 | ປັດໃຈສະດວກໃຫ້ແກ່ການເຕີບໂຕເສດຖະກິດຂອງຫວຽດນາມ 2025 |
| ບຸນປີໃໝ່ປະຈຳຊາດ ຫວຽດນາມ ທີ່ຄຶກຄັກຢູ່ Ibaraki 2025 |
ການເຄື່ອນໄຫວທີ່ມີປະສິດທິຜົນ ແລະ ແທດຈິງ
ຕາມບົດລາຍງານທີ່ກອງປະຊຸມ, ໃນປີ 2024, ຄະນະກຳມະການສັນຕິພາບ ຫວຽດນາມ ໄດ້ເປັນເຈົ້າການ ແລະ ຕັ້ງໜ້າຜັນຂະຫຍາຍບັນດາການເຄື່ອນໄຫວສັນຕິພາບ, ຄວາມສາມັກຄີ ແລະ ມິດຕະພາບດ້ວຍຮູບການທີ່ຫຼາກຫຼາຍ ແລະ ອຸດົມສົມບູນ ເຊັ່ນ: ການແລກປ່ຽນຄະນະຜູ້ແທນສອງຝ່າຍ ແລະ ເຂົ້າຮ່ວມບັນດາເວທີປາໄສສາກົນ, ກອງປະຊຸມສາກົນ, ຕ້ອນຮັບຄະນະ ແລະ ປະສານງານ, ຢ້ຽມຢາມ... ບັນດາການເຄື່ອນໄຫວດ້ວຍເນື້ອໃນທີ່ແທດຈິງ, ໂດຍຜ່ານນັ້ນ ກໍ່ໄດ້ປັບປຸງ ແລະ ນຳການພົວພັນກັບບັນດາຄູ່ຮ່ວມມືໃຫ້ນັບມື້ນັບເຂົ້າສູ່ເລິກເຊິ່ງ, ປະກອບສ່ວນຢ່າງຕັ້ງໜ້າ ແລະ ເສີມຂະຫຍາຍບົດບາດໃນບັນດາຂະບວນການປະຊາຊົນໃນພາກພື້ນ ແລະ ສາກົນ.
 |
| ກອງປະຊຸມຄະນະປະຈຳ - ຄະນະປະທານຄະນະກຳມະການສັນຕິພາບ ຫວຽດນາມ |
ລະອຽດ, ຄະນະກຳມະການສັນຕິພາບ ຫວຽດນາມ ໄດ້ຕ້ອນຮັບທ່ານປະທານສະພາສັນຕິພາບໂລກ Pallab Sengupta ເຂົ້າຮ່ວມພິທີສະເຫຼີມສະຫຼອງ 70 ປີແຫ່ງວັນໄຊຊະນະ ດ້ຽນບຽນຝູ; ເຂົ້າຮ່ວມກອງປະຊຸມຄະນະບໍລິຫານງານສະພາສັນຕິພາບໂລກ ທີ່ປະເທດ ເນປານ, ກອງປະຊຸມກ່ຽວກັບການຕ້ານລູກລະເບີດປະລະມານູ ແລະ ໄຮໂດເຈນ, ງານສະເຫຼີມສະຫຼອງວັນສັນຕິພາບສາກົນຢູ່ແຂວງ ຊານຕົງ, ປະເທດ ຈີນ; ຕ້ອນຮັບຄະນະຜູ້ແທນຄະນະກຳມະການສັນຕິພາບ ແລະ ຄວາມສາມັກຄີແຫ່ງຊາດ ລາວ ແລະ ສະພາສັນຕິພາບ ແລະ ຄວາມສາມັກຄີແຫ່ງຊາດ ເນປານ ເດີນທາງມາຢ້ຽມຢາມ ແລະ ເຮັດວຽກຢູ່ ຫວຽດນາມ...
