| ທ່ານປະທານສະພາແຫ່ງຊາດ ພົບປະກັບກຸ່ມວິສາຫະກິດ ອັງກິດ ທີ່ມາລົງທຶນຢູ່ ຫວຽດນາມ | |
| ທ່ານປະທານສະພາແຫ່ງຊາດ ເວືອງດິ່ງເຫວະ ເລີ່ມຕົ້ນການຢ້ຽມຢາມລາຊະອານາຈັກ ອັງກິດ ຢ່າງເປັນທາງການ |
ໂດຍໄປພ້ອມກັບທ່ານເລຂາທິການ, ຫົວໜ້າຫ້ອງການສະພາແຫ່ງຊາດ ບຸ່ຍວັນເກື່ອງ, ຫົວໜ້າກຳມະາທິການການວັດທະນະທຳ ແລະ ການສຶກສາ ຫງວຽນດັກວິງ, ທ່ານເລຂາຄະນະພັກແຂວງ, ຫົວໜ້າຄະນະຜູ້ແທນສະພາແຫ່ງຊາດ ແຂວງ ແທງຮ໋ວາ ຫງວຽນຈ້ອງຮື່ງ; ທ່ານພົນໂທ ກົງທອງ ພົງວິຈິດ, ຮອງລັດຖະມົນຕີກະຊວງປ້ອງກັນຄວາມສະຫງົບ ລາວ ແລະ ການນຳບັນດາອົງການຂອງສະພາແຫ່ງຊາດ ລາວ...
ຜູ້ຕາງໜ້າກະຊວງຕຳຫຼວດ ລາວ ແລະ ວິທະຍາຄານການເມືອງ ປ້ອງກັນຄວາມສະຫງົບ ປະຊາຊົນລາວ ມີຄວາມຍິນດີທີ່ໄດ້ໃຫ້ການຕ້ອນຮັບທ່ານປະທານສະພາແຫ່ງຊາດ ຫວຽດນາມ ເຫວືອງດິງເຫ້ວ ແລະ ຄະນະຜູ້ແທນຂັ້ນສູງສະພາແຫ່ງຊາດ ຫວຽດນາມ ທີ່ມາຢ້ຽມຢາມ ແລະ ເຮັດວຽກຢູ່ ລາວ; ສະແດງຄວາມຂອບໃຈຢ່າງຈິງໃຈຕໍ່ກຳລັງປະກອບອາວຸດປະຊາຊົນ ຫວຽດນາມ ທີ່ຍາມໃດກໍ່ຢືນຄຽງຂ້າງ ແລະ ສະໜັບສະໜູນກຳລັງປະກອບອາວຸດປະຊາຊົນ ລາວ ໃນພາລະກິດຕໍ່ສູ້ປົດປ່ອຍຊາດໃນໄລຍະຜ່ານມາ ກໍ່ຄືໃນພາລະກິດສ້າງສາ ແລະ ພັດທະນາປະເທດຊາດໃນປະຈຸບັນ; ຂອບໃຈການຊ່ວຍເຫຼືອຂອງພັກ, ລັດ ແລະ ກະຊວງຕຳຫຼວດ ຫວຽດນາມ ໃນການສ້າງວິທະຍາຄານການເມືອງ ປ້ອງກັນຄວາມສະຫງົບ ປະຊາຊົນລາວ.
 |
ທ່ານປະທານສະພາແຫ່ງຊາດ ຫວຽດນາມ ເຫວືອງດິງເຫ້ວ ກ່າວຄຳປາໄສ |
ທ່ານປະທານສະພາແຫ່ງຊາດ ຫວຽດນາມ ເຫວືອງດິງເຫ້ວ ສະແດງຄວາມປິຕິຊົມຊື່ນທີ່ໄດ້ມາຢ້ຽມຢາມວິທະຍາຄານການເມືອງ ປ້ອງກັນຄວາມສະຫງົບ ປະຊາຊົນລາວ, ໂດຍແມ່ນໂຄງການພົ້ນເດັ່ນທີ່ສະແດງໃຫ້ເຫັນການຮ່ວມມື, ຄວາມສະໜິດສະໜົມ ແລະ ການຊ່ວຍເຫຼືອຢ່າງຈິງໃຈລະຫວ່າງສອງພັກ, ສອງປະເທດເວົ້າລວມ ແລະ ລະຫວ່າງກຳລັງຕຳຫຼວດສອງປະເທດ ຫວຽດນາມ - ລາວ ເວົ້າສະເພາະ. ວິທະຍາຄານໄດ້ຮັບການກໍ່ສ້າງໃນເນື້ອທີ່ 6,5 ເຮັກຕາ, ດ້ວຍຍອດຈຳນວນເງິນລົງທຶນ 250 ຕື້ດົ່ງ, ຕອບສະໜອງຄວາມຮຽກຮ້ອງຕ້ອງການດ້ານການບຳລຸງສ້າງຂອງນັກຮຽນ 1.200 ຄົນຕໍ່ປີ, ໄດ້ຮັບການເປີດສະຫຼອງ ແລະ ນຳເຂົ້າເຄື່ອນໄຫວພາຍຫຼັງການກໍ່ສ້າງພຽງແຕ່ 7 ເດືອນ.
