 | ເທື່ອທຽນເຫວ້ ໄດ້ປະກອບສ່ວນເຂົ້າໃນການປັບປຸງ, ເພີ່ມທະວີ ແລະ ຜັນຂະຫຍາຍສາຍພົວພັນລະຫວ່າງ ຫວຽດນາມ ແລະ ຍີ່ປຸ່ນ |
| ແຂວງເທືອທຽນເຫວ້ ສູ້ຊົນນຳການທ່ອງທ່ຽວ ກາຍເປັນຂະແໜງເສດຖະກິດປາຍແຫຼມ |
ຫວ່າງແລ້ວນີ້, ທີ່ຫ້ອງປະຊຸມຂອງແຂວງ, ຄະນະປະຈຳພັກແຂວງ ໄດ້ຂຶ້ນຮັບຫຼຽນໄຊ ຂອງສາທາລະນະລັດ ປະຊາທິປະໄຕ ປະຊາຊົນລາວ ມອບໃຫ້ແຂວງ ເທື່ອທຽນເຫວ້ ແລະ ບຸກຄົນ.
ສະຫາຍ ເຫຼັກໄຫຼ ສີວິໄລ, ກໍາມະການສູນກາງພັກ ປະຊາຊົນ ປະຕິວັດລາວ, ເລຂາພັກແຂວງ, ເຈົ້າແຂວງໆເຊກອງ ແລະ ຄະນະຜູ້ແທນແຂວງເຊກອງ; ສະຫາຍ ເລເຈືອງລິ່ວ, ກໍາມະການສູນກາງພັກ, ເລຂາພັກແຂວງ, ປະທານສະພາປະຊາຊົນແຂວງ, ຫົວໜ້າຄະນະຜູ້ແທນສະພາແຂວງ; ສະຫາຍ ຟານງອກເທາະ, ຮອງເລຂາຜູ້ປະຈໍາການພັກແຂວງ; , ສະຫາຍ ຫງວຽນນາມຕ້ຽນ, ກຳມະການປະຈໍາພັກແຂວງ, ປະທານຄະນະກຳມະການແນວໂຮມປະເທດຊາດ ຫວຽດນາມ ແຂວງ ; ສະຫາຍ ຫງວຽນແທ່ງບິງ, ກໍາມະການປະຈໍາພັກແຂວງ, ຮອງປະທານຜູ້ປະຈໍາການຄະນະກໍາມະການປະຊາຊົນແຂວງ ເຂົ້າຮ່ວມພິທີ.
ທີ່ພິທີ, ສະຫາຍ ເຫຼັກໄຫຼ ສີວິໄລ, ເລຂາພັກແຂວງ, ເຈົ້າແຂວງໆເຊກອງ ໄດ້ເປັນກຽດປະດັບຫຼຽນໄຊແຮງງານຊັ້ນ I ຂອງປະທານປະເທດ ແຫ່ງ ສປປ ລາວ ໃຫ້ແກ່ແຂວງ ເທື່ອທ່ຽນເຫວ້; ປະດັບຫຼຽນໄຊອິດສະຫຼະ ຊັ້ນ II ໃຫ້ ສະຫາຍ ເລເຈືອງລິ່ວ, ເລຂາພັກແຂວງ, ປະທານສະພາປະຊາຊົນແຂວງ, ຫົວໜ້າຄະນະຜູ້ແທນສະພາແຫ່ງຊາດແຂວງ; ຫຼຽນໄຊອິດສະຫຼະ ຊັ້ນ III ໃຫ້ ສະຫາຍ ຟານງອກເທາະ, ຮອງເລຂາຜູ້ປະຈໍາການພັກແຂວງ; ສະຫາຍ ຫງວຽນວັນເຟືອງ, ຮອງເລຂາພັກແຂວງ, ປະທານຄະນະກຳມະການປະຊາຊົນແຂວງ; ສະຫາຍ ຫງວຽນແທ່ງບິ່ງ, ກຳມະການພັກແຂວງ, ຮອງປະທານຄະນະກໍາມະການປະຊາຊົນແຂວງ; ສະຫາຍ ຮວ່າງຫາຍມິ່ງ, ຮອງປະທານຄະນະກຳມະການປະຊາຊົນແຂວງ ຍ້ອນໄດ້ມີຜົນງານໃນການປະກອບສ່ວນສຳຄັນໃນການເພີ່ມພູນຄູນສ້າງ, ການຮ່ວມມື ແລະ ພັດທະນາຮອບດ້ານໃນຫລາຍຂົງເຂດ ລະຫວ່າງ 2 ແຂວງ ເທື່ອທຽນເຫ້ວ ແລະ ເຊກອງ.
