| ສະຖານທູດ, ສະຖານກົງສູນໃຫຍ່ ແມ່ນຂົວຕໍ່ຊຸກຍູ້ການຮ່ວມມືລະຫວ່າງແຂວງ ບິ່ງທ້ວນ ແລະ ບັນດາທ້ອງຖິ່ນຂອງລາວ | |
| ຫວຽດນາມ - ໄທ ເພີ່ມທະວີການຮ່ວມມືໃນຫຼາຍຂົງເຂດ |
ໃນບັນຍາກາດມິດຕະພາບ, ຈິງໃຈ, ສອງຝ່າຍ ໄດ້ສະຫຼຸບໝາກຜົນການຮ່ວມມື ແລະ ສະເໜີບັນດາມາດຕະການພັດທະນາການພົວພັນລະຫວ່າງບັນດາກະຊວງ, ຂະແໜງການ, ທ້ອງຖິ່ນຂອງຫວຽດນາມ ກັບ ກວາງຊີ, ຈີນ.
ທ່ານລັດຖະມົນຕີການຕ່າງປະເທດ ຫວຽດນາມ ບຸ່ຍແທງເຊີນ ຢືນຢັນວ່າ ພັກ, ລັດ ຫວຽດນາມ ຍາມໃດກໍ່ສະໜັບສະໜູນ, ສ້າງເງື່ອນໄຂສະດວກໃຫ້ບັນດາທ້ອງຖິ່ນຂອງຫວຽດນາມ ເພີ່ມທະວີການຮ່ວມມືທີ່ຕ່າງຝ່າຍຕ່າງມີຜົນປະໂຫຍດກັບບັນດາທ້ອງຖິ່ນຂອງ ຈີນ, ໃນນັ້ນມີແຂວງ ກວາງຊີ. ທ່ານ ສະເໜີວ່າ ໃນໄລຍະຈະມາເຖິງ, ສອງຝ່າຍຕ້ອງສຸມໃສ່ຜັນຂະຫຍາຍຄວາມຮັບຮູ້ລວມຂັ້ນສູງຢ່າງມີປະສິດທິຜົນ ແລະ ບັນດາໝາກຜົນສຳຄັນທີ່ບັນລຸໄດ້ໃນໄລຍະການຢ້ຽມຢາມ ຈີນ (ເດືອນ ຕຸລາ 2022) ຂອງທ່ານເລຂາທິການໃຫຍ່ ຫວຽດນາມ ຫງວຽນຝູຈ້ອງ ແລະ ການຢ້ຽມຢາມ ຫວຽດນາມ ທ່ານເລຂາທິການໃຫຍ່, ປະທານປະເທດ ຈີນ ສີຈິ້ນຜິງ (ເດືອນທັນວາ 2023) ຕາມ 6 ເສົາຄ້ຳທີ່ສອງຝ່າຍໄດ້ກຳນົດ, ປະກອບສ່ວນຢ່າງຕັ້ງໜ້າເຂົ້າໃນການກໍ່ສ້າງປະຊາຄົມແບ່ງປັນອະນາຄົດຫວຽດນາມ - ຈີນ ຢ່າງມີຄວາມໝາຍຍຸດທະສາດ.
 |
| ທ່ານລັດຖະມົນຕີການຕ່າງປະເທດ ຫວຽດນາມ ບຸ່ຍແທງເຊີນ (ຊ້າຍ) ແລະ ທ່ານ ລິວນິງ, ເລຂາຄະນະພັກເຂດປົກຄອງຕົນເອງຊົນເຜົ່າ Choang (ກວາງຊີ, ຈີນ) |
ທ່ານ ບຸ່ຍແທງເຊີນ ໄດ້ສະແດງຄວາມປາດຖະໜາວ່າ ແຂວງ ກວາງຊີ ແລະ ບັນດາກະຊວງ, ຂະແໜງການ, ທ້ອງຖິ່ນຂອງ ຫວຽດນາມ ຈະສືບຕໍ່ຮັກສາ, ຍົກສູງປະສິດທິຜົນຂອງບັນດາກົນໄກຮ່ວມມືທີ່ມີຢູ່ແລ້ວ; ເພີ່ມທະວີການພົບປະແລກປ່ຽນມິດຕະພາບ, ແລກປ່ຽນກ່ຽວກັບທິດສະດີ, ແບ່ງປັນປະສົບການຕົວຈິງໃນວຽກງານກໍ່ສ້າງພັກ, ການຄຸ້ມຄອງສັງຄົມ, ການພັດທະນາເສດຖະກິດ. ທ່ານ ກໍ່ຍັງສະເໜີໃຫ້ແຂວງ ກວາງຊີ ສ້າງເງື່ອນໄຂສະດວກສູງສຸດໃຫ້ສິນຄ້າຜ່ານດ່ານບັນດາຊາຍແດນ, ພິເສດແມ່ນສຳລັບຜະລິດຕະພັນກະເສດຂອງ ຫວຽດນາມ ທີ່ສົ່ງອອກໄປ ຈີນ ເພື່ອປະກອບສ່ວນນຳຜົນປະໂຫຍດຕົວຈິງມາໃຫ້ແກ່ຊາວກະສິກອນ ຫວຽດນາມ ແລະ ຜູ້ບໍລິໂພກ ຈີນ; ຍູ້ແຮງການກໍ່ສ້າງພື້ນຖານໂຄງລ່າງດ່ານຊາຍແດນ, ຍົກສູງກຳລັງຄວາມສາມາດຂົນສົ່ງສິນຄ້າ ແລະ ປະສິດທິພາບການຜ່ານດ່ານຢູ່ບັນດາຄູ່ຊາຍແດນທາງບົກ; ສອງຝ່າຍຕ້ອງຊຸກຍູ້ການກໍ່ສ້າງການເຊື່ອມຕໍ່ພື້ນຖານໂຄງລ່າງທາງລົດໄຟ, ເສັ້ນທາງບົກ.