ໃນສະພາບການທີ່ນັບມື້ນັບສັບສົນ ແລະ ບໍ່ສາມາດຄາດຄະເນໄດ້ໃນໂລກ ແລະ ພາກພື້ນ, ກຳລັງຕຳຫຼວດ 2 ປະເທດບໍ່ພຽງແຕ່ຕ້ອງມີວິຊາສະເພາະ ແລະ ມີຄວາມຊຳນານໃນການປະຕິບັດງານເທົ່ານັ້ນ, ຫາກຍັງຕ້ອງຍຶດໝັ້ນອຸດົມການການເມືອງ. ທ່ານປະທານສະພາແຫ່ງຊາດ ປາດຖະໜາວ່າ ວິທະຍາຄານການເມືອງ ປ້ອງກັນຄວາມສະຫງົບ ປະຊາຊົນລາວ ຈະກາຍເປັນສູນຄົ້ນຄວ້າທິດສະດີການເມືອງໃຫຍ່ຂອງກະຊວງຕຳຫຼວດ ແລະ ເປັນຂອງປະເທດລາວອ້າຍນ້ອງ, ແມ່ນສະຖານທີ່ບຳລຸງສ້າງ ແລະ ບຳລຸງຄວາມສາມາດນຳພາການເມືອງໃຫ້ພະນັກງານ, ນັກຮົບກຳລັງຕຳຫຼວດ ລາວ ຝຫ້ກາຍເປັນ “ດາບປ້ອງກັນ” ຢ່າງແທ້ຈິງ ເພື່ອປົກປັກຮັກສາພັກ, ປົກປັກຮັກສາລະບອບ, ຮັບປະກັນຄວາມສະຫງົບປອດໄພໃຫ້ແກ່ການດຳລົງຊີວິດຂອງປະຊາຊົນ.
ທ່ານປະທານສະພາແຫ່ງຊາດ ຫວຽດນາມ ເຫວືອງດິງເຫ້ວ ຢືນຢັນວ່າ ພັກ, ລັດຖະບານ ແລະ ສະພາແຫ່ງຊາດ ຫວຽດນາມ ຍາມໃດກໍ່ເອົາໃຈໃສ່ ແລະ ສ້າງເງື່ອນໄຂເພື່ອໃຫ້ກຳລັງຕຳຫຼວດປະຊາຊົນ ຫວຽດນາມ ຊຸກຍູ້ການພົວພັນຮ່ວມມືກັບກຳລັງຕຳຫຼວດ ລາວ ອ້າຍນ້ອງ. ທ່ານປະທານສະພາແຫ່ງຊາດ ໄດ້ສະເໜີໃຫ້ກະຊວງຕຳຫຼວດຂອງສອງປະເທດສືບຕໍ່ຮ່ວມມື, ຊ່ວຍເຫຼືອເຊິ່ງກັນ ແລະ ກັນ ເພື່ອໃຫ້ວິທະຍາຄານການເມືອງ ປ້ອງກັນຄວາມສະຫງົບ ປະຊາຊົນລາວ ດຳເນີນໄປຢ່າງມີປະສິດທິຜົນ.
ທ່ານປະທານສະພາແຫ່ງຊາດ ຫວຽດນາມ ເຫວືອງດິງເຫ້ວ ເຊື່ອໝັ້ນວ່າ ໃນອານາຄົດ, ການມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງ 2 ປະເທດ ເວົ້າລວມ ແລະ ລະຫວ່າງກຳລັງຕຳຫຼວດ 2 ປະເທດ ເວົ້າສະເພາະ ຈະໄດ້ຮັບການຮັກສາ, ສືບທອດ ແລະ ພັດທະນາໃຫ້ດີກ່ວາອີກ; ກຳລັງຕຳຫຼວດຂອງສອງປະເທດຈະມີຫຼາຍການເຄື່ອນໄຫວ ແລະ ໂຄງການຮ່ວມມືທີ່ແທດຈິງ, ເປັນຂີດໝາຍແຫ່ງການພົວພັນມິດຕະພາບທີ່ເປັນມູນເຊື້ອອັນດີງາມລະຫວ່າງຫວຽດນາມ - ລາວ ຄືຄຳເວົ້າຂອງປະທານ ໂຮ່ຈີມິນ ກ່າວວ່າ “ສອງຊາດຫວຽດ - ລາວ ໄດ້ ຝັງຄວາມຮັກຢູ່ໃນໃຈ, ຮົ່ງຮ່າ ທັງແມ່ຂອງ ບໍ່ເລິກປຸນປານໄດ້” ແລະ ຄຳເວົ້າຂອງປະທານ ສຸພານຸວົງ “ຄວາມຮັກ ຫວຽດນາມ-ລາວ ສູງກ່ວາພູເຂົາ, ຍາວກວ່າແມ່ນ້ຳ, ກວ້າງກວ່າທະເລ, ໃສແຈ້ງກວ່າເດືອນເພັງ, ຫອມກວ່າດອກໄມ້ທີ່ມີກິ່ນຫອມທີ່ສຸດ”.
ເນື່ອງໃນໂອກາດນີ້, ທ່ານປະທານສະພາແຫ່ງຊາດ ຫວຽດນາມ ເຫວືອງດິງເຫ້ວ ໄດ້ມອບຂອງຂວັນ ແລະ ປູກຕົ້ນໄມ້ທີ່ລະນຶກຢູ່ວິທະຍາຄານການເມືອງ ປ້ອງກັນຄວາມສະຫງົບ ປະຊາຊົນລາວ.
ມິງດຶກ
