| ຄະນະຜູ້ແທນກະຊວງປ້ອງກັນປະເທດຫວຽດນາມ ອວຍພອນ 75 ປີແຫ່ງວັນສ້າງຕັ້ງກອງທັບປະຊາຊົນລາວ | |
| ກະຊວງປ້ອງກັນປະເທດຫວຽດນາມ ຈັດພິທີມອບສໍານັກກອງບັນຊາການກອງພົນທີ 1 ໃຫ້ກອງທັບປະຊາຊົນລາວ |
ຕາມສະຖິຕິຂອງຄະນະຈັດຕັ້ງ, ມີກວ່າ 900 ວິສາຫະກິດ, ຫົວໜ່ວຍທີ່ມາຈາກ 45 ປະເທດ, ເຂດແຄວ້ນເຂົ້າຮ່ວມງານວາງສະແດງ.
ທີ່ງານວາງສະແດງ, ຄະນະຜູ້ແທນ ຫວຽດນາມ ໄດ້ເຂົ້າຮ່ວມພິທີຕັດແຖບຜ້າເລີ່ມເປີດງານ, ຢ້ຽມຢາມບັນດາຮ້ານແນະນຳ ແລະ ຮ້ານວາງສະແດງຜະລິດຕະພັນຂອງບັນດາວິສາຫະກິດ, ກຸ່ມບໍລິສັດໃຫຍ່ໃນໂລກ, ຊົມການສະແດງການບິນໂດຍກອງທັບອາກາດ ສິງກະໂປ ແລະ ອິນເດຍ, ອາເມລິກາ, ສ.ເກົາຫຼີ, ຈີນ, ອິນໂດເນເຊຍ ແລະ ສາຍການບິນພົນລະເຮືອນສາກົນຈຳນວນໜຶ່ງ ປະຕິບັດ.
ໃນຂອບເຂດງານວາງສະແດງ, ຄະນະຜູ້ແທນ ໄດ້ມີການພົບປະກັບຫຼາຍຄູ່ຮ່ວມມືເພື່ອປຶກສາຫາລືບັນດາບັນຫາທີ່ຕ່າງຝ່າຍຕ່າງມີຄວາມສົນໃຈ ແລະ ການຮ່ວມມືສອງຝ່າຍ.
 |
| ຄະນະຜູ້ແທນກະຊວງປ້ອງກັນປະເທດ ຫວຽດນາມ ໄດ້ຕ້ອນຮັບສອງຝ່າຍ ທ່ານຮອງລັດຖະມົນຕີກະຊວງປ້ອງກັນປະເທດ ສາທາລະນະລັດເຊັກໂກ Daniel Blazkovec |
ທີ່ການພົບປະກັບທ່ານຮອງລັດຖະມົນຕີກະຊວງປ້ອງກັນປະເທດ ສາທາລະນະລັດເຊັກໂກ Daniel Blazkovec, ທ່ານພົນຕີ ຟ້າມເຈືອງເຊິ່ນ ໄດ້ສະແດງຄວາມຂອບອົກຂອບໃຈການຊ່ວຍເຫຼືອອັນລ້ຳຄ່າຂອງປະຊາຊົນຂອງ ເຊັກໂກສະໂລວາກີ (ສາທາລະນະລັດເຊັກໂກ ໃນປະຈຸບັນ) ສຳລັບພາລະກິດຕໍ່ສູ້ຍາດເອົາເອກະລາດແຫ່ງຊາດ, ສ້າງສາປະເທດຊາດຂອງ ຫວຽດນາມ; ສະແດງຄວາມປິຕິຊົມຊື່ນຕໍ່ບັນດາໝາກຜົນອັນພົ້ນເດັ່ນຂອງການຮ່ວມມືດ້ານປ້ອງກັນຊາດລະຫວ່າງ ຫວຽດນາມ ແລະ ສາທາລະນະລັດເຊັກໂກ ໃນໄລຍະທີ່ຜ່ານມາ, ແລະ ປາດຖະໜາຢາກສືບຕໍ່ຊຸກຍູ້ການຮ່ວມມືໃນໄລຍະຈະມາເຖິງໃນຫຼາຍຂົງເຂດຄື ການແລກປ່ຽນຄະນະຜູ້ແທນ, ການບຳລຸງສ້າງ...
ທີ່ການພົບປະກັບທ່ານຜູ້ຊ່ວຍວຽກລັດຖະມົນຕີກອງທັບອາກາດອາເມລິກາ Andrew Hunter, ທ່ານຫົວໜ້າຄະນະຜູ້ແທນ ຫວຽດນາມ ໄດ້ຕີລາຄາການພົວພັນລະຫວ່າງ 2 ປະເທດທີ່ສືບຕໍ່ພັດທະນາຢ່າງດີງາມໃນໄລຍະທີ່ຜ່ານມາ, ເໝາະສົມກັບການພົວພັນຄູ່ຮ່ວມມືຍຸດທະສາດຮອບດ້ານ ເພື່ອສັນຕິພາບ, ການຮ່ວມມື ແລະ ພັດທະນາແບບຍືນຍົງ. ໃນໄລຍະຈະມາເຖິງ, 2 ຝ່າຍຕ້ອງເພີ່ມທະວີການຮ່ວມມືບົນພື້ນຖານບັນດາເອກະສານທີ່ໄດ້ລົງນາມ, ໃນນັ້ນ, ບຸລິມະສິດຊຸກຍູ້ການຮ່ວມມືບຳລຸງສ້າງ, ກູ້ຊີບ - ກູ້ໄພ, ເສນາຮັກ, ເຂົ້າຮ່ວມບັນດາກຳລັງອະນຸລັກຮັກສາສັນຕິພາບຂອງສະຫະປະຊາຊາດ, ແກ້ໄຂຜົນຮ້າຍຈາກສົງຄາມຢູ່ ຫວຽດນາມ. ...
ກໍທີ່ການເຮັດວຽກ, ພົບປະສອງຝ່າຍກັບບັນດາປະເທດ, ຄູ່ຮ່ວມມື, ທ່ານພົນຕີ ຟ້າມເຈືອງເຊິ່ນ ໄດ້ສະແດງຄວາມຂອບໃຈກະຊວງປ້ອງກັນປະເທດ, ກອງທັບບັນດາປະເທດ ທີ່ໄດ້ສົ່ງຄະນະຜູ້ແທນຂັ້ນສູງເຂົ້າຮ່ວມງານວາງສະແດງວຽກງານປ້ອງກັນຊາດສາກົນ ຫວຽດນາມ ປີ 2022 ແລະ ຫວັງວ່າ ກະຊວງປ້ອງກັນປະເທດ, ກອງທັບ, ບັນດາວິສາຫະກິດປ້ອງກັນປະເທດບັນດາປະເທດ ຈະສືບຕໍ່ສະໜັບສະໜູນ, ເຂົ້າຮ່ວມງານວາງສະແດງປ້ອງກັນຊາດສາກົນ ຫວຽດນາມ ປີ 2024 ເນື່ອງໃນໂອກາດສະເຫຼີມສະຫຼອງ 80 ປີແຫ່ງວັນສ້າງຕັ້ງກອງທັບປະຊາຊົນ ຫວຽດນາມ.
ມິງດຶກ
