| ສະເໜີການສ້າງຕັ້ງສູນວັດທະນະທຳ ຫວຽດນາມ ຢູ່ ສ.ເກົາຫຼີ | |
| ສ.ເກົາຫຼີ ຖື ຫວຽດນາມ ເປັນທິດບຸລິມະສິດໃນບັນດາການພົວພັນຕ່າງປະເທດ |
ຕອນເຊົ້າວັນທີ 12 ພຶດສະພາ, ທ່ານຮອງປະທານຄະນະກຳມະການປະຊາຊົນນະຄອນ ໂຮ່ຈີມິນ ຫວໍວັນຮວານ ພ້ອມກັບຄະນະ ໄດ້ມີການເຂົ້າຢ້ຽມຂ່ຳນັບ ແລະ ເຮັດວຽກກັບ ທ່ານເອກອັກຄະລັດຖະທູດ ຫວຽດນາມ ປະຈຳ ສ.ເກົາຫຼີ ຫວູໂຮ່ ດ້ວຍເປົ້າໝາຍຍົກສູງປະສິດທິຜົນ, ເຮັດໃຫ້ການພົວພັນຕ່າງປະເທດຂອງນະຄອນ ກັບບັນດາທ້ອງຖິ່ນຈຸດສຸມຂອງ ສ.ເກົາຫຼີ ເລິກເຊິ່ງກວ່າອີກ, ໃນສະພາບການທີ່ມີການປ່ຽນແປງຢ່າງເລິກເຊິ່ງຂອງສະພາບການພາກພື້ນ, ສາກົນ, ຊ່ວຍເປີດກ້ວາງພື້ນທີ່ພັດທະນາ, ຊອກຫາາກຳລັງຜັກດັນໃໝ່ໃຫ້ການເຕີບໂຕເສດຖະກິດ ແລະ ຍົກສູງທີ່ຕັ້ງສາກົນຂອງທ້ອງຖິ່ນ.
 |
| ທ່ານຮອງປະທານຄະນະກຳມະການປະຊາຊົນນະຄອນ ໂຮ່ຈີມິນ ຫວໍວັນຮວານ ໄດ້ມອບຕູ້ປຶ້ມພາສາ ຫວຽດນາມ ໃຫ້ປະຊາຄົມຊາວ ຫວຽດນາມ ຢູ່ ສ.ເກົາຫຼີ. (ທີ່ມາ: ຄະນະກຳມະການຊາວຫວຽດນາມ ອາໄສຢູ່ຕ່າງປະເທດນະຄອນ ໂຮ່ຈິມິນ) |
ການໄປປະຕິບັດງານຄັ້ງນີ້ ແມ່ນເພື່ອສະແດງໃຫ້ເຫັນເຖິງຄວາມຮັກແພງ, ຄວາມສົນໃຈຂອງຜູ້ນຳນະຄອນທີ່ມີຕໍ່ປະຊາຄົມຊາວຫວຽດນາມ ຢູ່ ສ.ເກົາຫຼີ, ຜ່ານນັ້ນ ກໍ່ໄດ້ຊອກຮູ້ກ່ຽວກັບຊີວິດ, ຮັບຟັງແນວຄວາມຄິດ, ຄວາມມຸ່ງມາດປາດຖະໜາຂອງຊາວຫວຽດນາມ ອາໄສຢູ່ຕ່າງປະເທດ ທີ່ພວມດຳລົງ ແລະ ເຮັດວຽກຢູ່ໃນບໍລິເວນ.
ກໍ່ມື້ດຽວກັນ, ທ່ານຮອງປະທານຄະນະກຳມະການປະຊາຊົນນະຄອນ ໂຮ່ຈີມິນ ແລະ ທ່ານເອກອັກຄະລັດຖະທູດ ຫວຽດນາມ ປະຈຳ ສ.ເກົາຫຼີ ກໍໄດ້ເປັນປະທານຈັດຕັ້ງໂຄງການ “ພົບປະ, ແລກປ່ຽນກັບປະຊາຄົມຊາວ ຫວຽດນາມ ຢູ່ ສ.ເກົາຫຼີ”.
