| ຄະນະໂຄສະນາສຶກສາສູນກາງພັກກອມມູນິດຫວຽດນາມ ໄດ້ໄປຢ້ຽມຢາມ ແລະ ອວຍພອນບຸນປີໃໝ່ລາວ ຢູ່ສະຖານທູດລາວ ປະຈຳຫວຽດນາມ | |
| ທ່ານປະທານສະພາແຫ່ງຊາດ ພົບປະກັບກຸ່ມວິສາຫະກິດ ອັງກິດ ທີ່ມາລົງທຶນຢູ່ ຫວຽດນາມ |
ໂດຍລາຍງານຕໍ່ທ່ານປະທານສະພາແຫ່ງຊາດ, ທ່ານຜູ້ອຳນວຍການໃຫຍ່ ເຈີ່ນຈ້ອງຮຶ່ງ ໃຫ້ຮູ້ວ່າ ພາຍຫຼັງ 14 ປີແຫ່ງການດຳເນີນທຸລະກິດ, Unitel ແມ່ນເຄືອຂ່າຍໂທລະຄົມໃຫຍ່ທີ່ສຸດ, ແມ່ນໜຶ່ງໃນບັນດາບໍລິສັດປະກອບສ່ວນງົບປະມານຫຼາຍທີ່ສຸດ ແລະ ມີຊື່ສຽງດີທີ່ສຸດກັບລັດຖະບານ ແລະ ປະຊາຊົນລາວ. Unitel ມີອັດຕາສ່ວນກວມຕະຫຼາດ 57%, ເປັນວິສາຫະກິດຈ່າຍເງິນພາສີ ແລະ ງົບປະມານໃຫຍ່ອັນດັບ 2 ໃນລາວ ແລະ ເປັນອັນດັບໜຶ່ງໃນຂະແໜງໂທລະຄົມມະນາຄົມ, ສະເລ່ຍລາຍຮັບເຂົ້າງົບປະມານແຫ່ງລັດຂອງລາວ ໃນແຕ່ລະປີ ຫຼາຍກວ່າ 53 ລ້ານໂດລາສະຫະລັດ, ສ້າງວຽກເຮັດງານທຳຫຼາຍຢ່າງໃຫ້ພະນັກງານຫຼາຍກວ່າ 27,000 ຄົນ. Unitel ສະໜັບສະໜູນລັດຖະບານລາວຢ່າງຕັ້ງໜ້າໃນການຫັນເປັນດິຈິຕອນ ແລະ ການສ້າງລັດຖະບານເອເລັກໂຕນິກ.
 |
| ທ່ານປະທານສະພາແຫ່ງຊາດ ຫວຽດນາມ ເຫວືອງດິງເຫ້ວ ກັບບັນດາການນຳບໍລິສັດ Star Telecom |
ກ່າວຄຳເຫັນທີ່ນີ້, ທ່ານປະທານສະພາແຫ່ງຊາດ ຫວຽດນາມ ເຫວືອງດິງເຫ້ວ ໃດ້ຕີລາຄາສູງບັນດາໝາກຜົນທີ່ບໍລິສັດ Star Telecom ບັນລຸໄດ້ໃນໄລຍະຜ່ານມານີ້, ປະກອບສ່ວນພັດທະນາເສດຖະກິດ ແລະ ຮັບປະກັນຊີວິດສັງຄົມໃຫ້ປະເທດລາວ.
ທ່ານປະທານສະພາແຫ່ງຊາດ ກ່າວວ່າ ກົດໝາຍວ່າດ້ວຍໂທລະຄົມທີ່ໄດ້ຮັບການຮັບຮອງກໍ່ມີການປ່ຽນແປງ ແລະ ມີຫົວຄິດປະດິດສ້າງຄື Cloud Computing ແລະ ຫຼາຍຂົງເຂດເຕັກໂນໂລຊີອື່ນໆ, Unitel ຄວນເອົາໃຈໃສ່ຕໍ່ບັນຫາເຫຼົ່ານີ້ເພື່ອການຮ່ວມມືໃນລາວ.
ທ່ານປະທານສະພາແຫ່ງຊາດ ປາດຖະໜາວ່າ Unitel ຈະສືບຕໍ່ຮັກສານ້ຳໃຈສາມັກຄີ, ເປັນເອກະພາບຂອງພະນັກງານທັງລາວ ແລະ ຫວຽດນາມ, ເບິ່ງແຍງຊີວິດການເປັນຢູ່ຂອງພະນັກງານ, ລັດຖະກອນ ເພື່ອຊຸກຍູ້ແຫຼ່ງຊັບພະຍາກອນມະນຸດ, ປະຖົມປັດໄຈໃຫ້ແກ່ການເຕີບໂຕ ແລະ ການພັດທະນາແບບຍືນຍົງ; ສົມທົບກັນຢ່າງແໜ້ນແຟ້ນໃນການເຄື່ອນໄຫວທຸລະກິດກັບການທູດເສດຖະກິດ ແລະ ການທູດປ້ອງກັນຊາດ; ຮັບຮູ້ວ່າ ນອກຈາກບັນດາໜ້າທີ່ດຳເນີນທຸລະກິດແລ້ວ, ຍັງມີຄວາມຮັບຜິດຊອບໃນການເຊື່ອມຈອດການພົວພັນຮ່ວມມືລະຫວ່າງສະພາແຫ່ງຊາດ, ລັດຖະບານ, ກະຊວງປ້ອງກັນປະເທດສອງປະເທດ.
