 | ການນຳພັກ ແລະ ລັດເຂົ້າຮ່ວມພິທີໄຫວ້ອາໄລຫາທ່ານເລຂາທິການໃຫຍ່ ຫງວຽນຟູ໋ຈ້ອງ |
| ການນຳພັກ ແລະ ລັດ ຫວຽດນາມ ອວຍພອນວັນຄ້າຍວັນເກີດ 100 ປີ ຂອງ ສະຫາຍ ຄຳໄຕ ສີພັນດອນ |
ວັນທີ 12 ມັງກອນ, ຢູ່ແຂວງ ເຮົ້າຢາງ, ທ່ານ ປະທານສະພາແຫ່ງຊາດ ຫວຽດນາມ ເຈີ່ນແທັງເມິ້ນ ໄດ້ໄປຢ້ຽມຢາມ ແລະ ມອບຂອງຂວັນໃຫ້ 100 ຄອບຄົວນະໂຍບາຍ, ຜູ້ທຸກຍາກ, ປະຊາຊົນທີ່ປະສົບກັບຄວາມຫຍຸ້ງຍາກພິເສດ, ປະຊາຊົນບັນດາຊົນເຜົ່າສ່ວນໜ້ອຍຂອງເມືອງ ເຈົາແທັງ A, ນັກຮົບກຳລັງປະກອບອາວຸດ 10 ຄົນທີ່ປະສົບກັບຄວາມຫຍຸ້ງຍາກຂອງຕາແສງ ແທັ້ງຊວນ, ເມືອງ ເຈົາແທັງ A.
ໃນວັນດຽວກັນ, ທ່ານ ກໍ່ໄດ້ລົງຢ້ຽມຢາມ ແລະ ມອບຂອງຂວັນປີໃໝ່ໃຫ້ກຳມະກອນຂອງບໍລິສັດຫຸ້ນສ່ວນ ຢາບກວານທັງ ຈຳກັດ ຢູ່ໝູ່ບ້ານ ລອງອານ B, ເທດສະບານ ກາຍຕັກ, ເມືອງ ເຈົາແທັງ A.
 |
| ທ່ານ ປະທານສະພາແຫ່ງຊາດ ຫວຽດນາມ ໄດ້ມອບຂອງຂວັນໃຫ້ຄອບຄົວນະໂຍບາຍ, ຄອບຄົວທຸກຍາກ, ຄອບຄົວໃກ້ຂັ້ນທຸກຍາກ, ຜູ້ປະສົບກັບຄວາມຫຍຸ້ງຍາກຢູ່ເມືອງ ເກົ່າງາງ, ແຂວງ ຈ່າວິງ. (ພາບ: quochoi.vn) |
ກ່ອນໜ້ານັ້ນ, ວັນທີ 11 ມັງກອນ, ຢູ່ແຂວງ ຈ່າວິງ, ທ່ານ ປະທານສະພາແຫ່ງຊາດ ໄດ້ມອບຂອງຂວັນປີໃໝ່ໃຫ້ບັນດາຄອບຄົວນະໂຍບາຍ, ຄອບຄົວທຸກຍາກ, ຄອບຄົວໃກ້ຂັ້ນທຸກຍາກ, ປະຊາຊົນບັນດາເຜົ່າສ່ວນໜ້ອຍ, ພະນັກງານ, ນັກຮົບຢູ່ຄ້າຍທະຫານປ້ອງກັນຊາຍແດນ ໝີ້ລອງ, ຕາແສງ ໝີ້ລອງ, ແຂວງ ເກົ່າງາງ. ທ່ານ ຮຽກຮ້ອງໃຫ້ບັນດາຄະນະພັກ, ອຳນາດການປົກຄອງທຸກຂັ້ນ ເອົາໃຈໃສ່ ແລະ ເບິ່ງແຍງຄອບຄົວນະໂຍບາຍ, ຄອບຄົວທຸກຍາກ, ຄອບຄົວໃກ້ຂັ້ນທຸກຍາກ, ຄົນທຸກຍາກ, ບັນດາເປົ້າໝາຍທຸກຍາກ, ປະຊາຊົນບັນດາຊົນເຜົ່າສ່ວນໜ້ອຍ. ພ້ອມກັນນັ້ນ, ກໍ່ລະດົມໃຫ້ບັນດາຄອບຄົວນະໂຍບາຍ, ຄອບຄົວທຸກຍາກ, ຄົນທຸກຍາກ ພະຍາຍາມຜ່ານຜ່າຄວາມຫຍຸ້ງຍາກ, ຍົກສູງຄຸນນະພາບຊີວິດການເປັນຢູ່.
