| ຫວຽດນາມ ແລະ ນິວຊີແລນ ຊຸກຍູ້ການພົວພັນຮ່ວມມືຫຼາຍດ້ານ | |
| ຊຸກຍູ້ການສົ່ງອອກໝາກມັງກອນໄປອົດສະຕາລີ ແລະ ນິວຊີແລນ |
ຕາມທ່ານນາງ Suz Jessep ຜູ້ອຳນວຍການຝ່າຍບໍລິຫານຂອງກອງທຶນອາຊີ - ນິວຊີແລນ ແລ້ວ, ການຢ້ຽມຢາມແມ່ນໂອກາດ ເພື່ອໃຫ້ທັງ ນິວຊີແລນ ແລະຫວຽດນາມ ເພີ່ມທະວີກ່ານພົວພັນຢູ່ລະດັບສູງສຸດ ແລະແລກປ່ຽນທັດສະນະກ່ຽວກັບບັນດາບັນຫາສຳຄັນຂອງທັງສອງປະເທດ.
ທ່ານນາງ Suz Jessep ໄດ້ຕີລາຄາວ່າ ພາຍຫຼັງໄລຍະເວລາເກືອບ 50 ປີ ແຫ່ງການສ້າງຕັ້ງການພົວພັນທາງການທູດ (1975), ນິວຊີແລນ ແລະຫວຽດນາມ ໄດ້ຊຸກຍູ້ການພົວພັນຢ່າງຮອບດ້ານໃນບັນດາຂົງເຂດຄື: ການປ້ອງກັນຊາດ, ປ້ອງກັນຄວາມສະຫງົບ, ກິລາ, ວິທະຍາສາດ ແລະສິລະປະ. ທ່ານນາງ Suz Jessep ໃຫ້ຂໍ້ສັງເກດວ່າ ປັດຈຸບັນ ຫວຽດນາມ ໄດ້ບືນຕົວຂຶ້ນກາຍເປັນສູນການຄ້າ ແລະປ່ຽນແປງໃໝ່ຂອງພາກພື້ນ ແລະນິວຊີແລນ ອາດຈະຖອດຖອນຫຼາຍບົດຮຽນປະສົບການຈາກຫວຽດນາມ ຜ່ານນັ້ນສອງປະເທດພ້ອມກັນຮ່ວມມື ເພື່ອຮັບມືກັບການປ່ຽນແປງຂອງດິນຟ້າອາກາດ ແລະແກ້ໄຂບັນດາສິ່ງທ້າທາຍຂ້າມຊາຍແດນ.
 |
ທ່ານນາງ Suz Jessep ຜູ້ອຳນວຍການຝ່າຍບໍລິຫານຂອງກອງທຶນອາຊີ - ນິວຊີແລນ. (ພາບ: ສໍານັກຂ່າວສານຫວຽດນາມ) |
ໃຫ້ຂໍ້ສັງເກດກ່ຽວກັບແງ່ຫວັງຂອງການພົວພັນນິວຊີແລນ - ຫວຽດນາມ ໃນໄລຍະຈະມາເຖິງ, ທ່ານນາງ Suz Jessep ຖືວ່າ 2 ປະເທດມີທ່າແຮງບົ່ມຊ້ອນອັນໃຫຍ່ຫຼວງເພື່ອພັດທະນາການພົວພັນຮ່ວມມືໃນຫຼາຍຂົງເຂດ. ທ່ານນາງ Suz Jessep ໃຫ້ຮູ້ວ່າ: ເດືອນເມສາຈະມາເຖິງ, ກອງທຶນອາຊີ - ນິວຊີແລນ ຈະຈັດສົ່ງຄະນະການນໍາໜຸ່ມນິວຊີແລນ ມາຍັງຫວຽດນາມ ເພື່ອຊອກຮູ້ກ່ຽວກັບປະເທດ, ພື້ນຖານເສດຖະກິດ, ປະຫວັດສາດ ແລະສ້າງການພົວພັນກັບບັນດາການນຳໜຸ່ມຫວຽດນາມ. ໃນເດືອນພຶດສະພາ, ກອງທຶນຈະນຳພາຄະນະນັກຄຸ້ມຄອງໃນຂົງເຂດສິລະປະມາຫວຽດນາມ ເພື່ອຊອກຮູ້ກ່ຽວກັບພື້ນຖານສິລະປະທີ່ພວມພັດທະນາຂອງຫວຽດນາມ ກໍ່ຄື ເຊື່ອມຕໍ່ກັບບັນດານັກສິລະປີນຫວຽດນາມ.
