ມ໋ອງກ໋າຍ: ເພີ່ມທະວີການພົວພັນມິດຕະພາບ ແລະ ການຮ່ວມມືຢູ່ຊາຍແດນ ຫວຽດນາມ

ຍສໝ - ຄະນະຜູ້ແທນພັກ, ອຳນາດການປົກຄອງນະຄອນ ດົ່ງຊິ່ງ (ຈີນ) ແລະ ເຂດ ຟາງຈ່າງ (ຈີນ) ໄດ້ໄປຢ້ຽມຢາມ ແລະ ອວຍພອນອົງຄະນະພັກ, ລັດຖະບານ ແລະ ປະຊາຊົນນະຄອນ ມ໋ອງກ໋າຍ (ຫວຽດນາມ) ເນື່ອງໃນໂອກາດສະເຫຼີມສະຫຼອງ 95 ປີແຫ່ງວັນສ້າງຕັ້ງພັກກອມມູນິດຫວຽດນາມ ແລະ ຕ້ອນຮັບລະດູບານໃໝ່ ປີມະເສັງ 2025.

	ເປີດຕົວປຶ້ມ ແລະ ຮູບເງົາກ່ຽວກັບນ້ຳໃຈມິດຕະພາບ ຈີນ - ຫວຽດນາມ
	ສະເຫຼີມສະຫຼອງ 80 ປີແຫ່ງວັນສ້າງຕັ້ງກອງທັບປະຊາຊົນ ຫວຽດນາມ ຢູ່ ຈີນ ແລະ ລາວ

ທີ່ການພົບປະ, ທ່ານ ຮວ່າງບານາມ, ເລຂາຄະນະພັກນະຄອນ ມ໋ອງກ໋າຍ ໄດ້ຢືນຢັນບົດບາດນຳພາຂອງພັກໃນຕະຫຼອດ 95 ປີຜ່ານມາ ຊ່ວຍເຫຼືອ ຫວຽດນາມ ບັນລຸໄດ້ບັນດາຜົນງານກະໂດດຂັ້ນ. ນະຄອນ ມ໋ອງກ໋າຍ ໄດ້ພັດທະນາຢ່າງບໍ່ຢຸດຢັ້ງ, ບືນຂຶ້ນ top ແຖວໜ້າຂອງແຂວງ ກວາງນິງ ກ່ຽວກັບການຂະຫຍາຍຕົວທາງດ້ານເສດຖະກິດ, ການນຳເຂົ້າ ແລະ ສົ່ງອອກ, ການພັດທະນາການທ່ອງທ່ຽວ, ລາຍຮັບງົບປະມານ ແລະ ສະຫວັດດີການສັງຄົມ. ນະຄອນພວມບືນຂຶ້ນກາຍເປັນເຂດກຳລັງຜັກດັນ, ກຳລັງການເຕີບໂຕເສດຖະກິດຂອງທົ່ວປະເທດ.

ນະຄອນມີຄວາມສົນໃຈ, ຫັນບັນດາສັນຍາ, ການພົວພັນຮ່ວມມືກັບ ຈີນ ເປັນລະອຽດຜ່ານການເຄື່ອນໄຫວສະເພາະ, ແທ້ຈິງກ່ຽວກັບເສດຖະກິດການຄ້າຊາຍແດນ, ການທ່ອງທ່ຽວ, ວັດທະນະທໍາ, ການສຶກສາ, ການບຳລຸງສ້າງກຳລັງຄົນໄວຫນຸ່ມ, ພົນລະເມືອງສາກົນຮັບໃຊ້ການພັດທະນາ. ນະຄອນໄດ້ຮັບລາງວັນ "ຄູ່ຮ່ວມມືທີ່ດີເດັ່ນຂອງນະຄອນມິດຕະພາບສຳລັບ ຈີນ".

ມ໋ອງກ໋າຍ: ເພີ່ມທະວີການພົວພັນມິດຕະພາບ ແລະ ການຮ່ວມມືຢູ່ຊາຍແດນ ຫວຽດນາມ - ຈີນ

ບັນດາຜູ້ແທນເຂົ້າຮ່ວມພິທີສະເຫຼີມສະຫຼອງ 95 ປີແຫ່ງວັນສ້າງຕັ້ງພັກກອມມູນິດ ຫວຽດນາມ ແລະ ສະເຫຼີມສະຫຼອງລະດູບານໃໝ່ ປີມະເສັງ. (ພາບ: mongcai.gov.vn)

