| ກອງປະຊຸມເຜີຍແຜ່ຂໍ້ມູນຂ່າວສານການຕ່າງປະເທດ ຢູ່ແຂວງບິ່ງດິ້ງ | |
| ກອງປະຊຸມ AMM-56: ຫວຽດນາມ - ລາວ ສົມທົບກັນຢູ່ບັນດາເວທີປາໄສຫຼາຍຝ່າຍ |
ກ່າວຄຳເຫັນທີ່ພິທີໄຂກອງປະຊຸມ, ທ່ານ ຫງວຽນຕ໋ວນຮຸ່ງ, ຮອງຜູ້ອຳນວຍການໃຫຍ່ສຳນັກຂ່າວສານຫວຽດນາມ ໃຫ້ຮູ້ວ່າ: ປີ 2023, ຫວຽດນາມ - ລາວ ຈະມີຫຼາຍການເຄື່ອນໄຫວ ເພື່ອສະເຫຼີມສະຫຼອງວັນສ້າງຕັ້ງການພົວພັນທາງການທູດ ແລະ ວັນລົງນາມໃນສົນທິສັນຍາມິດຕະພາບ ແລະ ການຮ່ວມມື. ການນຳຂັ້ນສູງຂອງສອງປະເທດ ໄດ້ມີຫຼາຍການເຄື່ອນໄຫວທີ່ສະແດງໃຫ້ເຫັນຄວາມສາມັກຄີ, ມິດຕະພາບ. ຄຽງຄູ່ກັບການເຄື່ອນໄຫວດັ່ງກ່າວ, ຄະນະຜູ້ແທນອະດີດຊ່ຽວຊານທີ່ຊ່ວຍເຫຼືອ KPL ກ່ອນປີ 1975 ໄດ້ສະເໜີສ້າງຕັ້ງສາຂາສະມາຄົມມິດຕະພາບ ຫວຽດນາມ - ລາວ ສຳນັກຂ່າວສານຫວຽດນາມ, ເຊິ່ວເປັນຊ່ອງການພົວພັນຕ່າງປະເທດປະຊາຊົນ, ປັດຈຸບັນໄດ້ກາຍເປັນຈິງແລ້ວ.
ກອງປະຊຸມໃຫຍ່ສ້າງຕັ້ງສາຂາສະມາຄົມມິດຕະພາບ ຫວຽດນາມ - ລາວ ສຳນັກຂ່າວສານຫວຽດນາມ ໄດ້ຈັດຂຶ້ນເນື່ອງໃນໂອກາດສະເຫຼີມສະຫຼອງ 55 ປີແຫ່ງວັນສ້າງຕັ້ງ KPL, ແມ່ນການສະແດງໃຫ້ເຫັນເຖິງສາຍພົວພັນແບບພິເສດ, ສະເໝີຕົ້ນສະເໝີປາຍ ແລະ ການຕິດພັນອັນສະໜິດແໜ້ນມາເປັນເວລາ 50 ກວ່າປີລະຫວ່າງປະຊາຊົນສອງປະເທດ ເວົ້າລວມ ແລະ ລະຫວ່າງສຳນັກຂ່າວສານສອງປະເທດ ເວົ້າສະເພາະ.
 |
ໂດຍສະແດງຄວາມຊົມເຊີຍກອງປະຊຸມໃຫຍ່, ທ່ານ ຈັນທະພອນ ຄຳມະນີຈັນ ທີ່ປຶກສາ, ຮອງເອກອັກຄະລັດຖະທູດລາວ ປະຈຳ ຫວຽດນາມ ໃຫ້ຮູ້ວ່າ: ລາວ ແລະ ຫວຽດນາມ ແມ່ນສອງປະເທດບ້ານໃກ້ເຮືອນຄຽງທີ່ມີສາຍພົວພັນມິດຕະພາບອັນເປັນມູນເຊື້ອຢ່າງດີງາມມາແຕ່ດົນນານ, ໄດ້ຮັບການສ້າງຂຶ້ນໂດຍຜູ້ນຳທີ່ຍິ່ງໃຫຍ່ຂອງສອງຊາດ ເຊິ່ງແມ່ນປະທານ ໂຮ່ຈີມິນ, ປະທານ ໄກສອນ ພົມວິຫານ ແລະ ປະທານ ສຸພານຸວົງ ທີ່ໄດ້ສ້າງພື້ນຖານ, ໄດ້ເພີ່ມພູນຄູນສ້າງດ້ວຍເຫື່ອແຮງ ແລະ ເລືອດເນື້ອຂອງການນຳສອງປະເທດ ແລະ ປະຊາຊົນສອງຊາດບໍ່ຈັກວ່າເທົ່າໃດລຸ້ນຄົນ ແລະ ນັບມື້ນັບໄດ້ຮັບການປັບປຸງໃຫ້ດີຂຶ້ນ. ໃນໄລຍະແຫ່ງການປ່ຽນໃໝ່, ສອງປະເທດສືບຕໍ່ຊ່ວຍເຫຼືອ ແລະ ຮ່ວມມືກັນເພື່ອພ້ອມກັນພັດທະນາ. ໂດຍສະເພາະໃນຂົງເຂດການສື່ສານ, ສຳນັກຂ່າວສານຫວຽດນາມ ໄດ້ສົ່ງນັກຊ່ຽວຊານ, ນັກຂ່າວໄປຢືນຄຽງບ່າຄຽງໄຫຼ່ກັບພະນັກງານລາວ ໃນການສະໜອງຂ່າວທີ່ຊັດເຈນ ແລະ ທັນການ.
ການສ້າງຕັ້ງສາຂາສະມາຄົມມິດຕະພາບ ຫວຽດນາມ - ລາວ ສຳນັກຂ່າວສານຫວຽດນາມ ແມ່ນເຫດການສຳຄັນ, ເປັນຂີດໝາຍທີ່ສະແດງໃຫ້ເຫັນຄວາມເອົາໃຈໃສ່ເປັນພິເສດຂອງ ຫວຽດນາມ, ໂດຍສະເພາະແມ່ນສຳນັກຂ່າວສານຫວຽດນາມ ໃນການສືບຕໍ່ຮັກສາ ແລະ ເສີມຂະຫຍາຍການພົວພັນອັນດີງາມລະຫວ່າງ 2 ປະເທດໃຫ້ນັບມື້ນັບແໜ້ນແຟ້ນ ແລະ ໝັ້ນຄົງ.
ໃນຂອບເຂດການພົບປະລະຫວ່າງການນຳ ສຳນັກຂ່າວສານຫວຽດນາມ ແລະ KPL ໃນຕອນເຊົ້າວັນທີ 25 ກໍລະກົດ, ສອງຝ່າຍໄດ້ປຶກສາຫາລືບັນດາທິດທາງຮ່ວມມື ເພື່ອແນໃສ່ເຮັດໃຫ້ການພົວພັນຮ່ວມມືຮອບດ້ານລະຫວ່າງ 2 ອົງການຂ່າວສານແຫ່ງຊາດ ຫວຽດນາມ ແລະ ລາວ ໃນໄລຍະໃໝ່ເລິກເຊິ່ງຂຶ້ນຕື່ມ.
ຄຳຮຸ່ງ
