| ນັກສຶກສາ ລາວ ແລະ ກຳປູເຈຍ ມີຄວາມປະທັບໃຈກັບວັນທີ 8/3 ຢູ່ ສສ ຫວຽດນາມ | |
| ນັກສຶກສາ ສິງກະໂປ ແລະ ຊາວໜຸ່ມ ເບັ໋ນແຈ່ ຮ່ວມມືກັນແປງຫ້ອງຮຽນໃຫ້ນັກຮຽນ |
ໂດຍເຂົ້າຮ່ວມພິທີ ມີ ທ່ານເອກອັກຄະລັດຖະທູດຜູ້ມີອຳນາດເຕັມ ແຫ່ງ ສປປ ລາວ ປະຈຳ ສສ ຫວຽດນາມ, ນາງ ຄຳເພົາ ເອີນທະວັນ; ທ່ານພົນຕີ ເລວັນເຮີນ, ຮອງປະທານສູນກາງສະມາຄົມມິດຕະພາບຫວຽດນາມ - ລາວ; ບັນດາຄູອາຈານ ແລະ ນັກສຶກສາລາວ ທີ່ພວມຮຽນຢູ່ໂຮງຮຽນມິດຕະພາບ 80...
ທີ່ພິທີ, ທ່ານເອກອັກຄະລັດຖະທູດນາງ ຄຳເພົາ ເອີນທະວັນ ໄດ້ຮັບຮູ້, ຍ້ອງຍໍການປະກອບສ່ວນຂອງໂຮງຮຽນມິດຕະພາບ 80 ໃນການບຳລຸງສ້າງບັນດາລຸ້ນນັກສຶກສາລາວ ໃນຊຸມປີຜ່ານມາ ກໍຄືໃນການປັບປຸງ ແລະ ພັດທະນາມິດຕະພາບ, ການຮ່ວມມືລະຫວ່າງ 2 ປະເທດ. ທ່ານນາງ ໄດ້ຕີລາຄາສູງບັນດາການປະກອບສ່ວນ ແລະ ຄວາມຮັກແພງຂອງບັນດາສະມາຊິກສະມາຄົມມິດຕະພາບ ຫວຽດນາມ - ລາວ ຢູ່ເທດສະບານເມືອງ ເຊີນໄຕ ໃນຊຸມປີຜ່ານມາ ໄດ້ກາຍເປັນຄອບຄົວເບິ່ງແຍງອຸປະຖໍາໃຫ້ແກ່ນັກສຶກລາວ.
 |
| ທ່ານເອກອັກຄະລັດຖະທູດນາງ ຄຳເພົາ ເອີນທະວັນ ໄດ້ມອບໃບຍໍອງຍໍຂອງສະຖານທູດລາວ ປະຈຳຫວຽດນາມ ໃຫ້ບັນດາຄອບຄົວຫວຽດນາມ ທີ່ເບິ່ງແຍງດູແລນັກສຶກສາລາວ. (ພາບ: ໂຮງຮຽນມິດຕະພາບ 80) |
ເນື່ອງໃນໂອກາດນີ້, ສະຖານທູດລາວ ປະຈຳ ຫວຽດນາມ ກໍໄດ້ມອບໃບຍ້ອງຍໍໃຫ້ 23 ຄອບຄົວດັ່ງກ່າວ.
