| ການທ່ອງທ່ຽວຊົມທິວທັດຍາມລະດູບານໃໝ່ມິດຕະພາບ - ວັນບຸນເພື່ອສໍາຜັດກັບວັດທະນະທໍາຫວຽດນາມຂອງເພື່ອນມິດສາກົນ | |
| ຫວຽດນາມ-ລາວ-ກຳປູເຈຍ ຊອກຫາວິທີຊຸກຍູ້ການທ່ອງທ່ຽວ “ເດີນທາງຖ້ຽວໜຶ່ງ, ທ່ອງທ່ຽວສາມປະເທດ” |
ບາງສະຖານທີ່ທີ່ທ່ານຕ້ອງ "ເຊັກອິນ"
ນະຄອນຫຼວງວຽງຈັນ ເປັນໜຶ່ງໃນແຫຼ່ງທ່ອງທ່ຽວທີ່ມີຊື່ສຽງທີ່ສຸດໃນລາວ. ນະຄອນຫຼວງວຽງຈັນ ເປັນບ່ອນທີ່ ສະຫງົບງຽບ ແລະ ບໍ່ແອອັດ, ເປັນເມືອງເກົ່າແກ່ທີ່ມີສະຖາປັດຕະຍະກຳທີ່ເປັນເອກະລັກສະເພາະ ເຊິ່ງຈະເຮັດໃຫ້ຫຼາຍຄົນຮູ້ສຶກຫຼົງຮັກ.
ມາວຽງຈັນ, ທ່ານຄວນໄປຢ້ຽມຢາມ ປະຕູໄຊ. ຈຸດເດັ່ນຂອງປະຕູໄຊແມ່ນຢູ່ໃນບັນດາຍອດຫໍໄດ້ມີເລື່ອງລາວສະເພາະໃນນິທານຂອງລາວ. ຈາກບ່ອນນີ້, ນັກທ່ອງທ່ຽວເດີນທາງໄປກວ່າ 2 ກິໂລແມັດ ເພື່ອໄປທາດຫຼວງ. ທາດຫຼວງມີຄວາມສູງ 45 ແມັດ, ສ່ວນຍອດສູງສຸດແມ່ນເຮັດດ້ວຍທອງຄໍາແທ້ ແລະ ສ່ວນທີ່ເຫຼືອແມ່ນເຄືອບດ້ວຍທອງຄໍາ. ນິທານເລົ່າຂານກັນມາວ່າ: ທາດຫຼວງແມ່ນໜຶ່ງໃນຈຳນວນວັດໃນໂລກທີ່ບັນຈຸພຣະບໍຣົມມະທາດ (ກະດູກ) ຂອງພຣະພຸດທະເຈົ້າໄວ້.
 |
| ອະນຸສາວະລີ ປະຕູໄຊ ແມ່ນກິດຈະກຳທີ່ເປັນສັນຍາລັກຂອງປະເທດລາວ. |
ອອກຈາກວຽງຈັນ, ນັກທ່ອງທ່ຽວສາມາດເດີນທາງໄປທິດເໜືອເພື່ອໄປເມືອງເກົ່າຫຼວງພະບາງ. ຫຼວງພະບາງຍັງໄດ້ຮັບການຮັບຮອງຈາກອົງການ UNESCO ໃຫ້ເປັນມໍລະດົກທາງດ້ານວັດທະນະທຳໂລກ ໃນປີ 1995, ຫຼວງພະບາງຍັງຄົງຮັກສາຮູບແບບບູຮານທີ່ເກົ່າແກ່ດ້ວຍພຸດທະສາດສະໜາ ຫຼື ພະລາດຊະວັງເຈົ້າຊີວິດ.
ມາຮອດນີ້, ທ່ານສາມາດຊົມເມືອງມໍລະດົກທີ່ຖືກປົກຄຸມດ້ວຍແສງຕາເວັນທີ່ພວມຄ້ອຍຄ່ຳລົງດິນແຕ່ທາດພູສີ. ນອກນີ້, ລາວຍັງມີສະຖານທີ່ທ່ອງທ່ຽວທີ່ໜ້າສົນໃຈອີກຫຼາຍແຫ່ງທີ່ລໍຖ້າໃຫ້ນັກທ່ອງທ່ຽວໄປສຳຜັດເຊັ່ນ: ທົ່ງໄຫຫີນ, ຖ້ຳກອງລໍ, ນ້ຳຕົກຕາດກວາງຊີ ແລະ ອື່ນໆ...