ໂດຍຜ່ານການເຄື່ອນໄຫວຕ້ອນຮັບທ່ານ Iraklis Tsavdaridis, ເລຂາຜູ້ປະຈຳການສະພາສັນຕິພາບໂລກ ມາຢ້ຽມຢາມ ແລະ ເຮັດວຽກຢູ່ ຫວຽດນາມ, ຄະນະກຳມະການສັນຕິພາບ ຫວຽດນາມ ໄດ້ແຈ້ງໃຫ້ເພື່ອນມິດຊາບກ່ຽວກັບບັນດາຜົນງານໃນການປົກປັກຮັກສາ ແລະ ຊຸກຍູ້ສິດທິມະນຸດຢູ່ ຫວຽດນາມ ຢ່າງຕັ້ງໜ້າ, ພິເສດແມ່ນໃນຂົງເຂດຮັບປະກັນສິດໃນການດຳລົງຊີວິດຢ່າງມີສັນຕິພາບ, ສະຖຽນລະພາບ ແລະ ປັບປຸງຄຸນນະພາບຊີວິດຂອງປະຊາຊົນຢ່າງບໍ່ຢຸດຢັ້ງ.
ໂຄງການການສຶກສາສັນຕິພາບຂອງຄະນະກຳມະການສັນຕິພາບ ຫວຽດນາມ ກໍ່ໄດ້ຮັບການຜັນຂະຫຍາຍຢ່າງສຳເລັດຜົນ, ມີການປ່ຽນແປງໃໝ່ ແລະ ມີຫົວຄິດປະດິດສ້າງ. ຄະນະກຳມະການສັນຕິພາບ ຫວຽດນາມ ສົມທົບກັບທະນາຄານການຄ້າຫຸ້ນສ່ວນການລົງທຶນ ແລະ ພັດທະນາ ຫວຽດນາມ (BIDV) ຈັດຕັ້ງການໂອ້ລົມສົນທະນາກ່ຽວກັບຄວາມຫວັງສັນຕິພາບໃຫ້ແກ່ສະມາຊິກສະຫະພັນຊາວໜຸ່ມກວ່າ 1.500 ຄົນຂອງລະບົບ BIDV ໃນທົ່ວປະເທດ.
ສືບຕໍ່ຍູ້ແຮງການສຶກສາສັນຕິພາບ
ໂດຍປະກອບສ່ວນເຂົ້າໃນແຜນການເຄື່ອນໄຫວ ປີ 2025, ທ່ານ ເຈິນຊ່ວນຮວ່າງ, ກຳມະການສະພາບໍລິຫານທະນາຄານ BIDV, ກຳມະການຄະນະປະທານຄະນະກຳມະການສັນຕິພາບ ຫວຽດນາມ ໃຫ້ຮູ້ວ່າ: ການໂອ້ລົມສົນທະນາກ່ຽວກັບຄວາມຫວັງສັນຕິພາບທີ່ໄດ້ຈັດຂຶ້ນຢູ່ທະນາຄານ BIDV ໄດ້ຮັບການຕີລາຄາສູງໃນການສຶກສາອຸດົມຄະຕິທາງດ້ານການເມືອງ, ຈັນຍາບັນ ແລະ ສ້າງອຸດົມການໃຫ້ແກ່ພະນັກງານໜຸ່ມຕື່ມອີກ. ໂດຍຜ່ານນັ້ນ ກໍ່ຍົກສູງຄວາມຮັບຮູ້ ແລະ ຄວາມຮັບຜິດຊອບກ່ຽວກັບຄວາມສຳຄັນ ແລະ ຄຸນຄ່າຂອງສັນຕິພາບ, ຄວາມເອກະລາດແຫ່ງຊາດ, ປະກອບສ່ວນສ້າງສາ, ປົກປັກຮັກສາປະເທດຊາດ ແລະ ສ້າງໂລກແຫ່ງສັນຕິພາບ, ຍຸຕິທຳ ແລະ ພັດທະນາແບບຍືນຍົງ.
