| ເພີ່ມລະດັບການສະຫນັບສະຫນູນລາຍບ້ວງຈ່າຍບຳລຸງສ້າງສໍາລັບນັກສຶກສາ ລາວ ແລະ ກໍາປູເຈຍ | |
| ນັກສຶກສາ ສິງກະໂປ ແລະ ຊາວໜຸ່ມ ເບັ໋ນແຈ່ ຮ່ວມມືກັນແປງຫ້ອງຮຽນໃຫ້ນັກຮຽນ |
ໃນຕອນເຊົ້າຂອງວັນທີ 8 ມີນານີ້, Hul Sovannthyda (ມີຊື່ຫຼີ້ນວ່າ Da, ອາຍຸ 23 ປີ, ເປັນນັກສຶກສາກຳປູເຈຍຢູ່ມະຫາວິທະຍາໄລສັບພະວິຊາ ຮ່າໂນ້ຍ) ໄດ້ຕື່ນນອນແຕ່ເຊົ້າກວ່າທຸກໆມື້. ນຸ່ງເສື້ອຂາວ ແລະ ໂສ້ງດຳ, Da ໄດ້ໄປຮ້ານດອກໄມ້ ໃກ້ສວນສາທາລະນະຖົງເຍິດ ເພື່ອເລືອກຊໍ່ດອກໄມ້ທີ່ງາມທີ່ສຸດ. Daໄດ້ມອບຊໍ່ດອກໄມ້ທີ່ງົດງາມນີ້ໃຫ້ແກ່ ທ່ານນາງ Chea Kimtha ເອກອັກຄະລັດຖະທູດວິສາມັນ ຜູ້ມີອຳນາດເຕັມແຫ່ງລາຊະອານາຈັກກຳປູເຈຍ ປະຈຳ ສສ ຫວຽດນາມ, ພ້ອມດ້ວຍລ່າມແປພາສາ ແລະ ແມ່ຄົວຂອງສະຖານທູດ ເພື່ອອວຍພອນວັນແມ່ຍິງສາກົນ.
 |
| Hul Sovannthyda (ທາງຂອບສຸດ, ເບື້ອງຊ້າຍ) ຊົມເຊີຍ ທ່ານນາງ Chea Kimtha ເອກອັກຄະລັດຖະທູດກໍາປູເຈຍ ປະຈໍາ ຫວຽດນາມ (ທີສາມ, ນັບແຕ່ເບື້ອງຊ້າຍມາ) ເນື່ອງໃນວັນແມ່ຍິງສາກົນ 8 ມີນາ. (ພາບ: NVCC) |
“ດອກໄມ້ຈະເປັນສິ່ງແທນຄໍາເວົ້າຂອງນ້ອງທີ່ສະແດງເຖິງຄວາມຮັກແພງຕໍ່ ທ່ານນາງ Chea Kimtha ເອກອັກຄະລັດຖະທູດ ແລະ ທຸກໆຄົນທີ່ຢູ່ອ້ອມຂ້າງ. ນ້ອງຂໍຂອບໃຈ ທ່ານນາງ Chea Kimtha ທີ່ເພີ່ນໄດ້ໃຫ້ການຊ່ວຍເຫຼືອ ແລະ ສະໜັບສະໜູນນ້ອງ ແລະ ບັນດາເພື່ອນນັກສຶກສາຕ່າງປະເທດຄົນອື່ນໆ ຫຼາຍດ້ານໃນໄລຍະທີ່ພວກເຮົາຮຽນຢູ່ ສສ ຫວຽດນາມ”, Da ແບ່ງປັນ.
ກ່ອນໜ້ານັ້ນ, Da ໄດ້ເຂົ້າຮ່ວມການເຄື່ອນໄຫວສະເຫຼີມສະຫຼອງວັນແມ່ຍິງສາກົນແມ່ນງານມະໂຫລານ “ຟ້ອນສັນຕິພາບ - ມິດຕະພາບ” ໄດ້ຈັດຂຶ້ນໃນວັນທີ 2 ມີນາ ຢູ່ທີ່ປະຕູໂຂງສວນສາທາລະນະ ຖົງເຍິດ (ຖະໜົນ ເຈີ່ນເຍີນຕົງ, ເມືອງ ຮາຍບ່າຈຶງ, ຮ່າໂນ້ຍ). ງານດັ່ງກ່າວແມ່ນເພື່ອແນໃສ່ກຸ່ມການເຄື່ອນໄຫວຂອງບຸນ “ແມ່ຍິງນະຄອນຫຼວງເພື່ອສັນຕິພາບ ແລະ ການພັດທະນາ” ປີ 2024 ໂດຍສະຫະພັນແມ່ຍິງນະຄອນ ຮ່າໂນ້ຍ ຈັດຕັ້ງ. Da ພ້ອມດ້ວຍນັກສຶກສາກໍາປູເຈຍ 5 ຄົນ ໄດ້ສະແດງລາຍການ "Roh Bam Kous Lord" ຫຼັງຈາກທີ່ຝຶກຊ້ອມໄດ້ປະມານ 2 ເດືອນ.
