 | ໄຂງານວາງສະແດງ “ຫາຍຟ່ອງ - ເຂດມໍລະດົກຮຸ່ງເຮືອງເຫຼືອງເຫຼື້ອມ” |
| "ສະໜາມ" ທີ່ເປັນປະໂຫຍດສໍາລັບນັກຮຽນທີ່ຮັກພາສາ ຍີ່ປຸ່ນ ຢູ່ນະຄອນ ຫາຍຟ່ອງ |
ນີ້ແມ່ນຄຳປາໄສຂອງທ່ານ ໂດ້ຈ່າງແທ່ງ, ປະທານຄະນະກຳມະການສັນຕິພາບນະຄອນ ຫາຍຟ່ອງ ທີ່ກອງປະຊຸມໃຫຍ່ຜູ້ແທນຄັ້ງທີ 6 ອາຍຸການ 2024-2029 ຂອງສະຫະພັນບັນດາອົງການມິດຕະພາບນະຄອນ ຫາຍຟ່ອງ ທີ່ຫາກໍ່ດຳເນີນ.
ຕາມທ່ານ ໂດ້ຈ່າງແທ່ງ ແລ້ວ, ດ້ວຍບັນດາວິທີການປ່ຽນແປງໃໝ່ ແລະ ມີຫົວຄິດປະດິດສ້າງ, ແທດເໝາະກັບສະພາບການຕົວຈິງ, ແຕ່ລະປີ ຄະນະກຳມະການສັນຕິພາບນະຄອນ ຫາຍຟ່ອງ ລ້ວນແຕ່ສົມທົບກັບບັນດາຫົວໜ່ວຍຈັດຕັ້ງບັນດາການເຄື່ອນໄຫວສະເຫຼີມສະຫຼອງວັນສັນຕິພາບສາກົນ (ວັນທີ 21 ກັນຍາ); ຈັດພິທີສູດສັກອະນິດຈາໃຫ້ແກ່ວິລະຊົນນັກຮົບເສຍສະຫຼະຊີວິດເພື່ອຊາດ ເນື່ອງໃນໂອກາດວັນທະຫານເສຍອົງຄະ, ນັກຮົບເສຍສະຫຼະຊີວິດເພື່ອຊາດ (27 ກໍລະກົດ); ລະດົມຜູ້ໃຈບຸນອຸປະຖຳຂອງຂວັນໃຫ້ຜູ້ປະສົບເຄາະຮ້າຍຈາກທາດພິດສີສົ້ມ/ດີໂອຊິນຢູ່ນະຄອນ; ໄດ້ຈັດຕັ້ງງານໂຮມຊຸມນຸມເອົາລາຍເຊັນຂອງບັນດາສະມາຊິກ, ຄອບຄົວ, ນັກຮຽນ ແລະ ນັກສຶກສາຢູ່ແຂວງ ຫາຍຟ່ອງ ເພື່ອສະໜັບສະໜູນການຮັບຮອງເອົາສັນຍາຫ້າມອາວຸດນິວເຄຼຍເພື່ອສັນຕິພາບ ໂດຍອົງການ “Mayors For Peace” ແນ່ໃສ່ຄັດຄ້ານສົງຄາມ, ຄັດຄ້ານການນຳໃຊ້ລະເບີດປະລະມານູ ...
 |
| ວັນທີ 21 ກັນຍາ 2023, ສະຫະພັນບັນດາອົງການຈັດຕັ້ງມິດຕະພາບນະຄອນ ຫາຍຟ່ອງ, ຄະນະກຳມະການສັນຕິພາບນະຄອນ ຫາຍຟ່ອງ ແລະ ມະຫາວິທະຍາໄລການເດີນທະເລ ຫວຽດນາມ ສົມທົບກັນຈັດຕັ້ງໂຄງການພົບປະແລກປ່ຽນ ດ້ວຍຫົວຂໍ້ “ຂ້າພະເຈົ້າຮັກສັນຕິພາບ”. (ພາບ: ຫງ໋ອກເຈົາ) |
ປີ 2021, ຄະນະກຳມະການສັນຕິພາບນະຄອນ ຫາຍຟ່ອງ ໄດ້ສ້າງຕັ້ງສະໂມສອນສັນຕິພາບຢູ່ມະຫາວິທະຍາໄລການເດີນທະເລ ຫວຽດນາມ. ນີ້ແມ່ນຮູບແບບຜັນຍະຫຍາຍການປະຕິບັດໂຄງການສຶກສາສັນຕິພາບຄັ້ງທຳອິດໃນທົ່ວປະເທດ ແນໃສ່ໂຄສະນາເຜີຍແຜ່ໃຫ້ແກ່ບັນດານັກສຶກສາ ປະກອບສ່ວນເຂົ້າໃນກິດຈະການແຫ່ງການສ້າງ, ສ້າງສາ ແລະ ປົກປັກຮັກສາສັນຕິພາບຢູ່ນະຄອນ ແລະ ປະເທດຊາດ.
