| ການພົວພັນລະຫວ່າງ ຫວຽດນາມ - ກູບາ ໄດ້ຮັບການເອົາໃຈໃສ່ປັບປຸງ, ຊຸກຍູ້ ແລະ ພັດທະນາເລິກເຊິ່ງກວ້າງຂວາງຢ່າງບໍ່ຢຸດຢັ້ງ | |
| ໍຮັດແໜ້ນສາຍພົວພັນຄວາມໄວ້ເນື້ອເຊື່ອໃຈ, ມິດຕະພາບພິເສດລະຫວ່າງ ຫວຽດນາມ ແລະ ກູບາ |
ທ່ານ ຫງວຽນດຶກເກື່ອງ, ຜູ້ອໍານວຍການໂຮງໝໍມິດຕະພາບ ຫວຽດນາມ - ກູບາ ດົງເຫີຍ ໃຫ້ຮູ້ວ່າ ໂຮງໝໍພວມຄຸ້ມຄອງ, ປິ່ນປົວຄົນເຈັບເກືອບ 250 ຄົນທີ່ເປັນພະຍາດໝາກໄຂ່ຫຼັງຊໍາເຮື້ອທີ່ຕ້ອງການຟອກໝາກໄຂ່ຫຼັງທຽມປະຈຳໄລຍະ. ໂດຍສະເລ່ຍແຕ່ລະເດືອນມີຄົນເຈັບເກືອບ 150,000 ເທື່ອຄົນທີ່ຕ້ອງໄດ້ຮັບການຟອກເລືອດຮອບວຽນ ແລະ ຟອກເລືອດປະຖົມພະຍາບານ; ໃນຂະນະທີ່ໂຮງໝໍດັ່ງກ່າວມີແຕ່ເຄື່ອງຟອກໝາກໄຂ່ຫຼັງທຽມ 31 ເຄື່ອງ, ເຊິ່ງແຕ່ລະເຄື່ອງຕ້ອງເຮັດວຽກຕໍ່ເນື່ອງ 4-5 ລາຍຕໍ່ມື້; ເຄື່ອງຈັກສ່ວນຫຼາຍແມ່ນເກົ່າແກ່ ແລະ ໄດ້ຖືກນໍາໃຊ້ຫຼາຍກວ່າ 10 ປີ, ເຮັດວຽກຢູ່ໃນປະລິມານທີ່ສູງ, ສົ່ງຜົນສະທ້ອນກ່ຽວກັບວຽກງານການປິ່ນປົວສ່ວນໃດສ່ວນໜຶ່ງ.
ຕໍ່ບັນດາຄວາມຫຍຸ້ງຍາກດັ່ງກ່າວ, ສະມາຄົມອຸປະຖຳຄົນເຈັບທຸກຍາກແຂວງ ກວາງບິ່ງ ໄດ້ລະດົມ, ຮຽກຮ້ອງບັນດາອົງການຈັດຕັ້ງ, ບຸກຄົນ, ອົງການ, ວິສາຫະກິດ, ນັກທຸລະກິດໜູນຊ່ວຍດ້ານການເງິນ ແລະ ຫັກເງິນສ່ວນໜຶ່ງຂອງສະມາຄົມເພື່ອຊື້ເຄື່ອງຟອກໝາກໄຂ່ຫຼັງທຽມ 2 ເຄື່ອງ (ມີມູນຄ່າ560 ລ້ານດົ່ງ) ມອບໃຫ້ໂຮງໝໍມິດຕະພາບ ຫວຽດນາມ-ກູບາ ດົງເຫີຍ.
 |
| ທ່ານ ຫງວຽນດຶກເກື່ອງ, ຜູ້ອໍານວຍການໂຮງໝໍມິດຕະພາບ ຫວຽດນາມ - ກູບາ ດົງເຫີຍ ໄດ້ຮັບເອົາປ້າຍເປັນສັນຍະລັກມອບເຄື່ອງຟອກໝາກໄຂ່ຫຼັງທຽມ 2 ເຄື່ອງ |
ກ່າວຄຳປາໄສທີ່ພິທີມອບ, ທ່ານນາງ ຫງວຽນທິແທງເຮືອງ, ປະທານສະມາຄົມອຸປະຖຳຄົນເຈັບທຸກຍາກແຂວງ ກວາງບິ່ງ ຖືວ່າ ນີ້ແມ່ນຂອງຂວັນທີ່ມີຄວາມໝາຍ, ເຕັມໄປດ້ວຍຄວາມມະນຸດສະທຳ, ໜູນຊ່ວຍຄົນເຈັບທຸກຍາກຫຼຸດຜ່ອນຄ່າໃຊ້ຈ່າຍໃນການເດີນທາງ, ພ້ອມກັນນັ້ນກໍ່ປະກອບສ່ວນຫຼຸດຜ່ອນການປິ່ນປົວໃຫ້ໂຮງຫມໍແນວໜ້າ.
ຕາມທ່ານນາງ ຫງວຽນທິແທງເຮືອງ ແລ້ວ, ການມອບ ແລະ ນຳໃຊ້ເຄື່ອງເຄື່ອງຟອກໝາກໄຂ່ຫຼັງທຽມ 2 ເຄື່ອງແມ່ນເພື່ອຮັບໃຊ້ຄົນເຈັບຢ່າງທັນການ ກ່ອນບຸນເຕັດປີມະໂລງ 2024. ຄົນເຈັບຈະມີສຸຂະພາບເຂັ້ມແຂງ, ມີເວລາພັກຜ່ອນຫຼາຍກວ່າເພື່ອສະຫຼອງປີໃໝ່ທີ່ອົບອຸ່ນກັບຄອບຄົວ, ໂຮງໝໍມິດຕະພາບ ຫວຽດນາມ - ກູບາ ດົງເຫີຍ ກໍໄດ້ມີໂອກາດໜູນຊ່ວຍບັນດາຄົນເຈັບທີ່ຕ້ອງຟອກໝາກໄຂ່ຫຼັງທີ່ຢູ່ຫ່າງໄກ ເພື່ອກັບຄືນເມືອບ້ານ ສະເຫຼີມສະຫຼອງບຸນເຕັດກັບຄອບຄົວ.
ມິງດຶກ
