| ຊຸກຍູ້ການຮ່ວມມືຢ່າງມີປະສິດທິຜົນລະຫວ່າງສະພາແຫ່ງຊາດ 2 ປະເທດ ຫວຽດນາມ ແລະ ລາວ | |
| ຫວຽດນາມ - ລາວ ຊຸກຍູ້ການພົວພັນຮ່ວມມື ແລະ ຕິດພັນລະຫວ່າງສຳນັກງານຂ່າວສານແຫ່ງຊາດ 2 ປະເທດ |
ທ່ານ ຟ້າມມິງຈິ໊ງ ຢັ້ງຢືນວ່າ ຫວຽດນາມ ຍາມໃດກໍ່ຖືເປັນສໍາຄັນ ແລະໃຫ້ບຸລິມະສິດສູງສຸດສຳລັບການພົວພັນແບບພິເສດຫວຽດນາມ-ລາວ ແລະຈະສືບຕໍ່ໜູນຊ່ວຍລາວສ້າງພື້ນຖານເສດຖະກິດເອກະລາດ, ເປັນເຈົ້າຕົນເອງ, ມີຖັນແຖວພະນັກງານທີ່ມີຄຸນນະພາບສູງ; ເນັ້ນໜັກວ່າ ຕ້ອງເພີ່ມການເຊື່ອມຕໍ່ລະຫວ່າງສອງພື້ນຖານເສດຖະກິດ ແລະສົມທົບກັນແບ່ງປັນແນວທາງພັດທະນາ ເພື່ອຜົນປະໂຫຍດຂອງປະຊາຊົນສອງປະເທດ.
 |
ທ່ານນາຍົກລັດຖະມົນຕີ ຟ້າມມິງຈິ໊ງ ໄດ້ໃຫ້ການຕ້ອນຮັບທ່ານຮອງນາຍົກລັດຖະມົນຕີ, ລັດຖະມົນຕີວ່າການກະຊວງການຕ່າງປະເທດ ລາວ ສະເຫຼີມໄຊ ກົມມະສິດ |
ທ່ານ ຟ້າມມິງຈິ໊ງ ສະເໜີບັນດາກະຊວງ, ຂະແໜງການທີ່ກ່ຽວຂ້ອງຂອງສອງປະເທດກວດກາບັນດາຂົງເຂດຮ່ວມມື, ສົມທົບກັນແກ້ໄຂບັນດາຂໍ້ຕິດຄັດໃນບັນດາໂຄງການຮ່ວມມືຈຸດສຸມຢ່າງຮີບດ່ວນ, ພ້ອມກັນສູ້ຊົນນໍາການພົວພັນຮ່ວມມືສອງປະເທດເຂົ້າສູ່ໜ້າປະຫວັດສາດໃໝ່, ນັບມື້ນັບພັດທະນາຢ່າງແຮງ ແລະມີປະສິດທິຜົນກວ່າ; ເນັ້ນໜັກວ່າ ສອງຝ່າຍຄວນສືບຕໍ່ສົມທົບກັນຢ່າງແໜ້ນແຟ້ນ, ຜັນຂະຫຍາຍການເຄື່ອນໄຫວແລກປ່ຽນຄະນະຜູ້ແທນຂັ້ນສູງ ແລະກົນໄກຮ່ວມມືສໍາຄັນລະຫວ່າງສອງປະເທດ, ສົມທົບກັນຢ່າງແໜ້ນແຟ້ນ ແລະສະໜັບສະໜູນເຊິ່ງກັນ ແລະກັນຢູ່ບັນດາເວທີປາໄສຫຼາຍຝ່າຍເປັນຢ່າງດີ; ຢັ້ງຢືນວ່າ ຫວຽດນາມ ຈະສືບຕໍ່ໜູນຊ່ວຍຫຼາຍທີ່ສຸດທີ່ສາມາດເປັນໄປໄດ້ ເພື່ອໃຫ້ລາວດຳລົງຕຳແໜ່ງປະທານອາຊຽນ 2024 ປະສົບສໍາເລັດຜົນ.
ທ່ານ ສະເຫຼີມໄຊ ກົມມະສິດ ເຫັນດີເປັນເອກະພາບກັບບັນດາເນື້ອໃນແລກປ່ຽນຂອງທ່ານນາຍົກລັດຖະມົນຕີ ຟ້າມມິງຈິ໊ງ; ແຈ້ງໃຫ້ທ່ານນາຍົກລັດຖະມົນຕີ ຟ້າມມິງຈິ໊ງ ຮັບຊາບກ່ຽວກັບໝາກຜົນກອງປະຊຸມປຶກສາຫາລືດ້ານເມືອງຂັ້ນລັດຖະມົນຕີການຕ່າງປະເທດຫວຽດນາມ-ລາວ ຄັ້ງທີ 10; ຢັ້ງຢືນວ່າ ສອງປະເທດຈະສືບຕໍ່ຮ່ວມມື, ສົມທົບກັນຢ່າງແໜ້ນແຟ້ນໃນບັນດາບັນຫາພາກພື້ນ ແລະສາກົນ.
ຄຳຮຸ່ງ
