​ຕໍ່າຫູກ - ວັດ​ທະ​ນະ​ທຳ​ພື້ນ​ເມືອງ ​ທີ່​ເປັນ​ເອ​ກະ​ລັກ​ສະ​ເພາະ​ຂອງ​ຊົນ​ເຜົ່າ ກະຕູ່ ຢູ່​ຫວຽດ​ນາມ ແລະ ລາວ
	ນັກ​ສຶກ​ສາ​ຫວຽດ​ນາມ ​ໄດ້ທີ່ຊະນະເລີດການ​ແຂ່ງ​ຂັນໂຣບົດ​ໃຫຍ່​ທີ່​ສຸດ​ໃນ​ໂລກ

ບັນດາ​ການ​ເຄື່ອນ​ໄຫວ​ຂ້າງ​ເທິງ​ນີ້​ ແມ່ນ​ສ່ວນ​ໜຶ່ງ​ຂອງ​ບັນດາ​ການ​ເຄື່ອນ​ໄຫວ​ຂອງ​ບຸນ ອອກອ່ອມບອກ (Ooc Om Boc) - ງານ​ແຂ່ງ​ຂັນ​ເຮືອ​ຊ່ວງ ຢູ່​ແຂວງ ຊອກຈັ່ງ ປີ 2023.

ຮູບແຕ້ມ ສູງ 4 ແມັດ, ກວ້າງ 7 ແມັດ, ເຮັດຈາກວັດສະດຸເຂົ້າ ST25. ຮູບແຕ້ມທັງໝົດແມ່ນການປະກອບຈາກຮູບແຕ້ມ 14 ແຜ່ນ (ແຕ່ລະຮູບມີຂະໜາດ 1m x 2m), ຂອບຮູບເຮັດດ້ວຍ composite. .

ຮູບແຕ້ມທີ່ໃຫຍ່ທີ່ສຸດຂອງຫວຽດນາມ ໄດ້ເຮັດຈາກເຂົ້າ ST

ພາບແຕ້ມ ດ້ວຍຫົວຂໍ້ “ຕົ້ນເຂົ້າ ຊອກຈັ່ງ ໃນອະດີດ ແລະ ປະຈຸບັນ” ໄດ້ສ່ອງແສງເຖິງ 2 ໄລຍະແຫ່ງການປ່ຽນແປງຈາກການຜະລິດແບບດັ້ງເດີມ ໄປສູ່ການນຳໃຊ້ວິທະຍາສາດ ແລະ ເຕັກນິກຂອງຂະແໜງກະສິກຳຂອງ ຫວຽດນາມ ເວົ້າລວມ, ເວົ້າສະເພາະ ກະສິກຳຂອງແຂວງຊອກຈັ່ງ.

ຈຸດເດັ່ນຂອງຮູບແຕ້ມ ແມ່ນສັນຍາລັກຂອງແນວພັນເຂົ້າ ST25, ເຊິ່ງສະແດງເຖິງຄວາມພາກພູມໃຈ ແລະ ຄວາມເປັນກຽດຂະແໜງກະສິກຳຂອງແຂວງຊອກຈັ່ງ ເຊິ່ງເປັນຄັ້ງທຳອິດ ທີ່ໄດ້ຮັບນາມມະຍົດເປັນ “ເຂົ້າທີ່ແຊບທີ່ສຸດໃນໂລກ” ໃນປີ 2019. ຜະລິດຕະພັນນີ້ ກໍ່ໄດ້​ແນະສະ​ເໜີ​ສານກ່ຽວ​ກັບ ​ການ​ປ່ຽນແປງໃໝ່ ​ແລະ ການພັດທະນາ​ຢ່າງ​ບໍ່​ຢຸດ​ຢັ້ງ​ຂອງ​ແຂວງ ​ຊອກຈັ່ງ ​ໃນ​ການ​ກໍ່ສ້າງພື້ນຖານ​ກະສິກຳ​ທີ່ທັນ​ສະ​ໄໝ ​ແລະ ຍືນ​ຍົງ.

ການນຳແຂວງໄດ້ໄປຢ້ຽມຢາມ ແລະ ຖ່າຍຮູບທີ່ລະນຶກ ກັບຮູບແຕ້ມທີ່ໃຫຍ່ທີ່ສຸດຢູ່ ຫວຽດນາມ ທີ່ເຮັດດ້ວຍເຂົ້າສານ ST.

ພາຍຫຼັງ​ສຳ​ເລັດ​ແລ້ວ, ຮູບ​ແຕ້ມ​ດັ່ງກ່າວ​ ຈະ​ໄດ້​ວາງສະ​ແດງ​ໃຫ້​ປະຊາຊົນ ​ແລະ ນັກ​ທ່ອງ​ທ່ຽວ ທັດສະນະ​ຢູ່​ສວນສາທາລະນະ 30/4, ຢູ່​ຕໍ່ໜ້າ​ຮູບ​ປັ້ນ ທ່ານສາດສະດາຈານ ​ທ່ານໝໍ ​ກະ​ເສດ​ສາດ ​ເລືອງ ​ດິ່ງ​ ກວ໋າ (ຕາແສງ 1, ນະຄອນ​ຊອກຈັ່ງ).