 |
| ທ່ານ ເຈິນຊ່ວນຮວ່າງ, ກຳມະການສະພາບໍລິຫານທະນາຄານ BIDV, ກຳມະການຄະນະປະທານຄະນະກຳມະການສັນຕິພາບ ຫວຽດນາມ. |
ທ່ານ ເຈິນຊ່ວນຮວ່າງ ປາດຖະໜາວ່າ ໃນໄລຍະຈະມາເຖິງ, ຄະນະກຳມະການສັນຕິພາບ ຫວຽດນາມ ຈະສືບຕໍ່ຈັດຕັ້ງບັນດາການເຄື່ອນໄຫວທີ່ຄ້າຍຄືກັນ ບໍ່ພຽງແຕ່ຢູ່ BIDV ເທົ່ານັ້ນ ຫາກຍັງຢູ່ບັນດາວິສາຫະກິດໃຫຍ່ອື່ນໆ. ຄຽງຂ້າງນັ້ນ, ຍັງໄດ້ຍູ້ແຮງວຽກງານສື່ມ່ວນຊົນກ່ອນ, ໃນ ແລະ ພາຍຫຼັງການຈັດງານ ເພື່ອໂຄສະນາໃຫ້ຊາວໜຸ່ມໄດ້ເຂົ້າໃຈ ແລະ ເຂົ້າຮ່ວມບັນດາການເຄື່ອນໄຫວສັນຕິພາບ, ຄວາມສາມັກຄີ ແລະ ມິດຕະພາບຂອງຊາດ.
ຕາມທ່ານ ຮວ່າງງອກຮ່າ, ກຳມະການຄະນະປະທານຄະນະກຳມະການສັນຕິພາບ ຫວຽດນາມ ແລ້ວ, ໂດຍມຸ່ງໄປເຖິງການສະເຫຼີມສະຫຼອງ 75 ປີແຫ່ງວັນສ້າງຕັ້ງຄະນະກຳມະການສັນຕິພາບ ຫວຽດນາມ ໃນປີ 2025, ຄະນະກຳມະການສັນຕິພາບ ຫວຽດນາມ ອາດຈະຈັດຕັ້ງການແຂ່ງຂັນສໍາລັບເດັກນ້ອຍ, ນັກຮຽນ ແລະ ນັກສຶກສາຮຽນຮູ້ກ່ຽວກັບຄວາມສັນຕິພາບ; ເຮັດຮູບເງົາເອກະສານແນະນຳກ່ຽວກັບຄະນະກຳມະການສັນຕິພາບ ຫວຽດນາມ, ກ່ຽວກັບບົດບາດຂອງປະທານ ໂຮ່ຈີມິນ ກັບຄະນະກຳມະການສັນຕິພາບ ຫວຽດນາມ, ແນະນຳ ຫວຽດນາມ ເປັນສະມາຊິກຜູ້ກໍ່ຕັ້ງສະພາສັນຕິພາບໂລກ...
 |
| ທ່ານປະທານຄະນະກຳມະການສັນຕິພາບ ຫວຽດນາມ ອວງຈູລືວ ໄດ້ມອບໃບຍ້ອງຍໍໃຫ້ບັນດາຜູ້ມີຜົນງານດີເດັ່ນໃນປີ 2024. |
ກ່າວຄຳປາໄສສະຫຼຸບກອງປະຊຸມ, ທ່ານ ອວງຈູລືວ, ອະດີດກຳມະການສູນກາງພັກ, ອະດີດຮອງປະທານສະພາແຫ່ງຊາດ, ປະທານຄະນະກຳມະການສັນຕິພາບ ຫວຽດນາມ ໄດ້ຕີລາຄາສູງບັນດາຄຳເຫັນທີ່ຈິງໃຈ ແລະ ແທດຈິງຂອງບັນດາຜູ້ແທນ. ທ່ານ ອວງຈູລືວ ຖືວ່າ: ໃນປີ 2025, ຄະນະກຳມະການສັນຕິພາບ ຫວຽດນາມ ຕ້ອງສືບຕໍ່ເຂົ້າຮ່ວມຢ່າງຕັ້ງໜ້າ, ເປັນເຈົ້າການປະກອບສ່ວນ, ສະແດງບົດບາດຂອງຕົນໃນບັນດາເວທີປາໄສ ແລະ ກົນໄກປະຊາຊົນຫຼາຍຝ່າຍ.