ບັນດາສະມາຊິກສະໂມສອນລ້ວນແຕ່ກຳນົດໜ້າທີ່ສ້າງສາວັດທະນາທຳສັນຕິພາບໃນໂຮງຮຽນ ບໍ່ພຽງແຕ່ແມ່ນໜ້າທີ່ຂອງອົງການຈັດຕັ້ງເທົ່ານັ້ນ, ຫາກຍັງແມ່ນໜ້າທີ່ ແລະ ຄວາມຮັບຜິດຊອບຂອງແຕ່ລະບຸກຄົນອີກດ້ວຍ. ສະນັ້ນ, ສະມາຊິກຈຶ່ງເປັນເຈົ້າການ ແລະ ສະໝັກໃຈເຂົ້າຮ່ວມກິດຈະກຳມະນຸດສະທຳ, ການກຸສົນ ແລະ ອາສາສະໝັກເພື່ອຊຸມຊົນ ຈັດຕັ້ງປະຕິບັດໂດຍສະຫະພັນຊາວໜຸ່ມ ແລະ ສະມາຄົມນັກສຶກສາທຸກຂັ້ນໃນໂຮງຮຽນ. ຜ່ານນັ້ນ, ກໍ່ໄດ້ສ້າງສະພາບແວດລ້ອມໃຫ້ນັກສຶກສາປະກອບສ່ວນເຂົ້າໃນການແກ້ໄຂບັນດາບັນຫາຄື: ຄວາມທຸກຍາກ, ປົກປັກຮັກສາສິ່ງແວດລ້ອມ, ຄວາມສະຫງົບ, ຄວາມປອດໄພ, ພັດທະນາເສດຖະກິດ - ສັງຄົມ, ແບ່ງປັນ ແລະ ຊ່ວຍເຫລືອຜູ້ປະສົບກັບຄວາມຫຍຸ້ງຍາກ, ຄວາມໂຊກຮ້າຍ ຄວາມຮູ້ບຸນຄຸນຕໍ່ຄອບຄົວຜູ້ເສຍສະຫຼະຊີວິດເພື່ອຊາດ…
ຄຽງຂ້າງນັ້ນ, ງານບຸນພົບປະແລກປ່ຽນວັດທະນະທຳນາໆຊາດ ຍັງໄດ້ຈັດຕັ້ງເປັນປະຈຳ ເພື່ອໃຫ້ນັກຮຽນໄດ້ຮຽນຮູ້ກ່ຽວກັບລັກສະນະທີ່ແຕກຕ່າງກັນຂອງວັດທະນະທຳ, ປະຫວັດສາດ ແລະ ມູນເຊື້ອຂອງບັນດາປະເທດ ແລະ ຊົນເຜົ່າ; ຈາກນັ້ນ ກໍ່ເສີມຂະຫຍາຍຄວາມຮູ້, ເພີ່ມທະວີຄວາມເຂົ້າໃຈລະຫວ່າງປະຊາຊົນ ແລະ ປະເທດຊາດ, ສ້າງພື້ນຖານໃຫ້ແກ່ການທູດປະຊາຊົນກາຍເປັນໜຶ່ງໃນສາມເສົາຄ້ຳຂອງການທູດ ຫວຽດນາມ.
ໂດຍສືບຕໍ່ຜົນສຳເລັດການເຄື່ອນໄຫວຂອງສະໂມສອນສັນຕິພາບຢູ່ມະຫາວິທະຍາໄລການເດີນທະເລ ຫວຽດນາມ, ປີ 2022 ຄະນະກຳມະການສັນຕິພາບນະຄອນ ຫາຍຟ່ອງ ໄດ້ສ້າງຕັ້ງສະໂມສອນສັນຕິພາບຢູ່ມະຫາວິທະຍາໄລ ຫາຍຟ່ອງ. ປີ 2023, ສະໂມສອນໄດ້ສົມທົບກັບບັນດາອົງການທີ່ກ່ຽວຂ້ອງ ເພື່ອຜັນຂະຫຍາຍການປະຕິບັດຫຼາຍກິດຈະກຳທີ່ມີຄວາມໝາຍ.
