| ຮ່າໂນ້ຍ - ວຽງຈັນ: ເພີ່ມທະວີການແລກປ່ຽນປະສົບການໃນວຽກງານແນວໂຮມປະເທດຊາດ | |
| ນາຍົກລັດຖະມົນຕີ ລາວ ຕີລາຄາສູງການຮ່ວມມືລະຫວ່າງນະຄອນຫຼວງ ວຽງຈັນ ແລະ ຮ່າໂນ້ຍ |
ສະແດງຄວາມດີໃຈທີ່ໄດ້ຕ້ອນຮັບຄະນະຜູ້ແທນພະແນກສຶກສາທິການ ແລະ ກິລານະຄອນຫຼວງວຽງຈັນ (ລາວ) ມາຢ້ຽມຢາມ ແລະ ເຮັດວຽກ, ຫົວໜ້າພະແນກສຶກສາ ແລະ ບຳລຸງສ້າງຮ່າໂນ້ຍ ທ່ານ ເຈີນເທເກື່ອງ ໄດ້ແນະນຳໃຫ້ຄະນະຜູ້ແທນ ກ່ຽວກັບສູນປະຕິບັດງານຂອງຂະແໜງການຢູ່ໃນພະແນກສຶກສາ, ການຝຶກອົບຮົມ ແລະ ຂໍ້ມູນຂ່າວສານ. ພະແນກສຶກສາ ແລະ ບຳລຸງສ້າງ: ຮ່າໂນ້ຍ ມີຂະແໜງການສຶກສາໃຫຍ່ກວ່າໝູ່ໃນທົ່ວປະເທດ ດ້ວຍໂຮງຮຽນອະນຸບານ ແລະ ມັດທະຍົມປາຍ 2.840 ແຫ່ງ, ມີນັກຮຽນເກືອບ 2,2 ລ້ານຄົນ ແລະ ຄູສອນປະມານ 123.000 ຄົນ. ບໍ່ພຽງແຕ່ເທົ່ານັ້ນ, ເປັນເວລາຫຼາຍປີລຽນຕິດ, ຮ່າໂນ້ຍ ຍັງໄດ້ນຳໜ້າໃນດ້ານຄຸນນະພາບຂອງການສຶກສາທັງມະຫາຊົນ ແລະ ກ້າວໜ້າ.
 |
ຜູ້ຕາງໜ້າຂະແໜງການສຶກສາ ແລະ ບຳລຸງສ້າງ ຮ່າໂນ້ຍ ມອບຂອງທີ່ລະນຶກໃຫ້ຄະນະຜູ້ແທນຂະແໜງສຶກສາ ແລະ ກິລາ ນະຄອນຫຼວງວຽງຈັນ |
ຫວນຄືນສາຍພົວພັນອັນສະໜິດສະໜົມລະຫວ່າງ 2 ປະເທດ ແລະ 2 ນະຄອນຫຼວງ, ໃນນັ້ນມີຂະແໜງການສຶກສາ, ທ່ານ ເຈີ່ນດ້າຍກວາງ ໃຫ້ຮູ້ວ່າ: ໃນໄລຍະມໍ່ໆມານີ້, ຂະແໜງການສຶກສາຂອງ 2 ນະຄອນຫຼວງ ໄດ້ປະຕິບັດຫຼາຍການເຄື່ອນໄຫວຮ່ວມມື, ສະໜັບສະໜູນ ແລະ ຊ່ວຍເຫຼືອເຊິ່ງກັນ ແລະ ກັນ.
ນັບແຕ່ປີ 1980 ຮອດປະຈຸບັນ, ມີນັກສຶກສາລາວປະມານ 2,7 ພັນຄົນໄປຮຽນ ແລະ ບຳລຸງສ້າງຢູ່ຫວຽດນາມ. ບາງໂຮງຮຽນຢູ່ນະຄອນຮ່າໂນ້ຍ ເຊັ່ນ ໂຮງຮຽນມັດທະຍົມສຶກສາ ຫງວຽນຢູ, ໂຮງຮຽນມັດທະຍົມກິມລຽນ... ກໍ່ໄດ້ລົງນາມໃນສັນຍາຮ່ວມມືກັບບັນດາໂຮງຮຽນຢູ່ບັນດາປະເທດ.