ເນື່ອງ​ໃນ​ໂອກາດ​ນີ້, ​ແຂວງຊສອກຈັ່ງ ​ກໍ່ໄດ້​ຈັດ​ຕັ້ງ​ງານ​ບຸນມະໂຫລານ​ອາຫານ​ຕາມ​ຖະໜົນ​ ດ້ວຍ​ຫົວ​ຂໍ້​ວ່າ “ລົດ​ຊາດ​ຂອງ ຊອກຈັ່ງ (Soc Trang)”ຄັ້ງທີ V. ງານ​ບຸນ​ໄດ້​ເຕົ້າ​ໂຮມ​ເກືອບ 50 ຮ້ານ​​ວາງສະ​ແດງ, ປຸງ​ແຕ່ງ ​ແລະ ແນະນຳ​ອາຫານ​ການ​ກິນ​ຂອງ​ບັນດາທຸລະກິດ​ທີ່ໃຫ້ບໍລິການດ້ານ​ອາຫານ, ເຄື່ອງດື່ມ, ບັນດານັກສິນລະປິນ ​ໃນແຂວງ, ຮັບໃຊ້ປະຊາຊົນ ແລະ ນັກທ່ອງທ່ຽວທີ່ມາເຂົ້າຮ່ວມງານບຸນ Ooc Om Boc, ບຸນຊ່ວງເຮືອ - ຊອກຈັ່ງ Soc Trang ປີ 2023. ເພື່ອເຮັດໃຫ້ບັນດາການເຄື່ອນໄຫວງານບຸນມີຄວາມຫຼາກຫຼາຍ, ແຕ່ລະຄືນ, ຄະນະຈັດຕັ້ງໄດ້ສົມທົບກັບບັນດາລາຍການສະແດງສິລະປະວັດທະນະທຳ, ກິດຈະກຳບັນເທີງ, ການຖາມຕອບ ມີລາງວັນ ເພື່ອຮັບໃຊ້ນັກທ່ອງທ່ຽວ. ງານ​ບຸນ​ແກ່ຍາວ​ຮອດ​ວັນ​ທີ 27 ພະຈິກ.

ຊອກຈັ່ງ ແມ່ນ​ແຂວງ​ທີ່​ມີ​ທ່າແຮງ ກ່ຽວກັບ​ການ​ພັດ​ທະ​ນາ​ກະ​ສິ​ກຳ, ຕົ້ນເຂົ້າ​ແມ່ນ​ຜະ​ລິດ​ຕະ​ພັນ​ກະ​ເສດ​ຕົ້ນ​ຕໍ​ຂອງ ຊອກຈັ່ງ; ໃນນັ້ນ, ກຸ່ມແນວພັນເຂົ້າຫອມ ST ມີຄຸນນະພາບດີເດັ່ນ ບັນລຸການສົ່ງອອກສູງ ແລະ ນຳເອົາເມັດເຂົ້າຫວຽດນາມ ເວົ້າລວມ, ເວົ້າສະເພາະແມ່ນແຂວງຊອກຈັ່ງ ໄປສູ່ລະດັບໂລກ ເຊັ່ນ: ເຂົ້າສານ ST 24 ໄດ້ຮັບກຽດເປັນ “ອັນດັບ 3”. "ເຂົ້າທີ່ແຊບທີ່ສຸດໃນໂລກ" ແລະ ST 25 ຍາດໄດ້ລາງວັນສູງສຸດ ໃນການແຂ່ງຂັນເຂົ້າທີ່ແຊບທີ່ສຸດຂອງໂລກ 2019.

ຜົນສຳເລັດອັນພົ້ນເດັ່ນນີ້ ແມ່ນເປັນຂອງຄະນະຄົ້ນຄວ້າແນວພັນເຂົ້າ ST 25 ລວມມີ: ທ່ານນັກວິສະວະກອນ ໂຮ່ກວາງກວາ; ທ່ານ ປອ ເຈິີນເຕີ້ນເຟື່ອງ ​ແລະ ທ່ານ ປທ ຫງວຽນ​ທິທູ​ເຮືອງ ທີ່ໄດ້ຮັບຖື​ວ່າ​ແມ່ນ​ການ​ເສື່ອມສານ ບັນດາ​ຜົນງານ​ອັນ​ໃຫຍ່​ຫຼວງ​ຂອງ ທ່ານ​ສາດສະດາຈານ ທ່ານໝໍ ກະເສດສາດ ​ເລືອງ​ດິງກວ໋າ, ເຊິ່ງ​ແມ່ນ​ລູກ​ຫຼານດີ​ເດັ່ນ​ຂອງ​ບ້ານ​ເກີດເມືອງນອນ ຊອກຈັ່ງ ທີ່​ມີ​ຜົນງານ​ການ​ປະກອບສ່ວນ​ອັນ​ໃຫຍ່​ຫຼວງ ​ເຂົ້າ​ໃນ​ການ​ພັດທະນາ​ພື້ນຖານກະສິກຳຕົ້ນເຂົ້າຂອງເຂດທົ່ງພຽງແມ່ນ້ຳຂອງ ແລະ ຫວຽດນາມ.