ໃນລະຫວ່າງວັນທີ 2 – 8 ມິຖຸນາ, ຄະນະຜູ້ແທນກະຊວງປ້ອງກັນປະເທດຫວຽດນາມ ນໍາໜ້າໂດຍທ່ານພົນຕີ ຫງວຽນຢ້ວານແອັງ, ກໍາມະການສູນກາງພັກ, ຮອງຫົວໜ້າກົມໃຫຍ່ເສນາທິການກອງທັບປະຊາຊົນຫວຽດນາມ ໄດ້ໄປຢ້ຽມຢາມ ແລະ ເຮັດວຽກຢູ່ອົດສະຕາລີ.
ທີ່ການພົບປະກັບທ່ານພົນໂທ Anthony Rawlins, ຮອງຜູ້ບັນຊາການກຳລັງປ້ອງກັນປະເທດ ອົດສະຕາລີ (ADF), ທ່ານພົນຕີ ຫງວຽນຢ້ວານແອັງ ໃຫ້ຮູ້ວ່າ: ຫວຽດນາມ ຍາມໃດກໍ່ຕີລາຄາສູງການພົວພັນກັບ ອົດສະຕາລີ ແລະ ຕີລາຄາສູງທ່າແຮງ ແລະ ທີ່ຕັ້ງຂອງ ອົດສະຕາລີ ບົນເວທີສາກົນ. ຕີລາຄາສູງໝາກຜົນການຮ່ວມມືລະຫວ່າງກອງທັບສອງປະເທດໃນໄລຍະທີ່ຜ່ານມາ ເຊິ່ງໄດ້ຮັບການຈັດຕັ້ງປະຕິບັດຕາມບັນດາເອກະສານຮ່ວມມືທີ່ສອງຝ່າຍໄດ້ລົງນາມເຊັ່ນ: ບົດບັນທຶກຄວາມເຂົ້າໃຈກ່ຽວກັບການຮ່ວມມືດ້ານປ້ອງກັນຊາດປີ 2010, ຖະແຫຼງການວິໄສທັດປີ 2010 ແລະ ໂດຍລວມ; ຊຸກຍູ້ການຮ່ວມມືດ້ານປ້ອງກັນປະເທດໃນປີ 2018, ຫວ່າງມໍ່ໆມານີ້ແມ່ນສັນຍາຄູ່ຮ່ວມມືຮັກສາສັນຕິພາບລະຫວ່າງສອງລັດຖະບານ. ກອງທັບປະຊາຊົນຫວຽດນາມ ໄດ້ຕີລາຄາສູງການຮ່ວມມື ແລະ ໜູນຊ່ວຍຢ່າງມີປະສິດທິຜົນຂອງ ADF ໃນຫຼາຍຂົງເຂດຄື: ການຝຶກອົບຮົມ ແລະ ຮັກສາສັນຕິພາບ ສປຊ.
 |
ທ່ານພົນຕີ ຫງວຽນຢ້ວານແອັງ (ຂວາ) ແລະ ຮອງຫົວໜ້າວິທະຍາຄານກອງທັບບົກ ອົດສະຕາລີ. |
ຕາມທ່ານພົນໂທ ຫງວຽນຢ້ວານແອັງແລ້ວ, ການຮ່ວມມືດ້ານການຝຶກອົບຮົມແມ່ນຈຸດທີ່ສົດໃສໃນການຮ່ວມມືດ້ານປ້ອງກັນປະເທດ 2 ຝ່າຍ. ອົດສະຕາລີແມ່ນປະເທດນຳໜ້າໃນການໜູນຊ່ວຍພາສາອັງກິດແລະການຝຶກອົບຮົມວິຊາຊີບໃຫ້ແກ່ທະຫານຫວຽດນາມ ດ້ວຍຈຳນວນ 3.500 ກວ່າຄົນ. ກົມໃຫຍ່ປ້ອງກັນປະເທດ ອົດສະຕາລີ ແລະ ADF ມີບັນດາສະຖານທີ່ຝຶກອົບຮົມທີ່ມີຊື່ສຽງ, ມີອຸປະກອນການຝຶກອົບຮົມທີ່ດີ, ພ້ອມທັງມີຄະນະອາຈານທີ່ມີຄວາມຮູ້ ແລະ ວິຊາການເພື່ອຕອບສະໜອງບັນດາຈຸດໝາຍການສຶກສາ ແລະ ບຳລຸງສ້າງທີ່ເໝາະສົມກັບຄວາມຕ້ອງການຂອງຫວຽດນາມ.
