| ສະຖາບັນຄົ້ນຄ້ວາ ອົດສະຕາລີໃຫ້ຮູ້ວ່າ: ນິວຊີແລນ ແລະ ຫວຽດນາມ ມີການຮັບມືກັບໂລກລະບາດໂຄວິດ - 19 ດີທີ່ສຸດໃນໂລກ | |
| ສະຖານທູດຫວຽດນາມປະຈຳ ນິວຊີແລນ ພ້ອມກັບຊາວຫວຽດນາມ ຢູ່ ນິວຊີແລນ ຕໍ່ສູ້ຕ້ານກັບ ໂລກລະບາດ COVID-19 |
ວັນທີ 12 ພຶດສະພາ, ພະແນກສົ່ງເສີມການຄ້າ, ພະແນກອຸດສາຫະກໍາ ແລະ ການຄ້າແຂວງລອງອານ, ຫ້ອງການການຄ້າສະຖານທູດຫວຽດນາມ ປະຈໍາ ນິວຊີແລນ ແລະ ຫ້ອງການການຄ້າ ປະຈຳ ອົດສະຕາລີ ໄດ້ສົມທົບກັນຈັດຕັ້ງ ກອງປະຊຸມສໍາມະນາ “ປຶກສາຫາລືການສົ່ງອອກໝາກມັງກອນໄປຍັງ ຕະຫຼາດອົດສະຕາລີ ແລະນິວຊີແລນ” ຜ່ານລະບົບທາງໄກ.
ກ່າວຄຳເຫັນທີ່ພິທີໄຂກອງປະຊຸມສໍາມະນາ, ທ່ານເອກອັກຄະລັດຖະທູດຫວຽດນາມ ປະຈຳ ນິວຊີແລນ ຫງວຽນວັນຈູງ ເນັ້ນໜັກເຖິງຄວາມສຳຄັນຂອງການຊຸກຍູ້ການຮ່ວມມືດ້ານກະສິກຳ, ການຄ້າຜະລິດຕະພັນກະເສດ ແລະ ການເປີດກວ້າງຕະຫຼາດໃນການຜັນຂະຫຍາຍການພົວພັນຄູ່ຮ່ວມມືຍຸດທະສາດ ຫວຽດນາມ ແລະ ນິວຊີແລນ.
 |
| ຊຸກຍູ້ການສົ່ງອອກໝາກມັງກອນໄປອົດສະຕາລີ ແລະ ນິວຊີແລນ. ພາບປະກອບ |
ຫວຽດນາມ ປາດຖະໜາວ່າ ນິວຊີແລນ ຈະແບ່ງປັນປະສົບການ ແລະ ໜູນຊ່ວຍ ຫວຽດນາມ ສ້າງເຄື່ອງໝາຍການຄ້າສາກົນຂອງໝາກມັງກອນ ແລະ ລະບົບມູນຄ່າ ເພື່ອຫັນການຄ້າເປັນທົ່ວໂລກໃຫ້ແກ່ໝາກມັງກອນ, ຕາມບັນດາແບບຢ່າງທີ່ປະສົບຜົນສຳເລັດຂອງໝາກກີວີ ຂອງ ນິວຊີແລນ ເຊິ່ງໄດ້ຮັບການຮັບຮູ້ຈາກໂລກ.
ບັນດາບໍລິສັດລ້ວນແຕ່ຕີລາຄາສູງຄວາມສາມາດບົ່ມຊ້ອນດ້ານຜະລິດຕະພັນໝາກມັງກອນຂອງຫວຽດນາມ. ພ້ອມກັນນັ້ນ, ບັນດາອົງການກໍສະເໜີໃຫ້ບັນດາທ້ອງຖິ່ນ ແລະ ວິສາຫະກິດ ຕ້ອງສ້າງຍຸດທະສາດໂຄສະນາ ແລະ ເຄື່ອງໝາຍການຄ້າຂະແໜງຕ້ອງສຸມໃສ່ຄຸນສົມບັດດ້ານໂພຊະນາການຂອງຜະລິດຕະພັນ ເພື່ອເພີ່ມຄວາມຮັບຮູ້ໃຫ້ຜູ້ບໍລິໂພກ ແລະ ເປີດກວ້າງບັນດາຜູ້ຊົມໃຊ້ບັນດາຜະລິດຕະພັນນອກກຸ່ມລູກຄ້າອາຊີດັ້ງເດີມ.
ເຖິງວ່າຈັດຂຶ້ນໃນຮູບແບບໂດຍກົງສົມທົບກັບທາງໄກ, ແຕ່ກອງປະຊຸມສຳມະນາແມ່ນກິດຈະກຳທີ່ແທດຈິງດ້ວຍຫຼາຍຂໍ້ມູນຂ່າວສານຕະຫຼາດທີ່ເປັນປະໂຫຍດຫຼາຍຢ່າງຈາກນັກຊ່ຽວຊານໃນຂະແໜງໂດຍກົງ, ຊ່ວຍໃຫ້ທ້ອງຖິ່ນ ແລະ ວິສາຫະກິດມີວິໄສທັດເພື່ອຊີ້ນຳການວາງແຜນຜັງຂະແໜງ, ພັດທະນາລະບົບຕ່ອງໂສ້ການສະໜອງ ແລະ ສ້າງຮູບແບບການຄ້າທີ່ມີການຄວບຄຸມກວດກາເພື່ອໃຫ້ຂະແໜງໝາກມັງກອນພັດທະນາແບບຍືນຍົງ, ກາຍເປັນສັນຍາລັກແຫ່ງຜົນສຳເລັດຂອງຂະແໜງການສົ່ງອອກໝາກໄມ້ຂອງຫວຽດນາມ.
ບູນມີ
