| ຊາວຫວຽດນາມ ອາໄສຢູ່ ໄທ ໄດ້ແຕ້ມຮູບ ລຸງໂຮ່ ກວ່າ 100 ຮູບ | |
| ໂຮງຮຽນສອງພາສາລາວ-ຫວຽດນາມ ຫງວຽນຢູ ແຂ່ງຂັນສ້າງຜົນງານເພື່ອສະເຫຼີມສະຫຼອງວັນຄ້າຍວັນເກີດຂອງລຸງໂຮ່ |
ຕອນຄ່ຳວັນທີ 17 ພຶດສະພາ, ຢູ່ນະຄອນ ວິງ, ແຂວງ ເງະອານ, ພະແນກວັດທະນະທຳ ແລະ ກິລາ ແຂວງ ເງະອານ ໄດ້ຈັດພິທີໄຂງານບຸນສະແດງຢູ່ທ້ອງຖະໜົນ ດ້ວຍຫົວຂໍ້ “ບ້ານເກີດຍາມລະດູດອກບົວເບັ່ງບານ” ແລະ ງານວາງສະແດງຮູບພາບ ພາຍໃຕ້ຫົວຂໍ້ “ໂຮ່ຈີມິນ - ຊື່ຂອງເພິ່ນສວຍງາມທີ່ສຸດ”.
 |
ຮູບພາບທີ່ປະທັບໃຈໃນງານບຸນ ທ້ອງຖະໜົນ “ບ້ານເກີດຍາມລະດູບານດອກບົວເບັ່ງບານ” |
ງານບຸນບ້ານດອກບົວປີນີ້ ໄດ້ດຳເນີນດ້ວຍກິດຈະກຳທີ່ຫຼາກຫຼາຍຮູບແບບ ກ່ຽວກັບວັດທະນະທຳສິລະປະ ແລະ ກິລາ ທີ່ໄດ້ຮັບການລົງທຶນກະກຽມຢ່າງລອບຄອບຖີ່ຖ້ວນ. ເພື່ອແນໃສ່ຫັນເປັນຫຼາຍຮູບຫຼາຍແບບ ແລະ ຍົກສູງຄຸນນະພາບຂອງງານບຸນ, ລາຍການສະແດງຢູ່ທ້ອງຖະໜົນ ປີນີ້ ໄດ້ຈັດຂຶ້ນໃນຕອນຄ່ຳວັນທີ 17 ພຶດສະພາ ຢູ່ຖະໜົນຍ່າງ ນະຄອນ ວິງ, ໂດຍມີການເຂົ້າຮ່ວມຂອງນັກສິລະປິນ, ນັກສະແດງ, ນັກສິລະປະກອນ ເກືອບ 1000 ຄົນ ທີ່ມາຈາກ 20 ເມືອງ, ນະຄອນ ແລະ ກອງສິລະປະການ.
 |
ການສະແດງດົນຕີຫຼາຍຢ່າງເພື່ອສະເຫຼີມສະຫຼອງວັນເກີດຂອງລຸງໂຮ່ |
 |
ໃນຂະນະນັ້ນ, ກິດຈະກຳວາງສະແດງຮູບພາບດ້ວຍຫົວຂໍ້ “ໂຮ່ຈີມິນ - ຊື່ຂອງເພິ່ນສວຍງາມທີ່ສຸດ” ດ້ວຍພາບເອກະສານເກືອບ 200 ແຜ່ນ ກ່ຽວກັບຊີວິດ ແລະ ພາລະກິດຂອງປະທານ ໂຮ່ຈີມິນ ຖືກຈັດຂຶ້ນແຕ່ວັນທີ 17 – 30 ພຶດສະພາ ຢູ່ສະໜາມຫຼວງ ໂຮ່ຈີມິນ, ນະຄອນ ວິງ, ແຂວງເງະອານ.
ຄຳຮຸ່ງ
