍຂໍ້ໂຕ້ແຍ້ງ, ບົດວິພາກ, ທັດສະນະ, ການຕີລາຄາ, ວິເຄາະຢ່າງເລິກເຊິ່ງ, ພາວະວິໄສ, ຮອບດ້ານກ່ຽວກັບຄວາມສາມັກຄີ, ມິດຕະພາບ ຫວຽດນາມ - ລາວ - ກຳປູເຈຍ ໃນປະຫວັດສາດ ແລະ ປະຈຸບັນ, ເປັນພື້ນຖານ ເພື່ອຄະນະຫົວໜ້າຮັບຜິດຊອບຫົວຂໍ້ການຄົ້ນຄວ້າ, ຮຽບຮຽງຫົວຂໍ້.
ທີ່ສຳມະນາ, ບັນດາຜູ້ແທນ ໄດ້ວິເຄາະ, ຊີ້ແຈງບັນດາບັນຫາພື້ນຖານກ່ຽວກັບທິດສະດີ, ຕົວຈິງປະຫວັດສາດໃນຂະບວນການກໍ່ສ້າງ, ພັດທະນາຄວາມສາມັກຄີ ຫວຽດນາມ - ລາວ - ກຳປູເຈຍ ໃນບັນດາໄລຍະ: 1930-1945, 1945-1954, 1954-1975; ສະເໜີບັນດາມາດຕະການຕົວຈິງ ເພື່ອເພີ່ມທະວີຄວາມສາມັກຄີ, ຮັກສາການພົວພັນທີ່ເປັນມູນເຊື້ອລະຫວ່າງສາມປະເທດຊາດ, ກອງທັບສາມປະເທດ ຫວຽດນາມ - ລາວ - ກຳປູເຈຍ, ຮັກສາສະພາບແວດລ້ອມແຫ່ງສັນຕິພາບ, ສະຖຽນລະພາບ, ການພັດທະນາແບບຍືນຍົງໃນສະພາບການໃໝ່.
ໂດຍຕີລາຄາສູງການສົມທົບກັນຢ່າງມີປະສິດທິຜົນຂອງບັນດາຄະນະ, ກະຊວງ, ຂະແໜງການສູນກາງ, ບັນດາອົງການ, ຫົວໜ່ວຍທີ່ກ່ຽວຂ້ອງ ແລະ ບັນດາການປະກອບຄຳເຫັນ, ຄຳເຫັນປະກອບທີ່ຈິງໃຈ, ມີຄຸນຄ່າ, ປະກອບສ່ວນສຳຄັນເຂົ້າໃນຜົນສຳເລັດຂອງການສຳມະນາ, ທ່ານພົນໂທ ຫງວຽນເຕີ່ນເກືອງ ໄດ້ສະເໜີຄະນະຫົວໜ້າຮັບຜິດຊອບຫົວຂໍ້ ຮັບເອົາຢ່າງສູງສຸດບັນດາຄໍາເຫັນປະກອບ; ສຸມໃສ່ວິເຄາະ, ຕີລາຄາຢ່າງເລິກເຊິ່ງ, ຮອບດ້ານກ່ວາອີກກ່ຽວກັບທີ່ຕັ້ງ, ບົດບາດ, ພື້ນຖານສ້າງຕັ້ງສາຍພົວພັນຫວຽດນາມ - ລາວ - ກຳປູເຈຍ ໃນປະຫວັດສາດ; ສະພາບການໃນປະຈຸບັນຂອງການພົວພັນລະຫວ່າງສາມປະເທດຊາດ, ສາມລັດຖະບານ ແລະ ກອງທັບ ຫວຽດນາມ - ລາວ - ກຳປູເຈຍ, ບັນດາປັດໄຈທີ່ສົ່ງຜົນກະທົບຕໍ່ການພົວພັນສາມປະເທດໃນສະພາບການໃໝ່, ບົນພື້ນຖານນັ້ນ ກໍ່ສະເໜີແນະບັນດາມາດຕະການທີ່ອາດຈະເປັນໄປໄດ້ ເພື່ອສືບຕໍ່ປັບປຸງ, ເພີ່ມທະວີຄວາມສາມັກຄີ, ມິດຕະພາບລະຫວ່າງສາມປະເທດຊາດ.
ນອກຈາກນັ້ນ, ທ່ານພົນໂທ ຫງວຽນເຕີ່ນເກືອງ ກໍ່ສະເໜີໃຫ້ຫົວໜ່ວຍ ຮັບຜິດຊອບປະຕິບັດຫົວຂໍ້ສືບຕໍ່ສົມທົບກັນຢ່າງແໜ້ນແຟ້ນກັບບັນດາອົງການທີ່ກ່ຽວຂ້ອງ ເພື່ອຜັນຂະຫຍາຍບັນດາໜ້າທີ່ຄົ້ນຄວ້າຖືກຕາມລະດັບຄວາມຄືບໜ້າ, ຮັບປະກັນຄຸນນະພາບ.
 | ເພີ່ມທະວີການຄຸ້ມຄອງແຮງງານທີ່ໄປເຮັດວຽກຢູ່ຕ່າງປະເທດ ຍສໝ - ເພື່ອຍົກສູງຄວາມຮັບຜິດຊອບຂອງທຸກຂັ້ນ, ຂະແໜງການໃນການປະຕິບັດງານການຄຸ້ມຄອງແຮງງານທີ່ໄປເຮັດວຽກຢູ່ຕ່າງປະເທດຕາມສັນຍາ, ຄະນະກຳມະການປະຊາຊົນແຂວງ ກອນຕູມ ໄດ້ອອກຖະແຫຼງການສະບັບເລກທີ 1298/UBND-KGVX ກ່ຽວກັບການເພີ່ມທະວີວຽກງານຄຸ້ມຄອງແຮງງານໄປເຮັດວຽກຢູ່ຕ່າງປະເທດຕາມສັນຍາ. |
 | ພີ່ມທະວີການຮ່ວມມື, ພົບພະແລກປ່ຽນປະຊາຊົນລະຫວ່າງບັນດາທ້ອງຖິ່ນຂອງ ຫວຽດນາມ ກັບແຂວງ ກວາງຊີ (ຈີນ) ຍສໝ - ໃນຂອບເຂດການຢ້ຽມຢາມ ຈີນ ຢ່າງເປັນທາງການ, ວັນທີ 3 ເມສາ 2024, ທ່ານລັດຖະມົນຕີການຕ່າງປະເທດ ຫວຽດນາມ ບຸ່ຍແທງເຊີນ ໄດ້ຕ້ອນຮັບທ່ານ ລິວນິງ, ເລຂາຄະນະພັກເຂດປົກຄອງຕົນເອງຊົນເຜົ່າ Choang ກວາງຊີ (ຈີນ) |
ມິງດຶກ