ບົນພື້ນຖານນັ້ນ, ທ່ານທ່ານພົນຕີ ຫງວຽນຢ້ວານແອັງ ໄດ້ສະເໜີໃຫ້ 2 ຝ່າຍມີການປຶກສາຫາລືຢ່າງກົງໄປກົງມາ ແລະ ແບ່ງປັນປະສົບການຕົວຈິງໃນວຽກງານຝຶກອົບຮົມ. ເຊື່ອໝັ້ນວ່າໃນໄລຍະຈະມາເຖິງ, ການຮ່ວມມືດ້ານປ້ອງກັນຊາດລະຫວ່າງສອງປະເທດຈະສືບຕໍ່ພັດທະນາ, ເພື່ອຜົນປະໂຫຍດຂອງແຕ່ລະປະເທດ, ເພື່ອສັນຕິພາບ, ສະຖຽນລະພາບ, ການພັດທະນາລວມຂອງພາກພື້ນ ແລະ ໃນໂລກ.
ໃນຂອບເຂດການຢ້ຽມຢາມອົດສະຕາລີ, ທ່ານພົນຕີ ຫງວຽນຢ້ວານແອັງ ໄດ້ໄປຢ້ຽມຢາມ ແລະ ເຮັດວຽກຢູ່ວິທະຍາຄານກອງທັບລາດຊະວົງອົດສະຕາລີ, ວິທະຍາຄານປ້ອງກັນຊາດອົດສະຕຣາລີ ແລະອົງການກໍາລັງປະກອບອາວຸດກອງທັບອົດສະຕາລີ. ທີ່ການເຮັດວຽກ, ຝ່າຍອົດສະຕາລີໄດ້ແລກປ່ຽນຂໍ້ມູນຂ່າວສານ ແລະ ປະສົບການກ່ຽວກັບການຈັດຕັ້ງປະຕິບັດ; ຂະບວນການຝຶກອົບຮົມ ແລະເນື້ອໃນ; ລະດັບການສຶກສາ ແລະ ລະດັບການຝຶກອົບຮົມ; ຈ້າງພະນັກງານພາຍຫຼັງຮຽນຈົບຢູ່ໂຮງຮຽນທະຫານ; ການສ້າງ ແລະ ພັດທະນາທີມອາຈານ ແລະ ຜູ້ຈັດການດ້ານການສຶກສາໃນໂຮງຮຽນ ພ້ອມທັງການນຳ ໃຊ້ເຕັກໂນໂລຊີຂໍ້ມູນຂ່າວສານ ແລະ ການຫັນເປັນດີຈີຕອນເຂົ້າໃນການຮຽນການສອນ.
 | ຜູ້ຊ່ຽວຊານອົດສະຕາລີ: ຫວຽດນາມແມ່ນກາລະໂອກາດທີ່ດີຂອງອົດສະຕາລີ ຍສໝ - ໃນວັນທີ 9 ມີນາ, ທ່ານນາຍົກລັດຖະມົນຕີ ຟ້າມມິງຈິງ ແລະ ຄະນະຜູ້ແທນຂັ້ນສູງຫວຽດນາມ ໄດ້ສິ້ນສຸດການຢ້ຽມຢາມ ອົດສະຕາລີ ຢ່າງເປັນທາງການ, ເປີດໜ້າໄລຍະໃໝ່ໃຫ້ແກ່ການພົວພັນຄູ່ຮ່ວມມືຍຸດທະສາດຮອບດ້ານ. |
 | ອົດສະຕາລີ ລົງທຶນກວ່າ 2 ຕື້ USD ເຂົ້າ 45 ແຂວງ, ນະຄອນຂອງ ຫວຽດນາມ. ຍສໝ - ຕາມກະຊວງແຜນການ ແລະ ການລົງທຶນແລ້ວ, ປະຈຸບັນ ບັນດາວິສາຫະກິດ ອົດສະຕາລີ ພວມລົງທຶນເຂົ້າ ຫວຽດນາມ 631 ໂຄງການ, ດ້ວຍຍອດຈຳນວນທຶນລົງທະບຽນ 2,037 ຕື້ USD ຢູ່ 45 ແຂວງ, ນະຄອນຂອງ ຫວຽດນາມ; ໃນນັ້ນ ນຳໜ້າແມ່ນ ບາເຣ້ຍ - ... |
ຄຳຮຸ່ງ
