ບັນດາຜູ້ແທນໄດ້ຮັບຟັງບົດລາຍງານ “ຢາເສບຕິດຢູ່ອາຊີຕາເວັນອອກ ແລະ ອາຊີຕາເວັນອອກສ່ຽງໃຕ້: ບັນດາການຜັນແປທີ່ສັບສົນ ແລະ ສິ່ງທ້າທາຍໃໝ່ສຸດໃນປີ 2024”, ໃນນັ້ນ ໄດ້ລະບຸຢ່າງຈະແຈ້ງກ່ຽວກັບບັນຫາການຄ້າຢາເສບຕິດທີ່ນັບມື້ນັບເພີ່ມຂຶ້ນ.
 |
| ກຳລັງທີ່ມີໜ້າທີ່ແຂວງ ບໍ່ແກ້ວ, ພາກເໜືອຂອງລາວ ທຳລາຍຢາເສບຕິດ. ພາບສາລະຄະດີ: TTXVN |
ທ່ານ ຄຳກິ່ງ ຜຸຍຫຼ້າມະນີວົງ ຮອງລັດຖະມົນຕີ ກະຊວງປ້ອງກັນຄວາມສະຫງົບລາວ ເນັ້ນໜັກວ່າ ກອງປະຊຸມຄັ້ງນີ້ ເປັນພື້ນຖານອັນສຳຄັນ ເພື່ອເພີ່ມທະວີຄວາມມານະພະຍາຍາມລວມໃນການປ້ອງກັນ, ຕ້ານອາດຊະຍາກຳຢາເສບຕິດຢູ່ອະນຸພາກພື້ນແມ່ນ້ຳຂອງ ເປີດກ້ວາງ, ແກ້ໄຂສະພາບການຄ້າຂາຍຢາເສບຕິດຢູ່ພາກພື້ນຢ່າງມີປະສິດທິຜົນ. ທ່ານໃຫ້ຮູ້ວ່າ ລັດຖະບານລາວ ກໍ່ໄດ້ເພີ່ມທະວີການກະທຳ ເພື່ອແກ້ໄຂບັນຫາຢາເສບຕິດ, ພ້ອມກັນນັ້ນ ກໍ່ໃຫ້ຄຳໝັ້ນສັນຍາສືບຕໍ່ຮ່ວມມືກັບບັນດາປະເທດໃນພາກພື້ນ.
ກໍ່ທີ່ກອງປະຊຸມ, ບັນດາປະເທດ ໄດ້ສະຫຼຸບການປະຕິບັດແຜນການເຄື່ອນໄຫວ ແລະ ສະເໜີບັນດາຂໍ້ລິເລີ່ມໃຫ້ຄວາມມານະພະຍາຍາມລວມ ເພື່ອແກ້ໄຂບັນດາບັນຫາທີ່ກ່ຽວຂ້ອງກັບຢາເສບຕິດໃນພາກພື້ນ.
ໃນປີ 2023, ພາກພື້ນອາຊີຕາເວັນອອກ ແລະ ອາຊີຕາເວັນອອກສ່ຽງໃຕ້ ໄດ້ຍຶດຢາເສບຕິດລະດັບສະຖິຕິ 190 ໂຕນ. ນີ້ແມ່ນຕົວເລກທີ່ຫາກໍປະກາດໃນບົດລາຍງານຂອງຫ້ອງການສະຫະປະຊາຊາດກ່ຽວກັບການຕ້ານຢາເສບຕິດ ແລະ ອາດຊະຍາກຳ.
ພາຍຫຼັງຫຼຸດຜ່ອນໃນປີ 2022, ຈຳນວນຍຶດຢາເສບຕິດໄດ້ເພີ່ມຂຶ້ນຄືນອີກໃນປີ 2023 ດ້ວຍປະລິມານທີ່ສູງທີ່ສຸດນັບແຕ່ກ່ອນມາຮອດປະຈຸບັນ.
ຕາມອົງການສະຫະປະຊາຊາດແລ້ວ, ກຸ່ມກໍ່ອາຊະຍາກຳທີ່ມີການຈັດຕັ້ງ ພວມເພີ່ມທະວີການຜະລິດສານຕ້ອງຫ້າມນີ້. ໄທ ໄດ້ຖືເປັນຈຸດຂົນສົ່ງຢາເສບຕິດຕົ້ນຕໍຈາກສາມຫຼ່ຽມຄຳ, ເຂດຊາຍແດນຕິດກັບ ລາວ ແລະ ມຽນມາ. ສະຫະປະຊາຊາດ ເຕືອນວ່າ ການປະກົດມີຢາເສບຕິດໃໝ່ໃນທ້ອງຕະຫຼາດເພື່ອແນ່ໃສເຂົ້າໃນກຸ່ມເປົ້າໝາຍຕົ້ນຕໍທີ່ແມ່ນຊາວໜຸ່ມ.
 | ລົງນາມໃນຂໍ້ຕົກລົງການຮ່ວມມືດ້ານການທະຫານ - ການປ້ອງກັນປະເທດ ລະຫວ່າງແຂວງ ຮ່າຕິ້ງ ແລະ ແຂວງບໍລິຄຳໄຊ ຍສໝ - ໂດຍປະຕິບັດບັນດາເນື້ອໃນທີ່ໄດ້ລົງນາມ, ກອງບັນຊາການທະຫານແຂວງ ຮ່າຕິ້ງ ແລະ ບໍລິຄຳໄຊ ໄດ້ປະກອບສ່ວນຮັກສາສັນຕິພາບ, ສະຖຽນລະພາບ ແລະ ການພັດທະນາແບບຍືນຍົງຢູ່ເຂດຊາຍແດນ. |
 | ເພີ່ມທະວີການຄຸ້ມຄອງແຮງງານທີ່ໄປເຮັດວຽກຢູ່ຕ່າງປະເທດ ຍສໝ - ເພື່ອຍົກສູງຄວາມຮັບຜິດຊອບຂອງທຸກຂັ້ນ, ຂະແໜງການໃນການປະຕິບັດງານການຄຸ້ມຄອງແຮງງານທີ່ໄປເຮັດວຽກຢູ່ຕ່າງປະເທດຕາມສັນຍາ, ຄະນະກຳມະການປະຊາຊົນແຂວງ ກອນຕູມ ໄດ້ອອກຖະແຫຼງການສະບັບເລກທີ 1298/UBND-KGVX ກ່ຽວກັບການເພີ່ມທະວີວຽກງານຄຸ້ມຄອງແຮງງານໄປເຮັດວຽກຢູ່ຕ່າງປະເທດຕາມສັນຍາ. |
ມິງດຶກ