ຕາມທ່ານ ຟ່ານວັນບົນ, ຫົວໜ້າສາຂາສະມາຄົມມິດຕະພາບ ຫວຽດນາມ - ລາວ ເທດສະບານເມືອງ ເຊີນໄຕ ແລ້ວ, ໂຄງການຕ້ອນຮັບຄອບຄົວອຸປະຖຳ ແມ່ນການເຄື່ອນໄຫວທີ່ມີຄວາມໝາຍ, ມີຄວາມມະນຸດສະທຳຢ່າງເລິກເຊິ່ງ, ປະກອບສ່ວນສ້າງສາຍພົວພັນອັນດີງາມ, ຄວາມຕິດພັນລະຫວ່າງຄອບຄົວອຸປະຖຳ ແລະ ນັກສຶກສາລາວ ເວົ້າສະເພາະ, ລະຫວ່າງປະຊາຊົນ ຫວຽດນາມ ແລະ ລາວ ເວົ້າລວມ. ໂດຍບໍ່ພຽງແຕ່ມີໂອກາດຝຶກຝົນຫຼໍ່ຫຼອມການສື່ສານພາສາ ຫວຽດນາມ ເທົ່ານັ້ນ, ຫາກຍັງມີໂອກາດພົວພັນ, ຮຽນຮູ້ກ່ຽວກັບຊີວິດ, ປະຊາຊົນ, ວັດທະນະທຳ ຫວຽດນາມ ນຳອີກ, ຈາກນັ້ນ ກໍ່ເຊື່ອມໂຍງ ແລະ ມີຄວາມໝັ້ນໃຈໃນການຮ່ຳຮຽນ ແລະ ການດຳລົງຊີວິດໃໝ່. ພວກລູກຫຼານ ໄດ້ມີຄອບຄົວທີ 2 ຢູ່ ຫວຽດນາມ, ພໍ່ແມ່ ແລະ ຄອບຄົວອຸປະຖຳ ຍາມໃດກໍ່ຕ້ອນຮັບເຂົາເຈົ້າດ້ວຍຄວາມເປີດອົກເປີດໃຈ, ຖືເຂົາເຈົ້າຄືດັ່ງສະມາຊິກໃນຄອບຄົວ.
ໂດຍແມ່ນພໍ່ແມ່ທີ່ຕາງໜ້າໃຫ້ບັນດາຄອບຄົວທີ່ມີລູກຫຼານດຳລົງຊີວິດ ແລະ ຮຽນຢູ່ໂຮງຮຽນມິດຕະພາບ 80, ທ່ານ ຜາດວນ ອິນສະແຫວງ ໃຫ້ຮູ້ວ່າ ຕົນເອງກໍເຄີຍໄປຮຽນຢູ່ ຫວຽດນາມ. ທ່ານເຊື່ອໝັ້ນວ່າ ໂຄງການຮັບເອົາຄອບຄົວອຸປະຖຳໃຫ້ແກ່ນັກສຶກສາລາວ ແມ່ນໜຶ່ງໃນຂົວແຫ່ງມິດຕະພາບ, ເຊື່ອມຕໍ່ຄວາມຮັກແພງສາມັກຄີຂອງປະຊາຊົນສອງປະເທດ ແລະ ສອງຊາດ.
ນ້ອງ ບົວເງິນ ແກ້ວປະເສີດ, ນັກສຶກສາລາວ ທີ່ຮຽນຢູ່ໂຮງຮຽນມິດຕະພາບ 80 ໄດ້ສະແດງຄວາມຮູ້ບຸນຄຸນ, ເປັນກຽດເມື່ອເຂົ້າຮ່ວມໃນພິທີຕ້ອນຮັບຄອບຄົວອຸປະຖໍາຂອງນ້ອງ. ນ້ອງໃຫ້ຮູ້ວ່າ ຈະມານະພະຍາຍາມຮ່ຳຮຽນ, ຝຶກຝົນຫຼໍ່ຫຼອມ, ປະກອບສ່ວນເຂົ້າໃນພາລະກິດແຫ່ງການສ້າງສາ ແລະ ພັດທະນາປະເທດຊາດ, ເສີມຂະຫຍາຍສາຍພົວພັນມິດຕະພາບທີ່ເປັນມູນເຊື້ອອັນດີງາມລະຫວ່າງ ຫວຽດນາມ - ລາວ ໃຫ້ຫຼາຍກວ່າອີກ.
ມິງດຶກ
