| ການພົບປະເຈລະຈາ ລະຫວ່າງຄະນະພົວພັນຕ່າງປະເທດສູນກາງພັກ 2 ປະເທດຫວຽດນາມ ແລະ ລາວ | |
| ສະຫະລັດອາເມຣິກາ ສະໜັບສະໜູນ ປະເທດຫວຽດນາມ ເອກະລາດ ແລະ ວັດທະນາຖາວອນ |
ຕອນເຊົ້າວັນທີ 21 ກັນຍາ, ຢູ່ທີ່ຫໍສະພາແຫ່ງຊາດ ຫວຽດນາມ, ທ່ານຮອງປະທານສະພາແຫ່ງຊາດ ຫງວຽນຄັກດີ້ງ ໄດ້ຕ້ອນຮັບຄະນະຜູ້ແທນກຳມາທິການບັນດາເຜົ່າ ສະພາແຫ່ງຊາດລາວ ໂດຍທ່ານປະທານກຳມາທິການບັນດາເຜົ່າ ຄຳຈັນ ໂສຕາປະເສີດ ນຳໜ້າ.
 |
| ທ່ານຮອງປະທານສະພາແຫ່ງຊາດ ຫວຽດນາມ ຫງວຽນຄັກດິ້ງ ແລະ ທ່ານປະທານກຳມາທິການບັນດາເຜົ່າ ຄຳຈັນ ໂສຕາປະເສີດ. |
ທີ່ການຕ້ອນຮັບ, ທ່ານຮອງປະທານສະພາແຫ່ງຊາດ ຫງວຽນຄັກດີ້ງ ໄດ້ສະແດງຄວາມດີໃຈທີ່ເຫັນການພົວພັນລະຫວ່າງສອງພັກ, ສອງສະພາແຫ່ງຊາດ ແລະ ປະຊາຊົນ ຫວຽດນາມ - ລາວ ນັບມື້ນັບບັນລຸໄດ້ບັນດາໝາກຜົນທີ່ດີງາມ.
ທ່ານຮອງປະທານສະພາແຫ່ງຊາດ ໃຫ້ຮູ້ວ່າ: ຫວ່າງມໍ່ໆມານີ້, ສະພາແຫ່ງຊາດ ຫວຽດນາມ ໄດ້ເປັນເຈົ້າພາບຈັດຕັ້ງກອງປະຊຸມສະມາຊິກລັດຖະສະພາໜຸ່ມທົ່ວໂລກ ຄັ້ງທີ 9 ແລະ ໄດ້ຮັບການຕີລາຄາຈາກຫຼາຍສະພາແຫ່ງຊາດ/ລັດຖະສະພາໃນໂລກວ່າ ບັນລຸໄດ້ຜົນສຳເລັດທີ່ບໍ່ຄາດຄິດ, ໃນນັ້ນມີການປະກອບສ່ວນຂອງຄະນະຜູ້ແທນສະພາແຫ່ງຊາດໜຸ່ມຂອງລາວ.
ທ່ານຮອງປະທານສະພາແຫ່ງຊາດ ສະເໜີໃຫ້ສະພາແຫ່ງຊາດ 2 ປະເທດ ແລະ ບັນດາກຳມາທິການສະພາແຫ່ງຊາດ 2 ປະເທດສືບຕໍ່ສົມທົບກັນຕິດຕາມກວດກາ, ຊຸກຍູ້ການຜັນຂະຫຍາຍບັນດາຂໍ້ຕົກລົງຮ່ວມມືດ້ານການຄ້າ ແລະ ການລົງທຶນ, ເພີ່ມທະວີການຮ່ວມມືລະຫວ່າງ 2 ພື້ນຖານເສດຖະກິດ; ສົມທົບກັນແກ້ໄຂບັນດາຂໍ້ຫຍຸ້ງຍາກ ແລະ ຄົງຄ້າງ, ຊອກຫາແຫຼ່ງທຶນ, ມຸ່ງໄປຕາມທິດທາງໃໝ່ ແລະ ມີປະສິດທິຜົນໃຫ້ບັນດາໂຄງການຮ່ວມມື, ພິເສດແມ່ນບັນດາໂຄງການກໍ່ສ້າງພື້ນຖານໂຄງລ່າງ.
ທ່ານປະທານກຳມາທິການບັນດາເຜົ່າ ສະພາແຫ່ງຊາດລາວ ສະເໜີສະພາແຫ່ງຊາດ ຫວຽດນາມ ສືບຕໍ່ໜູນຊ່ວຍສະພາແຫ່ງຊາດ ແລະ ປະຊາຊົນລາວ; ເຊື່ອໝັ້ນ ແລະ ຕັ້ງຫວັງວ່າ ບັນດາການເຄື່ອນໄຫວຂອງຄະນະຢູ່ຫວຽດນາມ ຈະບັນລຸໄດ້ບັນດາໝາກຜົນອັນຕັ້ງໜ້າ, ປະກອບສ່ວນເພີ່ມພູນຄູນສ້າງສາຍພົວພັນມິດຕະພາບທີ່ເປັນມູນເຊື້ອອັນດີງາມລະຫວ່າງ ລາວ - ຫວຽດນາມ ໃຫ້ຂຽວສົດງົດງາມ ແລະ ໝັ້ນຄົງທະນົງແກ່ນຕະຫຼອດໄປ.
ໂດຍສະແດງຄວາມຂອບໃຈຕໍ່ທ່ານຮອງປະທານສະພາແຫ່ງຊາດ ຫງວຽນຄັກດີ້ງ ທີ່ໄດ້ສະຫຼະເວລາໃຫ້ການຕ້ອນຮັບຄະນະ, ທ່ານປະທານກຳມາທິການບັນດາເຜົ່າ ສະພາແຫ່ງຊາດ ລາວ ຄຳຈັນ ໂສຕາປະເສີດ ໄດ້ຕີລາຄາສູງບັນດາໝາກຜົນທີ່ຫວຽດນາມ ບັນລຸໄດ້ໃນການພັດທະນາເສດຖະກິດ - ສັງຄົມ.
ດີງເລື້ອງ