ຢູ່ທີ່ນີ້, ທ່ານຮອງປະເທດຄະນະກຳມະການປະຊາຊົນນະຄອນ ໂຮ່ຈີມິນ ຫວໍວັນຮວານ ໃຫ້ຮູ້ວ່າ ຈະມອບໝາຍໃຫ້ຄະນະກຳມະການຊາວຫວຽດນາມ ອາໄສຢູ່ຕ່າງປະເທດນະຄອນ ໂຮ່ຈິມິນ ສົມທົບກັບບັນດາທ້ອງຖິ່ນຂອງ ສ.ເກົາຫຼີ ສືບຕໍ່ຈັດຕັ້ງບັນດາການເຄື່ອນໄຫວພົບປະແລກປ່ຽນ, ການເຊື່ອມໂຍງຢ່າງລະອຽດ ທີ່ມີຄວາມໝາຍຫຼາຍຢ່າງ, ບໍ່ພຽງແຕ່ເພື່ອການພັດທະນາຂອງຕົວເມືອງເທົ່ານັ້ນ ຫາກຍັງແມ່ນຄວາມຕ້ອງການຂອງປະຊາຄົມປັນຍາຊົນ, ວິສາຫະກິດ, ນັກສຶກສາຢູ່ຕ່າງປະເທດອີກດ້ວຍ.
ໃນໂອກາດນີ້, ບັນດາການນຳນະຄອນ ໂຮ່ຈີມິນ ໄດ້ມອບຕູ້ປຶ້ມພາສາ ຫວຽດນາມ ໃຫ້ສະມາຄົມໃຫຍ່ຊາວຫວຽດນາມ ຢູ່ ສ.ເກົາຫຼີ ເພື່ອຕອບສະໜອງໂຄງການ “ວັນເຊີດຊູພາສາ ຫວຽດນາມ ໃນປະຊາຄົມຊາວຫວຽດນາມ ຢູ່ຕ່າງປະເທດ ໄລຍະ 2023 – 2030” ຂອງລັດຖະບານ ຫວຽດນາມ.
ຜ່ານນັ້ນ, ການນຳນະຄອນ ກໍ່ປາດຖະໜາຢາກເຊີດຊູຄວາມອຸດົມສົມບູນ, ຄວາມງາມຂອງພາສາ ຫວຽດນາມ, ຍົກສູງຄວາມຮັບຮູ້ກ່ຽວກັບພາສາ ແລະ ວັດທະນະທຳຊາດໃຫ້ແກ່ຊາວຫວຽດນາມ ຢູ່ ສ.ເກົາຫຼີ ແລະ ເພື່ອນມິດສາກົນ, ພິເສດແມ່ນລຸ້ນໜຸ່ມ; ແຜ່ກະຈາຍຄວາມຮັກພາສາ ຫວຽດນາມ ຢ່າງເຂັ້ມແຂງ, ກາຍເປັນກຳລັງຜັກດັນ ເພື່ອຊຸກຍູ້ຂະບວນການສອນ ແລະ ຮຽນພາສາ ຫວຽດນາມ ໃນຊຸມຊົນ; ຜ່ານນັ້ນ ກໍ່ປະກອບສ່ວນປົກປັກຮັກສາ ແລະ ເສີມຂະຫຍາຍເອກະລັກວັດທະນະທຳ, ຮີດຄອງປະເພນີຂອງຊາດ; ວາງຮາກຖານໃນໄລຍະໃໝ່ແຫ່ງການພັດທະນາທີ່ຕັ້ງຂອງພາສາ ຫວຽດນາມ ໃນຫຼາຍຂົງເຂດ.
ມິງດຶກ
