ປີ 2009, ໂດຍປະຕິບັດໂຄງການແຮກສ່ຽວກຸ່ມປະຊາຊົນສອງເບື້ອງຊາຍແດນ, ຕາແສງ ບາເຕີ່ງ ມີ 3 ບ້ານແຮກສ່ຽວກັບ 3 ບ້ານຂຶ້ນກັບເມືອງ ສະໝ້ວຍ (ບ້ານລົວ - ບ້ານອັນລະ, ບ້ານສະຕວງ - ບ້ານເຊ, ບ້ານຈຸ່ມ - ບ້ານອາຢົງ). ສອງຝ່າຍ ໄດ້ລົງນາມໃນຂໍ້ກຳນົດການເຄື່ອນໄຫວດ້ວຍ 12 ເນື້ອໃນ, ໂດຍ 100% ຈຳນວນຄອບຄົວທີ່ລົງອະບຽນເຂົ້າຮ່ວມ. ນີ້ແມ່ນບັນດາໝູ່ບ້ານທີ່ມີສາຍພົວພັນທາງດ້ານຊົນເຜົ່າ, ຍາດພີ່ນ້ອງມາແຕ່ດົນນານ, ມີກົກເຄົ້າເຫງົ້າກໍ, ມູນເຊື້ອວັດທະນະທຳ, ຮີດຄອງປະເພນີຮ່ວມກັນ.
ພາຍຫຼັງ 15 ປີແຫ່ງການປະຕິບັດແຮກສ່ຽວ, ບັນດາໝູ່ບ້ານ ໄດ້ຮັກສາການປະຕິບັດລະບຽບການຄູ່ແຮກສ່ຽວຢ່າງເຂັ້ມງວດ; ຈັດຕັ້ງການເຄື່ອນໄຫວພົບປະແລກປ່ຽນປະຊາຊົນສອງເບື້ອງຊາຍແດນເປັນຢ່າງດີ, ປະກອບສ່ວນປັບປຸງການພົວພັນມິດຕະພາບແບບພິເສດລະຫວ່າງສອງປະເທດ. 2 ຝ່າຍໄປຢ້ຽມຢາມກັນເນື່ອງໃນບັນດາເຫດການສຳຄັນຂອງຊາດຢ່າງເປັນປະຈຳ; ຈັດຕັ້ງກອງປະຊຸມມອບຮັບວຽກງານປະຈຳໄລຍະ ແລະ ກະທັນຫັນ ເມື່ອມີສະພາວະການໃໝ່ເກີດຂຶ້ນ 62 ຄັ້ງ ກັບຜູ້ເຂົ້າຮ່ວມ 3.720 ເທື່ອຄົນ; ສະກັດກັ້ນ, ຕ້ານອາດຊະຍາກຳທຸກປະເພດຢ່າງຕັ້ງໜ້າ.
 |
| ການນຳເມືອງ ສະໝ້ວຍ ໄດ້ມອບລາງວັນໃຫ້ບັນດາກົມກອງຄະນະ, ບຸກຄົນທີ່ມີຜົນງານດີເດັ່ນໃນ 15 ປີແຫ່ງການປະຕິບັດແຮກສ່ຽວກຸ່ມປະຊາຊົນສອງເບື້ອງຊາຍແດນ. ພາບ: ໜັງສືພິມຊາຍແດນ |
ນອກນີ້, ບັນດາບ້ານ, ໝູ່ບ້ານ ກໍໄດ້ຈັດຕັ້ງການໂຄສະນາເຜີຍແຜ່ກ່ຽວກັບປະເທດຊາດ, ຊາຍແດນແຫ່ງຊາດ ແລະ ຄວາມຮັບຜິດຊອບຂອງປະຊາຊົນ ຕໍ່ອະທິປະໄຕຄວາມໝັ້ນຄົງຊາຍແດນ ກວ່າ 100 ຄັ້ງ, ດ້ວຍຜູ້ເຂົ້າຮ່ວມ 20.000 ກວ່າເທື່ອຄົນ; ພ້ອມກັນຊ່ວຍເຫຼືອເຊິ່ງກັນ ແລະ ກັນພັດທະນາເສດຖະກິດ, ວັດທະນະທຳ, ສັງຄົມ, ຍົກສູງຊີວິດທາງດ້ານວັດຖຸ, ຈິດໃຈຂອງປະຊາຊົນເຂດຊາຍແດນ.
ສອງຝ່າຍໄດ້ສົມທົບກັນຈັດຕັ້ງການລາດຕະເວນ, ປົກປັກຮັກສາເຂດຊາຍແດນ, ເກືອບ 200 ເທື່ອ. ຜ່ານນັ້ນ, ປະຊາຊົນສອງປະເທດ ກໍ່ໄດ້ເຂົ້າຮ່ວມຢ່າງຕັ້ງໜ້າໃນບັນດາການເຄື່ອນໄຫວກໍ່ສ້າງ ແລະ ປົກປັກຮັກສາອະທິປະໄຕເຂດຊາຍແດນຂອງແຕ່ລະຝ່າຍ. ການແຮກສ່ຽວ ຍັງໄດ້ປຸກລຸກມູນເຊື້ອຄວາມສາມັກຄີແບບພິເສດ ຫວຽດນາມ - ລາວ; ນ້ຳໃຈຄວາມຮັກແພງອັນສະໜິດສະໜົມ, ຄວາມສາມັກຄີ, ມິດຕະພາບ ນັບມື້ນັບໄດ້ຮັບປັບປຸງ ແລະ ພັດທະນາ.