ວັນທີ 11 ມັງກອນ, ທ່ານ ຮອງປະທານສະພາແຫ່ງຊາດ ຫວຽດນາມ ຫງວຽນຄັກດິ້ງ ໄດ້ລົງຢ້ຽມຢາມ ແລະ ມອບຂອງຂວັນໃຫ້ບັນດາຄອບຄົວທຸກຍາກ, ຄອບຄົວໃກ້ຂັ້ນທຸກຍາກ, ຄອບຄົວທີ່ປະສົບກັບຄວາມຫຍຸ້ງຍາກ, ຜູ້ມີຄຸນງາມຄວາມດີ, ຜູ້ອາຍຸສູງ, ນັກຮົບປ້ອງກັນຊາຍແດນ, ຜູ້ອອກແຮງງານຢູ່ບັນດາເມືອງ ທາຍທຸ້ຍ, ຕຽນຫາຍ, ດົ່ງຮຶງ (ແຂວງ ທ້າຍບິ່ງ).
ທີ່ບັນດາຈຸດໝາຍປາຍທາງໄປຢ້ຽມຢາມ ແລະ ມອບຂອງຂວັນ, ທ່ານ ຮອງປະທານສະພາແຫ່ງຊາດ ຢືນຢັນວ່າ ໃນຊຸມປີມໍ່ໆມານີ້, ພັກ ແລະ ລັດ ຍາມໃດກໍ່ເອົາໃຈໃສ່ເປັນພິເສດເຖິງວຽກງານຮັບປະກັນຊີວິດສັງຄົມໃຫ້ແກ່ປະຊາຊົນ, ພິເສດແມ່ນບັນດາຄອບຄົວທຸກຍາກ, ຄອບຄົວໃກ້ຂັ້ນທຸກຍາກ, ຜູ້ທີ່ມີຄຸນງາມຄວາມດີ , ກຳມະກອນ ແລະ ຜູ້ອອກແຮງງານໃນຍາມບູນປີໃໝ່, ລະດູບານໃໝ່ວຽນມາເພື່ອໃຫ້ປະຊາຊົນລ້ວນແຕ່ໄດ້ຕ້ອນຮັບປີໃໝ່ຢ່າງຄົບຖ້ວນສົມບູນ, ມີຄວາມຜາສຸກ.
ເນື່ອງໃນໂອກາດປີໃໝ່, ທ່ານຮອງປະທານສະພາແຫ່ງຊາດ ໄດ້ສົ່ງຄວາມຢື້ຢາມຖາມຂ່າວຢ່າງອົບອຸ່ນ, ອວຍພອນໃຫ້ທົ່ວປວງຊົນ ພະນັກງານ, ນັກຮົບ, ກຳມະກອນ, ຜູ້ອອກແຮງງານ ແລະ ວິສາຫະກິດຂອງແຂວງ ທ້າຍບິ່ງ ມ່ວນຊື່ນຕ້ອນຮັບປີໃໝ່, ສືບຕໍ່ເສີມຂະຫຍາຍບັນດາໝາກຜົນທີ່ບັນລຸໄດ້, ພະຍາຍາມຜ່ານຜ່າຄວາມຫຍຸ້ງຍາກ, ສຳເລັດບັນດາໜ້າທີ່ທີ່ໄດ້ຮັບມອບໝາຍ, ປະກອບສ່ວນເຂົ້າໃນການພັດທະນາເສດຖະກິດ-ສັງຄົມຂອງແຂວງ ແລະ ປະເທດ; ສູ້ຊົນສ້າງສາ ທ້າຍບິ່ງ ໃຫ້ກາຍເປັນແຂວງຕົວແບບໃນທຸກດ້ານຕາມຄຳຕັກເຕືອນຂອງປະທານ ໂຮ່ຈີມິນ.
ທ່ານ ຮອງປະທານສະພາແຫ່ງຊາດ ກໍ່ຮຽກຮ້ອງໃຫ້ຄະນະພັກ, ອຳນາດການປົກຄອງ, ແນວໂຮມປະເທດຊາດທຸກຂັ້ນ ແຂວງ ທ້າຍບິ່ງ ແລະ ຊຸມຊົນວິສາຫະກິດ ສືບຕໍ່ເອົາໃຈໃສ່ ແລະ ເຮັດໃຫ້ວຽກງານຮັບປະກັນຊີວິດສັງຄົມ, ເບິ່ງແຍງໃຫ້ຄອບຄົວທຸກຍາກ, ຄອບຄົວໃກ້ຂັ້ນທຸກຍາກ, ຄອບຄົວທີ່ປະສົບກັບຄວາມຫຍຸ້ງຍາກ, ປະຊາຊົນມີຄຸນງາມຄວາມດີໃນການປະຕິວັດໃຫ້ດີກ່ວາອີກ.