ອາຫານທີ່ຕິດພັນເຊິ່ງຄົນຫວຽດນາມ ບໍ່ຄວນພາດ
ລັກສະນະສະເພາະທີ່ໂດດເດັ່ນຂອງອາຫານລາວ ແມ່ນລົດຊາດເຜັດ, ເຄັມ, ສົ້ມ. ອາຫານລາວ ມີຫຼາຍອັນຄ້າຍຄືກັນກັບອາຫານຫວຽດນາມ ດັ່ງນັ້ນ ທ່ານຈິ່ງສາມາດເພີດເພີນໄປກັບລົດຊາດຂອງອາຫານທີ່ນີ້ໄດ້ຢ່າງງ່າຍດາຍ. ໃນນັ້ນ, ລາບແມ່ນອາຫານທີ່ບໍ່ຄວນພາດ. ຊີ້ນໄກ່, ຊີ້ນງົວ, ຊີ້ນໝູ ຫຼື ຊີ້ນເປັດ ໄດ້ຊອຍເປັນຕ່ອນນ້ອຍໆ, ຂົ້ວໃຫ້ພໍໝາດໆ ແລ້ວຄົນປົນກັບຫົວຂ່າ, ຫົວສີໄຄ ແລະ ປະສົມນໍ້າປາແດກພື້ນບ້ານ.
 |
| ລາບເປັນສັນຍາລັກແຫ່ງຄວາມໂຊກດີ ແລະ ມັກນໍາໃຊ້ເພື່ອຈັດພາເຂົ້າຮັບຕ້ອນໝູ່ເພື່ອນ, ແຂກທີ່ມີກຽດ. |
ນອກຈາກນັ້ນ, ແກງ ຫຼື ເອາະຫຼາມ, ອາຫານທີ່ມີສ່ວນປະກອບຕົ້ນຕໍແມ່ນເຂົ້າເບືອ ບົດໃຫ້ລະອຽດ, ຊີ້ນງົວ, ຊີ້ນນົກ, ຊີ້ນໄກ່, ໝາກເຂືອມ່ວງ, ໝາກຖົ່ວ, ຫົວສີໄຄ, ກະທຽມ, ຜັກຫອມບົ່ວພ້ອມດ້ວຍໝາກເຜັດ ແມ່ນທາງເລືອກທີ່ບໍ່ຄວນພາດໃນເວລາມາເຖິງປະເທດລາວ.
ເຄື່ອງນຸ່ງທີ່ເໝາະສົມທີ່ຕ້ອງໄດ້ກະກຽມ
ກ່ຽວກັບດິນຟ້າອາກາດ, ປະເທດລາວມີ 2 ລະດູການທີ່ຊັດເຈນແມ່ນ ລະດູຝົນ (ແຕ່ເດືອນພຶດສະພາ ຫາເດືອນຕຸລາ) ແລະ ລະດູແລ້ງ (ແຕ່ເດືອນພະຈິກ ຫາເດືອນເມສາ). ອຸນຫະພູມໃນລະດູຝົນແມ່ນປະມານ 30 ອົງສາ ແລະໃນລະດູແລ້ງ ແມ່ນ 15-25 ອົງສາ, ຂ້ອນຂ້າງເຢັນ.
ຖ້າເດີນທາງທ່ອງທ່ຽວໃນລະດູຝົນ, ທ່ານຄວນນຸ່ງເຄື່ອງທີ່ສະດວກສະບາຍ, ເຄື່ອນໄຫວໄດ້ງ່າຍເພື່ອຫຼີກລ້ຽງຜົນກະທົບຈາກຝົນກໍ່ຄືກັບອາກາດຮ້ອນຊຸ່ມ. ໃນຂະນະດຽວກັນ, ຖ້າມາລາວໃນລະດູແລ້ງກໍ່ສາມາດເລືອກເຄື່ອງນຸ່ງໄດ້ຢ່າງຕາມໃຈເພາະອາກາດຂ້ອນຂ້າງດີສົມຄວນ.