 |
| ດາ (ແຖວເທິງສຸດເບື້ອງຂວາ) ແລະ ນັກສຶກສາ ກຳປູເຈຍ ສະແດງຢູ່ໃນງານສະເຫຼີມສະຫຼອງ “ຟ້ອນແຫ່ງສັນຕິພາບ - ມິດຕະພາບ”. (ພາບ: NVCC) |
Da ກ່າວວ່າ ນີ້ແມ່ນເທື່ອທຳອິດທີ່ນາງໄດ້ເຂົ້າຮ່ວມການສະແດງໃນເຫດການສະເຫຼີມສະຫຼອງວັນແມ່ຍິງສາກົນ. ສິ່ງທີ່ເຮັດໃຫ້ນາງດີໃຈທີ່ສຸດແມ່ນໄດ້ແນະນຳບັນດາບົດຟ້ອນພື້ນເມືອງຂອງກຳປູເຈຍ ຕໍ່ບັນດາເພື່ອນມິດຫວຽດນາມ ແລະ ສາກົນ.
ໃນໄລຍະຮຽນມັດທະຍົມຕອນປາຍ ຢູ່ປະເທດກຳປູເຈຍ, Da ໄດ້ພັກໂຮງຮຽນໃນວັນທີ 8 ມີນາ, ແຕ່ບັນຍາກາດບໍ່ໄດ້ແຕກຕ່າງຈາກມື້ປົກກະຕິຫຼາຍປານໃດ. ມາຮໍ່າຮຽນຢູ່ທີ່ປະເທດຫວຽດນາມ, Da ຈິ່ງຮູ້ສຶກໄດ້ເຖິງຄວາມແຕກຕ່າງເມື່ອຖະໜົນຫົນທາງເຕັມໄປດ້ວຍດອກໄມ້ສົດ; ເອື້ອຍນ້ອງແມ່ຍິງໃສ່ຊຸດປະຈໍາຊາດຂອງຫວຽດນາມ ເພື່ອຖ່າຍຮູບຕ່າງໆຢ່າງງົດງາມຢູ່ບັນດາບ່ອນນັດພົບທີ່ຄຸ້ນເຄີຍໃນຮ່າໂນ້ຍ, ໄດ້ຮັບດອກໄມ້ ແລະ ຂອງຂວັນ...
“ສຳລັບນ້ອງແລ້ວ, ແມ່ຍິງຫວຽດນາມ ເວົ້າສະເພາະ ແລະ ຊາວຫວຽດນາມ ເວົ້າສະເພາະແມ່ນເປັນຄົນເປີດເຜີຍ, ເຂົ້າກັນໄດ້ງ່າຍ ແລະ ອົບອຸ່ນ. ນ້ອງຂໍອວຍພອນໃຫ້ບັນດາແມ່ເຖົ້າ, ແມ່, ຄູອາຈານຍິງ, ໝູ່ເພື່ອນຍິງທຸກຄົນ... ຈົ່ງມີຄວາມເບີກບານມ່ວນຊື່ນ ແລະ ມີແຕ່ຄວາມຜາສຸກ,” Da ກ່າວ.
ລັດສະໝີ ໄຊພູຫຼວງ (ອາຍຸ 18 ປີ, ນັກສຶກສາລາວ, ຮຽນຢູ່ໂຮງຮຽນມິດຕະພາບ 80) ໄດ້ກ່າວວ່າ, ຢູ່ໂຮງຮຽນ ນ້ອງໄດ້ເຂົ້າຮ່ວມຫຼາຍກິດຈະກຳທີ່ເຊີດຊູແມ່ຍິງເຊັ່ນ: ມອບດອກໄມ້ໃຫ້ຄູອາຈານຍິງ, ຊອກຮູ້ກ່ຽວກັບຄວາມໝາຍຂອງວັນບຸນທີ່ພິເສດນີ້... ນອກຈາກນັ້ນ, ນັກຮຽນຍິງຄົນລາວ ກໍ່ມີຄວາມປະທັບໃຈເປັນພິເສດກັບບັນຍາກາດທີ່ຄຶກຄື້ນຄືວັນບຸນ ແຕ່ກໍ່ຍັງອົບອຸ່ນ ແລະ ບາງເທື່ອກໍ່ຄືວ່າເປັນ “ວັນແຫ່ງຄວາມຮັກທີສອງ”.
