| ເພີ່ມທະວີການຮ່ວມມືດ້ານພຸດທະສາສະໜາລະຫວ່າງ ຫວຽດນາມ ແລະ ສີລັງກາ | |
| ເພີ່ມທະວີການຮ່ວມມືໃນຂົງເຂດການຄຸ້ມຄອງທ້ອງຕະຫຼາດລະຫວ່າງ ຫວຽດນາມ ແລະ ລາວ |
ຕາມນັ້ນແລ້ວ, ຄະນະກຳມະການປະຊາຊົນແຂວງ ກອນຕູມ ຮຽກຮ້ອງ:
ບັນດາພະແນກມ ຄະນະ, ຂະແໜງການ; ຄະນະກຳມະການປະຊາຊົນບັນດາເມືອງ, ນະຄອນ ສືບຕໍ່ຜັນຂະຫຍາຍປະຕິບັດບັນດາແຜນການຂອງຄະນະພັກແຂວງ, ຄະນະກຳມະການປະຊາຊົນແຂວງຢ່າງມີປະສິດທິຜົນ ສຳລັບວຽກງານສົ່ງຄົນແຮງຫວຽດນາມ ໄປເຮັດວຽກຢູ່ຕ່າງປະເທດໃນສະພາບການໃໝ່. ຍົກສູງກຳລັງຄວາມສາມາດ, ມີຜົນສັກສິດອີກ, ມີປະສິດທິຜົນຂອງການຄຸ້ມຄອງລັດ ໃນການສົ່ງແຮງງານຫວຽດນາມ ໄປເຮັດວຽກຢູ່ຕ່າງປະເທດ.
 |
| ພະແນກແຮງງານ-ທະຫານເສຍອົງຄະ ແລະ ສັງຄົມແຂວງ ກອນຕູມ ພ້ອມກັນກັບອຳນາດການປົກຄອງທ້ອງຖິ່ນ ໄດ້ໄປຢ້ຽມຢາມຄອບຄົວ ນາງ ອີແງນ (ອາໄສຢູ່ບ້ານ ກອນເຊີຕິວ, ຕາແສງ ຫງອກແຣ໋ວ, ເມືອງ ດັກຮ່າ) ພາບ: TTXVN |
ຄະນະກຳມະການປະຊາຊົນບັນດາເມືອງ, ນະຄອນ ຊີ້ນຳບັນດາຫ້ອງການ, ຄະນະວິຊາສະເພາະ, ຄະນະກຳມະການປະຊາຊົນບັນດາຕາແສງ, ເມືອງ, ເທດສະບານ ເພີ່ມທະວີວຽກງານການຄຸ້ມຄອງແຮງງານທີ່ໝົດກຳນົດເວລາເຮັດວຽກ ແລ້ວກັບຄືນປະເທດ ຫຼື ກັບຄືນປະເທດກ່ອນກຳນົດເວລາ, ສ້າງເງື່ອນໄຂສະດວກໃຫ້ແຮງງານໄດ້ຮັບການກູ້ຢຶມເງິນ, ເຂົ້າຮ່ວມການບຳລຸງສ້າງວິຊາຊີບ ແລະ ບັນດານະໂຍບາຍອື່ນໆ ຕາມລະບຽບການ. ພ້ອມກັນນັ້ນ, ກໍດຳເນີນການກວດກາຄືນບັນຊີລາຍຊື່ແຮງງານທີ່ໄປເຮັດວຽກຢູ່ຕ່າງປະເທດຕາມສັນຍາທີ່ສິ້ນສຸດແລ້ວ ແຕ່ຍັງບໍ່ທັນກັບຄືນປະເທດ ເພື່ອປະສານສົມທົບກັບບັນດາອົງການຈັດຕັ້ງໝູ່ຄະນະ, ການເມືອງ - ສັງຄົມຂອງທ້ອງຖິ່ນ ເພື່ອເຜີຍແຜ່, ໃຫ້ຄຳປຶກສາກັບຄອບຄົວແຮງງານດັ່ງກ່າວ ເພື່ອຕິດຕໍ່, ລະດົມແຮງງານທີ່ສັນຍາວ່າຈ້າງໝົດກຳນົດເວລາ, ພັກເຊົາແບບຜິດກົດໝາຍ ໃຫ້ກັບຄືນປະເທດເພື່ອຫຼີກລ້ຽງຄວາມສ່ຽງທີ່ແຮງງານຈະຕ້ອງປະເຊີນໜ້າໃນເວລາເຮັດວຽກ ແລະ ພັກເຊົາແບບຜິດກົດໝາຍ.
