ໂດຍໄດ້ຮັບຮູ້ຂໍ້ມູນດັ່ງກ່າວຜ່ານບັນດາອົງການຂ່າວ ແລະ ການທູດ, ສະມາຄົມມິດຕະພາບ ຫວຽດນາມ - ກູບາ ໄດ້ສົ່ງຈົດໝາຍເຖິງທ່ານນາງ Yolanda Ferrer Gomez ປະທານສະມາຄົມມິດຕະພາບກູບາ - ຫວຽດນາມ. ໃນຈົດໝາຍທີ່ທ່ານຮອງສາດສະດາຈານ, ດຣ.ຫງວຽນວຽດຖາວ - ຮອງປະທານສະມາຄົມມິດຕະພາບຫວຽດນາມ - ກູບາ ໃຫ້ຫູ້ວ່າ ນີ້ກໍ່ແມ່ນວຽກງານທີ່ຈໍາເປັນຈາກຝ່າຍສະຫະລັດອາເມລິກາແຕ່ຍັງບໍ່ສໍາເລັດ. ນອກນີ້, ອາເມລິກາຕ້ອງຢຸດຕິ ແລະ ຖອນກູບາອອກຈາກບັນຊີລາຍຊື່ບັນດາປະເທດສະໜັບສະໜູນການກໍ່ການຮ້າຍ, ຢຸດຕິບັນດາມາດຕະການຂວ້ຳບາດດ້ານເສດຖະກິດແລະການເງິນທີ່ໄຮ້ເຫດຜົນແລະບໍ່ມີພື້ນຖານໄດ້ສ້າງຜົນສະທ້ອນຢ່າງຮ້າຍແຮງແລະສົ່ງຜົນສະທ້ອນເຖິງຊີວິດ ຂອງປະຊາຊົນກູບາ.
 |
ສະມາຄົມມິດຕະພາບ ຫວຽດນາມ - ກູບາ ແລະ ບັນດາອົງການຈັດຕັ້ງປະຊາຊົນຫວຽດນາມ ຍາມໃດກໍ່ເຊື່ອໝັ້ນ ແລະ ສະໜັບສະໜູນຢ່າງແຮງຕໍ່ການປະຕິວັດຂອງປະຊາຊົນ ກູບາ ໃນການຕໍ່ສູ້ສະກັດກັ້ນ ແລະ ຕ້ານການກີດຂວາງ, ກໍ່ສ້າງ ແລະ ພັດທະນາປະເທດຊາດ. ພ້ອມກັນນັ້ນ, ສະໜັບສະໜູນຂະບວນການເຈລະຈາ ແລະ ການຮ່ວມມືລະຫວ່າງ ກູບາ ແລະ ອາເມລິກາ ບົນຈິດໃຈກໍ່ສ້າງ, ເຄົາລົບເຊິ່ງກັນ ແລະ ກັນ, ຊອກຫາວິທີແກ້ໄຂຄວາມແຕກຕ່າງ, ຊຸກຍູ້ການພົວພັນລະຫວ່າງ 2 ປະເທດ, ປະກອບສ່ວນສ້າງສາສັນຕິພາບ ແລະ ສະຖຽນລະພາບຂອງພາກພື້ນ.
“ພວກຂ້າພະເຈົ້າຍາມໃດກໍ່ພ້ອມກັບທ່ານໃນການຮັດແໜ້ນ ແລະ ເພີ່ມທະວີສາຍພົວພັນມິດຕະພາບ, ຄວາມສາມັກຄີ ແລະ ການຮ່ວມມືຮອບດ້ານເພື່ອຜົນປະໂຫຍດຂອງປະຊາຊົນສອງປະເທດ, ເພື່ອສັນຕິພາບ, ສະຖຽນລະພາບ ແລະ ການພັດທະນາແບບຍືນຍົງໃນໂລກ.
ຄຳຮຸ່ງ
