| ວຽກງານການຕ່າງປະເທດຂອງ ຫວຽດນາມ ແລະ ອົດສະຕາລີ | |
| ຫວຽດນາມ ໄດ້ລົງທຶນກວ່າ 3,7 ຕື້ USD ເຂົ້າເຂດສາມຫຼ່ຽມພັດທະນາ ລາວ ແລະ ກຳປູເຈຍ |
ຕາມຂໍ້ມູນຈາກກະຊວງແຜນການ ແລະ ການລົງທຶນແລ້ວ, ປະຈຸບັນ ບັນດາວິສາຫະກິດ ອົດສະຕາລີ ພວມລົງທຶນເຂົ້າ ຫວຽດນາມ ມີ 631 ໂຄງການ, ດ້ວຍຍອດຈຳນວນທຶນລົງທະບຽນ 2,037 ຕື້ USD.
ການລົງທຶນຂອງວິສາຫະກິດ ອົດສະຕາລີ ສຸມໃສ່ເຖິງ 18 ຂະແໜງການ, ຂົງເຂດຢູ່ ຫວຽດນາມ, ລວມມີ ອຸດສາຫະກຳການປຸງແຕ່ງ, ການຜະລິດ; ການບໍລິການທີ່ພັກເຊົາ ແລະ ກິນດື່ມ; ກະສິກຳ - ປ່າໄມ້ ແລະ ສິນທະເລ; ການແພດ ແລະ ການເຄື່ອນໄຫວໜູນຊ່ວຍສັງຄົມ; ຂຸດຄົ້ນແຮ່ທາດ; ສິລະປະ, ການລະຫຼິ້ນ ແລະ ການບັນເທີງ; ການສຶກສາ ແລະ ການບຳລຸງສ້າງ; ການເຄື່ອນໄຫວວິຊາສະເພາະ ແລະ ວິທະຍາສາດເຕັກໂນໂລຢີ; ດຳເນີນທຸລະກິດອະສັງຫາລິມະຊັບ; ຂາຍສົ່ງ ແລະ ຂາຍຍ່ອຍ, ສ້ອມແປງລົດໂອໂຕ, ລົດຈັກ...
ໃນນັ້ນ, ນຳໜ້າແມ່ນຂົງເຂດອຸດສາຫະກຳປຸງແຕ່ງ, ຜະລິດ ດ້ວຍ 133 ໂຄງການ, ເຊິ່ງມີຍອດຈຳນວນທຶນຈົດທະບຽນ 954,68 ລ້ານ USD; ການບໍລິການທີ່ພັກເຊົາ ແລະ ການກິນດື່ມ ເປັນອັນດັບທີ 2 ກັບ 31 ໂຄງການ, ດ້ວຍຍອດຈຳນວນທຶນຈົດທະບຽນ 154,32 ລ້ານ USD; ຂົງເຂດກະສິກຳ - ປ່າໄມ້ ແລະ ການປະມົງ ຢູ່ອັນດັບທີ 3 ດ້ວຍ 25 ໂຄງການ, ຍອດຈຳນວນທຶນຈົດທະບຽນ 120,04 ລ້ານ USD.
 |
| ອົດສະຕາລີ ໄດ້ລົງທຶນກວ່າ 2 ຕື້ USD ເຂົ້າ 45 ແຂວງ, ນະຄອນຂອງ ຫວຽດນາມ. |
ກະຊວງແຜນການ ແລະ ການລົງທຶນ ໃຫ້ຮູ້ວ່າ ໃນ 45 ແຂວງ, ນະຄອນຂອງ ຫວຽດນາມ ໄດ້ດຶງດູດໂຄງການ FDI ຂອງ ອົດສະຕາລີ, ນຳໜ້າແມ່ນ ບາເຣ້ຍ - ຫວຸງເຕົ່າ ດ້ວຍ 16 ໂຄງການ, ມີຍອດຈຳນວນທຶນຈົດທະບຽນຂຶ້ນເຖິງ 392,21 ລ້ານ USD; ນະຄອນ ໂຮ່ຈີມິນ ອັນດັບທີ 2 ດ້ວຍ 309 ໂຄງການ, ຍອດຈຳນວນທຶນຈົດທະບຽນ 231,12 ລ້ານ USD ແລະ ຮ່າໂນ້ຍ ອັນດັບທີ 3 ດ້ວຍ123 ໂຄງການ, ຍອດຈຳນວນທຶນຈົດທະບຽນ 209,63 ລ້ານ USD.
ຂໍ້ມູນຈາກກົມລົງທຶນຕ່າງປະເທດ ໃຫ້ເຫັນວ່າ ສະສົມມາຮອດປະຈຸບັນ, ຫວຽດນາມ ໄດ້ດຶງດູດ 39.553 ໂຄງການ FDI ດ້ວຍຍອດຈຳນວນທຶນຈົດທະບຽນ 473,1 ຕື້ USD, ຍອດຈຳນວນທຶນປະຕິບັດຂອງບັນດາໂຄງການ FDI ບັນລຸເກືອບ 300 ຕື້ USD, ເທົ່າກັບ 63,4% ຂອງຈຳນວນທຶນຈົດທະບຽນທັງໝົດ.
ບົນທ່າການພັດທະນາອັນດີງາມຂອງການພົວພັນ ຫວຽດນາມ - ອົດສະຕາລີ ໃນກ່ວາ 50 ປີທີ່ຜ່ານມາ, ການຮ່ວມມືດ້ານການຄ້າ, ການລົງທຶນລະຫວ່າງ 2 ປະເທດນັບມື້ນັບໄດ້ຮັບການຊຸກຍູ້, ເປີດກ້ວາງ.
ຄຽງຄູ່ການດຶງດູດການລົງທຶນຈາກບັນດາວິສາຫະກິດ ອົດສະຕາລີ, ຫວຽດນາມ ກໍ່ໄດ້ລົງທຶນເຂົ້າ ອົດສະຕາລີ 90 ກວ່າໂຄງການ ດ້ວຍຍອດຈຳນວນເງິນລົງທຶນກ່ວາ 550 ລ້ານ USD. ໃນປີ 2023, ການຄ້າສອງຝ່າຍ ກໍ່ບັນລຸໄດ້ປະມານ 14 ຕື້ USD, ເຊິ່ງເປັນກຸ່ມ 10 ຄູ່ຮ່ວມມືດ້ານການຄ້າແຖວໜ້າຂອງກັນ.
ມິງດຶກ