 |
| ທ່ານຮອງປະທານສະພາແຫ່ງຊາດ ຫງວຽນຄັກດິ້ງ ໄດ້ມອບຂອງຂວັນໃຫ້ບັນດາຄອບຄົວທຸກຍາກ ແລະ ຄອບຄົວປະສົບກັບຄວາມຫຍຸ້ງຍາກຂອງເມືອງ ດົ່ງຮຶງ, ແຂວງ ທ້າຍບິ່ງ. (ພາບ: quochoi.vn) |
ວັນທີ 10 ມັງກອນ, ທ່ານ ຮອງນາຍົກລັດຖະມົນຕີ ເຈີ່ນຮົ່ງຮ່າ ແລະ ຄະນະປະຕິບັດງານ ລັດຖະບານ ໄດ້ໄປຢ້ຽມຢາມ ແລະອວຍພອນປີໃໝ່ໃຫ້ບັນດາຄອບຄົວນະໂຍບາຍ, ຄອບຄົວທຸກຍາກ, ຜູ້ອອກແຮງງານທີ່ປະສົບກັບຄວາມຫຍຸ້ງຍາກຢູ່ນະຄອນ ທູເຢົາໝົດ (ແຂວງ ບິ່ງເຢືອງ).
ທ່ານ ຮອງນາຍົກລັດຖະມົນຕີ ສະເໜີໃຫ້ແຂວງ ສືບຕໍ່ມີບັນດານະໂຍບາຍສະເພາະ ເພື່ອພັດທະນາເຮືອນຢູ່ສັງຄົມດ້ວຍພື້ນຖານໂຄງລ່າງ, ລະບຽບການທາງດ້ານວັດທະນະທຳສັງຄົມ, ການສຶກສາ, ການແພດຢ່າງສົມບູນ… ຮັບປະກັນຄວາມເປັນລະບຽບຮຽບຮ້ອຍ, ຕໍ່ສູ້ປ້ອງກັນຕ້ານໄພສັງຄົມ ເພື່ອໃຫ້ກຳມະກອນ, ຜູ້ອອກແຮງງານມີຊີວິດທີ່ປອດໄພ, ປອດໃສ, ມ່ວນຊື່ນ ແລະ ມີຄວາມຜາສຸກ.
ກໍ່ໃນວັນທີ 10 ມັງກອນ, ທ່ານ ຮອງປະທານປະເທດ ນາງ ຫໍທິແອັງຊວນ ໄດ້ໄປຢ້ຽມຢາມ ແລະ ອວຍພອນປີໃໝ່ໃຫ້ພະນັກງານ, ນັກຮົບກອງບັນຊາການທະຫານແຂວງ ຟູ໋ທໍ້; ມອບຂອງຂວັນໃຫ້ຜູ້ມີຄຸນງາມຄວາມດີ ແລະ ບັນດາຄອບຄົວນະໂຍບາຍໃນບໍລິເວນແຂວງ ເນື່ອງໃນໂອກາດລະດູບານໃໝ່ ປີມະເສັງ 2025. ທ່ານນາງ ເນັ້ນໜັກເຖິງຄວາມຈຳເປັນຂອງການຕິດພັນລະຫວ່າງທະຫານກັບປະຊາຊົນໃນບັນດາການເຄື່ອນໄຫວຮັບປະກັນຊີວິດສັງຄົມ, ກໍ່ສ້າງຊົນນະບົດໃໝ່ ແລະ ລົບລ້າງເຮືອນຢູ່ຊົ່ວຄາວ, ເຮືອນຮົ່ວເພ.
 | ຫວຽດນາມ ຍາມໃດກໍ່ຈົດຈໍາການຊ່ວຍເຫຼືອອັນລ້ຳຄ່າຂອງລັດ ແລະ ປະຊາຊົນສະຫະພັນລັດເຊຍ ຍສໝ - 2 ຝ່າຍສືບຕໍ່ຮັກສາການພົວພັນໃນທຸກຂັ້ນ ແລະ ຜ່ານບັນດາຊ່ອງທາງຂອງພັກ, ລັດ, ລັດຖະບານ, ສະພາແຫ່ງຊາດ, ການພົບປະແລກປ່ຽນປະຊາຊົນ, ເພີ່ມທະວີການຮ່ວມມືໃນຂົງເຂດເສດຖະກິດ, ພະລັງງານ... |
 | ການນຳພັກ, ລັດ ລາວ ຕີລາຄາສູງການຮ່ວມມືຢ່າງແໜ້ນແຟ້ນລະຫວ່າງ ຮ່າໂນ້ຍ ແລະ ນະຄອນຫຼວງ ວຽງຈັນ ນະຄອນຫຼວງ ຮ່າໂນ້ຍ ຍາມໃດກໍ່ໃຫ້ບຸລິມະສິດສູງສຸດໃນການພັດທະນາການພົວພັນມິດຕະພາບ, ການຮ່ວມມືກັບບັນດາທ້ອງຖິ່ນຂອງລາວ, ພິເສດແມ່ນນະຄອນຫຼວງ ວຽງຈັນ. |
ແທັງຮັ່ງ
