 | ການເດີນທາງມາເປັນເວລາ 15 ປີທີ່ດັງກ້ອງກັງວານໄປດ້ວຍບົດເພງວິລະຊົນປະຕິວັດໃນປະເທດ ຝລັ່ງ |
| ຊາວ ຫວຽດນາມ ອາໄສຢູ່ຕ່າງປະເທດເຜີຍແຜ່ຄຸນຄ່າວັດທະນະທຳ ຫວຽດນາມ ຢູ່ ຝລັ່ງ |
ໂດຍໄດ້ຮັບຂ່າວວ່າ ພາຍຸ Chido ໄດ້ສ້າງຄວາມເສຍຫາຍຢ່າງຮ້າຍແຮງໃຫ້ແກ່ປະຊາຊົນ ແລະ ຊັບສິນຢູ່ໝູ່ເກາະ Mayotte, ອານາເຂດຂອງ ຝະລັ່ງ ຢູ່ມະຫາສະໝຸດອິນເດຍ, ຫວ່າງມໍ່ໆມານີ້, ທ່ານປະທານປະເທດ ຫວຽດນາມ ເລືອງເກື່ອງ ໄດ້ສົ່ງໂທລະເລກຢື້ຢາມຖາມຂ່າວເຖິງທ່ານປະທານາທິບໍດີ ຝລັ່ງ Emmanuel Macron, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິ໋ງ ໄດ້ສົ່ງໂທລະເລກຢື້ຢາມຖາມຂ່າວເຖິງທ່ານນາຍົກລັດຖະມົນຕີ ຝລັ່ງ François Bayrou.
ເນື່ອງໃນໂອກາດນີ້, ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຫວຽດນາມ ບຸ່ຍແທງເຊີນ ກໍ່ໄດ້ສົ່ງໂທລະເລກຢື້ຢາມຖາມຂ່າວເຖິງທ່ານລັດຖະມົນຕີຮັບຜິດຊອບ ເອີລົບ ແລະ ການຕ່າງປະເທດ Jean Noel Barrot.
 |
| ພະນັກງານກູ້ໄພທຳຄວາມສະອາດຖະໜົນຫົນທາງຢູ່ເມືອງ Labattoir ຫຼັງຈາກເກີດພະຍຸ Chido ໃນວັນທີ 15 ທັນວານີ້. |
ຕາມຕົວເລກຢ່າງເປັນທາງການຫຼ້າສຸດຂອງເຈົ້າໜ້າທີ່ ຝລັ່ງ, ມີ 21 ຄົນເສຍຊີວິດໃນເວລາພະຍຸ Chido ທີ່ພັດເຂົ້າເມືອງ Mayotte ແລະ ບັນດາໝູ່ເກາະອ້ອມຂ້າງໃນທ້າຍອາທິດຜ່ານມາ. ແຕ່ວ່າ ເຈົ້າຫນ້າທີ່ເປັນຫວ່ງວ່າ ມີຫຼາຍຮ້ອຍຄົນ, ບາງທີເປັນຫຼາຍພັນຄົນເສຍຊີວິດ.
ການບໍລິການດ້ານສາທາລະນະສຸກຢູ່ໃນຄວາມວຸ້ນວາຍ, ການບໍລິການໄຟຟ້າ ແລະ ໂທລະສັບມືຖືຖືກຕັດ, ສະໜາມບິນໄດ້ໂຈະການໃຫ້ບໍລິການການບິນພົນລະເຮືອນ, ໃນຂະນະທີ່ມີຄວາມວິຕົກກັງວົນເພີ່ມຂຶ້ນກ່ຽວກັບການສະຫນອງນ້ຳສະອາດ.
ອຳນາດການປົກຄອງ ຝລັ່ງ ປະກາດວ່າ ຈະອອກຄຳສັ່ງສະພາວະສຸກເສີນເວລາກາງຄືນຢູ່ເກາະ Mayotte ນັບແຕ່ຕອນຄ່ຳວັນທີ 17 ທັນວາ. ກະຊວງພາຍໃນຂອງ ຝລັ່ງ ກ່າວແຈ້ງຄຳສັ່ງສະພາວະສຸກເສີນນັບແຕ່ເວລາ 22 ໂມງຫາ 04 ໂມງເຊົ້າຂອງມື້ຕໍ່ໄປ ຕາມເວລາທ້ອງຖິ່ນ. ນີ້ແມ່ນມາດຕະການຄວາມປອດໄພ ເພື່ອແນໃສ່ປ້ອງກັນຄວາມສ່ຽງຂອງການລັກປຸ້ນ. ເມື່ອໄປຢ້ຽມຢາມເຂດດັ່ງກ່າວ, ທ່ານລັດຖະມົນຕີກະຊວງພາຍໃນ Bruno Retailleau ຢືນຢັນວ່າ ເກາະ Mayotte ຖືກທຳລາຍມ້າງເພຈາກພະຍຸ Chido, ພົນລະເມືອງຖືກຜົນກະທົບເຖິງ 70% .
