 | ແກງສົ້ມປາຂອງຫວຽດນາມແມ່ນຕິດອັນດັບ 10 ອາຫານປະເພດປາທີ່ແຊບທີ່ສຸດໃນໂລກ |
| ຫວຽດນາມ ນອນໃນ top 2 ຂອງຈຳນວນນັກທ່ອງທ່ຽວສາກົນມາລາວ |
ຫ່າງຈາກນະຄອນ ໂຮ່ຈີມິນ ໄປທາງທິດຕາເວັນອອກສຽງເໜືອປະມານ 396 ກິໂລແມັດ, ນະຄອນ ຍາຈາງ ແມ່ນຊື່ໜຶ່ງທີ່ໄດ້ນຳເຂົ້າບັນຊີລາຍຊື່ບັນດາຫາດຊາຍສຸດຍອດທີ່ສຸດໃນໂລກ ເພື່ອພັກຕາກອາກາ.
Travel+Leisure ໄດ້ຕີລາຄ່ານີ້ເປັນນະຄອນທີ່ມີຫາດຊາຍທີ່ສວຍງາມ ແລະ ເປັນຊຸມຊົນມີຄົນຕ່າງປະເທດຕັ້ງຖິ່ນຖານເປັນຈຳນວນຫຼວງຫຼາຍປະມານ 4,000 ຄົນ. ຍາຈາງ ມີລະດູແລ້ງແກ່ຍາວແຕ່ເດືອນມັງກອນຫາເດືອນສິງຫາ, ໃນຂະນະທີ່ລະດູຝົນແມ່ນແຕ່ເດືອນກັນຍາຫາເດືອນທັນວາ.
 |
| ຍາຈາງ ນອນໃນ top 8 ສະຖານທີ່ພັກຕາກອາກາດຢູ່ຫາດຊາຍທີ່ສວຍງາມທີ່ສຸດໃນໂລກສຳລັບຜູ້ອອກກິນເບ້ຍບຳນານ. |
ອີງຕາມບົດຄວາມຂອງ Betsy Burlingame, ຜູ້ກໍ່ຕັ້ງ ແລະ ປະທານຂອງ Expat Exchange, ຄົນຕ່າງປະເທດສ່ວນໃຫຍ່ທີ່ອອກກິນເບ້ຍບຳນານຢູ່ ຍາຈາງ ເລືອກເຮືອນຢູ່ ຫຼື ຄອນໂດໃນໃຈກາງນະຄອນ, ໃກ້ກັບສິ່ງອໍານວຍຄວາມສະດວກ ແລະ ຫາດຊາຍ. ນອກຈາກນັ້ນ ຍັງມີທາງເລືອກບັນດາເຮືອນໃນເຂດພົນລະເມືອງທີ່ງຽບສະຫງົບກ່ວາ.
Burlingame ພັນລະນາ ຍາຈາງ ເປັນນະຄອນທະເລທີ່ສະດວກສະບາຍກັບພາຫະນະຄົມມະນະຄົມສາທາລະນະຫຼຍຢ່າງ, ຊີວິດກາງຄືນທີ່ມີຊີວິດຊີວາ, ອາຫານແຊບໆ ແລະ ໂອກາດການບັນເທີງຫຼາຍຢ່າງ, ຈາກສວນສາທາລະນະຈົນເຖິງການຍ່າງປ່າ ແລະ ພາຍເຮືອ.
ອັນດັບໜຶ່ງໃນບັນຊີລາຍຊື່ໂດຍວາລະສານຂ້າງເທິງ ທີ່ໄດ້ເລືອກຕັ້ງແມ່ນນະຄອນແຄມທະເລ Carlsbad ໃນລັດ California (ອາເມລິກາ). . ຕໍ່ໄປແມ່ນ Beaufort, Falmouth ແລະ Ponte Vedra, ທັງຫມົດກໍຢູ່ ອາເມລິກາ. ບັນດາດຫມາຍປາຍທາງອື່ນໆ ກໍ່ນອນໃນບັນຊີລາຍຊື່ນີ້ແມ່ນ Ambergris Caye ຢູ່ Belize, Quepos ຢູ່ Costa Rica ແລະ Mazatlán ຢູ່ເມັກຊິໂກ.
ຫາດຊາຍ ຍາຈາງ ແມ່ນໜຶ່ງໃນບັນດາຫາດຊາຍທີ່ສວຍງາມທີ່ສຸດຂອງຫວຽດນາມ, ຕັ້ງຢູ່ໃນນະຄອນ ຍາຈາງ, ແຂວງ ແຄ໋ງຮວ່າ. ດ້ວຍຄວາມຍາວກວ່າ 10 ກິໂລແມັດ, ຫາດຊາຍນະຄອນ ຍາຈາງ ຖືກປຽບທຽບກັບວົງເດືອນທີ່ໂຄ້ງເພື່ອໂອບເອົາອ່າວ ຍາຈາງ ສີຂຽວມຸ່ມ.