ຕາມທ່ານ ຮວ່າງບານາມ ແລ້ວ, ບັນດາລຸ່ນການນຳໄດ້ອອກເຫື່ອເທແຮງ ເພີ່ມພູນຄູນສ້າງການພົວພັນມິດຕະພາບທີ່ເປັນມູນເຊື້ອລະຫວ່າງ ຫວຽດນາມ ແລະ ຈີນ, ແມ່ນພື້ນຖານອັນລ້ຳຄ່າ ເພື່ອຊ່ວຍໃຫ້ສອງປະເທດເພີ່ມທະວີການຮ່ວມມືໃນທຸກຂົງເຂດ. ພິເສດ, ພາຍຫຼັງການຢ້ຽມຢາມ ສສ ຫວຽດນາມ ຂອງທ່ານເລຂາທິການໃຫຍ່, ປະທານປະເທດ ຈີນ ສີຈີ້ນຜິງ ໃນປີ 2023 ແລະ ການຢ້ຽມຢາມ ສປ ຈີນ ຂອງທ່ານເລຂາທິການໃຫຍ່, ປະທານປະເທດ ຫວຽດນາມ ໂຕເລີ່ມ ໃນປີ 2024, ການພົວພັນຄູ່ຮ່ວມມືຍຸດທະສາດຮອບດ້ານໄດ້ຍົກຂຶ້ນສູ່ລະດັບສູງໃໝ່, ໄດ້ເປີດກວ້າງ ແລະ ເຂົ້າສູ່ລວງເລິກໃນທຸກຂົງເຂດ.

ນະຄອນ ມ໋ອງກ໋າຍ (ຫວຽດນາມ) ແລະ ນະຄອນ ດົ່ງຊິງ, ເຂດ ຟາງຈ່າງ (ຈີນ) ມີຄວາມຄ້າຍຄືກັນທາງດ້ານວັດທະນະທຳ ແລະ ຄວາມສາມັກຄີທີ່ເປັນມູນເຊື້ອ, ມິດຕະພາບທີ່ມີມາແຕ່ດົນນານ. ໃນຊຸມປີມໍ່ໆມານີ້, ບັນດາທ້ອງຖິ່ນໄດ້ຮັກສາການການເຄື່ອນໄຫວແລກປ່ຽນຮ່ວມມືຢ່າງມີປະສິດທິຜົນໃນບັນດາຂົງເຂດພັດທະນາເສດຖະກິດ, ການຄ້າ, ການທ່ອງທ່ຽວ, ການລົງທຶນ, ການສຶກສາ, ວັດທະນະທຳ, ກິລາ, ການປົກປັກຮັກສາສິ່ງແວດລ້ອມ, ຄຸ້ມຄອງຊາຍແດນ ເພື່ອສືບຕໍ່ປັບປຸງ, ພັດທະນາຮອບດ້ານ, ກໍ່ສ້າງຊາຍແດນສັນຕິພາບ ແລະ ການຮ່ວມມື, ກາຍເປັນແບບຢ່າງຂອງການພົວພັນສອງຝ່າຍ ແລະ ຊຸກຍູ້ການພົວພັນຄູ່ຮ່ວມມືຍຸດທະສາດ ຫວຽດນາມ - ຈີນ.

ປີ 2025, 2 ຝ່າຍຈະສົມທົບກັນຈັດຕັ້ງການເຄື່ອນໄຫວສະເຫຼີມສະຫຼອງ 75 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ - ຈີນ, ພ້ອມກັນນັ້ນ ກໍ່ຜັນຂະຫຍາຍ “ປີພົບປະແລກປ່ຽນມະນຸດສະທຳ ຫວຽດນາມ - ຈີນ ປີ 2025” ຕາມຖະແຫຼງການຂອງການນຳຂັ້ນສູງຂອງສອງປະເທດ; ສ້າງຊາຍແດນ “ແບບຢ່າງ”, ສັນຕິພາບ, ມິດຕະພາບ, ສະຖຽນລະພາບ, ການຮ່ວມມື ແລະ ພັດທະນາ.

