| ພິທີໄຂເວທີປາໄສທາງປັນຍາຊົນຫວຽດນາມ ຢູ່ ຍີ່ປຸ່ນ | |
| ຫວຽດນາມ ປາດຖະໜາຢາກຊອກຮູ້ປະສົບການຈາກ ຍີ່ປຸ່ນ ແລະ ບັນດາປະເທດທີ່ມີການສຶກສາກ້າວໜ້າ |
ການແຂ່ງຂັນໂດຍສະມາຄົມດອກປີກໄກ່ ຫວຽດນາມ ປະຈຳ ຍີ່ປຸ່ນ (BAVIJA), ສະມາຊິກຂອງອົງການຈັດຕັ້ງພົບປະແລກປ່ຽນສາກົນຫວຽດນາມ ຍີ່ປຸ່ນ (FAVIJA), ພາຍໃຕ້ການໜູນຊ່ວຍຂອງສະຖານທູດຫວຽດນາມ ປະຈຳ ຍີ່ປຸ່ນ.
ດ້ວຍນັກກິລາສະໝັກຫຼິ້ນ 300 ຄົນທີ່ມາຈາກ 21 ສະໂມສອນຕີດອກປີກໄກ່ຂອງຄົນຫວຽດນາມ ທີ່ພວມຮ່ຳຮຽນ, ເຮັດວຽກ ແລະ ດຳລົງຊີວິດຢູ່ທົ່ວປະເທດ ເບື້ອງຕາເວັນຂຶ້ນ, ພ້ອມກັບນັກກິລາຄົນຍີ່ປຸ່ນຈາກບັນດາເຂດຄື: Kanto, Kansai, Tokai, Chubu, Hokkaido… ມາເຂົ້າຮ່ວມໃນ 7 ເນື້ອໃນການແຂ່ງຂັນ.
 |
| ພິທີມອບລາງວັນໃຫ້ບັນດານັກກິລາ. |
ໂດຍເຂົ້າຮ່ວມ ແລະ ເຊຍໃນການແຂ່ງຂັນ, ທ່ານ ຫງວຽນດຶກມິງ, ອັກຄະລັດຖະທູດຫວຽດນາມ ປະຈຳ ຍີ່ປຸ່ນ ໃຫ້ຮູ້ວ່າ: “ການແຂ່ງຂັນກິລາຄັ້ງນີ້ ມີບົດບາດ ແລະ ຄວາມໝາຍອັນໃຫຍ່ຫຼວງໃນການຊຸກຍູ້ການພັດທະນາບັນດາເຄື່ອນໄຫວສະໜິດຕິດພັນປະຊາຄົມ. ການແຂ່ງຂັນຄັ້ງນີ້ຍັງໄດ້ປະກອບສ່ວນເຂົ້າໃນຜົນສຳເລັດລວມຂອງກຸ່ມບັນດາເຫດການສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນ ຍີ່ປຸ່ນ - ຫວຽດນາມ”.
ການແຂ່ງຂັນກິລາຄັ້ງນີ້ບໍ່ພຽງແຕ່ແມ່ນສະໜາມກິລາເພື່ອອອກກຳລັງກາຍເທົ່ານັ້ນ, ຫາກຍັງແມ່ນໂອກາດເພື່ອໃຫ້ຊາວຫວຽດນາມ ອາໄສຢູ່ໄກບ້ານໄດ້ຫຍັບເຂົ້າໃກ້ຊິດກັນກວ່າ, ແບ່ງປັນບົດຮຽນຊີວິດ, ຊ່ວຍເຫຼືອເຊິ່ງກັນ ແລະ ກັນ, ຊອກກາລະໂອກາດອາຊີບວຽກເຮັດງານທຳໃຫ້ແກ່ກັນ.
ຊາວຫວຽດນາມຢູ່ຕ່າງປະເທດ ແລະ ທ້ອງຖິ່ນນັບຮ້ອຍຄົນໄດ້ມາທີ່ສະໜາມກິລາເພື່ອຊົມເຊຍ, ສ້າງບັນຍາກາດອັນຟົດຟື້ນ ແລະ ອົບອຸ່ນ, ເພີ່ມທະວີສາຍພົວພັນມິດຕະພາບທີ່ເປັນມູນເຊື້ອລະຫວ່າງຊາວຫວຽດນາມຢູ່ຕ່າງປະເທດກັບຊາວທ້ອງຖິ່ນ.
ໃນຕອນທ້າຍຂອງການແຂ່ງຂັນ, ຄະນະຈັດຕັ້ງໄດ້ມອບລາງວັນທີ່ຫນຶ່ງໃນການພົບປະແລກປ່ຽນສາກົນໃຫ້ທີມຂອງຍີ່ປຸ່ນ.
ຄະນະຈັດຕັ້ງຍັງໄດ້ມອບຫຼຽນກາລະນຶກໃຫ້ແກ່ບັນດາບຸກຄົນ ແລະ ອົງການຈັດຕັ້ງທີ່ມີການປະກອບສ່ວນອັນໃຫຍ່ຫຼວງເຂົ້າໃນຜົນສຳເລັດຂອງການແຂ່ງຂັນ.
ດີງເລື້ອງ
