| ຍົກສູງຖານະ ແລະ ບົດບາດຂອງຄະນະກຳມະການສາມັກຄີກາໂຕລິກແຕ່ລະຂັ້ນ | |
| ຫວຽດນາມ ສະແດງຄວາມຊົມເຊີຍກອງປະຊຸມໃຫຍ່ທົ່ວປະເທດຂອງແນວລາວສ້າງຊາດ ໄດ້ປະສົບຜົນສໍາເລັດຢ່າງຈົບງາມ |
ໃນຕອນບ່າຍວັນທີ 27 ມິຖຸນາ, ທ່ານນາງ ຫງວຽນທິຕວ້ຽນ ກໍາມະການສູນກາງພັກ, ຮອງເລຂາຄະນະພັກນະຄອນ ຮ່າໂນ້ຍ ໄດ້ໃຫ້ການຕ້ອນຮັບຄະນະຜູ້ແທນແນວລາວສ້າງຊາດ ນະຄອນຫຼວງວຽງຈັນ, ໂດຍທ່ານຖະໜອມ ທຳທອງ - ກໍາມະການສູນກາງແນວລາວສ້າງຊາດ, ຄະນະປະຈໍາພັກນະຄອນຫຼວງວຽງຈັນ, ປະທານແນວລາວສ້າງຊາດ ນະຄອນຫຼວງວຽງຈັນ ໄດ້ນຳພາຄະນະໄປເຄື່ອນໄຫວຢ້ຽມຢາມ ແລະ ເຮັດວຽກຢູ່ນະຄອນຫຼວງຮ່າໂນ້ຍ.
ເຂົ້າຮ່ວມກອງປະຊຸມມີ ທ່ານນາງ ຫງວຽນລານເຮືອງ, ປະທານຄະນະກຳມະການແນວໂຮມປະເທດຊາດ ຫວຽດນາມ ນະຄອນຮ່າໂນ້ຍ.
 |
ທີ່ການພົບປະ, ທ່ານນາງ ຫງວຽນທິຕວ້ຽນ ໄດ້ຝາກຄຳຢື້ຢາມຂອງ ທ່ານກຳມະການກົມການເມືອງ, ເລຂາຄະນະພັກນະຄອນ ດີງຕຽນຢູງ ມາຍັງຄະນະ. ພ້ອມກັນນັ້ນ ກໍ່ໄດ້ສະແດງຄວາມຍິນດີຕ້ອນຮັບຄະນະທີ່ມາຢ້ຽມຢາມ ແລະ ເຮັດວຽກຢູ່ນະຄອນຫຼວງຮ່າໂນ້ຍ.
ທ່ານນາງ ຫງວຽນທິຕວ້ຽນ ໃຫ້ຮູ້ວ່າ: ການຢ້ຽມຢາມຂອງຄະນະແນວລາວສ້າງຊາດຄັ້ງນີ້ ດຳເນີນໄປໃນສະພາບທີ່ 2 ປະເທດຫາກໍ່ດຳເນີນປີສາມັກຄີ - ມິດຕະພາບ, ສະເຫຼີມສະຫຼອງ 60 ປີແຫ່ງວັນສ້າງຕັ້ງການພົວພັນທາງການທູດ ແລະ 45 ປີແຫ່ງວັນເຊັນສົນທິສັນຍາມິດຕະພາບ, ການຮ່ວມມືລະຫວ່າງ ຫວຽດນາມ - ລາວ ໄດ້ປະສົບຜົນສຳເລັດຢ່າງຈົບງາມ ດ້ວຍຫຼາຍການເຄື່ອນໄຫວຮ່ວມມືທີ່ຟົດຟື້ນ ແລະ ເຕັມໄປດ້ວຍຄວາມໝາຍ.
ຕາງໜ້າໃຫ້ຄະນະຜູ້ແທນສູນກາງແນວລາວສ້າງຊາດ ນະຄອນຫຼວງວຽງຈັນ, ທ່ານ ຖະໜອມ ທຳທອງ ໄດ້ສະແດງຄວາມຂອບໃຈຕໍ່ນ້ຳໃຈໄມຕີຈີດມິດຕະພາບຂອງການນຳຄະນະພັກນະຄອນຮ່າໂນ້ຍ ທີ່ມີຕໍ່ຄະນະ.
ທ່ານ ຖະໜອມ ທຳທອງ ມີຄວາມປິຕິຊົມຊື່ນຕໍ່ກັບບັນດາຜົນງານພັດທະນາເສດຖະກິດ-ສັງຄົມຂອງນະຄອນຫຼວງຮ່າໂນ້ຍ ໃນຊຸມປີມໍ່ໆມານີ້. ພ້ອມກັນນັ້ນ, ທ່ານ ຖະໜອມ ທາມທອງ ກໍ່ສະແດງຄວາມຍິນດີ ທີ່ໄດ້ເຫັນວ່າ ຄະນະພັກນະຄອນຮ່າໂນ້ຍ ນັບມື້ນັບເພີ່ມທະວີບົດບາດຂອງຄະນະກຳມະການແນວໂຮມປະເທດຊາດ ຫວຽດນາມ ແລະ ຍາມໃດກໍ່ສະແດງໃຫ້ເຫັນຄວາມສົນໃຈຂອງຄະນະພັກໃນບັນຫານີ້ຢ່າງຈະແຈ້ງ.
ເນື່ອງໃນໂອກາດຢ້ຽມຢາມ ແລະ ເຮັດວຽກຢູ່ນະຄອນຫຼວງຮ່າໂນ້ຍ, ທ່ານ ຖະໜອມ ທຳທອງ ປາດຖະໜາວ່າ ໃນວັນທີ 28 ມິຖຸນາ ເມື່ອມີໂອກາດເຮັດວຽກກັບແນວໂຮມປະເທດຊາດ ຫວຽດນາມ ນະຄອນຮ່າໂນ້ຍ ນັ້ນກໍ່ຈະສາມາດແລກປ່ຽນບົດຮຽນໃນວິວັດການດຳເນີນງານ. ພ້ອມກັນນັ້ນ, ໃນໄລຍະຢ້ຽມຢາມ , ທ່ານກໍ່ໄດ້ມີໂອກາດຊອກຮູ້ກ່ຽວກັບການເຄື່ອນໄຫວນີ້ຢູ່ ຮ່າໂນ້ຍ ຕື່ມອີກ.
ຄຳຮຸ່ງ