ຕາມທ່ານລັດຖະມົນຕີ ບຸ່ຍແທງເຊີນ ແລ້ວ, ສອງຝ່າຍຕ້ອງສືບຕໍ່ສືບທອດ ແລະ ເສີມຂະຫຍາຍການພົວພັນມິດຕະພາບທີ່ເປັນມູນເຊື້ອ; ຕັ້ງໜ້າປົກປັກຮັກສາ, ຂຸດຄົ້ນບັນດາ “ທີ່ຢູ່ສີແດງ” ປະຕິວັດ, ຮ່ອງຮອຍປະທານ ໂຮ່ຈີມິນ ຢູ່ກວາງຊີ ເພື່ອເພີ່ມທະວີຄວາມເຂົ້າໃຈເຊິ່ງກັນ ແລະ ກັນ ແລະ ຄວາມຮັກແພງມິດຕະພາບລະຫວ່າງປະຊາຊົນສອງປະເທດ, ພິເສດແມ່ນລຸ້ນໜຸ່ມ. ພ້ອມກັນນັ້ນ, ກໍ່ສົມທົບກັນຢ່າງແໜ້ນແຟ້ນໃນການຄຸ້ມຄອງຊາຍແດນທາງບົກ ຫວຽດນາມ - ຈີນ ໃຫ້ດີຕາມ 3 ເອກະສານນິຕິກຳກ່ຽວກັບຊາຍແດນທາງບົກລະຫວ່າງສອງປະເທດ ແລະ ສັນຍາທີ່ກ່ຽວຂ້ອງ; ພ້ອມກັນຈັດຕັ້ງການເຄື່ອນໄຫວສະເຫຼີມສະຫຼອງ 25 ປີແຫ່ງວັນລົງນາມສັນຍາຊາຍແດນດິນຕໍ່ແຜ່ນ ແລະ 15 ປີແຫ່ງການລົງນາມ 3 ເອກະສານນິຕິກຳກ່ຽວກັບຊາຍແດນດິນຕໍ່ແຜ່ນໃນປີ 2024.
ກ່າວຄຳປາໄສທີ່ການພົບປະ, ທ່ານ ລິວນິງ ໃຫ້ຮູ້ວ່າ ແຂວງ ກວາງຊີ ຖືເປັນສຳຄັນການພົວພັນແລກປ່ຽນມິດຕະພາບ, ການຮ່ວມມືທີ່ຕ່າງຝ່າຍຕ່າງມີຜົນປະໂຫຍດກັບບັນດາກະຊວງ, ຂະແໜງການ, ທ້ອງຖິ່ນຂອງ ຫວຽດນາມ ເປັນພິເສດ. ທ່ານ ສະເໜີໃຫ້ສອງຝ່າຍໜູນໃຊ້ຄວາມສາມາດບົ່ມຊ້ອນ, ທ່າແຮງ ແລະ ຄວາມເພີ່ມເຕີມເຊິ່ງກັນແລະກັນໃນການຮ່ວມມື; ເພີ່ມທະວີການເຊື່ອມຕໍ່ພື້ນຖານໂຄງລ່າງຄົມມະນາຄົມ, ສ້າງເງື່ອນໄຂສະດວກໃຫ້ແກ່ການຜ່ານດ່ານ, ຊຸກຍູ້ການກໍ່ສ້າງດ່ານຊາຍແດນອັດສະລິຍະ, ຊຸກຍູ້ການຮ່ວມມືດ້ານການທ່ອງທ່ຽວ, ພົບປະແລກປ່ຽນປະຊາຊົນ; ປະກອບສ່ວນຢ່າງຕັ້ງໜ້າເຂົ້າໃນການສ້າງສາປະຊາຄົມແບ່ງປັນອະນາຄົດ ຫວຽດນາມ - ຈີນ ທີ່ມີຄວາມໝາຍຍຸດທະສາດ.
ມິງດຶກ