ຕາງໜ້າໃຫ້ຄະນະຜູ້ແທນ ຈີນ, ທ່ານ ເຜິງຊາກວນ, ຮອງເລຂາຄະນະກຳມະການວຽກງານພັກ, ເລຂາຄະນະພັກນະຄອນ ດົງຊິງ ແລະ ທ່ານ ລູ້ໄຫຊິນ, ເລຂາຄະນະພັກເຂດ ຟາງຈ່ຽງ ໄດ້ສະແດງຄວາມຊົມເຊີຍຕໍ່ການພົວພັນລະຫວ່າງສອງທ້ອງຖິ່ນ. ບັນດາທ່ານ ຕີລາຄາສູງບັນດາໝາກຜົນແຫ່ງການຮ່ວມມືສອງຝ່າຍທີ່ບັນລຸໄດ້, ຖືວ່າ ນີ້ແມ່ນຮູບແບບການຮ່ວມມືຂອງທ້ອງຖິ່ນໃນການພົວພັນສອງຝ່າຍ. ບັນດາທ່ານ ກໍ່ປາດຖະໜາຢາກສືບຕໍ່ປັບປຸງ, ຊຸກຍູ້ການພົວພັນຮ່ວມມືລະຫວ່າງນະຄອນ ດົ່ງຊິງ, ເຂດ ຟາງຈ່າງ ( ຈີນ ) ກັບ ນະຄອນ ມ໋ອງກ໋າຍ (ຫວຽດນາມ) ໃຫ້ມີການພັດທະນາອັນຍາວນານ, ປອດໃສ, ກ້າວຂຶ້ນສູ່ລະດັບສູງໃໝ່.

ນະຄອນ ມ໋ອງກ໋າຍ (ຫວຽດນາມ) ແລະ ນະຄອນ ດົ່ງຊິງ (ຈີນ) ໄດ້ລົງນາມໃນບົດບັນທຶກຊ່ວຍຈຳການຮ່ວມມືດ້ານສຸຂະອະນາໄມຄວາມປອດໄພສະບຽງອາຫານ. (ພາບ: mongcai.gov.vn)

ທີ່ລາຍການ, ນະຄອນ ມ໋ອງກ໋າຍ (ຫວຽດນາມ) ແລະ ນະຄອນ ດົ່ງຊິງ (ຈີນ) ໄດ້ລົງນາມໃນບົດບັນທຶກຊ່ວຍຈຳກ່ຽວກັບການຮ່ວມມືດ້ານສຸຂະອະນາໄມຄວາມປອດໄພສະບຽງອາຫານ. ຄະນະພັກຕາແສງ ຫາຍອ່ຽນ (ນະຄອນ ມ໋ອງກ໋າຍ) ແລະ ຄະນະພັກ ນະຄອນ ເຈີນດົ່ງຊິງ (ນະຄອນ ດົ່ງຊິງ) ໄດ້ລົງນາມໃນຂໍ້ຕົກລົງສ້າງຕັ້ງການພົວພັນຕາແສງເຂດຊາຍແດນມິດຕະພາບສາກົນ.

ພິເສດ, ບັນດາຜູ້ແທນຍັງໄດ້ເຂົ້າຮ່ວມລາຍການກິດຈະກຳນອກແຜນ ດ້ວຍຫົວຂໍ້ “ມິດຕະພາບ ຫວຽດນາມ - ຈີນ” ຢູ່ໂຮງຮຽນມັດທະຍົມຕອນປາຍ ເຈີ່ນຟູ໊, ປະກອບສ່ວນຮັດແໜ້ນການພົວພັນຕິດພັນກັນລະຫວ່າງ 2 ຊາດ ແລະ ລຸ່ນໜຸ່ມຂອງສອງປະເທດ.

ຫົກວິທີການຊຸກຍຸ້ການພົວພັນເສດຖະກິດ ການຄ້າສອງຝ່າຍລະຫວ່າງ ຫວຽດນາມ ແລະ ຈີນ

ຍສໝ - ການຮັບປະກັນຕ່ອງໂສ້ການສະໜອງຈະມີຄວາມລຸລ່ວງ; ການຊຸກຍຸ້ການຂຸດຄົ້ນບັນດາເສັ້ນທາງຄອນເທນເນີທາງລົດໄຟ; ການສ້າງຕັ້ງຫ້ອງການສົ່ງເສີມການຄ້າຂອງຫວຽດນາມ ຢູ່ ປະເທດຈີນ..." ແມ່ນບັນດາຂໍ້ສະເໜີຂອງທ່ານ ຫງວຽນຮົ່ງຢ່ຽນ ລັດຖະມົນຕີກະຊວງອຸດສາຫະກໍາ ແລະ ການຄ້າ ຫວຽດນາມ ໃນກອງປະຊຸມຄັ້ງທີ 13 ຂອງຄະນະກໍາມະການຮ່ວມມືດ້ານເສດຖະກິດ ການຄ້າຫວຽດນາມ - ຈີນ ວັນທີ 29 ເດືອນກັນຍາ.