ໃຫ້ຄຳໝັ້ນສັນຍາພ້ອມແລ້ວທີ່ຈະສະໜັບສະໜູນຂະແໜງການສຶກສາຂອງນະຄອນຫຼວງວຽງຈັນ, ທ່ານ ເຈີ່ນດ້າຍກວາງ ເຊື່ອໝັ້ນວ່າ, ການພົວພັນຮ່ວມມືລະຫວ່າງຂະແໜງການສຶກສາຂອງສອງນະຄອນຫຼວງຈະສືບຕໍ່ພັດທະນາຢ່າງແຂງແຮງ.
ທີ່ການພົບປະ, ທ່ານ ສົມພອນ ແສນດາລາ, ຫົວໜ້າພະແນກສຶກສາ ແລະ ກິລາ ນະຄອນຫຼວງວຽງຈັນ ໄດ້ຂອບໃຈນະຄອນ ແລະ ຂະແໜງການສຶກສາ ຮ່າໂນ້ຍ ທີ່ໄດ້ໃຫ້ການຊ່ວຍເຫຼືອລາວ ໃນການບຳລຸງສ້າງແຫຼ່ງຊັບພະຍາກອນມະນຸດໃນໄລຍະມໍ່ໆມານີ້; ພ້ອມກັນນັ້ນ, ຫວັງວ່າ 2 ຝ່າຍຈະສືບຕໍ່ປະຕິບັດບັນດາການເຄື່ອນໄຫວໜູນຊ່ວຍ ແລະ ການຮ່ວມມືໃນຂົງເຂດສຶກສາ ແລະ ບຳລຸງສ້າງ.
ພວກຂ້າພະເຈົ້າໄດ້ພົບປະກັບບັນດານັກສຶກສາທີ່ໄດ້ຮັບການຝຶກອົບຮົມຢູ່ຮ່າໂນ້ຍ, ເມື່ອກັບຄືນປະເທດລາວ, ໃນນັ້ນສ່ວນຫຼາຍແມ່ນຄົນທີ່ມີຄວາມສາມາດດີ ແລະ ມີປະສິດທິຜົນ. ສະນັ້ນ, ໃນການເດີນທາງມາເຮັດວຽກຄັ້ງນີ້, ຫວັງວ່າສອງຝ່າຍຈະປຶກສາຫາລືກັນຢ່າງເລິກເຊິ່ງ, ຊ່ວຍໃຫ້ຂະແໜງການສຶກສາຂອງນະຄອນຫຼວງວຽງຈັນຊອກຫາວິທີແກ້ໄຂເພື່ອປັບປຸງຄຸນນະພາບການສຶກສາ,” ທ່ານ ສົມພອນ ສີດາລາ, ຫົວໜ້າພະແນກສຶກສາທິການ ແລະ ກິລາ ນະຄອນຫຼວງວຽງຈັນ ກ່າວ.
ໃນຂອບເຂດການເຮັດວຽກ, ຄະນະຜູ້ແທນຂອງພະແນກສຶກສາ ແລະ ກິລາ ນະຄອນ ວຽງຈັນ ໄດ້ໄປຢ້ຽມຢາມ ໂຮງຮຽນມັດທະຍົມສຶກສາ ກວ໋າງຈີ - ໂຮງຮຽນຄຸນນະພາບສູງຂອງເມືອງ ກວ໋າງຈີ ແລະ ນະຄອນ ຮ່າໂນ້ຍ ເພື່ອແນໃສ່ຊີ້ນຳຕົວແບບໂຮງຮຽນ ແລະ ວິທີການສຶກສາຂອງໂຮງຮຽນ.
ຄຳຮຸ່ງ