ທ່ານ ໂດ້ຈ່າງແທ່ງ ໃຫ້ຮູ້ວ່າ “ນີ້ແມ່ນແບບວິທີໃໝ່, ວິທີເຂົ້າເຖິງໃໝ່ເພື່ອສຶກສາ ແລະ ຍົກສູງຄວາມຮັບຮູ້ໃຫ້ລຸ້ນໜຸ່ມກ່ຽວກັບສັນຕິພາບ, ການປົກປັກຮັກສາສິ່ງແວດລ້ອມ, ຕ້ານສົງຄາມ, ຄວາມທຸກຍາກ, ການປ່ຽນແປງຂອງດິນຟ້າອາກາດ, ປະກອບສ່ວນຊຸກຍູ້ການພົວພັນມິດຕະພາບ ແລະ ຄວາມສາມັກຄີສາກົນໃນພາກພື້ນ ແລະ ໂລກ”.
ທ່ານກ່າວຕື່ມອີກວ່າ: ຄະນະກຳມະການສັນຕິພາບນະຄອນ ຫາຍຟ່ອງ ໄດ້ເຂົ້າຮ່ວມ ແລະ ຕອບສະໜອງບັນດາການເຄື່ອນໄຫວສະແດງຄວາມສາມັກຄີ, ສະໜັບສະໜູນການຕໍ່ສູ້ຂອງປະຊາຊົນບັນດາປະເທດເພື່ອສັນຕິພາບ, ເອກະລາດແຫ່ງຊາດ, ປະຊາທິປະໄຕ, ຜືນແຜ່ນດິນອັນຄົບຖ້ວນ ແລະ ພັດທະນາເສດຖະກິດ - ສັງຄົມຢ່າງເປັນປະຈຳ. ຕອບສະໜອງ ແລະ ເຂົ້າຮ່ວມຂະບວນການເພື່ອສັນຕິພາບ ແລະ ຄວາມສາມັກຄີຂອງປະຊາຊົນບັນດາປະເທດຜ່ານການເຂົ້າຮ່ວມບັນດາເວທີປາໄສສາກົນ; ຢ້ຽມຢາມ ແລະ ເຮັດວຽກກັບສະມາຄົມປະຊາຊົນ ຈີນ ເພື່ອສັນຕິພາບ ແລະ ການຫຼຸດຜ່ອນດ້ານອາວຸດການທະຫານ; ເຂົ້າຮ່ວມກອງປະຊຸມຄະນະບໍລິຫານງານສະພາສັນຕິພາບໂລກ; ເຂົ້າຮ່ວມຄະນະປະຕິບັດງານທີ່ມາຢ້ຽມຢາມຄະນະກຳມະການສັນຕິພາບ ແລະ ຄວາມສາມັກຄີແຫ່ງຊາດ ລາວ; ເຂົ້າຮ່ວມຄະນະຜູ້ແທນທີ່ເຂົ້າຮ່ວມກອງປະຊຸມສາກົນ ຕ້ານລູກລະເບີດ A&H ຢູ່ປະເທດ ຍີ່ປຸ່ນ...
ຕາມທ່ານ ໂດ້ຈ່າງແທ່ງ ແລ້ວ, ເພື່ອສືບຕໍ່ສືບທອດບັນດາໝາກຜົນຂອງການເຄື່ອນໄຫວໃນຊຸມປີທີ່ຜ່ານມານີ້, ໃນໄລຍະຈະມາເຖິງ ຄະນະກຳມະການສັນຕິພາບນະຄອນ ຫາຍຟ່ອງ ຈະສືບຕໍ່ປະຕິບັດຄຳຂວັນ “ເປັນເຈົ້າການ, ມີໄຫວພິບ, ມີຫົວຄິດປະດິດສ້າງ, ມີປະສິດທິຜົນ” ເພື່ອຮ່ວມແຮງຮ່ວມໃຈກັບ ພັກ, ລັດ, ນະຄອນ, ປະຕິບັດນະໂຍບາຍ “ການທູດໄມ້ໄຜ່”; ປະກອບສ່ວນພ້ອມກັບປະຊາຊົນຮັກຫອມສັນຕິພາບໃນທົ່ວໂລກໃນການສ້າງໂລກແຫ່ງສັນຕິພາບ, ສະຖຽນລະພາບ ແລະ ການພັດທະນາ.
| ສະມາຄົມມິດຕະພາບຫວຽດນາມ - ລາວ ຢູ່ນະຄອນ ຫາຍຟ່ອງ ຕ້ອງເພີ່ມທະວີການເຂົ້າຮ່ວມຂອງລຸ້ນໜຸ່ມ | |
| ສະມາຄົມມິດຕະພາບ ຫວຽດນາມ - ລາວ ນະຄອນ ຫາຍຟ່ອງ ຕ້ອງເພີ່ມທະວີການເຂົ້າຮ່ວມຂອງລຸ້ນໜຸ່ມ |
ມິງດຶກ