ລຽບແຄມຝັ່ງທະເລແມ່ນຖະໜົນ ເຈີ່ນຟູ໋, ເປັນຖະໜົນທີ່ສວຍງາມ ແລະ ມີຊື່ສຽງ, ຍັງເປັນສະຖານທີ່ສຸມໃສ່ຂອງບັນດາສະຖາປັດຕະຍະກຳທີ່ສຳຄັນຂອງນະຄອນ.
ຫາດຊາຍທະເລ ຍາຈາງ ດ້ວຍຫາດຊາຍຊາຍສີຂາວຍາວ,ໂຄ້ງລົງ, ສ້າງຮູບຮ່າງຂອງນະຄອນທີ່ອ້ອມຮອບທະເລສີຟ້າ. ບໍ່ພຽງແຕ່ສວຍງາມທາງດ້ານທິວທັດທຳມະຊາດເທົ່ານັ້ນ, ຫາດຊາຍ ຍາຈາງ ຍັງດຶງດູດນັກທ່ອງທ່ຽວ ເພາະອາກາດອົບອຸ່ນຕະຫຼອດປີ, ເຕັມໄປດ້ວຍແສງແດດ ແລະ ດິນຊາຍສີຂາວອັນດີງາມ.
ນັກທ່ອງທ່ຽວສາມາດຍ່າງເລາະລຽບຕາມຫາດຊາຍທະເລ ເຈີ່ນຟູ໋ ທີ່ເປັນສັນຍາລັກ, ດ້ວຍຕົ້ນປາມຂຽວສົດຊື່ນ ແລະ ບັນດາເຂດພັກຕາກອາກາດລະດັບສູງ ຫຼື ມາ ບ໋າຍຢາຍ ດ້ວຍທິວທັດທີ່ສະຫງົບສຸກ ແລະ ສວຍງາມຄືຮູບເຕັ້ມ; ເຊື່ອມຕົວເຂົ້າກັບໂລກ ພາຍໃຕ້ນ້ໍາທີ່ມີຊີວິດຊີວາທີ່ເຕັມໄປດ້ວຍແນວປະກາລັງທີ່ມີສີສັນແລະສັດທະເລທີ່ຫຼາກຫຼາຍຊະນິດ ໃນນັ້ນ, ເຂດອະນຸລັກທະເລ Hon Mun ຂອງນະຄອນ ຍາຈາງ ແມ່ນສະຫວັນຂອງບັນດາຜູ້ມັກດຳນ້ຳ; ເຂົ້າຮ່ວມບັນດາການຜະຈົນໄພຂອງການສຳຫຼວດຖ້ຳລຶກລັບ, ລອຍນ້ຳກັບປາເຂດຮ້ອນທີ່ມີສີສັນ ແລະ ຊົມສວນປະກາລັງທີ່ໜ້າຕື່ນຕາຕື່ນໃຈ...
 | ບັນດາຈຸດປາຍທາງສວຍງາມທີ່ສຸດຂອງ ຫວຽດນາມ ຕາມການແນະນຳຂອງສື່ມວນຊົນສາກົນ ຍສໝ - ໜັງສືພິມ The Sydney Morning Herald ຂອງ ອົດສະຕຣາລີ ໄດ້ຕີລາຄານະຄອນ ໂຮ່ຈີມິນ ເປັນຈຸດໝາຍປາຍທາງທີ່ດີສຳລັບການພັກຜ່ອນໄລຍະສັ້ນຢູ່ ຫວຽດນາມ, ໃນຂະນະນັ້ນ ໜ້າເວບ Yahoo! Life of Singapore ກໍໄດ້ແນະນຳ 9 ສະຖານທີ່ສວຍງາມທີ່ສຸດຢູ່ ຫວຽດນາມ ເຊີ່ງນັກທ່ອງທ່ຽວບໍ່ຄວນພາດ ເມື່ອມາຢ້ຽມຢາມດິນແດນຮູບຕົວອັກສອນ ... |
 | ຫວຽດນາມ ມີຄວາມວິຕົກກັງວົນຢ່າງເລິກເຊິ່ງຕໍ່ບັນດາການຜັນແປທີ່ເຄັ່ງຕຶງຂຶ້ນຢູ່ພາກພື້ນຕາເວັນອອກກາງໃນປະຈຸບັນ ຍສໝ - ທ່ານໂຄສົກກະຊວງການຕ່າງປະເທດ ຫວຽດນາມ ນາງ ຟ້າມທູຮັ່ງ ໄດ້ຮຽກຮ້ອງໃຫ້ບັນດາຝ່າຍທີ່ກ່ຽວຂ້ອງລະງັບໃຈ, ແກ້ໄຂບັນດາຄວາມບໍ່ລົງລອຍກັນໂດຍສັນຕິວິທີ, ປະຕິບັດຕາມກົດໝາຍສາກົນຢ່າງເຂັ້ມງວດ. |
ມິງດຶກ