ພະແນກຕ້ອງຕິດຕາມ, ປະສານສົມທົບກັບກົມຄຸ້ມຄອງແຮງງານຢູ່ຕ່າງປະເທດ (ກະຊວງແຮງງານ - ທະຫານເສຍອົງຄະ ແລະ ສັງຄົມ), ບັນດາບໍລິສັດທີ່ກ່ຽວຂ້ອງຢ່າງເປັນປະຈຳ ເພື່ອອັບເດດຂໍ້ມູນກ່ຽວກັບພົນລະເມືອງຂອງແຂວງທີ່ໄປເຮັດວຽກຢູ່ຕ່າງປະເທດຕາມສັນຍາ, ແຮງງານທີ່ສັນຍາວ່າຈ້າງໝົດກຳນົດ ກັບຄືປະເທດ ເພື່ອມີບັນດາມາດຕະການປະສານງານເພື່ອຈັດການ, ແກ້ໄຂບັນຫາທີ່ເກີດຂຶ້ນຢ່າງທັນການ; ໜູນຊ່ວຍ, ປົກປ້ອງສິດ ແລະ ຜົນປະໂຫຍດທາງດ້ານກົດໝາຍຂອງແຮງງານໃນເວລາເຮັດວຽກຢູ່ຕ່າງປະເທດຢ່າງທັນການຕາມລະບຽບການ. ພິເສດ, ພະແນກຕ້ອງປະສານສົມທົບເພື່ອນຳແຮງງານ 2 ຄົນຈາກແຂວງທີ່ປະສົບກັບຄວາມຫຍຸ້ງຍາກກັບຄືນປະເທດໂດຍໄວ ເຊິ່ງແມ່ນນາງ ອີແງນ (ອາໄສຢູ່ບ້ານ ກອນເຊີຕິວ, ຕາແສງ ຫງອກແຣ໋ວ, ເມືອງ ດັກຮ່າ) ແລະ ນາງ ອີທາ (ອາໄສຢູ່ບ້ານ ດັກລຸບ, ຕາແສງ ດັກເນັນ, ເມືອງ ກອນເປີລົງ).
ພະແນກແຮງງານ-ທະຫານເສຍອົງຄະ ແລະ ສັງຄົມແຂວງ ກອນຕູມ ກໍ່ມິຄວາມຮັບຜິດຊອບໃນການສະເໜີໃຫ້ບັນດາບໍລິສັດທີ່ໄດ້ຮັບໃບອະນຸຍາດດຳເນີນການບໍລິການສົ່ງແຮງງານໄປຕ່າງປະເທດຕາມສັນຍາຈາກກະຊວງແຮງງານ-ທະຫານເສຍອົງຄະ ແລະ ສັງຄົມ ເມື່ອຜັນຂະຫຍາຍປະຕິບັດວຽກງານໃຫ້ຄຳປຶກສາ, ຮັບສະໝັກແຮງງານຢູ່ບໍລິເວນແຂວງ ຕ້ອງປະຕິບັດຢ່າງເຂັ້ມງວດ ແລະ ໃຫ້ຄຳໝັ້ນສັນຍາກັບອຳນາດການປົກຄອງທ້ອງຖິ່ນກ່ຽວກັບການໜູນຊ່ວຍ ແລະ ແກ້ໄຂບັນຫາທີ່ເກີດຂຶ້ນຂອງແຮງງານທີ່ເຮັດວຽກຢູ່ຕ່າງປະເທດຕາມສັນຍາ.
ມິງດຶກ