ພິເສດ, ໃນລະດູແລ້ງຢູ່ປະເທດລາວ ກໍ່ຍັງຕົກຢູ່ໃນຊ່ວງທ້າຍປີ ເຊິ່ງມີງານບຸນທີ່ເປັນເອກະລັກພິເສດຫຼາຍງານ, ອັນເປັນໂອກາດໃຫ້ທ່ານໄດ້ໄປເຊົ່າຊຸດພື້ນເມືອງຢູ່ສະຖານທີ່ທ່ອງທ່ຽວ ແລະ ເຊື່ອມຕົວເຂົ້າໃນງານບຸນ, ສໍາຜັດປະສົບການທີ່ເປັນເອກະລັກສະເພາະຂອງຊົນເຜົ່າປະຈຳຖິ່ນ.
ພາຫະນະຂົນສົ່ງໂດຍສານທີ່ນິຍົມກັນທົ່ວໄປ
ຫາກຕ້ອງການມາທ່ຽວປະເທດລາວ ແລະ ຄົ້ນຫາສິ່ງທີ່ໜ້າສົນໃຈທີ່ຍັງເຊື່ອງຊ້ອນໄວ້ນັ້ນ, ທ່ານສາມາດເລືອກເດີນທາງດ້ວຍຍົນເພື່ອປະຢັດເວລາ ແລະ ເຫື່ອແຮງ ປະຈຸບັນນີ້ມີຖ້ຽວບິນໂດຍກົງຂອງ Vietjet ເຊື່ອມຕໍ່ນະຄອນ ໂຮ່ຈີ່ມິນ ແລະ ນະຄອນຫຼວງວຽງຈັນ ດ້ວຍເວລາບິນພຽງແຕ່ 1 ຊົ່ວໂມງ 45 ນາທີ ເທົ່ານັ້ນ.
ປີ້ຍົນສາມາດສັ່ງໄດ້ງ່າຍໆຢູ່ເວັບໄຊ ຫຼື ແອັບພລິເຄຊັ່ນໂທລະສັບຂອງ Vietjet Air ດ້ວຍໂປຣໂມຊັນຫຼາຍຮູບແບບໃນລາຄາພຽງແຕ່ 0 ດົ່ງ (ຍັງບໍ່ລວມພາສີ ແລະ ຄ່າທຳນຽມ).
ເພື່ອປະຢັດຄ່າໃຊ້ຈ່າຍ, ທາງເລືອກການບໍລິໂພກທີ່ສະຫຼາດຂອງຫຼາຍຄົນ ຄືການຈອງປີ້ຍົນ Vietjet ແລະ ເລືອກລາຍການຊື້ປີ້ຍົນ ຜ່ອນຊຳລະ "ບິນກ່ອນ - ຈ່າຍພາຍຫຼັງ" ໂດຍໃຊ້ເວລາພຽງແຕ່ 3 ນາທີໃນການລົງທະບຽນອອນໄລນ໌ທີ່ວ່ອງໄວທັນການ, ນັ້ນຍັງບໍ່ທັນໄດ້ເວົ້າເຖິງການມອບຄ່າປະກັນໄພຟຼີໃນການທ່ອງທ່ຽວຂອງ Sky Care ແລະ evoucher ອື່ນໆອີກດ້ວຍ ....
ທ່ານຈະໄປຮອດປະເທດລາວ ໄດ້ຢ່າງງ່າຍດາຍ, ເພີດເພີນກັບອາຫານທີ່ທັງແປກ ແລະ ທັງຄຸ້ນເຄີຍ, ຂີ່ລົດຕຸກໆໄປຕາມຖະໜົນຫົນທາງທີ່ສະຫງົບງຽບ, ຊົມຜົນງານສະຖາປັດຕະຍະກຳທີ່ເປັນເອກະລັກສະເພາະ ແລະ ດູູດດື່ມໄປກັບງານບຸນຕ່າງໆທີ່ເປັນເອກະລັກສະເພາະໃນ "ດິນແດນລ້ານຊ້າງ" ທີ່ງົດງາມແຫ່ງນີ້.
ທອງມີ ສີຫາວົງ