ທ່ານນາງ Suz Jessep ຢືນຢັນວ່າ: ນິວຊີແລນ ແລະ ຫວຽດນາມ ມີບັນດາເພື່ອນມິດຮ່ວມມືຫຼາຍດ້ານ, ສະນັ້ນ ມີກາລະໂອກາດຮ່ວມມືກັບບັນດາປະເທດຮັບມືກັບການປ່ຽນແປງຂອງດິນຟ້າອາກາດ ແລະ ແກ້ໄຂສິ່ງທ້າທາຍຂ້າມຊາຍແດນ.
ຕີລາຄາການຮ່ວມມືສອງຝ່າຍໃນຄວາມມານະພະຍາຍາມຊຸກຍູ້ສັນຕິພາບ ແລະ ຄວາມຈະເລີນຮຸ່ງເຮືອງຢູ່ອາຊີ - ປາຊີຟິກ, ທ່ານນາງ Suz Jessep ຖືວ່າ 2 ປະເທດສະໜັບສະໜູນພາກພື້ນສັນຕິພາບທີ່ປົກຄອງດ້ວຍກົດໝາຍ ແລະ ເຄົາລົບອະທິປະໄຕ ແລະ ເສລີໃນການເດີນເຮືອ.
ຕາມທ່ານນາງແລ້ວ, ການປົກປັກຮັກສາ ແລະ ຊຸກຍູ້ຄວາມວັດທະນາຖາວອນ ແລະ ສະຖຽນລະພາບລວມ ຮຽກຮ້ອງໃຫ້ ນິວຊີແລນ ແລະ ຫວຽດນາມ ພ້ອມກັບບັນດາປະເທດອາຊີຕາເວັນອອກສ່ຽງໃຕ້ ແລະ ບັນດາປະເທດມະຫາອຳນາດໃນພາກພື້ນ ສືບຕໍ່ຮ່ວມມື.
ກ່າວຄຳເຫັນກ່ຽວກັບແງ່ຫວັງຂອງການພົວພັນນິວຊີແລນ - ຫວຽດນາມ ໃນໄລຍະຈະມາເຖິງ, ທ່ານນາງ Suz Jessep ຖືວ່າ 2 ປະເທດມີຄວາມສາມາດບົ່ມຊ້ອນອັນໃຫຍ່ຫຼວງໃນການພັດທະນາການພົວພັນຮ່ວມມືໃນຫຼາຍຂົງເຂດ.
ມູນນິທິອາຊີ-ນິວຊີແລນ ກໍາລັງເຮັດວຽກເພື່ອຊ່ວຍສ້າງສາຍພົວພັນລະຫວ່າງຄົນມີພອນສະຫວັນຂອງນິວຊີແລນ ກັບບັນດາຄູ່ຮ່ວມທຸລະກິດໃນອາຊີ, ລວມທັງຜູ້ປະກອບການໄວໜຸ່ມທີ່ກໍາລັງເຮັດວຽກເພື່ອມາຫາວິທີແກ້ໄຂບັນຫາທີ່ທ້າທາຍໃນອະນາຄົດເຊັ່ນ: ຄວາມຕ້ອງການອາຫານ, ການປັບຕົວຂອງດິນຟ້າອາກາດ, ເຕັກໂນໂລຊີ. , ພະລັງງານສີຂຽວ ...
ພ້ອມກັນນັ້ນ, ກອງທຶນນີ້ຍັງລົງທຶນເຂົ້າໃນການເພີ່ມທະວີການພົວພັນລະຫວ່າງປະຊາຄົມຫວຽດນາມ ແລະ ນິວຊີແລນ, ເປັນພື້ນຖານເພື່ອພັດທະນາການພົວພັນລະຫວ່າງຊາດໃຫ້ແໜ້ນແຟ້ນ, ເລິກເຊິ່ງກ່ວາອີກ.
ທ່ານນາງ Suz Jessep ໃຫ້ຮູ້ວ່າ, ຈຳນວນນັກສຶກສາຫວຽດນາມ ໄປຮ່ຳຮຽນຢູ່ຕ່າງປະເທດ ນິວຊີແລນ ພວມເພີ່ມຂຶ້ນ ແລະ ນຳມາໃຫ້ເຂົາເຈົ້າມີຄວາມສາມາດ ແລະ ຄວາມເກັ່ງກ້າສາມາດດ້ານວັດທະນະທຳທີ່ປະເທດມະຫາສະໝຸດໂອລິມປິກນີ້ຕ້ອງການ.
ຄຳຮຸ່ງ