ທີ່ Malawi, ເຈົ້າໜ້າທີ່ໃຫ້ຮູ້ວ່າ ພາຍຸ Chido ເຮັດໃຫ້ມີຄົນເສຍຊີວິດ 2 ຄົນ ແລະ ເຮັດໃຫ້ 8.100 ຄົນຂາດທີ່ຢູ່ອາໄສໃນປະເທດ. ບົດລາຍງານໃນເບື້ອງຕົ້ນຈາກ 15 ເຂດທີ່ຖືກຜົນກະທົບສະແດງໃຫ້ເຫັນວ່າ ມີຜູ້ເສຍຊີວິດ 2 ຄົນຍ້ອນຝາພັງລົງມາ, ໃນຂະນະທີ່ເຮືອນເກືອບ 1.800 ຫຼັງຫຼັງຄາເປີດ. ພາຍຸດັ່ງກ່າວຍັງໄດ້ສ້າງຄວາມເສຍຫາຍໃຫ້ແກ່ສະຖານທີ່ທາງການແພດ, ໂຮງຮຽນ ແລະ ຫ້ອງການລັດຖະບານໃນເຂດທີ່ຖືກກະທົບ, ລວມທັງນະຄອນຫຼວງ Lilongwe. ລັດຖະບານໄດ້ຜັນຂະຫຍາຍບັນດາແຫຼ່ງຊັບພະຍາກອນສະຫງວນສຳລັບບັນດາການເຄື່ອນໄຫວຊອກຫາ ແລະ ກູ້ໄພ. ບັນດາໂຮງຮຽນໃນພາກໃຕ້ຂອງ Malawi ດຽວນີ້ໄດ້ເປີດຄືນໃໝ່ ຫຼັງຈາກສະຖານະການໄດ້ມີຄວາມປອດໄພ. ເຈົ້າໜ້າທີ່ຢືນຢັນວ່າ ພາຍຸ Chido ໄດ້ເຄື່ອນອອກຈາກ Malawi ແລະ ບໍ່ເປັນໄພຂົ່ມຂູ່ຕໍ່ປະເທດນີ້ອີກ.
 | ເຊີດຊູນັກທຸລະກິດຜູ້ຍິງຫວຽດນາມ ຢູ່ ຝລັ່ງ ຍສໝ - ໃນບັນຍາກາດຕົ້ນລະດູໃບໄມ້ປົ່ງ, ລາຍການ “ສະແດງຄວາມຊົມເຊີຍ ແລະ ເຊີດຊູນັກທຸລະກິດຍິງ ຫວຽດນາມ ຢູ່ ຝະລັ່ງ” ໄດ້ຮັບການຈັດຕັ້ງໂດຍສະມາຄົມນັກທຸລະກິດຍິງ ຫວຽດນາມ ຢູ່ ຝະລັ່ງ ໃນວັນທີ 17/03/2024 ຢູ່ ປາຣີ, ປະເທດ ຝະລັ່ງ. |
 | ພິທີສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດລະຫວ່າງ ຫວຽດນາມ ແລະ ຝລັ່ງ ດຳເນີນຢູ່ ຮ່າໂນ້ຍ ຍສໝ - ຕອນບ່າຍວັນທີ 27 ພະຈິກ 2023, ສະຫະພັນບັນດາອົງການມິດຕະພາບ ຫວຽດນາມ ແລະ ສະມາຄົມມິດຕະພາບ ແລະ ການຮ່ວມມື ຫວຽດນາມ - ຝລັ່ງ ຈໄດ້ຈັດຕັ້ງພິທີສະເຫຼີມສະຫຼອງ 50 ປີແຫ່ງວັນສ້າງຕັ້ງສາຍພົວພັນທາງການທູດ ຫວຽດນາມ - ຝລັ່ງ (1973 – 2023) ຢູ່ໂຮງລະຄອນໃຫຍ່ ... |
ມິງດຶກ