ສະຫາຍ ເຫຼັກໄຫຼ ສີີວິໄລ, ເລຂາພັກແຂວງ, ເຈົ້າແຂວງໆເຊກອງ ໃຫ້ຮູ້ວ່າ ໂດຍຕາງໜ້າໃຫ້ຄະນະພັກ, ອຳນາດການປົກຄອງ ແລະ ປະຊາຊົນແຂວງເຊກອງ, ຂ້າພະເຈົ້າຮູ້ສຶກເປັນກຽດ ແລະ ພູມໃຈເປັນຢ່າງຍິ່ງທີ່ໄດ້ຕາງໜ້າໃຫ້ລັດຖະບານ ແຫ່ງ ສປປ ລາວ ປະດັບຫຼຽນໄຊອັນລ້ຳຄ່ານີ້ໃຫ້ຄະນະພັກ, ອຳນາດການປົກຄອງ ແລະ ປະຊາຊົນ ພ້ອມກັບການນຳແຂວງ ເທື່ອທຽນເຫ້ວ.
ຕາງໜ້າໃຫ້ພັກ, ອຳນາດປົກຄອງ ແລະ ປະຊາຊົນແຂວງເຊກອງ, ຂ້າພະເຈົ້າຂໍສະແດງຄວາມຂອບອົກຂອບໃຈເປັນຢ່າງສູງຕໍ່ພັກ, ລັດ ແລະ ປະຊາຊົນຫວຽດນາມ ເວົ້າລວມ, ເວົ້າສະເພາະ ອົງຄະນະພັກ, ອຳນາດການປົກຄອງ ແລະ ປະຊາຊົນແຂວງເທື່ອທ່ຽວເຫວ້ ທີ່ໄດ້ໃຫ້ການຊ່ວຍເຫລືອອັນລ້ຳຄ່າໃນພາລະກິດແຫ່ງການທ້ອນໂຮມປະເທດຊາດໃນເມື່ອກ່ອນ, ກໍ່ຄືການປົກປັກຮັກສາລະບອບໃໝ່, ສ້າງສາ ແລະ ພັດທະນາປະເທດຊາດ ແລະ ທ້ອງຖິ່ນຂອງພວກເຮົາໃນທຸກວັນນີ້.
ອວຍພອນໃຫ້ສາຍພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ລະຫວ່າງ ເທື່ອທຽນເຫ້ວ - ເຊກອງ ນັບມື້ນັບພັດທະນາ ແລະ ມີແດກດອກອອກຜົນ; ອວຍພອນໃຫ້ສາຍພົວພັນມິດຕະພາບທີ່ເປັນມູນເຊື້ອ ລະຫວ່າງ ສອງປະເທດ ລາວ-ຫວຽດນາມ ຂຽວສົດງົດງາມຕະຫຼອດໄປ.
ສະຫາຍ ເລເຈືອງລິ່ວ, ເລຂາພັກແຂວງ, ຢືນຢັນວ່າ: ອົງຄະນະພັກ, ອຳນາດການປົກຄອງ ແລະ ປະຊາຊົນແຂວງ ເທື່ອທຽນເຫ້ວ ຍາມໃດກໍມີຄວາມຮັບຮູ້ຢ່າງເລິກເຊິ່ງກ່ຽວກັບການຊຸກຍູ້ການພົວພັນຮ່ວມມືຮອບດ້ານກັບບັນດາແຂວງໃກ້ຄຽງຂອງລາວ; ໃນນັ້ນ, ມີແຂວງເຊກອງ ແມ່ນມີຄວາມໝາຍສຳຄັນໃນພາລະກິດແຫ່ງການປົກປັກຮັກສາ ແລະ ສ້າງສາພັດທະນາ 2 ປະເທດ ເວົ້າລວມ ແລະ ພາລະກິດໃນການພັດທະນາ ຂອງສອງແຂວງຂອງພວກເຮົາ ເວົ້າສະເພາະ.
