| ຫວຽດນາມເຂົ້າຮ່ວມງານວາງສະແດງການປ້ອງກັນປະເທດໃຫຍ່ທີ່ສຸດຂອງອາຊີ | |
| ການພົວພັນລະຫວ່າງປະຊາຊົນ ແມ່ນພື້ນຖານການຮ່ວມມື, ພັດທະນາ ຫວຽດນາມ- ໄທ |
ຕອນບ່າຍວັນທີ 18 ພຶດສະພາ, ຢູ່ຮ່າຕິ້ງ, ກອງບັນຊາການທະຫານແຂວງ ຮ່າຕິ້ງ ແລະ ກອງບັນຊາການທະຫານແຂວງ ບໍລິຄໍາໄຊ (ລາວ) ໄດ້ຈັດກອງປະຊຸມແລກປ່ຽນຕີລາຄາໝາກຜົນການປະຕິບັດຂໍ້ຕົກລົງຮ່ວມມືດ້ານການທະຫານ, ປ້ອງກັນປະເທດ ໃນປີ 2023 ແລະ ໄດ້ລົງນາມການຮ່ວມມືປະຕິບັດໜ້າທີ່ໃນປີ 2024.
 |
| ກອງປະຊຸມແລກປ່ຽນລະຫວ່າງ ກອງບັນຊາການທະຫານແຂວງ ຮ່າຕິ້ງ ແລະ ກະຊວງກອງບັນຊາການທະຫານແຂວງ ບໍລິຄໍາໄຊ. |
ທ່ານ ພັນເອກ ຫວໍກວາງທ້ຽນ - ຮອງເລຂາຄະນະພັກ, ຜູ້ບັນຊາການກອງບັນຊາການທະຫານແຂວງ ຮ່າຕິ້ງ ແລະ ທ່ານ ພົນຈັດຕະວາ ຈວງຈັນ ລາດຊະວົງ - ຜູ້ບັນຊາການກອງບັນຊາການທະຫານແຂວງ ບໍລິຄໍາໄຊ ເປັນປະທານກອງປະຊຸມ.
ທີ່ກອງປະຊຸມ, ກອງບັນຊາການທະຫານ 2 ແຂວງ ໄດ້ແຈ້ງໃຫ້ກັນຊາບກ່ຽວກັບສະພາບການພັດທະນາເສດຖະກິດ, ວັດທະນະທຳ-ສັງຄົມ, ຊີວິດການເປັນຢູ່ຂອງປະຊາຊົນ, ພິເສດແມ່ນໃນຂົງເຂດການທະຫານ, ປ້ອງກັນປະເທດ ໃນປີ 2023 ແລະ ຊຸມເດືອນຕົ້ນປີ 2024.
ພິເສດ, ກອງບັນຊາການທະຫານ 2 ແຂວງ ໄດ້ເຊື່ອມຊຶມ, ຜັນຂະຫຍາຍບັນດາເນື້ອໃນຂອງບົດບັນທຶກຂໍ້ຕົກລົງຮ່ວມມືກ່ຽວກັບດ້ານການທະຫານ, ປ້ອງກັນປະເທດ ປີ 2023 ລະຫວ່າງກະຊວງປ້ອງກັນປະເທດສອງປະເທດຢ່າງຮອບດ້ານ ແລະ ມີປະສິດທິຜົນ; ແຜນການຮ່ວມມືກັບ ລາວ ຂອງທະຫານເຂດ 4, ບົດບັນທຶກຂໍ້ຕົກລົງການຮ່ວມມືດ້ານເສດຖະກິດ-ສັງຄົມ, ການທະຫານ, ປ້ອງກັນປະເທດ ປີ 2023 ທີ່ໄດ້ຮັບການລົງນາມ.
ຜ່ານນັ້ນ, ກໍປະກອບສ່ວນປັບປຸງ, ຮັກສາ ແລະ ເສີມຂະຫຍາຍມູນເຊື້ອຄວາມສາມັກຄີມິດຕະພາບລະຫວ່າງ ຮ່າຕິ້ງ - ບໍລິຄຳໄຊ ເວົ້າລວມ, ກອງບັນຊາການທະຫານ 2 ແຂວງ ເວົ້າສະເພາະ, ການຮັກສາສັນຕິພາບ, ສະຖຽນລະພາບ ແລະ ການພັດທະນາແບບຍືນຍົງຢູ່ເຂດຊາຍແດນ.
ກອງບັນຊາການທະຫານແຂວງ ຮ່າຕິ້ງ ໄດ້ຊ່ວຍກອງບັນຊາການທະຫານແຂວງ ບໍລິຄຳໄຊ ເປີດຊຸດບຳລຸງ, ຝຶກອົບຮົມດ້ານການທະຫານ, ການເມືອງໃຫ້ບັນດາທະຫານປະຈຳ, ທະຫານລາດກອງຫຼອນ; ຈັດຕັ້ງການມອບຮັບສຸກສາລາທະຫານ, ປະຊາຊົນສົມທົບກັນ ແລະ ນຳໃຊ້ຢ່າງມີປະສິດທິຜົນ.