ການນຳຂອງ Unitel ເວົ້າລວມ ແລະ ພະນັກງານຫວຽດນາມ ແຕ່ລະຄົນ ເວົ້າສະເພາະ ຕ້ອງເປັນທູດວັດທະນະທຳ, ເປັນຕົວແທນໃຫ້ແກ່ບັນດາແບບຢ່າງທະຫານລຸງໂຮ່ ເພື່ອປົກປັກຮັກສາ ແລະ ພັດທະນາສາຍພົວພັນມິດຕະພາບທີ່ຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງສອງພັກ, ລັດ, ສະພາແຫ່ງຊາດ ແລະ ປະຊາຊົນສອງປະເທດ.
ທ່ານປະທານສະພາແຫ່ງຊາດໃຫ້ຂໍ້ສັງເກດວ່າ Unitel ຕ້ອງກວດກາຄືນຍຸດທະສາດດຳເນີນທຸລະກິດເປັນປະຈຳ ເພື່ອປັບຕົວເຂົ້າກັບສະພາບການໃໝ່; ຕ້ອງຄົ້ນຄວ້າ, ປະດິດສ້າງ ແລະ ລົງທຶນໃນເຕັກໂນໂລຊີໃໝ່ຢ່າງຕໍ່ເນື່ອງ ເພື່ອຮັກສາອັນດັບ 1 ໃນອັດຕາສ່ວນກວມຕະຫຼາດ ພ້ອມທັງສືບຕໍ່ພາລະກິດໃນການສ້າງ Unitel ໃຫ້ກາຍເປັນວິສາຫະກິດບໍລິການດ້ານໂທລະຄົມມະນາຄົມ-ດິຈິຕອນຊັ້ນນໍາໃນຕະຫຼາດລາວໃນຊຸມປີຕໍ່ໜ້າ.
ເປັນເອກະພາບກັນກັບຂໍ້ສະເໜີຂອງບໍລິສັດກ່ຽວກັບການໜູນຊ່ວຍບັນດາໂຄງການເຕັກໂນໂລຊີຂໍ້ມູນຂ່າວສານ, ທ່ານປະທານສະພາແຫ່ງຊາດ ເນັ້ນໜັກວ່າ, ນີ້ກໍ່ແມ່ນແຜນນະໂຍບາຍຂອງ ຫວຽດນາມ; ຫວັງວ່າບໍລິສັດຈະເປັນຜູ້ນຳໜ້າໃນການເຂົ້າຮ່ວມຂະບວນການຫັນເປັນດິຈິຕອນໃນລາວ, ໂດຍມີການເຊື່ອມຕໍ່ໃນຂົງເຂດຕ່າງໆເຊັ່ນ: ກະສິກຳ, ພະລັງງານ, ຄົມມະນາຄົມ, ການທ່ອງທ່ຽວ...; ສືບຕໍ່ປະຕິບັດບັນດາໂຄງການຮັບປະກັນຊີວິດສັງຄົມ, ປະກອບສ່ວນໃຫ້ປະຊາຄົມ, ເຜີຍແຜ່ບັນດາຄຸນຄ່າວັດທະນະທຳພາຍໃນໃຫ້ບັນດາວິສາຫະກິດຢູ່ ລາວ, ພິເສດແມ່ນວິສາຫະກິດ ຫວຽດນາມ ຢູ່ ລາວ.
ທ່ານປະທານສະພາແຫ່ງຊາດຫວັງວ່າ ຈາກຕົວຈິງການປະຕິບັດກົດໝາຍຢູ່ຫວຽດນາມ, ບໍລິສັດຈະປະກອບຄຳເຫັນໃຫ້ບັນດາອົງການທີ່ກ່ຽວຂ້ອງຂອງລັດຖະບານ ແລະ ສະພາແຫ່ງຊາດລາວ ໃນການປະຕິບັດບັນດາລະບອບລະບຽບການ ແລະ ນະໂຍບາຍທີ່ກ່ຽວຂ້ອງເຖິງຂົງເຂດເຕັກໂນໂລຊີຂໍ້ມູນຂ່າວສານ. ທ່ານປະທານໄດ້ເນັ້ນໜັກວ່າ: ການແຂ່ງຂັນຕ້ອງມີຄວາມໂປ່ງໃສ ແລະ ຖືກຕ້ອງຕາມກົດໝາຍ ເພື່ອໃຫ້ສົມກັບຖານະເປັນດາວດວງໜຶ່ງ.
ໃນການເຄື່ອນໄຫວນີ້ກໍ່ໄດ້ສິ້ນສຸດການໄປປະຕິບັດງານທາງລັດຖະກິດຄັ້ງທຳອິດເພື່ອເຂົ້າຮ່ວມກອງປະຊຸມສຸດຍອດປະທານສະພາແຫ່ງຊາດ 3 ປະເທດ ກຳປູເຈຍ - ລາວ - ຫວຽດນາມ (CLV), ຢ້ຽມຢາມ ແລະ ເຮັດວຽກຢູ່ ລາວ ໂດຍທ່ານປະທານສະພາແຫ່ງຊາດ ຫວຽດນາມ ເຫວືອງດິງເຫ້ວ ແລະ ຄະນະຜູ້ແທນຂັ້ນສູງສະພາແຫ່ງຊາດຫວຽດນາມ, ກ່ອນທີ່ຈະເດີນທາງໄປຢ້ຽມຢາມຣາຊະອານາຈັກໄທ ຢ່າງເປັນທາງການ.
ມິງດຶກ