ພວກຂ້າພະເຈົ້າດີໃຈທີ່ໄດ້ເຫັນວ່າ ໃນຊຸມປີຜ່ານມາ, ການພົວພັນ ລະຫວ່າງ ແຂວງ ເທື່ອທຽນເຫ້ວ ແລະ ເຊກອງ ໄດ້ມີບາດກ້າວພັດທະນາໃໝ່ເຂົ້າສູ່ລວງເລິກ ແລະ ນຳມາເຊິ່ງຜົນປະໂຫຍຕົວຈິງມາໃຫ້ປະຊາຊົນສອງແຂວງ.
ສອງຝ່າຍໄດ້ລົງນາມ ແລະ ຜັນຂະຫຍາຍຢ່າງມີປະສິດທິຜົນ ແລະ ປະຕິບັດບັນດາຂໍ້ຕົກລົງຮ່ວມມືຂັ້ນສູງໃນຂົງເຂດຕ່າງໆ, ພິເສດແມ່ນປ້ອງກັນຄວາມສະຫງົບ; ສ້າງເສັ້ນຊາຍແດນຫວຽດນາມ - ລາວ ສັນຕິພາບ, ສະຖຽນລະພາບ, ມິດຕະພາບ, ການຮ່ວມມື ແລະ ພັດທະນາຮອບດ້ານ; ການຮ່ວມມືໃນຂົງເຂດການສຶກສາ ແລະ ກໍ່ສ້າງແຫຼ່ງຊັບພະຍາກອນມະນຸດ, ວັດທະນະທຳ ແລະ ສາທາລະນະສຸກ; ເພີ່ມທະວີການພົບປະແລກປ່ຽນທາງການທູດກັບຄະນະນຳຂັ້ນແຂວງ, ການພົບປະກັບລຸ້ນໜຸ່ມ, ແລກປ່ຽນວັດທະນະທຳ...
 |
| ສະຫາຍ ຟານງອກເທາະ, ຮອງເລຂາຜູ້ປະຈໍາການພັກແຂວງ, ສະຫາຍ ຫງວຽນແທ່ງບິງ, ຮອງປະທານຄະນະປະຈຳສະພາປະຊາຊົນແຂວງ ຮັບຫຼຽນໄຊອິດສະຫຼະຊັ້ນ III ຂອງປະທານປະເທດ ສປປ ລາວ. |
ການນຳ ແລະ ປະຊາຊົນແຂວງ ເທື່ອທ່ຽນເຫວ້ ຢືນຢັນຄວາມຕັດສິນໃຈ ສືບຕໍ່ເພີ່ມພູນຄູນສ້າງນ້ຳໃຈສາມັກຄີແບບພິເສດ, ການພົວພັນມິດຕະພາບ ແລະ ການຮ່ວມມືຮອບດ້ານ ລະຫວ່າງ ສອງແຂວງຂອງພວກເຮົາໃຫ້ນັບມື້ນັບພັດທະນາໃນໄລຍະຈະມາເຖິງ.
 | ເທື່ອທຽນເຫວ້ - ສາລະວັນ ເພີ່ມທະວີການປະສານງານໃນວຽກງານຍຸຕິທຳ ຍສໝ - ບົນຈິດໃຈຂໍ້ຕົກລົງຮ່ວມມືລະຫວ່າງສອງແຂວງ, ພະແນກຍຸຕິທຳສອງຝ່າຍ ສືບຕໍ່ສົມທົບກັນສະໜອງຂໍ້ມູນຂ່າວສານ, ປຶກສາຫາລືເພື່ອມີບັນດາມາດຕະການແກ້ໄຂຂໍ້ຕິດຂັດກ່ຽວກັບສຳມະໂນຄົວ ແລະສັນຊາດໃຫ້ຖືກຕາມກົດໝາຍຂອງສອງປະເທດ. |
 | ແຂວງເທືອທຽນເຫວ້ ສູ້ຊົນນຳການທ່ອງທ່ຽວ ກາຍເປັນຂະແໜງເສດຖະກິດປາຍແຫຼມ ຍສໝ - ຄະນະກຳມະການປະຊາຊົນແຂວງເທືອທຽນເຫວ້ ໄດ້ປະກາດໃຊ້ຂໍ້ກຳນົດວ່າດ້ວຍການອະນຸມັດໂຄງການ “ພັດທະນາການທ່ອງທ່ຽວ ແຂວງເທືອທຽນເຫວ້ ກາຍເປັນຂະແໜງເສດຖະກິດປາຍແຫຼມ”. |
ອານຸໄຊ ສະຫວັດ