ໃນລະດູແລ້ງ 2023-2024, ດ້ວຍການຊ່ວຍເຫຼືອຢ່າງສຸດໃຈຂອງກອງທັບ ແລະປະຊາຊົນແຂວງ ບໍລິຄຳໄຊ, ໜ່ວຍທ້ອນໂຮມອັດຖິ ໄດ້ຄົ້ນຫາ, ກອບກູ້ເອົາອັດຖິຂອງທະຫານອາສາສະໝັກ, ຊ່ຽວຊານຫວຽດນາມ 9 ຄົນ ທີ່ເສຍສະຫຼະຊີວິດຢູ່ແຂວງບໍລິຄຳໄຊ ໂດຍຮັບປະກັນຄວາມປອດໄພທີ່ສຸດ ແລະ ກັບຄືນບ້ານເກີດເມືອງນອນ, ຈັດພິທີປົງສົບຢູ່ສຸສານ ເນີ່ມ, ເມືອງ ເຮືອງເຊີນ.
ທີ່ກອງປະຊຸມ, 2 ຝ່າຍໄດ້ເຫັນດີເປັນເອກະພາບລົງນາມໃນຫຼາຍເນື້ອໃນສຳຄັນຄື: ສືບຕໍ່ຮັກສາ, ແລກປ່ຽນຂໍ້ມູນກ່ຽວກັບສະພາບຄວາມປອດໄພດ້ານການເມືອງເປັນແຕ່ລະໄລຍະ ແລະ ເມື່ອເກີດເຫດການບໍ່ຄາດຝັນ; ສົມທົບກັນຢ່າງແໜ້ນແຟ້ນໃນການໂຄສະນາເຜີຍແຜ່, ລະດົມ ແລະ ແກ້ໄຂບັນດາບັນຫາທີ່ກ່ຽວຂ້ອງເຖິງຄວາມໝັ້ນຄົງຢູ່ເຂດຊາຍແດນ; ພົບເຫັນຢ່າງທັນການ ແລະ ເປັນເຈົ້າການໃນການຕໍ່ສູ້ ເພື່ອເອົາຊະນະບັນດາກົນອຸບາຍ, ກົນໄກຂອງກຳລັງສັດຕູ, ຮັກສາເສັ້ນຊາຍແດນສັນຕິພາບ, ສະຖຽນລະພາບ ແລະ ພັດທະນາ.
 |
| ທ່ານ ພັນເອກ ຫວໍກວາງທ້ຽນ -ຜູ້ບັນຊາການກອງບັນຊາການທະຫານແຂວງ ຮ່າຕິ້ງ ແລະ ທ່ານ ພົນຈັດຕະວາ ຈວງຈັນ ລາດຊະວົງ - ຜູ້ບັນຊາການກອງບັນຊາການທະຫານແຂວງ ບໍລິຄໍາໄຊ ໄດ້ລົງນາມໃນບົດບັນທຶກຊ່ວຍຈຳການຮ່ວມມືດ້ານການທະຫານ, ປ້ອງກັນປະເທດ ໃນປີ 2024. |
2 ຝ່າຍ ໄດ້ແລກປ່ຽນ, ແຈ້ງໃຫ້ກັນຊາບກ່ຽວກັບສະພາບການພັດທະນາເສດຖະກິດ, ສັງຄົມ, ການປ້ອງກັນຊາດ - ປ້ອງກັນຄວາມສະຫງົບຂອງທ້ອງຖິ່ນຢ່າງເປັນປະຈຳ; ສືບຕໍ່ເປັນເສນາທິການໃຫ້ຄະນະປະຕິບັດງານພິເສດ, ຄະນະພັກບັນດາຂັ້ນ, ອຳນາດການປົກຄອງທ້ອງຖິ່ນ, ໂຄສະນາເຜີຍແຜ່, ຂົນຂວາຍປະຊາຊົນແຂວງ ບໍລິຄໍາໄຊ ເພື່ອສ້າງເງື່ອນໄຂສະດວກໃຫ້ໜ່ວຍທ້ອນໂຮມຂອງກອງບັນຊາການທະຫານແຂວງ ຮ່າຕິ້ງ ປະສົບຜົນສໍາເລັດໃນການປະຕິບັດໜ້າທີ່ສຳຫຼວດ, ຄົ້ນຫາ, ເກັບທ້ອນໂຮມອັດຖິຂອງຜູ້ເສຍຊີວິດໃນລະດູແລ້ງປີ 2024 – 2025 ແລະ ປີຕໍ່ໄປ.
ມິງດຶກ
