ລາວ ​ແລະ ​ໄທ ເລີ່ມ​ທົດລອງແລ່ນລົດ​ໄຟ​ຂ້າມ​ຊາຍ​ແດນ​ໃໝ່

	ໄທ ຖື​ເປັນ​ສຳຄັນ​ການ​ປົກ​ປັກ​ຮັກສາ ​ແລະ ພັດທະນາ​ບັນດາ​ສະຖານ​ທີ່​ຕິດ​ພັນ​ກັບ​ການ​ພົວພັນ​ກັບ ຫວຽດນາມ
	ສູ​ນ​ກາງ​ຊາວ​ໜຸ່ມ​ຄອມ​ມູ​ນິດ ໂຮ່​ຈີ​ມິນ ນຳ​ເອົາ​ບັນ​ຍາ​ກາດ​ບຸນ​ເຕັດ ໄປ​ສູ່​ 2 ເມືອງ​ຊາຍ​ແດນ ແຂວງ ກອນ​ຕຸມ

ລັດວິສາຫະກິດລົດໄຟແຫ່ງຊາດລາວ ຂຶ້ນກັບກະຊວງໂຍທາທິການ ແລະ ຂົນສົ່ງຂອງລາວ ພວມສົມທົບກັບ ການລົດໄຟແຫ່ງປະເທດ ໄທ ເພື່ອເລີ່ມທົດລອງໃຫ້ບໍລິການລົດໄຟຂ້າມຊາຍແດນສາຍໃໝ່ ກ່ອນການເປີດຕົວຢ່າງເປັນທາງການໃນສອງສາມເດືອນຂ້າງໜ້າ.

ຕາມນັ້ນແລ້ວ, ໃນລະຫວ່າງວັນທີ 14 – 17 ພຶດສະພານີ້, 2 ໜ່ວຍດັ່ງກ່າວໄດ້ ແລະ ພວມທົດລອງການແລ່ນ 9 ຖ້ຽວ/ວັນ ຈາກສະຖານີ ທ່ານາແລ້ງ ຫາ ສະຖານີ ຄຳສະຫວາດ ຢູ່ນະຄອນຫຼວງວຽງຈັນ. ຜົນ​ຂອງ​ການ​ທົດລອງ​ສະ​ແດງ​ໃຫ້​ເຫັນ​ວ່າ ມາ​ຮອດ​ປະຈຸ​ບັນ, ບັນດາລົດ​ໄຟ​ຍັງ​ດຳ​ເນີນ​ໄປ​ຢ່າງ​ສະດວກ.

ພາບປະກອບ. (ທີ່ມາ: TTXVN)

ພາຍຫຼັງໄລຍະທົດລອງດັ່ງກ່າວ, ແຕ່ວັນທີ 18-20 ພຶດສະພານີ້, ເສັ້ນທາງທົດລອງນີ້ ຈະເປີດກ້ວາງຈາກສະຖານີ ອຸດອນທານີ ແລະ ສະຖານີ ໜອງຄາຍ ຂອງໄທ ໄປຫາສະຖານີ ທ່ານາແລ້ງ ແລະ ສະຖານີ ຄຳສະຫວາດ ໃນລາວ.

ສະຖານີ ຄໍາສະຫວາດ ຂຶ້ນກັບໄລຍະທີ II ຂອງໂຄງການກໍ່ສ້າງທາງລົດໄຟ ລາວ-ໄທ. ສະຖານີນີ້ ຕັ້ງຢູ່ບ້ານ ຄໍາສະຫວາດ, ເມືອງ ໄຊເສດຖາ, ນະຄອນຫຼວງວຽງຈັນ. ສະຖານີ ຄຳສະຫວັດ ຫ່າງຈາກສະຖານີ ທ່ານາແລ້ງ ເຊິ່ງມີຊາຍແດນຕິດກັບປະເທດ ໄທ 7.5 ກິໂລແມັດ ແລະ ເປັນສ່ວນໜຶ່ງໃນຄວາມພະຍາຍາມຢ່າງຕໍ່ເນື່ອງເພື່ອປັບປຸງການບໍລິການພະລາທິການໃນພາກພື້ນ.

ເສັ້ນທາງລົດໄຟ ລາວ-ໄທ ແລະ ເສັ້ນທາງລົດໄຟ ລາວ-ຈີນ ແມ່ນບັນດາອົງປະກອບທີ່ສຳຄັນຂອງເຄືອຂ່າຍທາງລົດໄຟໃນພາກພື້ນ ເພື່ອເຊື່ອມຕໍ່ ຈີນ ກັບ ສິງກະໂປ ໂດຍຜ່ານ ລາວ, ໄທ ແລະ ມາເລເຊຍ.

ຖ້ຽວລົດໄຟຂົນສົ່ງສິນຄ້າຄວາມໄວສູງສາຍທຳອິດທີ່ແລ່ນຈາກ ແທງໂດ, ຈີນ, ຜ່ານລາວ, ໄທ ໄດ້ມາຮອດ ມາເລເຊຍ ໃນອາທິດແລ້ວນີ້, ບໍ່ພຽງແຕ່ຊ່ວຍຫຼຸດເວລາຂົນສົ່ງລົງເຄິ່ງໜຶ່ງເທົ່ານັ້ນ, ມີພຽງແຕ່ 8 ວັນ ເມື່ອທຽບໃສ່ 16 ວັນ ຖ້າຂົນສົ່ງຜ່ານທາງທະເລ, ​ແຕ່ຍັງ​ເປັນ​ຂີດ​ໝາຍ​ສຳຄັນ​ໃນ​ການ​ເຊື່ອມ​ຕໍ່​ການ​ຄ້າ​ໃນ​ພາກ​ພື້ນອີກດ້ວຍ.

ມິງດຶກ