ພ້ອມກັນນັ້ນ, ກໍ່ສືບຕໍ່ຜັນຂະຫຍາຍ, ປະຕິບັດທັງດ້ານເນື້ອໃນ ແລະ ຮູບແບບການເຄື່ອນໄຫວໃນຂອບໂຄງການ “ສຶກສາສັນຕິພາບ” ຢ່າງມີປະສິດທິຜົນ ແລະ ມີຄວາມຫຼາກຫຼາຍ. ຊຸກຍູ້ວຽກງານໂຄສະນາ-ເຜີຍແຜ່ ແລະ ການສຶກສາສັນຕິພາບໃຫ້ປະຊາຊົນທຸກຊັ້ນວັນນະ, ພິເສດແມ່ນຊາວໜຸ່ມ, ຍົກສູງຄຸນນະພາບຂອງໜ້າເວບຄະນະກຳມະການສັນຕິພາບ ຫວຽດນາມ, ຈັດຕັ້ງບັນດາການເຄື່ອນໄຫວສະເຫຼີມສະຫຼອງ 75 ປີແຫ່ງວັນສ້າງຕັ້ງຄະນະກຳມະການສັນຕິພາບ ຫວຽດນາມ.
 | ຫວຽດນາມ ໄດ້ຮັບການເລືອກຕັ້ງເປັນສະມາຊິກສະພາສິດທິມະນຸດ ສປຊ ອາຍຸການ 2023 – 2025 ຍສໝ - ທ່ານຮອງລັດຖະມົນຕີ ໂດະຮຸ່ງຫວຽດ, ຫົວໜ້າຄະນະວຽກງານ ຢືນຢັນວ່າ ຫວຽດນາມ ໄດ້ຮັບເລືອກຕັ້ງເຂົ້າເປັນສະມາຊິກສະພາສິດທິມະນຸດສະຫະປະຊາຊາດ ອາຍຸການ 2023-2025 ແມ່ນຜົນສຳເລັດອັນໃຫຍ່ຫຼວງຂອງວຽກງານການຕ່າງປະເທດຫຼາຍຝ່າຍ, ປະກອບສ່ວນຊຸກຍູ້ການພົວພັນຕ່າງປະເທດ, ນະໂຍບາຍຊຸກຍູ້ ແລະ ຍົກສູງລະດັບການພົວພັນທາງການທູດຫຼາຍຝ່າຍ ຂອງກອງປະຊຸມໃຫຍ່ຄັ້ງທີ 13 ຂອງພັກ ແລະ ທິດທາງທີ 25 ຂອງຄະນະເລຂາທິການ. |
 | ຊຸກຍູ້ການຮ່ວມມືລະຫວ່າງຄະນະກຳມະການສັນຕິພາບຫວຽດນາມ ແລະ ຄະນະກຳມະການສັນຕິພາບ ແລະ ສາມັກຄີລາວ ຍສໝ - ການຊ່ວຍເຫຼືອເຊິ່ງກັນ ແລະ ກັນໃນການເຄື່ອນໄຫວການທູດປະຊາຊົນຫຼາຍຝ່າຍ; ເພີ່ມທະວີການແລກປ່ຽນຂໍ້ມູນຂ່າວສານກ່ຽວກັບສະພາບການຂອງສອງປະເທດ, ພາກພື້ນ, ສາກົນ ແລະ 2 ຄະນະກຳມະການ; ໜູນຊ່ວຍການຝຶກອົບຮົມ, ຍົກສູງລະດັບວິຊາສະເພາະໃຫ້ແກ່ພະນັກງານທີ່ເຮັດວຽກງານການທູດປະຊາຊົນ... ນີ້ແມ່ນບາງເນື້ອໃນຂອງທິດທາງການຮ່ວມມື ລະຫວ່າງຄະນະກຳມະການສັນຕິພາບຫວຽດນາມ ແລະ ຄະນະກຳມະການສັນຕິພາບ ແລະ ສາມັກຄີລາວ. |
ມິງດຶກ
