| ມີນັກກິລາ 300 ຄົນເຂົ້າຮ່ວມການແຂ່ງຂັນຕີດອກປີກໄກ່ ສຳລັບຄົນຫວຽດນາມ ຢູ່ ຍີ່ປຸ່ນ ທົ່ວປະເທດ | |
| ຊາວນາມຈ່າໝິ່ ແຂວງກວາງນາມ ພາກພູມໃຈທີ່ມີນາມສະກຸນລຸງໂຮ່ |
ຄວາມຈິງ, ຄົນຫວຽດນາມມີ 100 ນາມສະກຸນ ແລະ ຖືກກະແຈກກະຈາຍໄປທົ່ວຫວຽດນາມ. ແຕ່ໃນນັ້ນ, ມີ 3 ນາມສະກຸນໃຫຍ່ທີ່ກວມເອົາມາດຕາສ່ວນ ຈຳນວນປະຊາກອນຫຼາຍກວ່າໝູ່ຄື: ຫງວຽນ, ເຈີ່ນ ແລະ ເລ. ນອກຈາກນັ້ນ, ຍັງມີອີກ 97 ນາມສະກຸນທີ່ມີມາດຕາສ່ວນຕໍ່າກວ່າ. ໃນນັ້ນ, ມີນາມສະກຸນທີ່ມີປະຊາກອນສ່ວນໜ້ອຍເຊັ່ນ: ວຽນ, ຫງູ້ຍ, ໂຕນເທີດ, ໂອ່ງ...
 |
ມີຫຼາຍຂໍ້ມູນສະແດງໃຫ້ເຫັນວ່າ ຄົນຫວຽດນາມມີນາມສະກຸນຫຼາຍກວ່າ 100. ໃນປຶ້ມນາມສະກຸນ ແລະ ຊື່ຫວຽດນາມ (ສຳນັກພິມຈຳໜ່າຍວິທະຍາສາດສັງຄົມ), ທ່ານຮອງສາດສະດາຈານ, ປອ ເລຈຸງຮ່ວາ ໄດ້ສະຖິຕິທັງໝົດບັນດານາມສະກຸນທີ່ໄດ້ຮອງຮັບໃນດິນແດນຂອງ ຫວຍດນາມ; ຕົວເລກນີ້ເພີ່ມຂຶ້ນໂດຍຜ່ານບັນດາເທື່ອພິມຄັ້ງໃໝ່. ສະເພາະໃນສະບັບພິມຄັ້ງທໍາອິດໃນປີ 1992, ມີ 769 ນາມສະກຸນ, ໃນນັ້ນປະຊາຊົນ ກິງ ມີ 164 ນາມສະກຸນ.
ໃນການພິມຈຳໜ່າຍຕັ້ງໃໝ່, ຈຳນວນນາມສະກຸນຂອງຊາວເຜົ່າກິງ ໄດ້ປ່ຽນແປງໜ້ອຍຫຼາຍ, ແຕ່ຫຼາຍນາມສະກຸນຂອງຊາວເຜົ່າອື່ນໄດ້ຮັບການບັນທຶກໂດຍຄະນະຄົ້ນຄວ້າຂອງ ທ່ານ ຮອງສາດສະດາຈານ, ປອ ເລຈຸງຮ່ວາ. ສະເພາະໃນເອກະສານພິມ 2022, ຈຳນວນນາມສະກຸນໃນທົ່ວປະເທດແມ່ນ 931 ນາມສະກຸນ, ໃນນັ້ນມີ 165 ນາມສະກຸນເປັນຂອງຊາວເຜົ່າກິງ.
ໃນນັ້ນ, ນາມສະກຸນຫງວຽນ ແມ່ນໃຫຍ່ກວ່າໝູ່, ກວມເອົາ 38,4% ຈຳນວນພົນລະເມືອງ. ທີ 2 ແມ່ນນາມສະກຸນ ເຈີ່ນ 12,1%, ນາມສະກຸນເລ 9,5%, ນາມສະກຸນຟ້າມ 7%, ນາມສະກຸນຮ່ວາງ/ຮວິ່ງ 5,1%, ນາມສະກຸນຟານ 4,5%, ນາມສະກຸນຫວູ/ຫວໍ 3,9%. ສະເພາະ 7 ນາມສະກຸນນີ້ກວມ 80.5% ຂອງປະຊາກອນ.
ນາມສະກຸນອື່ນທີ່ຂ້ອນຂ້າງຫຼາຍຄື: ດັ້ງ (2.1%), ບຸ່ຍ (2%), ໂດ໊ (1,4%), ໂຮ (1,3%), ໂງ (1,3%), ເຢືອງ (1%), ລີ໋ (0,5%).
ດັ່ງນັ້ນ, ຫຼາຍກວ່າ 90% ຂອງພົນລະເມືອງຫວຽດນາມ ແມ່ນນອນໃນ 14 ນາມສະກຸນໃຫຍ່ທີ່ກ່າວມາຂ້າງເທິງ, ນາມສະກຸນທີ່ຍັງເຫຼືອພຽງແຕ່ມີໜ້ອຍກວ່າ 10% ຂອງຈຳນວນປະຊາກອນເທົ່ານັ້ນ.
ດີງເລື້ອງ