 |
| ລັດສະໝີ ໄຊພູຫຼວງ ນັກສຶກສາລາວ ຮຽນຢູ່ໂຮງຮຽນມິດຕະພາບ 80 ຢູ່ຫວຽດນາມ ມາໃນຊຸດປະຈໍາຊາດຂອງຫວຽດນາມ (ພາບ: NVCC) |
“ນີ້ແມ່ນຄັ້ງທີ 2 ທີ່ນ້ອງສະເຫຼີມສະຫຼອງວັນແມ່ຍິງສາກົນ 8 ມີນາ ຢູ່ປະເທດຫວຽດນາມ, ນ້ອງເຫັນວ່າບັນຍາກາດວັນທີ 8 ມີນາ ເປັນຄືວັນບຸນ, ຢູ່ທົ່ວທຸກແຫ່ງເຕັມໄປດ້ວຍດອກໄມ້ສົດທີ່ສີສັນຫຼາກຫຼາຍ, ທຸກຄົນລ້ວນແຕ່ມີຄວາມສຸກປິຕິຍິນດີຕ້ອນຮັບວັນນີ້, ພ້ອມທັງສົ່ງຂອງຂວັນ, ຄໍາອວຍພອນທີ່ມີຄວາມໝາຍໄປເຖິງບັນດາແມ່, ຍາດພີ່ນ້ອງ ແລະຄູອາຈານຍິງຂອງຕົນ.
ມີບາງຄັ້ງທີ່ນ້ອງຍັງເຫັນວັນທີ 8 ມີນາ ເປັນວັນແຫ່ງຄວາມຮັກອັນທີສອງ ເພາະທຸກຄົນຈະໃຊ້ເວລາຢູ່ຮ່ວມກັນ, ພ້ອມກັນແບ່ງປັນຊ່ວງເວລາທີ່ມີຄວາມສຸກ. ບັນດາຜູ້ຊາຍໃນຄອບຄົວຈະເຮັດວຽກບ້ານເຊັ່ນ: ປຸງແຕ່ງອາຫານ, ມ້ຽນມັດເຮືອນຊານ ... ເພື່ອໃຫ້ແມ່ຍິງໄດ້ພັກຜ່ອນ. ສ່ວນຄົນທີ່ຍັງບໍ່ບໍ່ທັນມີຄອບຄົວກໍ່ຈະຊວນຄົນຮັກ, ຫຼືທີ່ຄົນຮັກແພງໄປຫຼິ້ນ, ມອບດອກໄມ້ ແລະ ຂອງຂວັນໃຫ້ກັນ”, ລັດສະໝີ ໄຊພູຫຼວງ ເລົ່າ.
ລັດສະໝີ ໄຊພູຫຼວງ ໄດ້ໃຫ້ຮູ້ວ່າ: “ເຖິງແມ່ນວ່າຢູ່ໄກບ້ານກໍ່ຕາມ, ແຕ່ນ້ອງກໍ່ຮູ້ສຶກອົບອຸ່ນຄືມີຍາດຕິພີ່ນ້ອງຢູ່ຄຽງຂ້າງ, ສຳລັບນ້ອງແລ້ວ, ບັນດາຄູອາຈານຍິງ ກໍ່ຄືແມ່ຜູ້ທີສອງ, ເນື່ອງໃນໂອກາດວັນທີ 8 ມີນາ, ນ້ອງຂໍອວຍພອນໃຫ້ແກ່ບັນດາຄູອາຈານຍິງ ຍາມໃດກໍ່ໜຸ່ມງາມ, ປະສົບຜົນສໍາເລັດໃນໜ້າທີ່ການງານ ແລະ ເປັນວັນບຸນທີ່ມີຄວາມສຸກຫຼາຍໆ".
| ນາຍົກລັດຖະມົນຕີພົບປະແມ່ຍິງຕົວແບບດີເດັ່ນເນື່ອງໃນໂອກາດວັນແມ່ຍິງສາກົນ 8 ມີນາ | |
| ປະຫວັດຄວາມເປັນມາຂອງວັນແມ່ຍິງສາກົນ |
ທອງມີ ສີຫາວົງ