ທີ່ກອງປະຊຸມ, ກອງບັນຊາການທະຫານຊາຍແດນແຂວງ ກວາງຈິ, ຄະນະກຳມະການປະຊາຊົນເມອງ ເຮື່ອງຮວ໋າ, ເມືອງ ສະໝ້ວຍ ໄດ້ມອບລາງວັນໃຫ້ບັນດາໝູ່ຄະນະ, ບຸກຄົນທີ່ມີຜົນງານດີເດັ່ນໃນ 15 ປີແຫ່ງການປະຕິບັດແຮກສ່ຽວກຸ່ມປະຊາຊົນສອງເບື້ອງຊາຍແດນ.
ກວາງຈິ ມີຊາຍແດນຕິດກັບປະເທດບ້ານໃກ້ເຮືອນຄຽງ ລາວ ຍາວກວ່າ 187 ກິໂລແມັດ, ລວມມີ 2 ເມືອງພູດອຍຄື ເຮື່ອງຮວ໋າ ແລະ ດັກຣົງ. ມາຮອດປະຈຸບັນ, ຢູ່ເຂດຊາຍແດນລະຫວ່າງແຂວງ ກວາງຈິ ກັບ 2 ແຂວງ ສະຫວັນນະເຂດ ແລະ ສາລະວັນ (ລາວ) ໄດ້ມີ 26 ໝູ່ບ້ານຈັດຕັ້ງແຮກສ່ຽວບ້ານ - ບ້ານຢູ່ສອງຝັ່ງຊາຍແດນ. ໃນຊຸມປີມໍ່ໆມານີ້, ຮູບແບບແຮກສ່ຽວບ້ານ - ບ້ານໄດ້ຜັນຂະຫຍາຍດ້ວຍຫຼາຍໝາກຜົນທີ່ແທດຈິງ, ຮັກສາສັນຕິພາບຢູ່ເຂດຊາຍແດນ ຫວຽດນາມ - ລາວ.
ໂດຍຜ່ານບັນດາການເຄື່ອນໄຫວແຮກສ່ຽວ ແມ່ນເພື່ອເສີມຂະຫຍາຍຮີດຄອງປະເພນີອັນດີງາມ, ມິດຕະພາບແບບພິເສດຫວຽດນາມ - ລາວ; ປັບປຸງ ແລະ ເພີ່ມທະວີຄວາມສາມັກຄີ, ການຮ່ວມມື, ຊ່ວຍເຫຼືອເຊິ່ງກັນ ແລະ ກັນລະຫວ່າງລັດຖະບານ, ປະຊາຊົນ ແລະ ກໍາລັງຂອງສອງຝັ່ງຊາຍແດນ, ປະກອບສ່ວນເຂົ້າໃນການພັດທະນາເສດຖະກິດ, ວັດທະນະທໍາ-ສັງຄົມ, ປັບປຸງການປ້ອງກັນຊາດ,ປົກປັກຮັກສາອະທິປະໄຕເຂດແດນຢ່າງໜັກແໜ້ນ, ປ້ອງກັນຊາຍແດນແຫ່ງຊາດ, ກໍ່ສ້າງເສັ້ນຊາຍແດນສັນຕິພາບ, ມິດຕະພາບ, ການຮ່ວມມື ແລະ ການພັດທະນາ.
 | ລາວ ແລະ ໄທ ເລີ່ມທົດລອງແລ່ນລົດໄຟຂ້າມຊາຍແດນໃໝ່ ຍສໝ - ເສັ້ນທາງລົດໄຟ ລາວ-ໄທ ແລະ ເສັ້ນທາງລົດໄຟ ລາວ-ຈີນ ແມ່ນບັນດາອົງປະກອບທີ່ສຳຄັນຂອງເຄືອຂ່າຍທາງລົດໄຟໃນພາກພື້ນ ເພື່ອເຊື່ອມຕໍ່ ຈີນ ກັບ ສິງກະໂປ ໂດຍຜ່ານ ລາວ, ໄທ ແລະ ມາເລເຊຍ. |
 | ຫວຽດນາມ ແມ່ນທ້ອງຕະຫຼາດທີ່ດຶງດູດ ແລະ ສຳຄັນສຳລັບບັນດາວິສາຫະກິດ ແດນມາກ ໃນຂົງເຂດກະສິກຳ ຍສໝ - ຫວຽດນາມ ແມ່ນຈຸດປາຍທາງທີ່ດຶງດູດສຳລັບບັນດາບໍລິສັດ ແດນມາກ ໃນຂົງເຂດກະສິກຳ. ສະນັ້ນ, ບັນດາວິສາຫະກິດກະສິກຳ ແລະ ສະບຽງອາຫານ ແດນມາກ ກໍມີຄວາມປາດຖະໜາຢາກຮ່ວມມື... |
ມິງດຶກ
